Cozy Coffee

Open Now

Now Closed

這個周末有點過份，日上“四”竿了，但這個文青聖地還是人頭湧湧，幸好已是shopping時間，餐廳不用等得太久 ...這“Cozy Salad”，有藜麥、牛油果、鳳尾蝦、菜、西梅乾，還有 一支用test tube裝的熱情果汁！沙律與熱情果汁這配搭不錯，西梅乾、藜麥、牛油果這埋重疊的口味，令口感豐富了不少，但要客人自己用test tube倒出沙律汁及自己動手撈勻，確實好玩，但沙律與沙律汁一定不會均勻，有些沙律也會被炒到飛出碟，有辣有唔辣。“燒春雞半隻”，有燴雜菜、烤檸檬、和青菜。鷄下面的汁，“水汪汪”、“淡茂茂”的，那個大檸檬好明顯是在叫你擠點下去，加了，但味道其實沒什麼改變，好好的、一塊煎得蠻香的春雞，現在就浸在一個淡而無味的“湯”，浪費！星期六，這些菜沒有配餐飲，單點的話，一杯小的凍Americano就要41塊，唉。

#忙裏偷閑cafe好去處今日去荃灣南豐紗廠舊址半日遊 回顧香港紡織業發展史 順道揾間cafe食嘢hea吓 最後揀一樓Cozy Coffee 空間感十足兼且pet-friendly 門口有寵物零食賣 毛孩可以一齊chill😃-🧆Scallop and crab meat gnocchi $108見到餐牌上有gnocchi好振奮 因為唔係咁多cafe整佢 馬鈴薯糰子Q彈軟糯 伴蟹肉醬汁一齊食 味道柔和 煙韌有口感 色彩繽紛嘅雜蔬🍅🌽🥒令成碟pasta靚到好似幅畫咁 -🍗Roasted half spring chicken $118雞下脏部位連雞脾 啖啖肉容易切開食 烤檸檬汁提升雞肉鮮味 粒粒薯仔chunky又chewy 個人比較鍾意略煮過嘅BB菠菜 入口濕潤 菜味更出-🍑🥭Peach and mango cold brew tea $48雖然只係用茶包 聞落去飲入口 都滲透住陣陣香桃同芒果幽香 清爽怡人 夏天飲啱晒- ☕️Flat White $42海馬拉花好特別‼️ 面層microfoam幼滑 入口細緻 咖啡嘅醇香回甘度 比想像中淡-📍Cozy Coffee荃灣白田壩街45號南豐紗廠1樓1

《COZY》南豐紗廠可以帶狗狗一齊黎行既地方雖然我未有寵物一齊嚟唯有搵間coffee shop chill 下先Cozy ~主打輕食Weekend都幾多人等叫左個炸雞Burger HKD108味道正常，但雞就有少少鞋同界口單骨雞翼 HKD48炸粉唔厚，肉質keep到嫩滑呢個唔錯👍🏻牛油果🥑粟米toast HKD78建議唔好加青檸汁或者直頭唔叫因為冇咩特別😂呢邊其實好多小店幾好行，又有冷氣可以同自己寵物係到hea 下Chill下，都幾唔錯👍🏻💪🏻重點呢到好多打卡位可以玩成個下就🤭

🏠Cozy Coffee行南豐紗廠之前，隨意找了一個地方吃Lunch，結果是失望的，應該花多小小時間慢慢揀，仲有好多熱門的餐廳。兩個女孩叫了兩款dishes，兩杯飲品。🥘燒春雞先講正常的菜式，燒春雞雞肉鮮嫩，俾左兩隻雞脾的份量。配料係足夠，吃到有菜有小蕃茄，但不知道為什麼汁會有咁多，究竟它是怎樣燒岀來？而且，它用了碗黎裝，比較難切。🥘三文魚牛油果🥑Bagel 三文魚和牛油果都無問題，而且配搭係不錯。但是，bagel是脆的，似豬仔包，不明白這為什麼會是Bagel？🍹Dirty這杯是誠意欠佳的飲品。牛奶和咖啡完全割裂，飲了很多啖都是咖啡(可以教下小編點飲得好啲)。當混合一起的時候，latte飲落下是令人吾舒服的，有點失望🙍🏻。

南豐紗廠呢間分店有店內店外area，兩邊都坐得舒服。假日同朋友去南豐紗廠行下呢間餐廳都係我經常幫襯嘅主因。佢哋啲咖啡屬正常，大大杯夠一路坐一路飲，唔使好多錢就可以扮文青扮一日，算係扮文青地方入面消費唔算高嘅地點之一。今日就無飲咖啡，但係就食咗佢個三文魚egg benedict。呢個egg benedict對我嚟講好有驚喜。由蛋黃醬到水波蛋都出乎我意料。蛋黃醬味道帶有淡淡奶油味，質地好滑。而水波蛋無醋嘅酸味，蛋黃熟度竟然啱啱好到一切開無散到成隻碟都係，令食起上嚟可以顧及儀態。好少水波蛋可以整到咁好。三文魚同塊muffin中間有牛油果醬，但係又有少少好似prickles咁嘅酸瓜粒喺度，少少酸味點綴咗成份egg benedict。整體體驗好高分，不過煙三文魚俾雞蛋整熟咗少少。如果分開攤凍啲先攞落去就好喇。

同朋友聚會，最近選擇再來此處，水準估唔到差了很多，強差人意，意粉難食咗，又無味道。薯仔粉淋到糊口，三文治又凍冰冰，咖啡一般貨式完全無特別，無新意。決定不會再來。

坐位都係高檯吧位，唔係幾舒服呢價錢偏貴但食物質素一般叫左個美國安格斯牛板腱食物凍既，牛肉無味水波蛋太熟兼賣相一般，去蛋白太多薯條同麥當勞幼薯條一樣整體一般唔太推介

今日連同幾位密友一齊嚟到近年大受年輕人歡迎既荃灣紗廠影相📸️食野扮吓文青😂呢度人流唔算多，行咗好幾間Cafe ，最後選擇Cozy,個人覺得佢地方較舒適，有內有外座位，最開心見到好多毛孩🐶喺我身邊😍佢餐牌上唔算多款式，純粹嚟Chill 吓，所以叫咗小量輕食，牛油果三文魚𝘽𝙖𝙜𝙚𝙡 $88 賣相都幾好又健康，但個底稍為嫌佢軟淋咗小小，但整體都可以 。 牛油果沙律$88 🥗沙律上有可可粉，味道清新，蔬菜新鮮👍🏻煙三文魚牛油果班尼迪蛋$58 真心比我想像中要差，賣相一般，又唔太流心，連蛋黃醬都……🙈味道只有50分😩 另外叫咗個龍蝦🦞湯$38 ，嚟到我眼前真係哭笑不得🥲 因為佢細到兩啖就可以飲完😂真係唔知道佢細得咁可憐，不過佢就係咁的骰份外覺得好可愛，佢味道香濃，都唔錯💯

話說尋日去到老遠既南豐紗廠，都係衝住佢個 市集 而去😂搭左個幾鐘頭車，熱屎辣辣又未食野既情況下，一到步，身邊人已經熱到失去理智，見到d咩餐廳已經想衝入去😂現場勁多人，又有好多🐶🐶, 又有好多小朋友，真係好熱鬧😂等左陣先有枱野食都係出面收銀位到落單，話聲佢聽就會送埋黎，(我仲以為會俾個牌我放係枱面😂)叫左個Iced mocha ➕ Hot chocolate ➕ 三文魚Begal ➕ 粟米牛油果三文治見咁多人，以為會等好耐點知好快已經到齊晒對於又餓又渴既我地簡直係救左我地條命😂見到杯iced mocha好淺色，以為會好奶好淡，點知飲落又唔係wo, 仲要幾香濃添☕而杯Hot chocolate佢聲稱係Belgian Chocolate 黎，呢點真係吸到我😍完全冇失望，好正濃郁既朱古力味 又唔會死甜😍野食就不過不失 冇咩等別但咁既忙既環境，咁既上菜速度，野食野飲仲保持到水準，真心覺得唔錯👍🏻

去左南豐紗廠放狗，順便食野見到Cozy coffee, 稔住同大圍果間差唔多後來先知兩間都轉左menu,所以求祈叫s 野食就算人都算多，叫左外賣係餐廳出面（都係商場內）嘅food court 大檯到食鹹蛋黃雞翅其實係炸雞翅再比d 鹹蛋黃醬你，唔太建議burger & chips 正正常常總結，cozy coffee 價錢唔會平得去邊野食不過不失環境衛生就ok服務都正常不過dog friendly 所以都有一定嘅人流星期六日嘅南豐紗廠，人多狗多，搵位食野唔易

【南豐紗廠x文青cafe☕️】/////平日去南豐紗廠行下影相 完全唔洗同人迫🤞🏻有間以植物 灰色水柱為主要裝修嘅咖啡廳環境好闊落 有户外嘅座位好啱行紗廠行到攰 一齊坐低食野傾下計👭👫👨‍👩‍👧‍👦.👉🏻雞肉大啡菇沙律雞肉肉質幾嫩滑 啲菇有少少酒味好juicy雞蛋蛋漿流心提升左成個沙律味道👍🏻有枝試管🧪嘅醬汁好得意🤣味道酸甜.👉🏻美國安格斯牛板腱牛板腱油脂含量較低 有牛味 幾有咬口蘆筍 番茄仔都吸左啲油好香口😚醬汁有少少南瓜味 幾温和 加多少少會更好薯條口感較軟身 我自己就會想食脆身啲～.👉🏻菠蘿撻甜品有好多款式 可以出去凍櫃慢慢簡有粒粒菠蘿 味道酸酸甜甜 好啱夏天食😋餅底幾香又脆脆地 唔會好易鬆散.👉🏻巴斯克芝士蛋糕外層焦黑色 最大特點係唔會有燶咗嘅味道芝士味濃郁 比起cheese cake水分更多 易入口😛.👉🏻紫薯燕麥鮮奶燕麥奶好有益 可以控制血糖同膽固醇飲唔到牛奶又想試紫薯飲品嘅你可以試了🥰成杯都充滿住天然嘅紫薯味💛.👉🏻藍梅黑梅梳打飲品顏色好靚 飲落去都唔會有藥水味唔想飲咖啡 又想食雪糕可以試下呢杯(´▽｀)

星期六同老公帶呀女上完Playgroup之後去左南豐紗廠行街睇狗狗🐶之後見到有間餐廳食物睇落唔錯，而且都有食物啱BB食，而且有提供BB櫈，門口等咗陣就有位啦於是就入左餐廳食Tea我地叫左藜麥牛油果鳳尾蝦沙律同帶子蟹肉意式薯丸，仲叫左一杯Hazelnut Latte同一杯Latte我地同呀女都食到lam lam脷😋

9 0 後 的 味 蕾南豐紗廠近年大受年輕人歡迎，最主要緊係因為佢行文青藝術路線，感受人生既感覺.另外就緊係pet-friendly shopping mall，吸引唔少主人帶埋愛寵🐶🐱.📸牛油果三文魚Bagel + Iced Americano $88.Bagel幾軟身易咬，不過得半塊，上面放左煎左少少既煙三文魚，同埋切左件既牛油果，配搭幾好，細細件啱做下午茶.佢成個Bagel最好味係加咗啲紅蕃石榴粒，少少酸酸地，好刺激味蕾.Iced Americano偏Nutty，唔太酸，中至高既咖啡濃度，唔會好淡，都岩我口味.要提嘅當然係舒適既環境，適合做功課傾生意，或者同frd chill一chill.不過$88一份簡單下午茶配杯咖啡，價錢係略貴既我覺得😢.香港地百物騰貴，大家衡量自己嘅銀包啦！

因為荃灣南丰纱廠是可以帶狗入去行的商場，所以去尋找可以與狗共融的地方。這coffee shop 外有枱櫈可以同狗一起用餐，正!這裡裝修清新舒適。先由counter 付款點餐，然後安坐等職员送上，有d職員對狗好友善，最喜歡這一點。食物方面大部分都4星好味。我特別喜歡它的焙茶奶，香濃不会苦澀。試過它大圍的分店，也没有這間好味!沙律材料新鮮，好味，豬是靚質素，煮得也好味!它的牛肉片很好味!值得試試!cheese cake 及 mocha cheese cake 也好味。所以會再去多幾次。

之前食過都幾好食，雖然價錢算偏貴，諗住今日父親節帶爸爸黎食，想避開最旺嘅時間，所以11:00到餐廳食（睇過餐廳營業時間係10:30開鋪嘅）因為我地有5個人所以我地選擇出面啡色枱坐，見到張枱同啲凳都好污糟，所以我地其中一位去左counter同一位男同事講，男同事用啲唔耐煩嘅語氣回應「等一等啦好嗎」。另一位女同事的態度仲差，佢話「等一等啦，我地岩岩開工炸，係仲未開工添呀」我唔明你地寫開10:30，係餐廳未開門定係呢位女同事未開工？咁佢未開工咪唔好爭住回答，仲要態度語氣咁差！我地都唔該前唔該後，亦都唔係要你即刻過黎抹，其實係唔應該將你唔想開工嘅心情發洩落客人身上！之後仲要比我地其中一位見到個位女同事用力扔筆，態度極差，我地一家唔想影響心情所以即刻走，亦都覺得你地嘅食物唔係好食到要客人受啲咁嘅氣！以後都唔會再光顧，亦都唔會再推介朋友黎食！