金裝燉奶佬餐廳 (Closed)

因為天氣凍反，諗住入去打反個邊爐順便試下呢間野，但真係唔會有下次，落單期間服務員不停落錯野，要重覆3次比佢聽，我地嗌左兩個牛肉火鍋，6點落單等左半個鐘先有，但成間鋪得兩三枱客。試問一個火鍋點解可以整甘耐，期間我地吹單，一個比較後生嘅服務員仲要用非常差嘅態度回應我地同我哋講因為廚房頭先唔得閒整 身為一間餐廳 竟然可以用吾得閑做藉口？吾得閑就吾洗整，講真你哋唔想整可以同我地講，我地話轉其他野食你地又吾比仲要眼啤啤我地。今時今日甘既服務態度仲要收加一服務費真係吾值，希望你地好好培訓一下員工。

新年流流，見唔係有好多野開舖，燉奶佬冇額外+1，咁就幫襯下個下午茶啦，有好多選擇wo,喇沙雞絲米線。個湯底好香椰子嘅味道，配料有冬菇豆卜。都幾豐富㗎！另外叫咗個一口西多士，懷舊嘅味道令人想一食再食！幫襯下午茶加$10就有一個榨菜肉絲米粉，雖然佢唔係主打，但係因為佢係銀絲米線，加$10就有得食，又真係好抵，而且好彈牙！真係有驚喜！另外叫多咗個瑞士汁雞翼。都好入味，仲好大隻添！最近見佢做緊優惠。每逢幫襯到咗$100，就可以免費揀燉蛋或者燉奶。咁梗係唔放過啦！話晒個名叫燉奶佬！一於就試吓碗燉奶啦！ 食呢啲梗係揀熱食！一嚟到真係好鬼香！2分鐘唔使，一人一匙羹都食晒luuuu!期待下次會想試多啲其他甜品！！

認識燉奶佬時，當時主力賣糖水到之後加左粉麵，到今日轉型為茶餐廳路線，選擇多元化，但有一樣野唔清楚，就係金裝燉奶佬同燉奶佬有乜分別🤔🤔🤔店內裝修似近期坊間大行其道嘅冰室裝。今日選咗個自選湯底米線，仲包熱飲都係$48。1. 香煎雞扒米線喇沙湯底($48)。無諗過轉咗喇沙湯底之後，會有蘿蔔同半隻蛋，見餐牌都無，上枱時有點驚喜雞扒煎得香脆，蘿蔔亦淋無渣，餸菜算多，而喇沙湯底亦有水準奉送熱飲，轉凍飲加$3。

夜晚咩糖水減價，買左三碗，69蚊3碗，三碗中兩碗都系壞既，酸到臭，到底擺左幾多日既剩貨，因為系外賣，所以無奈地反到屋企先知，我系反到屋企即日食用，所以一定系本身已經壞，點解無影相因爲系琴日既事，本身諗住算，吾追究，果陣無打算寫食評，但到今日諗諗下錢又洩左！甘無良心既餐廳令我愈諗愈嬲，做食物俾人真系要講良心，呢個市道吾做好自己，俾壞既食物客人，即系做減價都吾系賣d擺甘多日既貨呀麻？最多兩日都吾應該賣俾人啦，收69蚊？

昨天重陽節又不用去拜山，諗下食乜？路經燉奶佬 見到門口招牌啲嘢食好吸引，好似好好味咁喎 😋於是入去試下。叫咗一個午餐，就係豬扒炸雞髀加餐肉飯要黑椒汁， 配杯凍檸檬薏米水， 可能我本身鍾意黑椒汁，所以覺得特別好味，嗰個豬扒同個雞髀都好好味，豬扒好淋，雞髀冇雪味，餐肉就正常啦， 都用火腿午餐肉唔差㗎， 杯薏米水好味又有檸檬嘅香味，又有薏米食ok呀， 如果加8蚊仲可以有糖水㖭，不過我太飽冇加到，喺店裏面見到其他嘅美食都好似好吸引， 下次一定要去再試下第二啲嘢食先得

已經八點幾諗住係附近搵間餐廳平平哋快手食埋就算。於是見到燉奶佬晚餐都係$59就入咗去。$59嘅晚餐係包湯、沙律、主菜和飲品。仲可以加$8飲品轉做甜品。個湯係羅宋湯。我嗰碗入面有一大嚿牛尾和好多蔬菜，真材實料，味道唔錯。沙律我揀左嗰個係蟹柳絲加生菜加日式芝麻汁，可以想像到的味道，冇需要特別介紹。主菜係焗芝士咖哩雞扒飯。香料味好足，有少少辣，味道正正常常。飲品加左$8轉糖水，係腐竹蓮子桃膠糖水。材料好足，腐竹有啲係煲溶曬，有啲仲食到一片片，食落每啖都好香腐竹味。今日天氣有點涼，食返碗糖水滋潤就啱曬。當晚餐去美X食個焗咖哩飯都五十幾蚊冇嘢飲， 而家$67($59+$8)有人送餐又有咁多嘢食，環境都OK都唔會話好迫，我就覺得cp值好高喇。

未食過咁難食嘅糖水燉蛋啲蛋可以係青綠色，口感似榴連燉奶一啲都唔滑，仲要實得得咁！燉野完全係過哂火！好難食，食左兩啖已經收左皮！冇下次唔會返轉頭！又唔係平！嬲左！

breakfast新開一排，來吃個早餐．牛扒薄，也不算大．份量少.吾太夠飽．應該不會再來．地方細．吾太舒服．又大回音．------------------------------服務：都係甘上下一

見到眾安街開了燉奶佬一段時間，除了港式料理，仲有糖水選擇，趁復活節假期，帶埋家人及小🐩狗在門外開了位，店員工非常好，特別快出餐，好讓狗狗不用等太耐💯好窩心❤️叫了一份雜扒餐，薄牛扒肉嫩，腸仔夠大,鮮味又juicy,配上黑椒汁上，味美無比。加上一份，燒鰻魚煎蛋🍳飯，鰻魚很鮮美，蛋夠大，這兩份餐都配有飲品，我叫了茶走，果然沒有令人失望，super great great 👍 另外想提下D配菜，有一片紫薯🍠及紅蘿白 🥕,很正。至於價錢，very very good price 👏✌️🈵🉐️