點一龍 (如心廣場一期)

Open Now

Now Closed

The portions for Dim sum dishes are very small. A little egg tart costs $35. Shrimp dumplings taste weird and full of steam water..Disappointed visit after the social distancing rule is uplifted.. I guess its skillful chefs were let go so the quality has dropped significantly.

如果鍾意食點心又食得多，呢間真係真心推介，因為平時食一籠蝦餃燒賣都要30幾蚊，而家唔使$200任你食到毆，蝦餃仲要係好食嗰種，唔係食過一次幾次都係咁正，一隻蝦餃包左幾隻蝦爽口彈牙，唔係撞彩，其他都可以，一坐低就送咗燕窩蛋撻同瑞士汁雞翼每人一件限定，食過幾次瑞士汁雞翼除咗有顏色，完全冇乜味道，可以唔使食唔好晒quota，其餘大致上都幾好

父親節一家大細黎點一龍飲茶～ 好彩book定枱，全場滿座，但人手略嫌不足，見到啲樓面做到唔停手，忙到甩轆～ 蛋煎糯米雞個人覺得幾好食，幾香口，鍾意糯米雞的可試～ 避風塘糯米蟹麻麻地～真係純影相打卡，個糯米蟹其實即係麵粉包糯米，但啲麵粉太厚，所以麻麻地～唔推介～ 龍蝦湯三皇餃啲龍蝦湯幾好飲～幾鮮甜，值得一試！翠翡石班蒸餃絕對要趁熱食，攤凍咗有啲腥～原隻鮑魚雞粒酥（$55 件）老老實實$55隻仲要加一有啲貴，個人覺得過咸，不過不失～ 養顏燕窩蛋撻（$35 件）$35細細件都係略嫌貴，但幾好食～值得一試～當紅炸子雞（半隻）攤凍咗先黎，唔夠熱嘅炸子雞，雞皮唔夠脆，蝦片都唔夠脆⋯麻麻地，唔推介～ 水煮鴛鴦魚夠辣，個汁勁想拎黎撈飯，不過份量真係太少，85%都係芽菜⋯⋯鴛鴦魚係講緊魚塊同魷魚，入面仲有啲豆卜，啲豆卜索哂啲汁就好正！ 整體黎講，單點CP值唔高，略嫌貴同埋份量太少～同埋可能撞正父親節太多客，而人手不足，所以啲野食黎到都攤凍哂唔夠熱。不過環境都ok。有機會都會想黎試下個點心放題，感覺會抵食啲～

點心放題 HKD188 (另加一)日式放題、火鍋放題就食得多，今次試下點心放題啦，平日愈多人嚟仲會有折添！.一坐低店員就送上豉油雞翼同燕窩蛋撻，叫點心放題就會送㗎啦。豉油雞翼色水夠，但食落就未夠入味。燕窩蛋撻的的骰骰，迷你得嚟都幾足料，一大啖燕窩係蛋撻上面，蛋撻係👨🏽‍🦱👩🏻鍾意嘅牛油皮。.我哋都係叫啲大路嘢，好似海蝦脆春卷、瑤柱鮮蝦菜苗餃、香煎蘿蔔糕等等。當中比較有印象嘅可以同大家分享下：.蛋煎糯米雞 - 岀面好少見，但味道唔算特別，中規中矩.豉油皇炒腸粉 - 同字面上一樣，只得腸粉😐，無特別都應該係佢嘅特別之處.斑蘭欖仁馬拉糕🥧 - 👨🏽‍🦱覺得幾有斑蘭味，食落清香，幾特別，可以一試.小黃瓜紅油抄手 - 抄手嘅皮有啲厚，麻麻哋.黑蟹子小籠包 - 爆汁小籠包，我哋仲encore咗一籠🤤.金黃鮮肉窩貼 - 好大隻，煎得好香脆，但我哋食到尾聲先上🤰🏻.薑蔥牛柏葉 - 好味，夾埋薑蔥味其實幾消滯.其實仲有鮮蝦雲吞麵、鳳爪排骨蒸飯、雪影金腿叉燒包(依個好似幾吸引)、腸粉、甜品(有楊枝甘露！)等。但我哋食咗十幾個點心已經飽晒，其他就留俾大家去試啦。點心選擇唔算多同特別，睇返價錢，一個單點點心都

一直都想食點心專門店，今次係荃灣見到一間，所以就揀咗日子過嚟食因為驚多人，所以提早訂咗位點心味道不過不失，因為放題選擇唔多，如果點齊嘅話都可以食到飽不過其中一樣小籠包就差啲，因為塊皮口感麻麻，好似未熟咁，但明明裡面啲饀係熟嘅不過因為樣樣都想試，所以點多咗，結果飽得滯食唔到最想食嘅黑芝麻卷添下次有機會再食嘅話一定要補返

由於疫症關係我已經好耐冇飲茶實在太掛住燒賣蝦餃啦經過荃灣嘅點一龍就入咗去食原來有點心放題，188元一位，價錢尚合理點心非常之有驚喜每一味都好有水準特別推介春卷/咖喱魷魚魚蛋/芝麻卷，仲有送既瑞士雞翼燕窩蛋撻都好好食！自問係大胃王嘅朋友一定要過嚟試吓

第一次食點心放題就係‘點一籠’，記得當時睇左位YouTuber 介紹又要係荃灣，二話不說第二日就book位食6:30pm,2位用2小時任食仲有8折！入坐時每位送一隻滷水雞翼（非常一般）+一個燕窩蛋撻，燕窩勁多但感覺只係放上面，普通蛋撻。叫左十幾樣點心有D都幾特別，‘雪影金腿叉燒包’表面沈左啲砂糖同叉燒餡都幾夾腸粉皮好薄做到晶瑩剔透蝦餃好大粒好有蝦🍤味雞粥煮得好綿有雞味杞子燒賣上面粒杞子好甜，能帶起燒賣豬肉味但個班蘭馬拉糕冇咩班蘭味，失望😓整體黎講食物都高過酒樓水準，有80分🎉🎉

剛好做緊點心3送1，就嚟試下！佢個名叫「點一龍 Dim Sum Bar」，以為係以點心為主啦，點知打開點心紙，以飲茶嚟講，點心選擇唔係好多，反而有好大部分係小菜，飯麵粉咁，價錢偏貴，茶錢都偏貴（$18/位），服務好好，環境舒服，嘢食唔係普通酒樓嘢，係有D感覺新奇嘅，但又唔算好好食，好大部分都係正常okay 咁啦，冇咩驚喜，性價比變成相對地比較低，Encore 意欲唔算高！今次一反常態，由中伏之作開始... 😅🤢中伏之作🤢🍴避風塘糯米蟹（$44）呢個真係堅中伏！個樣好得意，打卡唔錯，睇佢英文翻譯話入面有豬肉、雞肉、蟹肉同糯米，好可惜，只係食到成舊糯米，其他咩都食唔到！就係一舊包皮包住糯米整成蟹樣去炸囉！避風塘嘅蒜粒亦都冇咩風味😤😋好味推界😋🍴瑤柱XO醬煙肉脆脆炒飯（$103）呢個係幾好食嘅，好香口，惹味，有少少偏鹹，不過可以接受，炒飯係一粒粒嘅，整得唔錯！🍴原汁原味西瓜糕（$44/2件）呢個係玩味搭夠嘅高分，佢係一個西瓜味嘅布丁，口感似啫喱，放咗落真嘅西瓜皮上面，而且味道都勁似西瓜嘅，再配埋梅粉係得意嘅～🍴脆網皮海皇腸粉（$59）佢個網皮（油炸鬼款）做得好好，真係超脆，呢方面真係好出色，

今晚係荃灣上堂，係附近食個飯先位於荃灣如心廣場既點一龍，之前經過尖沙咀海港城見到都有間分店。今晚同屋企人黎食飯試左好多款野食☺️☺️☺️雪影金腿叉燒包 有三個我係麵包迷平時最鍾意食菠蘿包呢d出面有層皮既包外邊脆卜卜甜甜地，裏面熱辣辣😋😋😋好正呀，忍唔住食左兩件 飽飽地😂😂馬蹄甘筍姫松茸湯平時都有用姫松茸煲湯，但會加肉第一次飲素湯，估唔到咁清甜！無肉一樣夠味，下次自己試下煲先。好耐無食煲仔飯一定唔夠大排檔咁有風味㗎喇不過都可以止下癮，唔錯！估唔副甜品都咁多選擇楊枝甘露好有驚喜凍冰冰 唔太甜 簡直正🥳🥳🥳錦鯉桂花糕樣子好可愛一樣唔會過甜完美甜品 正👍🏻

近排疫情回落，身邊朋友都蠢蠢欲動。今晚唯有拾命陪君子食餐飯聚一聚。餐廳以點心做招牌，同時有各款小菜熱葷。種類花款都幾多，任君選擇。裝修走中國風，一睇就知格調以復古，傳統作賣點。避風塘糯米蟹。外型趣緻，入口酥脆糯米軟腍，雖然乾咗少少但惹味程度足夠彌補。豉汁帶子蒸豆腐。健康菜式不二之選，味道清淡但有豉汁加持，係眾多小菜中為味蕾得以放鬆。瑤柱鮮蝦菜苗餃。菜曲餃餡料豐富，餃皮食落爽口，配埋彈牙鮮蝦，值得再ENCORE。杞子鮮蝦燒賣。燒賣大大粒，蝦肉同豬肉比例啱啱好，當中嘅豬油香令食落更順喉。好食。翡翠石斑蒸餃。大大塊斑塊鋪面，一啖入口都夠晒滿足，魚肉嫰滑一啲都唔腥，北菇紅棗煲仔飯。份量十足夠晒每人一碗。絲苗米粒粒粒分明，吸收咗紅棗及雞汁之後惹味中帶香甜。雖然食完各款點心都接近7成飽，但絕對忍唔到口都要食佢，哈哈。原隻鮑魚雞粒酥。招牌之一嘅鮑魚酥，味道濃郁，雞粒餡料紮實。鮑魚入味鬆軟，好食。可愛小錦鯉。飯得甜點唔會太漏，桂花凍凍地嘅啫喱口感透心涼。燕窩蛋撻。招牌之二食落蛋撻皮鬆化，餡料香甜奶滑，上面鋪滿燕碎，未入口已經覺得滋補養顏。為今餐劃上完滿句號。 飯後大家都馬上戴返口罩，守好規矩，希望疫後

今日放假，兩個人就落樓下搵下野食，收到風如心廣場有間點一龍新開，裝修又幾好，咁就試下啦。坐低左之後就睇下menu啦，都好多特別，但由於兩個人食關係，叫唔到太多款，都係食返d穩陣野算。首先我地點左鐵觀音茶，茶味好甘香，夠濃。晶瑩海蝦餃，遺憾地得三隻，唔知點分，不過有少少失敗就係個蝦餃皮一上枱就穿左，見到d汁係咁流出嚟，食落去蝦係鮮味嘅，同埋好彈牙。都ok。跟住到醬皇蒸鳳爪，個鳳爪都入味，帶微辣，肉質還可以。奶黃流沙包，個包size就真係細左少少，最敗北就係完全無流沙，不過奶黃味都香，e款就唔會再叫啦！最後就係xo醬煙肉脆脆炒飯，一放上枱就已經香噴噴啦，飯就炒到好乾身，師傅都落左d辣椒乾去炒，幾香口，另外再加上煎到好乾身嘅煙肉，同埋有d菜粒同埋蝦肉，都唔錯，下次會試下佢個點心放題。

第一次食點心放題揀了點一龍一試。任食兩小時放題免茶位，落單上菜速度都好快，D食物夠熱辣辣，個人覺得虾春卷最好食，羅白糕最差無材料粉多，食落就食粉咁，正體食物都好食，

近期屋企人心癢癢想食點心放題於是選擇左點一龍一坐低見到啲碗碟都好欣賞既放題每位贈送燕窩蛋撻同瑞士雞翼對贈送既野一向都無乜期待 但今次蛋撻可以接受喎 起碼曲奇皮仲係脆先雞翼就麻麻地表面都算入味既 但入面就冇咩味道同埋食落似滷水雞翼真正放題黎啦兩個人分別叫左點心雪影金腿叉燒包，海蝦炸春卷，小黃瓜紅油抄手，鮮竹牛肉球，瑤柱鮮蝦菜苗餃，杞子鮮蝦燒賣，晶瑩海蝦餃，醬皇蒸鳳瓜，黑蟹子小籠包粥麵皮蛋瘦肉粥，柱候牛腩麵甜品生磨芝麻小卷，蛋白杏仁茶，楊枝甘露，夏威夷果仁及腰果酥，紅棗桂花糕必定再叫海蝦炸春卷值得再叫杞子鮮蝦燒賣，皮蛋瘦肉粥，柱候牛腩麵，蛋白杏仁茶，夏威夷果仁及腰果酥，紅棗桂花糕其他點心就唯一互補不足既係點心都夠熱 食物就麻麻地 但服務值得讚下我留意到細心位 侍應將點心都集中放係中間 原來怕蒸氣攻到我地 同埋收啲籠同碟係超快速 完全唔需要叫佢地至於值唔值得試就見仁見智啦

食點心又得食小菜又得 得左。鍾意食點心最好無時間限制依家周圍都有點心專門店就最岩我但要好食環境好又有其他食物供應我就搵到一間😍點一龍 位於荃灣如心廣場尖沙咀海港城都有分店介紹幾樣我最鍾意▫️雪影金腿叉燒包$36太可愛喇 麵包迷必食平時鍾意食墨西哥包抗拒唔到。馬蹄甘筍姫松茸湯(素)$55最鍾意飲湯🤗素湯一樣夠味清甜又唔肥 湯料絕不馬虎當紅炸子雞半隻$145炸得剛剛好 皮脆肉嫩調味比平時酒樓食到既淡少少蝦片伴碟而家好少見啦🤩甜品方面楊枝甘露, 錦鯉桂花糕又好食又涼快woohoo好完美。仲有龍蝦湯蝦餃好想試但係太飽啦 下次再見🦐

價錢方面，$188/位，平日兩個人有九折，四個人有八折，愈多人食愈平！環境方面，一出西鐵站，行五分鐘就到，好方便！餐廳好寬敞，坐得好鬆動服務方面，工作人員收碟速度快速，上菜速度都快我地點既野食，全部都有黎，完全冇出現漏單情況野食方面，雖然只有三十至四十款野食，但已經食到我地飽死，點心全部都係即蒸，非常熱同新鮮！所有食物質素都唔錯，特別推薦有蝦既點心，十分鮮甜，蝦味濃郁特別係蝦餃、菜苗蝦餃、燒賣同春卷另外，流沙包同楊枝甘露都驚喜