Dee 哥潮州私房菜 (Closed)

早排同食友happy hour之後，又來吃潮州私房菜。其實吃了這麼多年，每次來吃都聽見佢話退休，但吃來吃去都仲食緊。是晚與公司的幾個重要人物來吃，一行九人，等我一個，真係唔好意思。呢度照舊的無招牌、無裝修、無排場、無招呼，來吃的都預左。吃什麼不用傷神，因為來來去去都係果幾味，我唯一的要求是要上湯先。胡椒豬肚湯已吩咐落重胡椒，是鮮香夠味。同煲的豬肚亦軟腍好味，也不可以錯過；這裡的煎蠔餅是偏濕一點的，並非新派的炸蠔餅，幾香蛋味亦多蠔在內，算有水準；鹵水鵝仍然大堆頭，當時鵝肉當然比現在的好好多，肉質嫩而不韌。由鵝片到鵝件到鵝什仲有鵝掌翼，加埋豬耳及堆底的炸豆腐，可以一次過滿足好多個願望。鹵水味足，如果這一味都失手的話，也找不到很多理由再摸來吃；川椒雞球幾時都係炸川椒葉好吃過雞塊，微苦帶甜的味道，又夠香口，用來下啤酒最適合，又是給我清了碟；油泡蝦球是另一味上佳下酒菜，蝦球偏向味道多過脆脆的口感，都不錯；沙爹牛肉炒芥蘭是一味考師傅的菜色，要知間舖頭對不對路，吃過這一味可知一二。這裡炒得幾香，芥蘭夠酒味，牛肉沒有經化學品「招呼」過，不錯，略嫌是炒得過熟了一點，不算嫩滑，這裡的沙爹牛肉炒芥蘭，是不錯

朋友介紹，即本上去試試。一試之下發覺好普通。蠔餅：蠔仔好細粒，又少。卥水鴨：須然幾大堆頭，但卥水味淡，豉油味濃，似豉油鵝多過卥水鵝。川椒蝦：ＯＫ，蝦算幾爽，幾大隻。油泡鮮魷：一般檸檬烏頭：一般鹹魚芥藍：芥藍好嫩，好味。反沙芋：炸芋頭塊再沾上沙糖，唔錯。 須然唔算太貴，不過地方簡陋，以咁既價錢，可以有其他更好選擇，況且以私房菜自稱，有Ｄ過譽。個人就推介厚福街既正仁利潮州菜館，價錢唔貴，真才實料又好味。

上個星期有日老闆神神秘秘咁話帶我地去蘭桂芳食潮州私房菜...跟住就帶左我地黎到和安里o既一楝舊樓裡面. 同一般私房菜格局唔同, 呢間無豪裝無表演, 只係一般舊樓裝修, 檯櫈似大排檔, 咁樣反而令我地覺得係真材實料.老闆一早就訂左幾碟餸, 坐左無幾耐就有得食啦...1) 白飯魚煎蛋-- 簡簡單單o既家常菜, 但係反而係我地一眾女同事全餐最激賞o既一碟菜!!!煎蛋脆口, 一d都唔油膩, 調味剛剛好! 酒樓蒸魚碟咁大o既煎蛋係5分鐘內就清碟!2) 卥水鴨-- 卥水做得好, 鴨夠份量, 啖啖肉. 呢個就得到男士o既青睞! 當各男士o係度爭奪鴨片時, 老闆同一位女同事就搶豬耳! 怕肥o既女同事就食墊底o既豆腐.3) 炸中蝦-- 海鮮啦喎, 就當然係較受女同事歡迎啦! 蝦唔算大隻, 但係有鮮味! 4) 炆豬蹄-- 再一次係較受男士歡迎o既一碟菜. 女同事都怕左厚厚o既豬皮, 只敢淺嚐, 大多數時間都係夾墊底o既菜心. 豬蹄調味調得唔錯, 送酒一流, 可惜下晝仲要返工, 各男同事只能輕嘆!5) 炒白菜-- 老闆驚我地女仔投訴無菜食, 所以特登加呢碟. 呢個無乜特別, 只係白菜一碟.6) 炸芋頭--

因為鍾情老店又喜歡試小店，所以私房菜是不多吃，今次純粹是朋友盛意邀請，加上日本朋友亦想試試私房潮州菜，所以星期五晚就摸上來了。呢度位於和安樓，門口掛著一個貿易公司的招牌，單看門面永遠都不會知入面係有野食的。估以前應該係一間公司，不過而家就用了來做私房菜，據聞都做左幾十年的了。裝修欠奉，坐的都是摺櫈。地方不太大，有一個大廳及兩個偏廳，只可以開一張12人大檯，一張十人檯，同一張八人檯，我們幫襯的那晚是全滿。全店只得樓面同廚房兩人，那位樓面阿叔一眼關七，招呼都唔錯。我們七個人，人齊就起菜。我們叫了六菜一湯一甜品，分別是蠔餅、鹵水鵝、炸蝦球、炒鮮魷、蒸鷹倉魚、魚乾炒芥藍，湯是胡椒豬肚粉膠湯，甜品是反沙芋。先來的是一大塊煎蠔餅，雖然用的蠔仔不算大隻，但煎得兩邊乾脆，加上魚露及胡椒粉，口感不俗。吃煎蠔餅至怕吃到濕濕的，又或是一口馬蹄粉的，這裡的做得有水準；鹵水鵝幾大碟，鵝肉軟熟，鹵水入味，這裡的鹵水鵝比坊間的是亳不輸蝕；除了鹵水鵝，亦有幾片豬耳亦是非常出色，炆得入味不韌，但仍保持口感，加上墊底的鹵水豆腐，席間紛紛叫罐藍帶來一路飲一路食。又份量十足，幾個人食左一輪都仲有得食；炸蝦球同炒鮮魷都有蕃茄片