大門橫丁串燒手打烏龍麵店 (厚福街)

Open Now

Now Closed

出嚟睇演唱會緊係要搵下好嘢食啦！不過得2條友，真係好難選擇冇目標咁四圍行，因為時間尚早，想搵啲坐得舒服啲⋯坐耐啲都唔怕比人眼望望呢間款式多，份量少可以樣樣都叫下，唔怕食唔哂浪費所以入去試下。果然唔錯⋯即叫即整！價錢合理燒三文魚好香，芝士西蘭花🥦好味，烏冬好足料軟殼蟹沙律略嫌沙律醬🥗少咗啲（本身鍾意食沙律醬）服務就正正常常啦⋯⋯整體真係算唔錯👍🏻不過真係好少出嚟🤣🤣所以唯有寫下食評⋯支持一下啦💪🏻

叫左豬軟骨烏冬 豬軟骨好唸好好食👍🏼👍🏼溏心蛋生熟程度剛好🥚蕃茄辛辣湯底唔錯🍅 唔係太辣🌶 唔太食得辣都可以試下食完飯食生日蛋糕唔洗收切餅費🎂 店員仲主動幫我地影相📷📷服務態度好好😙

是日星期六返office OT，同同事一點幾落去食lunch。呢間係佢之前來開 覺得好食。但我係第一次食 食完都覺得質素唔錯。而且lunch呢個價 係尖沙嘴區來講都算平～$58蚊包埋嘢飲 而且lunch免加一。同同事都不約而同地order咗豬軟骨 但湯底唔同。我order咗蕃茄湯 果然係超級濃郁 酸酸地好好味 豬軟骨同烏冬都好軟熟 好入味～唔知烏冬軟熟度有冇得揀🤔可能有人會比較鍾意食硬身少少嘅烏冬。之後會再去試下其他湯底同料理

一個人的午餐就簡簡單單,叫個蕃茄烏冬靜靜地Enjoy大門橫丁上菜速度幾快,烏冬質素不錯一。烏冬煙韌,蕃茄湯濃郁,豬軟骨煮得林,食物夠熱絕對係平平哋又好食既Lunch之選。兩點幾過咗最繁忙時間嘅lunch time,不得不提我最重視嘅服務態度,員工服務態度參差,有啲係ok既,亦有個別侍應比較hea,會跪喺卡位度玩手機,忽略左隔離舉手既食客。雖然呢度唔係高級食肆,但係基本服務態度都應該稍為留意一下,希望公司如果見到呢個情況,可以略為留意,以便質素提升。

午飯時間，好不容易先至喺厚福街搵到幾個座位同同事食晏。今次嚟到開咗好耐嘅大門橫丁，望住厚福街嘅食肆周不時都會改頭換面，唯獨呢間大門橫丁依然屹立不倒，相信必定係實力之選既然呢度係出名烏冬，今次自然就係叫佢嘅自選烏冬，有好幾款湯底可以選擇，例如沙嗲湯、番茄湯、鰹魚湯等等。我係番茄湯嘅忠實fans，所以今次就叫咗蕃茄湯豬軟骨烏冬蕃茄湯豬軟骨烏冬 $58可能由於繁忙時間，落單之後都等左差唔多三四個字先至上菜。盛住烏冬嘅器皿好得意，好似一個小小嘅鍋，啱啱落枱啲湯仲滾緊起緊泡泡，真係熱辣辣夠新鮮。先飲一啖蕃茄湯，番茄味好濃郁，味道唔會過鹹，飲完湯唔會太口渴。配菜有粟米粒、支豆、兩塊鳴門卷。而主菜豬軟骨都有三大舊，軟骨部位炆得特別淋，咬落充滿膠質！烏冬麵質比較軟，雖然唔係彈牙果種，不過就好滑溜，好索湯。跟餐仲有大大杯凍蜂蜜綠茶哩度唯一缺點係坐位比較逼，冇咁舒服，不過整體味道唔錯，價位亦合理。

極上牛肉手打烏冬鮮蕃茄湯($79)湯底有濃烈蕃茄湯味，有幾件蕃茄，配料粟米青豆都配搭得唔錯。牛肉肉質好腍，唔係普通肥牛，加分。烏冬彈牙，唔係普通包裝既烏冬。(個人口味: 3.6/5)三重芝士焗撈手打烏冬(輕量版)($45)芝士量足夠，每啖烏冬都有滿滿芝士(好鐘意焗到有趙口既芝士)，配有煙肉碎增加口感。個人覺得幾好食，但太油膩了，食到底有好多油。(同正常size烏冬鍋比較，真係輕量版)(個人口味: 3.5/5)大門辛辣八爪鬚串($25)魷魚鬚即叫即燒，熱辣辣，都幾彈牙，但太細舊，同埋叫錯辛辣，太辣。(個人口味: 3.5/5)平日晚市時間都客滿，但餐廳環境又嘈又逼，講野要超大聲，未必會再來。

在尖沙咀做完運動與好朋友找個地方食晚飯走到厚福街短短一條街已聚集了大約70至80多間餐廳吧！真係花多眼亂不知道去哪兒吃好？最後由我朋友來決定食烏冬？我們去到門口已有多人在等候，大約等了5分鐘服務員說搭枱則可以馬上入座，店內面積不大，坐得很擠迫，裝修簡單日本風，環境算舒適。枱邊角角位放了落單紙和筆仲有餐牌落單紙烏冬種類繁多任你配撘我叫了大門烏冬特濃雞枊手打烏冬，材料有粟米粒、溫泉蛋、雞㧕、荷蘭豆。番茄湯底真的非常非常非常濃郁，雞柳好惹味。我之前已多次幫襯，依然保持著蕃茄湯底好味道烏冬彈牙好食到不得了

其實我都食過好多次 因為係尖沙咀住 所以好似食堂咁我本身食唔到辣 佢好好有好多湯底揀 有辣有唔辣 我最鍾意佢依個魚介湯推介但下午食會無左粟米 係夜晚先有嫁咋❤️同埋串燒都好正 要試試呀

今日本身諗住行下新開既激安～點知人多到飛起～即時放棄左～咁就去搵野食啦⋯⋯男朋友知我鍾意食烏冬～就同我尼大門橫到～排左一陣隊就入得啦⋯⋯入到去因為兩個既關系需要搭枱～位子都幾逼下～坐得有d唔舒服～跟住開始落單～我點左個辣蕃茄燒鳥烏冬～男友就係牛肉冷烏冬～之後再點左串辣燒芝士丸同芥末魷魚🦑～等左好耐先上左小食～芝士丸串～燒得幾香～辣汁都好野味～～之後就上芥末魷魚🦑～我覺得個醬係好食既～不過太多醬有太濃既感覺～終於都上冷烏冬～烏冬好彈牙～配菜都好多～冷烏冬總體都好好食～蕃茄燒鳥烏冬～燒鳥同烏冬係分開上既其實燒鳥姐係燒左既雞～雖然唔係厚肉不過係脆皮～都好正～茄湯亦好濃好好味～😂總體除左位子唔係咁舒服～野食係好味既

店內所有服務員的態度都很好，主動提供籃子給我放袋。我的朋友錯點了牛肉冷手打烏冬，（我的朋友討厭吃冷麵）服務員得知後，重新為他提供有麵的湯底，令我地非常驚喜絕對要高度表揚！

之前好鐘意黎呢到食lunch，食到炸蠔烏冬就最開心，隔左一段時間無黎，發現無左個炸蠔烏冬揀不過就多左好多類類既選擇!! 無左炸蠔烏冬就惟有食番個炸蠔咖啡飯! 都唔錯，d飯好多，唔會唔夠食，總叫滿足左我食既炸蠔心。

夜媽媽又開始肚仔餓 想平平地咁食 又唔知食乜好 見到大門橫丁鋪頭入面仍然有好多客人 所以就入左去食宵夜 之前已經有係旺角食過一次 就睇下係咪一樣(´-ω-`)▫️日本清酒紐西蘭大蜆 $98雖然蜆都幾大隻 但係價錢比較貴 又份量就比較少 得幾粒既程度?!整體味道比較一般 唔會話係有鮮味 個湯都好淡 唔適合重口味人士╭(°A°`)╮▫️和風炒牛肉溫泉蛋撈手打烏冬 $76一般既撈烏冬 原本好期待個溫泉蛋 但發現煮得過熟 所以唔係流心個種 唔會用到蛋汁去撈到烏冬(＞人＜;)牛肉都有同樣既問題 所以係比較韌同老既(´･_･`)不過個醬汁好合我口味 所以有加返分(((o(*ﾟ▽ﾟ*)o)))

收工同同事去食宵夜！唔想行到太遠、就諗住去厚福街睇吓有咩食！無意中發現呢間日本野！見佢收得幾夜，就決定試吓啦！11點幾唔算太多人、坐得都OK舒服！我哋見佢嘅手打烏冬好出名！但係由於已經太夜嘅關係！我哋決定唔食太多野！淨係叫咗啲串燒同小食！叫下叫下！都叫咗好多！燒牛舌，玉子燒，雞泡魚干都很好吃！但個餃子就乾左啲！薯餅同年糕都好脆口！overall 都唔錯既！但就沒有太大的驚喜！一班同事放工有個地方可以食下野，傾吓偈！呢個地方都算係唔錯嘅選擇！

前排同朋友要去紅館睇演唱會，但係又怕紅館附近餐廳多人難揾位，再加上重點係每次去紅館睇show都係食呢啲，所以今次就約左朋友去尖沙咀食，行過紅館都係十分鐘，但就完全解決左多人無位的問題。我地去左the one附近的厚福街，揀左大門橫丁，因為食開好好味，我揀左豬軟骨手打烏冬配蕃茄濃湯，豬軟骨超淋，超入味，加上蕃茄濃湯一樣味道濃郁，兩者配搭極奇配合，真係好味，加上手打烏冬又彈牙，我地選擇行遠啲都無錯。

一個人係尖沙咀遊走逛街，剛好肚餓走到厚福街。厚福街只係一條小街，但集中極多美食係呢度，有各式各樣既餐館，甜品及糖水鋪，真係美食集中地。今次黎到呢間大門橫町，日式既料理+串燒，中午時間黎到好多人架，午市仲要免收加一服務費。今次一個人少少地嗌左個鹽燒鯖魚定食🐟，鯖魚係眾多日本料理都經常出現，可能製作過程唔算太複雜，魚肉既鮮嫩又可以保存到。鯖魚份量唔算細，烤焗完出黎會有d 腥，所以要加返d 檸檬汁，或者加上佢地既醬汁，配菜有燒蕃茄🍅，蕃茄新鮮多汁，日本珍珠米偏淋，可能多水左d。