點心到 (鴻星大廈)

Open Now

Now Closed

點心長期都係我嘅最愛！呢間點心店好熱門 超多人食～我地兩個人叫左7碟最鐘意係牛柏葉同埋腸粉牛柏葉夠入味爽口牛肉腸夠滑不錯小籠包總共有三隻都係會爆汁燒賣有得揀兩粒同埋四粒正常！雞仔入面有豬皮，雞肉芋頭同埋蟹柳仲叫咗一個蒸雞飯 用荷葉包住最特別係鯪魚球 原來係炸 總共有六粒超級多！茶介$5一位 #香港美食 #香港好去處 #甜品控 #拍拖👫#打卡#香港#景點#打卡熱點#香港好去處#打卡#cafe#生活#小記錄#隨心一拍#相機先食#美食 #隱世cafe #hkcoffeeshop #hkbar #西式餐廳 #foodiehk #hkig #hkgirl #食好西 #西餐 #餐廳

油尖旺一帶出名多酒樓、點心鋪頭，新試呢間「點心到」位於油麻地站C出口斜對面，鬧市中心，平日繁忙時間排曬長隊。點心選擇唔算太多，一坐底就自動揀左飲咩茶，連壺上，唔似平時酒樓開咩壺茶。上菜速度偏慢，上完一碟先到另一碟，啱曬大家一邊打牙骹一邊等食。勝在價錢合理，多數$20～30幾一樣，正常價錢，份量適中，部分點心$20唔洗，都算糧尾飲茶之選。好在唔使收加一，性價比高，食物質素整體唔錯。甜品方面有特色榴連雪媚娘，中意食榴連嘅朋友一定唔好錯過～ 榴連味極濃，飲完茶以此作結真心唔錯，值得一試。

-食物: 餐廳是新派速食版的茶樓，用app落單，餐牌差唔多，所以由朝到晚都可以食到點心。欖仁榴連酥 ($30):榴連味適中，唔會太濃味難到唔食的人！外皮酥脆！沙律明蝦角($28): 沙律醬加滿滿的蝦肉，再用餃子皮包住！鐘意食蝦的人一定好鐘意。金沙脆皮銀蘿腸($28): 貪得意，未食過，所以點左。用左薄薄的油炸鬼皮包住細細的蘿蔔粒。外軟，中脆，內甜，好新奇！黑蒜螺片燉肉排湯($38): 黑蒜味重，湯裡面有一兩塊螺片和燉肉。其餘仲點左，蝦餃($16)，燒賣($15)，流沙包($25)，大至都唔錯。環境: 座位雖然冇酒樓咁寬闊，但店員都盡量按人數安排合適的座位，務求令每位客人都坐得舒適。幾適合晚上突然想食點心的人士。

我唔講呢間嘢食掂唔掂，你lm，一個一歲bb都收茶位費？你屋企咁缺錢？個啊姐都幾poor guy喔。我以為寫錯，特意問下，點解會收4個人茶位，你lm竟然同我講按人頭收錢？一歲bb都收個茶位費，我真是費事嘈，我食咗佢。但是我事後唔記得去消委會投訴，唔緊要，但是我都會係呢度講返，大家唔好帶bb去啦，按人頭收茶位啊，唔食都收。

最近好鍾意呢一種全日嘅點心餐廳 晚上都可以食到點心 我好鍾意呢一間全日點心餐廳近地鐵站係地舖嚟 嘅非常方便而且價位一啲都唔高所以可以keep住幫襯 點心menu 非常之多 keep住有新鮮感而且啲嘢食好好味 又經濟 所以我一直都好支持今日點咗蝦餃兩粒 好多蝦肉好新鮮 keep住有水準 黑松露菜苗 入面啲蝦好新鮮 夾咗黑松露真係好高級春捲 我不嬲都好鍾意食春捲 呢度外脆 裏面啲蝦肉餡好新鮮 燒汁釀茄子 小食 炸得好香 香茜牛肉腸 分量好多 腸粉好滑 楊枝甘露 配料有好多芒果同埋西柚 大量生果 好下火 皮蛋瘦肉粥 好大碗有好足料呢度上菜速度快 裝修新穎 好抵食

好想食點心，來到點心到油麻地分店，店舖光猛，坐位闊落，見到有位，嗱嗱聲入坐😄落單係掃QR Code ，點心上枱時熱辣辣👍🥢沙律明蝦角$28🥟非常香脆，內餡蝦肉🦐彈牙扎實😍🥢懷舊鵪鶉蛋燒賣$26唔係度度有得食，質素唔錯🥢香煎蘿蔔糕$20一碟有5件，有蘿蔔粒粒，軟綿綿，有驚喜。🥢蝦餃(2粒)$16🥢燒賣(2粒)$15🥢蜜汁叉燒腸$25🥢四寶滑雞扎$30🥢濃湯鮮竹卷$19茶位/$5位

“晶瑩鮮蝦餃(2粒)”($16)“原隻蝦燒賣(2粒)”($15)“沙律明蝦角”($28)“鮮竹牛肉球”($21)“黑金流沙包/蜜汁叉燒腸”($25)“籠仔煎蛋牛肉飯”($35)“奶茶”($18)宜家多咗好多點心專門店岩哂我呢啲鍾意夜晚食點心嘅人😝今次嚟到呢間喺油麻地嘅點心到裝修十分新派而且好開揚光猛入座後用qrcode落單夠哂方便😚食點心就一定要點蝦餃同燒賣呢道最正嘅係可以揀4粒/2粒2個人嚟食就可以留quota食其他點心😛另外點咗牛肉球,叉燒腸,流沙包全部點心味表現都十分正常😋絕對對得住個價錢☺️特別推介沙律明蝦角炸到金黃香脆,入面係滿滿嘅蝦肉🦐除咗點心呢道都有籠仔蒸飯可以點我地就叫咗籠仔煎蛋牛肉飯🐮大大一籠飯食完夠哂飽肚見唔少人嚟自己食一籠,三十幾蚊埋單超抵飲品方面點咗杯奶茶茶味幾香濃又唔錯喎😚

同長輩食點心決定去食新派d 嘅點心點心到好有人氣食飯時間都有人排隊入面嘅環境乾淨亦可以用QR Code 落單最後食飽飽埋單都係大概$80一個人 又沒有加一好抵食呀😍✨燒賣（4粒）$30熱騰騰的燒賣入面嘅蝦大大隻豐富多汁堪稱經典點心之一價格實惠又美味😚✨黑金流沙包$25黑金流沙包外形獨特流沙餡順滑細膩甜度適中😝✨蜜汁叉燒腸$25蜜汁叉燒腸色澤誘人肉質鮮嫩多汁🥳✨金沙脆皮銀蘿腸$28腸粉入面加上脆皮入面仲有白蘿蔔配撘有趣亦非常得宜🫶✨黑松露菜苗餃$27餃子皮薄而有彈性內餡則是以新鮮的菜苗為主搭配了黑松露的獨特香氣係健康之選🤩✨楊枝甘露$20滑嫩的芒果肉配上清香的椰汁外觀色彩繽紛吃起來爽口醇厚😋 🍴點心到📍油麻地彌敦道484號鴻星大廈地下📞52628465

我好鍾意飲茶，今日又好想食點心，又會諗起食「點心到」，小店一向點心出色，價錢相宜，任何時間都係人氣爆滿，最近又喺油麻地開咗新分店，最近我屋企好方便👍🏻👍🏻✨燒賣（2粒) $ 15我的最愛，大大粒蝦肉配上爽口，半肥瘦豬肉餡，新鮮好味，係佢哋嘅必食推介✨沙律明蝦角 $ 28估唔到咁大隻，外皮炸得好香脆，包住足足有3大隻鮮蝦，配合蝦膠，蝦味超濃，爽口又彈牙，沾上沙律醬更滋味✨鮮竹牛肉球 $ 21牛肉球結實彈牙有咬口，最鍾意佢呢個牛肉球都幾多芫荽，飲茶我一定會食嘅一個點心✨蜜汁叉燒包 $ 20包皮軟熟，叉燒肉質豐膄，入口鮮嫩多汁，最傳統嘅飲茶美食✨燒汁釀虎皮椒 $ 24清甜嘅紅椒青椒各兩件，釀住鯪魚肉煎香，加上甜豉油一齊食，少少辣，香口又惹味✨香煎蘿白糕 $ 20蘿蔔糕面層煎得帶點焦脆，粉漿和蘿蔔比例剛好，口感帶有絲絲蘿蔔，味道清甜，軟綿綿，好味道✨籠仔鳳爪排骨飯 $ 35 呢個飯好大份，足足有兩碗飯，用荷葉放底，鳳爪排骨好入味，蒸飯好軟熟，而且飯吸哂肉汁，再加埋甜豉油，好味道，幾飽都可以食得晒

今日簡單去左油麻地點心到食野啊～最正就係夜晚仲有即叫即做即煎即蒸點心，而且價錢唔貴，十幾蚊起已經有交易。-先叫開胃小點蜆芥鯪魚肉吧～即叫即炸，炸得金黃，食落彈牙又唔腥。-燒汁釀茄子都好好食，外脆內軟。配魚肉簡直一流。-豉椒蒸排骨份量好多啊，最重要無咩雪味，簡單蒜蓉豉椒已經好好食。-黑金流沙包大推鎮店名物，流沙咸甜有序，包身軟熟，果然吸引。-潮州粉果-螺片滑雞粥---金沙脆皮銀蘿腸十分推薦埋金沙脆皮銀蘿腸，腸粉外軟有米香，蘿蔔絲酥卷香酥帶脆，整體好好食啊～-想飽可以叫農籠仔雞煎蛋牛肉飯原來好大籠牛肉好大塊鋪滿飯面，食落彈牙嫰滑，配隻半流心煎蛋，simple is the best.

點心小店興起，有時無預太多時間去飲茶，但點心癮起，即叫即蒸點心小店正好滿足胃口，精緻得黎又飽肚。油麻地點心到，店舖都算幾大， 街坊生意，有南北煎炸美點，也有各款即叫即蒸，仲有燉湯同大大籠蒸飯， 好多選擇。-原隻蝦燒賣燒賣傳統豬肉燒賣，蝦仁夠大隻，豬肉香口彈牙。-晶瑩鮮蝦餃 即叫即蒸蝦餃鮮爽彈牙。-黑松露菜苗餃--蜜汁叉燒包內餡蜜汁叉燒鮮甜， 包包都好軟熟。-籠仔金針雲耳雞飯餡料豐富，飯底蒸得軟軟糯糯夠入味，大大籠好抵食，用荷葉放底，飯吸哂雞肉同金針香，好好食。-蒜蓉蒸排骨--鮮蝦腐皮卷即叫即炸金金黃黃，咬落皮脆之餘蝦仁都好彈牙，十分推薦。-金沙脆皮銀蘿腸--楊枝甘露香香酸酸不過甜，小小一碗作為ending夠滿足了🥰 

◐ 全日超抵食點心｜小菜分店同樣出色「點心到」小菜已經回訪幾次最近開左分店淨做點心環境舒服好岩2-4 人一檯家常點心做得好食又唔貴好多人食一籠蒸飯+ 燉湯家常便飯一樣🫧🫧🫧🫧🫧🫧🫧🫧金沙脆皮銀蘿腸$28黑松露菜苗餃$27🎖️燒汁釀虎皮椒$24🎖️黑金流沙包$25香煎蘿白糕5 件 $20🎖️燒賣（4粒）$30🎖️沙律明蝦角$28🎖️楊枝甘露$20🫧🫧🫧🫧🫧🫧🫧🫧⎊ ⎊ ⎊ ⎊ ⎊ ⎊ ⎊ ⎊ ⎊ ⎊ ⎊ ⎊ ⎊ ⎊ ⎊ ⎊ ⎊ ⎊ ⎊ ⎊ ⎊ ⎊ ⎊ ⎊ ⎊

小編時不時都會想食點心🫶🏻但成日都趕唔切飲早茶 下午茶又拎唔到位🥺所以通常會去啲點心專門店～今次小編去咗油麻地飲夜茶 價錢都算親民✋🏻推介俾大家❤️📍燒賣($30）有隻蝦仁係燒賣上面 賣相唔錯✨豬肉調味剛好 有咬口 都係必叫點心之一🫶🏻📍蝦餃($16)呢間餐廳可以2粒2粒叫 非常好🙌🏻入面隻蝦都幾大隻 + 彈牙 一口size 皮未到好薄但蝦真係好食👅📍黑金流沙包($25）小編最愛‼️去到邊都叫一定 一定要趁熱食🔥 入面真係流沙又爆餡 蛋黃味重👍🏻咁多款點心入面最邪惡😈📍蜜汁叉燒腸($25）入面叉燒都幾多 豉油偏甜腸粉皮算薄 仲加咗少少香葱小編覺得都算抵食～📍黑松露菜苗餃($27)小驚喜😍估唔到入面有原隻蝦🍤反而菜苗比較少… 感覺比較似蝦餃加黑松露 但味道不錯👍🏻📍五香鹹水角($20）上枱熱辣辣好好味😋 外脆但皮少厚 入面材料都多～但係食完有啲黐牙🤣————————————————————味道😋：7/10抵食🥳：7/10環境🥂：7/10

一向大多去酒樓一盅兩件，因喜歡食點心。今日特地去了油麻地一間以食點心為主的餐廳，以香港製造和即叫即蒸為主。餐廳地方不太大，但兩邊全是卡位，排列整潔，感覺舒適。我點了：蝦餃-2粒皮薄蝦肉彈牙燒賣-2粒配原隻蝦在面，夾埋豬肉的燒賣食很夾金沙脆皮銀蘿腸粉腸粉皮很薄，包著香脆片，再有蘿蔔，很有口感。黑松露菜苗餃黑松露味濃濃湯鮮竹卷湯底清甜還有杞子，鮮竹卷餡料有冬瓜粒，很清爽。欖仁榴槤酥這點心製作要30分鐘，一出來道熱辣辣，很香榴槤香味，也不太甜。沙參玉竹燉土雞湯非常足的湯料，湯味濃郁，飲了不口渴冇味精。

之前在旺角食過一次點心到mix大排檔覺得佢地嘅質素都唔錯所以今次在油麻地見到點心到嘅分店好快入咗去食啦坐位在同女點心餐廳嚟講都算幾企理我哋安排卡位都坐得幾舒適點心嘅選擇都相當多我哋都揀咗啲比較出名嘅來試黑金流沙包麵包一撕開有滿滿嘅奶黃流沙好有滿足感黃金蝦角相當足料，有滿滿嘅蝦肉外皮亦都炸得好鬆脆鳳爪鳳爪煮得非常入味而且都炆得好林食起上嚟真係唔錯雞扎有雞肉芋頭蟹柳同腐竹等等雞肉食起來相當嫩滑芋頭亦炆得入味糯米雞相當有驚喜嘅菜式因為好大隻好足料入邊仲有大大嚿雞肉同叉燒十分有滿足感總結呢間點心舖嘅出品都幾唔錯佢仲有啲籠仔飯都幾特別下次會搵機會試下