Video
Introduction
售賣港式小吃.,車仔麵及三文治。
continue reading
Opening Hours
Mon - Sun
06:00 - 23:00
Above information is for reference only. Please check details with the restaurant.
看似十分普通的小食外賣店，途經試一試，買了檸檬薏米水，好串及鹵水豬耳。檸檬薏米水像有甜味的檸檬汁，酸味輕微，薏米夠熟透易嚼，味道不錯。好串有特式，有香腸、燒賣、魚蛋、墨魚丸，味道達標。難得有售鹵水豬耳，夠香，肉嫩不肥膩，亦有爽口之感，但多吃會感到有點鹹，但整體而言質素還是很好的。有機會再試其他的！
continue reading
在九龍塘附近, 有些微口痕就在火車站附近找到這小食檔~又唔想食來食去魚旦燒賣, 見到餐牌有鴨腎, 就叫來吃~係一個個, 唔係平時鹵水串咁, 有分大中細不同價錢~我係想要個細, 阿姐話冇, 只有中&大.......... 無奈 , 唯有試試吧~估唔到都幾好味喎~ 鹵得都幾腍, 而且個鹵水唔係得鹹字, 係有少少薑味, 少少似屋企鹵~但價錢唔化算..............
continue reading
係附近做嘢,lunch時間的又一城食肆,總是人山人海,所以把心一橫,走到火車站附近買車仔麵食.我叫咗個三餸車仔麵,本來想要一丁麵,點知"無一丁喎",咁要幼麵囉.雞翼 -- 都有兩隻,味道一般時菜 -- 幾條生菜,都算嫩芝士腸 -- 兩至三條,普普通通湯底 -- 味道ok,加埋少少辣油,不錯三餸車仔麵,$22,仲有一杯唔知係咩既凍飲,份量不算大.
continue reading
早餐...冬天時~會想食熱嘢呢一間~之前都仲好好地...裝修完~好似仲差左腸粉佢可以配好多東西的但輕則$12蚊...重則$20...咁邊有抵到?腸粉若果配燒賣....咁就大件事了佢腸粉在碗底~燒賣在上面~甜醬豉油全在燒賣上...腸粉乜味都冇晒多次叫佢先落醬~都係死都唔肯的...............豉油又少過之前wo.......而且d阿姐太忙...態度近乎惡劣~又多人打尖早上食佢...好易一肚氣奶茶算淡左少少~但可以接受不過牛肉同粉果就....差d啦...有時d粉果~內有大大件肥豬肉呢而甜醬係腸粉的精粹所在佢的甜醬....係酸的............................................................無言..................但比7-11的好一點吧...若果唔係冇乜選擇~同埋嗰朝好肚餓的話一定唔會再食
continue reading
步出火車站，看到旁邊的這家店，再看一看時間，已經是吃午飯的時候了，就上前看看有什麼可充當午餐的。真不可小看這家間，雖然不大，所賣的食物種類倒不少，有三文治、街頭小吃、糯米飯、車仔麵.......車仔麵？中學畢業後都沒機會再吃，這次就吃車仔麵好了。店內有四個女店員，很奇怪有三個都背住顧客不知道在忙什麼，只有一個在招呼客人。我選了紅腸和魚皮餃配油麵，四個店員坐鎮，在我前面只有一位客人，但我等了很久，店員才說沒有魚皮餃，我只好轉要墨魚丸。期間，我只能說感到店員的態度冷漠，一點都不誠懇...... 讓我感到有點不快！其實我對吃的要求真的不算高，但這個車仔麵確實令我大大失望。湯底只有顏色沒有味道，已經是一大敗筆；墨魚丸的口感奇怪，表面一層"林"得一點都不像在吃墨魚丸，裡面口感比較正常，但已經沒有墨魚味，可能是店員老早煮好一直浸著它..... 紅腸不紅，而且有點灰灰的感覺...... 紅腸也可以泡到這樣難看和難吃很少見...... 看到店員給我西蘭花不是其他普通菜，心裡有一點感動，因為我頗喜歡吃西蘭花的，但是...... 又是煮太久的關係嗎？西蘭花都"林"掉了...... 實在沒有辦法把它第二次送入口中，就把它丟在一旁算了唯一可取的是油麵，不是說店員把它煮得很好吃，只是不過不失，可以繼續把它吃完罷了。這次的決定真的很錯，$18的車仔麵，雖然不貴，但質素不應如此.... 吧......對於這家店的車仔麵，我肯定不會吃第二次，但以後可能會試試其他小吃吧
continue reading