7
1
0
All Branches (18)
Telephone
24361868
Opening Hours
Today
11:00 - 21:00
Mon - Sun
11:00 - 21:00
Public Holiday
11:00 - 21:00
Payment Methods
Visa Master Cash Octopus UnionPay Apple Pay
Other Info
10% Service Charge
Review (9)
Level2 2021-04-27
16 views
上回講到,我一帶二去咗青衣公園同小朋友玩轉遊樂場。回程時,小朋友已放哂電,好累😑😑。孖寶👫見到 Crostini ,被櫥窗嘅件裝蛋糕🍰深深吸引住,雙眼發光🤩🤩。嘩😍😍!件件都好靚同好精緻🥰🥰~最後揀咗4件蛋糕,分別係:🍊幸褔橘子🍊囝囝之選~外形非常可愛趣緻🥰🥰,味道清甜可口,不太甜膩。🍫紅橙特濃朱古力脆脆🍫囡囡之選~朱古力迷嘅大愛,滿滿不同層次嘅朱古力味。上面個紅色朱古力球,囡囡話似紅蘋果🍎,所以佢話要著snow white裙襯返喎🤣🤣。☕️咖啡芝士慕斯☕️孖媽之選~本身係一個咖啡迷,個蛋糕好似將杯咖啡變咗做固體咁,飲得變食得,滿足咖啡迷嘅願望。🌰榛子朱古力慕斯🌰孖媽之選again~哈哈😂😂~買俾爸爸食,榛子加朱古力係最佳組合,榛子令朱古力嘅味道有所提升↗️。除此之外,我哋仲買咗牛角包🥐🥐做第二日嘅早餐添😋😋~~ continue reading
(The above review is the personal opinion of a user which does not represent OpenRice's point of view.)
Level3 2021-03-01
181 views
📍𝗖𝗿𝗼𝘀𝘁𝗶𝗻𝗶 𝑰𝑻𝑬𝑴𝑺 𝑶𝑹𝑫𝑬𝑹𝑬𝑫:💌 至尊曲奇禮盒($238)藍色既禮盒夠哂grand💙,送出去絕對唔會失禮!入面一共有六款曲奇,每塊曲奇都係獨立包裝既,除咗衛生之外,亦都唔怕會擺得耐而變淋!👍▫️咖啡杏仁曲奇 ᴄᴏғғᴇᴇ ﹠ ᴀʟᴍᴏɴᴅ ᴄᴏᴏᴋɪᴇs☕️咖啡既味道好香濃,食落去會有少少嘅杏仁香氣,味道非常夾!▫️玫瑰蝴蝶酥 ʀᴏsᴇ ᴘᴀʟᴍɪᴇʀs咁多款之中我最鐘意就係呢個蝴蝶酥!好少曲奇禮盒會有蝴蝶酥~🌹蝴蝶酥食落去好酥脆,仲有住淡淡既玫瑰香味,忍唔住食完一塊又一塊!▫️南瓜籽熱情果茶曲奇 ᴘᴜᴍᴘᴋɪɴ Sᴇᴇᴅ ﹠ ᴘᴀssɪᴏɴ ғʀᴜɪᴛ ᴛᴇᴀ ᴄᴏᴏᴋɪᴇs可能因為有南瓜籽嘅緣故🎃,呢款曲奇特別地脆!熱情果香佈滿左整塊曲奇,好清新好好食,感覺唔會太膩!▫️紅莓榛子曲奇 ᴄʀᴀɴʙᴇʀʀʏ ʜᴀᴢᴇʟɴᴜᴛ ᴄᴏᴏᴋɪᴇs紅莓嘅味道非常突出,🍪仲有同曲奇最夾嘅榛子味,推介推介!▫️牛油曲奇 ʙᴜᴛᴛᴇʀ ᴄᴏᴏᴋɪᴇs 又點可以少咗最classic嘅牛油曲奇呢!🧈牛油嘅味道非常香濃,而且造型仲好經典~▫️海鹽朱古力伯爵茶曲奇 Sᴀʟᴛᴇᴅ ᴄʜᴏᴄᴏʟᴀᴛᴇ ﹠ ᴇᴀʀʟ ɢʀᴇʏ ᴛᴇᴀ ᴄᴏᴏᴋɪᴇs 呢款曲奇嘅味道非常特別,除咗有我最愛嘅朱古力味之外,仲有伯爵茶味添呀!🍫🍵本身帶着半信半疑嘅態度去試,但係估唔到味道又出奇地夾喎!如果加多杯茶一齊嘆咁就最正啦! continue reading
(The above review is the personal opinion of a user which does not represent OpenRice's point of view.)
Level4 2021-02-06
144 views
去咗青衣城行街,仔仔話想食蛋糕,所以我哋臨走前就去Crostini買蛋糕番屋企做甜品。Crostini的蛋糕款式好多,而且蛋糕的設計都好靚,仔仔最後揀左紅橙特濃朱古力脆脆和幸福橘子。幸福橘子味道清新,有淡淡的橘子香味,幾特別。紅橙特濃朱古力脆脆勁好味!朱古力味好濃好甜,我哋都好鍾意 continue reading
(The above review is the personal opinion of a user which does not represent OpenRice's point of view.)
Level8 2020-07-16
2196 views
好耐無兩公婆出嚟睇戲喇,早陣子疫情緩和咗,就打算支持吓電影業;二來有啲戲真喺值得入戲院睇,畫面、音響都好過晌電視或電腦睇,所以,今次就專登過咗嚟青衣城嘅UA睇「福島50死士」,啲逼真感好強,真喺好似發生晌眼前咁,原來,福島核事故無釀成全日本出事都喺有啲「附碌」。睇完戲就梗要搵地方食晏,「Crostini Bakery & Cafe」喺心水之一。餐廳地方唔大,主要喺供應外帶咖啡、麵包,裡面有少少位。有諗過無位嘅話,就會轉場,幸而剛好最入位置嘅高腳枱無人,讓我倆可於靜靜一角用餐。睇餐廳名,就知主要都喺賣啲烘焙產品及咖啡,先介紹門面嘅蛋糕櫃,放滿各式各樣精緻嘅蛋糕,琳瑯滿目,標價範圍為$36-$52。亦有大個裝蛋糕,定價為$278-$338。再走入少少,即服務櫃枱旁,就喺麵包櫃,主要都喺歐陸式麵包,着實唔平,一般而言,大概$20左右一個。晌服務櫃枱另一旁,仲有個凍櫃,原來佢哋都有賣手工朱古力喎。此外,唔止烘焙產品,晌挨牆一邊嘅層架,仲見到好多曲奇、咖啡粉、咖啡相關產品售賣,可以講店家嘅產品都幾多元化。除了散點各類食物之外,佢哋仲有提供幾款套餐,全日供應。包括Super Bao($75)、Pizza Set($89)、Salad Set($68 / $78),相信地方、人手所限,選擇亦唔算好多,不過,叫啱我哋口味。以上套餐都會奉送標準熱飲,何謂標準熱飲?就喺下面張飲品餐牌中,所有標準裝嘅咖啡及各款熱荼。黑椒豬脾芝士麥包 $75咪睇豬脾兩個字就雙眼發晒光,以為喺咩手撕豬脾肉之類,其實都只喺火腿嘅一種,配以車打芝士、大量沙律菜而己。食起嚟,感覺都幾清新,而配上較特色嘅麥包,烘得香脆,更感有麥香。所有三文治餐都會配薯角,但店員解釋,個焗爐出咗啲問題,所以,薯角另上,當然,比起餐牌張食物相嘅賣相就相差好遠。此外,佢哋嘅薯角唔喺炸嘅,喺焗嘅,感覺無咁「熱氣」,但香脆度就較炸嘅稍為遜色。輕型三文魚薄餅 $89雖然,餐牌都會寫明個薄餅餡料有三文魚、三色芝士碎、車厘茄、黑水欖、火箭菜,配以蜜糖芥末醬,不過,三文魚及火箭菜都喺焗好個批先後加上面,令感覺未為一體,啲火箭菜更好易跌到一枱都喺。佢哋嘅簿餅有8吋直徑大,雖然採用半厚薄批底,但莫講話一個女生,男生都未必食得晒呀!其實,個批底我都覺得OK,三文魚鹹鹹香香,火箭菜帶點清爽,平衡番。玫瑰咖啡見到有客人嘅杯喺瓦杯,以為堂食就會用上瓦杯,但送到嚟喺隻紙杯,感覺當然差少少啦,再者,鮮奶咖啡無咗拉花,咁就梗喺失望啲啦。賣相方面,無疑拉低晒啲分,幸而鮮奶咖啡本身都唔錯,口感平均、醇香,當中嘅玫瑰花香味亦頗突出,當然,呢個部份都喺玫瑰糖漿嘅功勞。香橙玉桂茶老婆就見呢款茶幾特別,就點嚟試試,基本上,都只喺一個茶包泡出嚟嘅貨色,散點要$39杯,都真喺幾唔划算。茶色偏淡,入口帶幽幽嘅玉桂香,但老實講,香橙嘅香氣就真喺欠奉。上文都講過,佢哋都有唔少麵包賣,廿蚊左右一個,感覺就有點點偏貴,但晌門口已見佢楝咗個推廣,買任何麵包,+$1多一個嘅優惠。所以,我哋就索性買兩個返去當第二朝早餐,其實,就算近$10一個包都唔叫得平,但抵唔抵食就要睇埋啲質素。蘑菇薯蓉包 $20再烘番熱啲麵包,感覺新鮮度依然。先介紹呢一個蘑菇薯蓉包,重點喺中間嘅蘑菇薯蓉,其實唔好睇表面以為好多,實際好淺吓,雖然啲薯蓉打得好滑,但蘑菇部份唔喺佔好多。而包身屬歐陸式,咬落比較有軔勁。芒果百爵茶合桃包 $20另一款既有芒果,又有合桃,加上百爵茶,絕對喺小弟嘅心水食材組合,可惜,真喺跟期望有頗大落差。芒果、合桃本身晌包內就唔太多,而表面嘅斜紋餡料就喺百爵茶所做,但茶味隱若,故此,未有預期般好食。無論堂食、抑或外帶,整體而言,個人俾分都只屬中間稍高少少。題外話,由於當日店家嘅焗爐出問題,我哋嘅薄餅真喺等咗好耐,雖然店員已好禮貌再三致歉,幸而我哋又唔趕時間,不過,如客人落單前先講聲狀況,會喺較好啲嘅處理手法。 continue reading
(The above review is the personal opinion of a user which does not represent OpenRice's point of view.)
Level4 2020-05-21
474 views
喺青衣城悶悶地,又行耐左,想搵個位坐下休息下又唔知去邊好,去starbucks 又好似太多人喺度溫書做project 咁,所以就㨂左黎呢間cafe, crostini, 黎休息下,渡過美好的下午,店的位置雖不算大,但坐得幾舒服(如果你有位的話)。同朋友一人order 左一杯coffee, 我order 左cappuchinno, 而朋友就order 左latte😹拉花都幾靚幾得意丫,咖啡味尚算唔錯,環境夠清靜。推介! continue reading
(The above review is the personal opinion of a user which does not represent OpenRice's point of view.)