沛公甜品 (Closed)

成日返工經過，晚飯後，提議不如試下沛公甜品啦！好彩等位唔算耐，三個人等左五分鐘左右。今次試左三樣甜品！第一樣係呢個榴槤腸粉。首先質地方面，腸粉皮好滑，睇相都睇到滑到反晒光，同埋都唔會太厚。味道方面有好重既椰汁味，個人比較鐘意椰汁類甜品，所以覺得唔錯。入面既榴槤肉可以再多少少，比較多cream，不過榴槤肉都好甜好當造！第二樣就係榴槤千層Pancake，呢個真係佢既皇牌之選呀！入口蛋皮同榴槤肉二合之一，唔會好多cream ，食得出啖啖榴槤肉既香味，同埋就算擺係枱面耐左，蛋皮都唔會林晒，都食到佢既質感。第三樣就食芒果類甜品，調劑一下嘛。上面係由鮮芒果砌成既花瓣，好靚呀，原來都有大size訂購，生日蛋糕又多一個選擇啦。原本以為下面係普通既海棉蛋糕，咁就錯啦！原來係芒果Pancake做底，蛋皮同樣係千層班戟既蛋皮，薄得黎又唔會整到爛晒，入面就係cream同芒果肉，都算係貨真價實，好多芒果肉！一定會再光顧，下次買個大既千層班戟返屋企食先

吃了三次沛公甜品，都是吃千層班戟。有兩次都是友人買給我作下午茶的，友人來來回回買完蛋糕再放好，然後跟我去吃午飯後就送上小蛋糕作驚喜，不吃甜品都甜死我啦~這個芒果味有點微焦，不過班㦸太薄，是吃不到微焦味和口感的。芒果肉算比較多，忌廉結實，喜歡這口感。另一次買的芒果班戟很光滑，味道水準很穩定。最後介紹的是朱古力芝士。因為我喜歡芝士卷蛋，同事便跟我說，沛公也有芝士味忌廉，而且不是時時有，所以我買來一試。不過芝士味不夠香濃，跟原味忌廉差不多。還是其他水果班戟有果肉的好。至於朱古力皮，朱古力味也不突出，反正新顔色，拍照也漂亮。

其實可能是太大期望？芒果千層蛋糕比我想像中仍有一段距離皮也算薄的還算不錯但蛋糕雪得不夠凍 而且cream 的比例似乎過多了好立克布甸不錯味很濃但紅豆卷真心 紅豆太硬……而且外層的卷和裡面的紅豆口感不太夾……真心不太喜歡這個卷

晚餐時遇上不愉快經歷，要改變心情，我相信最好方法是甜品，於是提議另一半到沛公甜品來一個榴槤甜品﹔差不多晚上九時，店內只餘下中央八人檯未有安排，我們坐於貼牆的二人座，開始選定榴槤甜品。好一陣子沒來享用甜品，原來榴槤分為D24及貓山王兩種供選擇，我們選定D24榴槤千層班戟($39)﹔D24榴槤餡料和忌廉拌勻，層層疊疊分明，切開會發現絲絲榴槤肉混入其中﹔其香氣更是先聲奪人，未見其真身，香氣卻早已傳到我們身邊﹔班戟皮金黃透薄，夾著層層榴槤忌廉，入口香濃帶回甘味，一件我倆分享份量剛好，總算為這晚帶來一點甜。

第一次食嗰,味道可以,雖然唔算特別好味,但係有特色,芒果成熟度剛剛好 ,我個人認為如果D CREAM 薄番d,班戟厚番d,味道會更佳 ,這才可以食到芒果味道,現在只食到班戟同cream,芒果味不足,感覺只食緊普通嘅 千層班戟

食左最多人推介既榴蓮千層pancake, 層層榴蓮味cream加上絲絲榴蓮肉幾香，pancake皮好薄，味道OK。本來想叫埋另一個熱賣甜品"心花怒放"，可惜佢地話賣哂未做好!咁就求其揀左第二個又係榴蓮味既椰汁卷，入面榴蓮味淡左D，椰汁卷皮太厚又係無乜味，所以覺得麻麻地喇!

今晚行過沛公甜品見到佢做半價，反正出面買一個細細的貓山王都要幾百蚊，宜家一件貓山王pancake都只係$68，就試吓啦。D cream同貓山王結合一齊，相信已經淡化了durian既味道，但食落仍有非常香甜既味，雖然朋友說味道非常濃烈，但對於喜愛durian既我是覺得味道啱啱好，味道夠哂香。喜愛durian的，請不要錯過貓山王。

沛公甜品其實真係唔算係一間好多人識既連鎖甜品鋪, 但就我而言, 我真係覺得佢係一間頗有質素既甜品鋪。其中佢地最出名最好食既, 首先就要講下胚牙好立克布丁。我諗最貼切既形容就係香滑尼兩個字。味道十分好立克, 唔會好甜, 很細緻, 加上胚芽更是一絕,令味道更濃, 更有口感。芒果千層餅, 不過不失, 但不要太大期待。班戟皮做得的確好薄, 唔會一切就爛, 又多層, 但味道都係普通。蜜瓜紫霞仙子就係酸酸地既, 利賓立咁既味, 沒有特別。紅豆腸粉, 椰汁皮包著紅豆蓉，椰汁皮很滑，味道淡淡的其實椰味不夠濃，紅豆蓉煮得剛好，不太膩和不太甜，食落既有口感而甜度亦適中。總括而言價廉物美, 可以一戰。

突然想起上次到訪香港時的甜品，為食鬼開始肚打鼓記得上次住在尖沙咀加拿芬道一帶，附近美食令我樂而忘返，其中有一天，早餐與宵夜都是沛公的甜品，回澳立即肥幾磅鎮店之寶榴槤班戟果真名不虛傳，半年後依然令我非常懷念，從照片中所見打包回酒店的班戟有一點溶化現象，但依然非常好味。細細塊的榴槤果肉完美混搭於忌廉之中，加上超薄的餅皮層層交織，口感尤佳。芒果班戟同樣十分出色，亦睇得出果肉豐富無偷工減料，但當日芒果微酸。怕酸的朋友可能不感十分滿意。檸檬倒是覺得好吃這頓宵夜最後還有榴槤布丁作結，可能加入榴槤的關係，吃下去質感不會很滑溜，但榴槤味道算是足夠，聞起來就無甚榴槤香味，或者怕榴槤味道者可以一試榴槤布丁。

太太睇到雜誌話想試下沛公.見到D24榴槤千層班戟做特價,當然要試試,個千層Ok,但榴槤味唔夠,可能個cream味太重影響左.之後叫左個芒果千層班戟,芒果味好過榴槤味,不過唔知係咪芒果這時唔是最好,所以唔係太甜,可以嘅.整體唔太驚喜,冇咩特別.

每次晚餐後都有個感覺：「我要食甜品」~在Wing千扭萬扭之後，男友忍不住再一次跟Wing去沛公吃甜品~今次Wing想吃點冷的~ 所以蒲到達沛公甜品，再過一陣子的選擇困難症發作後，Wing就選擇了自己想吃的了~Wing今次選擇了「蜜瓜紫霞仙子」($30)~這個甜品以利賓納、泰國黑珍珠跟西米而成的糖水底。Wing又被門外放得美美的廣告版吸引了~誰知……..我太天真了，竟然相信廣告……..泰國黑珍珠少得很的，而利賓納也淺色得很的= =蜜瓜夠甜的，但利賓納也未免太過淡味吧，好像加了水混和了一樣，淡得很。嗯，這個甜品當晚不太合Wing的心意嚕，事關Wing想要一些較濃味的甜品唷=3=也許這個甜品可留在Wing日後「口淡淡」時再吃吧~這個就是是晚難忘的甜品了~(哈哈，雖說只點了兩個甜品而已=3=)它的名堂為「朱古力冰沙河」($42)，最「驚喜」的地方是它的賣相比相像中的不同，美感這回事就真的見仁見智吧，也許要視乎廚師當晚的心情吧~而甜點中的M&Ms 擔起小小的角色，為這碗黑白的東西帶來點點色彩。而這個甜品有夠冰凍的，正合Wing的口味，而且有夠甜的啦~黑色固體的是朱古力曲奇餅吧，而下面黑色的液體是

新春過後，Wing仍然是停不了的吃，今次終於品嚐得到遠近馳名的沛公甜品千層蛋糕。其實每次Wing都想食的，但每次都因為人太多而放棄等位，最後轉移前往別的甜品店。今次終於一嘗所願了~先來一客芒果千層班戟~Wing最愛的芒果唷，那是近橙色的耶，就是說那是超甜的一種芒果，用這種鮮甜的芒果所製作的甜品實在會不能自拔的愛上~其實初初Wing看到班戟上的忌廉其實真的有點害怕的說，最怕是太漏嘛。幸好，芒果千層班戟裡的芒果跟班戟與忌廉的比例剛好才沒有出現過漏的情況~不錯唷~男友的石板街千層班戟味道濃郁，加上中間的棉花糖，朱古力味搭上棉花糖就是最佳拍擋嘛~從沒有想過這件班戟可以讓Wing如此愛不惜手~一口芒果千層班戟、一口石板街千層班戟，兩種感覺在刺激著味蕾，最最最可幸的是這樣的食法都沒有那種甜到漏的感覺~Wing感受到遠近馳名千層班戟的魔力了，原來真的會一試愛上~下次再去沛公甜品的時候該一定會試試別的口味嚕~

點幾係尖沙咀，想返屋企前食個甜品，就黎左沛公啦，坐到佢收舖。可能阻坐佢收工，服務麻麻。比張poster吸引左。好靚，下面用pancake包住芒果布甸，特別但唔係真係咁好食，芒果唔夠甜。千層班戟冇哂曲奇味，叫左朱古力。pancake好薄，薄得黎又食到，朱古力係dark chocolate，都幾creamy，好食個腸粉有淡淡既椰汁味，幾滑，入面D芒果都係唔夠甜。牛奶布甸，食唔到有味，好後悔叫左⋯⋯最值得食係千層班戟，再黎的話可以試下其他味，其他就有所保留。

同朋友o係附近食完晚飯, 就搵甜品食行行下行到哩度, 見唔洗點等位, 又未食過哩間就黎試下芒果布甸唔錯哩度最出名千層班戟, 我地叫左一個曲奇, 一個朱古力, 不過好似2個都差唔多好好食, 班戟皮好薄, 雪凍左, 有d似食雪糕蛋糕哩6個係一個set, 由上至下, 左至右, 分別係:西瓜馬蹄露蜜瓜利賓立xxx, 味道好古怪楊枝金露芝麻湖, 冇人願意食第2啖杏仁栗子西米露蓮子紅豆沙

與好友晚餐後，時間容許的話，習慣會吃甜品。這次選擇了沛公甜品，餐廳內外已貼了熱門甜品的排名，我們被它的千層班戟吸引，於是我們也點選了其中四款。由於我們很想試不同的榴槤甜品，因此最後決定點了榴盤（榴槤千層班戟、榴槤法式燉蛋、榴槤糯米滋）、而且也點了朱古力皮芝士千層班戟、肧芽好立克鮮奶布甸和心花怒放。可惜，整體來說令我們很失望。先說肧芽好立克鮮奶布甸:味道一般，最重要是吃下去的一刻好像吃好立克鮮奶「魚膠粉」，質感一點也不像布甸。朱古力皮芝士千層班戟:可能只是朱古力皮的關係，朱古力味不突出，而芝士的味道也很淡。榴盤（榴槤千層班戟、榴槤法式燉蛋、榴槤糯米滋）:它是四樣甜品算是最好味的，不過，榴盤的三樣甜品，值得推介的是「榴槤千層班戟」!!!榴槤味夠重，配合一層層薄薄的班戟，十分好味。怪不得它的排名是第一位!!「榴槤法式燉蛋」，不過不失，可惜榴槤味不夠。「榴槤糯米滋」，糯米滋的皮有點厚，但吃得出榴槤味。喜歡吃榴槤甜品的，推介「榴槤千層班戟」。最令人失望的是他們排名的第2位「心花怒放」:外型十分美觀，不知是否不是芒果旺季，芒果十分酸，而芒果下是由班戟包著芒果布甸，可惜的是芒果布甸一點也不好吃，又不