COMEBUYTEA (T.O.P This is Our Place)

Open Now

Now Closed

話說我自己帶環保杯嚟買嘢飲，突然先發現成套杯出曬煙，原來係員工好好，幫我用滾水清洗好曬，仲用圖片入面個方法將杯蓋同飲管晾起，唔會掂到檯面，真係超級欣賞！因為呢個原因，會多啲揀呢間店

好多次見到呢間T.O.P分店都想入去試，但每次都有事匆匆而過，呢日終於停低腳步、仔細睇佢個menu。本身朋友推介薄荷奶蓋珍珠奶茶，喺門口糾結一陣之後，最後決定忠於自己，嗌返杯清清哋口味嘅飲品。今次學人捉緊夏天的尾巴，揀咗一杯幾fresh嘅 「紅柚烏龍蘆薈Q」，半糖、少冰。由於疫情關係，特登忍口返到屋企先飲——比着以前拎上手就‘䔍’飲管、一邊同friend行街一邊飲。返到屋企，篤飲管、啜大大一啖清香烏龍，一個字：爽！令人驚喜嘅係啲冰融晒依然好飲，冰水令甜度攤返均勻，變得啱啱好。整體來講，紅柚烏龍蘆薈Q味道天然，茶汁比例okay，而且蘆薈水晶份量唔算少。只係對咖啡因比較sensitive嘅本人嚟講，飲完有少少瞓唔着😂但無礙本人對台式飲品嘅熱情！下次encore要嗌返少糖👍

今日黎左comebuytea買野飲！成日黎係因為佢開得晏，11點先閂門。今次叫左檸檬汁茉莉綠茶加珍珠。我覺得檸檬汁太多，無晒啲茶味，零茉莉味，好似飲緊溝淡左嘅檸檬汁，所以令啲珍珠同杯野好唔夾。下次會試其他。杯野$38，唔值。

今晚去咗comebuytea買嘢飲，叫咗芒果汁清香烏龍加蘆薈。餐牌列明係芒果原汁，嗌咗走甜所以應該可以試真啲個芒果味，飲落都冇化學嘅味道，不過個味就唔算好出，配埋烏龍飲完有少少澀。而蘆薈都唔錯，爽口清新。

第一次嚟試叫咗top 1 推介炭焙烏龍茶， 皇家厚奶，漂浮奶霜，小芋圓。 少糖少冰。雖然叫咗少糖但係都係比較甜。 冇乜烏龍茶味道。 漂浮奶霜同個厚奶都幾正嘅， 好滑好有奶味。小芋圓好特別，比較細粒，有嚼口，但係無味。埋單 $40。OK...

又是試新店的一日，今日來到旺角TOP，試下近期大火的現萃茶，叫了兩杯都有驚喜。第一杯：葡萄柚烏龍（7/10）蘆薈水晶真的有驚喜，以為是普通的果凍類配料，沒想到咬落Q彈還爆汁，汁水酸酸甜甜，同葡萄柚果汁茶和粒粒分明的果粒搭配起來簡直無得頂，喜歡酸甜口味果茶的朋友一定不要錯過尼杯，雖然價錢偏貴，但是對得住尼個價。第二杯：厚乳烏龍Q芋圓（9/10）店內排名第一的招牌果然名不虛傳，好好飲！我第一次飲奶茶飲到無實感，好喝到一下子就喝完都沒反應過來。濃郁的奶香把原本烏龍茶的苦澀口感完全遮蓋，只剩下茶香和甘甜味，搭配它的厚奶和奶霜，十分易入口，舌尖是富裕的奶香味，吞入喉頭反出來的餘味真是好舒服。😌原本以為只是茶加鮮奶的普通拿鐵，但是真係有好大差別，大家試試就知道對比。小芋圓真的好好吃，咬落香甜彈牙有嚼勁，細細品味還能吃到一兩顆小芋頭粒，貨真價實，搭配厚奶烏龍茶底一絕。

再一次幫襯comebuytea mk店！今次嗌咗桂花釀烏龍加漂浮奶霜半糖少冰，$35。桂花釀烏龍有香桂花味，但你半糖左之後都仲係太甜，可惜無微糖嘅選擇，下次會試下無糖如何。另外漂浮奶霜都有驚喜！鹹鹹地，但唔會太鹹，味道幾好！質地方面，唔會太稀，所以唔會好快同啲茶mix左，隔咗一段時間仲可以分開飲到奶霜同茶，好好！最後奶霜份量都多！美中不足嘅就係個杯一唔係透明，睇唔到奶霜，加上無蓋，對於飲奶霜外觀上就同方便程度就麻麻啦。但對於飲品本身就真係好好啦！

今日買左炭焙烏龍加葡萄柚汁加珍珠，西柚汁加茶真係幾夾，增加左清新嘅感覺。嗌左無糖，珍珠嘅甜味顯得特別突出，整體甜度絕對足夠。店舖開到11點，宜家黎講算幾夜，亦都方便左好多人。

呢幾日天氣咁熱 成日行過啲舖頭都好想買杯凍飲🥵 大愛呢間嘅手搖💕 試過好多個茶底 發現原來以下嘅combination最好飲 搞到而家成日行過都心思思想買番杯🙈 👧🏻唔太鍾意食芋圓同埋珍珠 無意之間發現咗黑糖晶球呢樣嘢 發覺口感幾得意 同埋幾好食😋 但係就唔係個個都鍾意啦😔鍾意試新野嘅你哋可以下次叫下😹唯一唔好嘅地方就係 對比其他手搖店 呢間就成日都要等好耐😪🌟 Feiching獨家調配combination $35清香烏龍皇家厚奶黑糖晶球 (👧🏻通常會少冰半糖)📎店舖資訊📌Comebuytea (T.O.P This is Our Place)旺角彌敦道700號T.O.P This is Our Place G03號舖🚇港鐵旺角站 B3 出口, 步行約1分鐘📌Comebuytea (形點)元朗元龍街9號形點一期2樓2065號舖🚇港鐵元朗站 H 出口, 步行約2分鐘📌Comebuytea (悅來坊)荃灣荃華街3號悅來坊商場地下G16號舖🚇港鐵大窩口站 B 出口, 步行約10分鐘📌Comebuytea(東港城) 將軍澳重華路8號東港城2樓A區🚇港鐵坑口站 A1 出口, 步行約2分鐘📌Co

我今日試咗炭焙烏龍+鮮奶+經典珍珠，半糖少冰。飲品我覺得一般，茶味唔算濃，半糖咗成杯都仲係好甜，一般般。但係，員工嘅服務就好好，嗌嘢飲嘅時候問佢咩叫柴茶，佢就攞咗啲茶葉出嚟俾我聞吓，態度非常好！下次可以試吓其他飲品！

今次叫左自選嘅手搖飲品，係清香烏龍加葡萄柚原汁同埋寒天晶球，comebuytea嘅葡萄柚汁一直都係幾唔錯，加係茶底好清新，寒天晶球好彈牙，雖然冇珍珠咁chewy但較輕盈。

Comebuytea係T.O.P入面人氣好高既人間台式飲料店。相比起同樣位於地層既老虎堂人氣都冇呢間咁高😯。第一次飲呢間，望一望Menu，見到有6款係呢間推薦爆款既人氣口味，仲要日銷千杯，唔知真定假😂。糾結係Top1既重乳烏龍厚奶芋同厚奶烏龍小芋Q之間，所以問一問店員原來兩款口味之間只差奶蓋。最後嗌咗杯冇奶蓋既厚奶烏龍小芋Q($35)，老實講飲完都諗唔出店家要推薦呢杯既原因🤔，所以我覺得呢杯俾我既驚喜程度未去到要推薦必飲。芋圓份量唔算好多，口感都幾有咬口，芋圓味道偏甜，好彩我嗌咗茶底走甜，飲落整體既味道先唔會太過甜。鮮奶用明治，雖然味道未令到我好驚喜，但奶同茶比例的確調得幾好👍🏻，唔會話太重奶味或太濃茶味。可惜呢款始終係店家推薦，仲以為有幾好飲🙁，可能我期待太大，令我有少少失望...味道就係正正常常既奶茶味，好飲係好飲，但冇話好驚喜囉。如果嚟到comebuytea，嗌呢杯絕對唔伏，但又唔係必試之選🤔

天氣凍❄️，飲杯熱茶暖胃🥰經過旺角地鐵站附近見到#comebuytea，好多部沖茶機，調茶師用心為你調茶🥰✨order咗一杯重乳烏龍厚奶芋 (無糖) $38，炭焙過嘅烏龍香醇，鮮奶加奶霜雙重綿密，小芋圓Q彈香甜😋，芳香馥郁☕飲品亦可選擇甜度，揀啱適合自嘅味道❣️Comebuytea HK📍旺角彌敦道700號T.O.P.

行過見到有絡繹不絕的顧客...🧐路過聽到此起彼落的＂Sa Sa ＂蒸氣聲...🧐台灣人氣COMEBUYTEA首創「原葉現磨、單杯鮮萃」，杯杯都是原葉現磨現萃的飲品。優質茶葉放在你面前，選擇好茶葉後，由磨茶機現場磨成粉末狀，再類似蒸餾咖啡的做法，萃取原葉精華，愛品茶的朋友務必來感受看看。第一次試飲，我點了店內🔥推薦爆款——柴茶鮮奶珍珠$33。我不知道甚麼是柴茶，只是從沒有聽過飲過，所以想試一試。涷飲大約有500ml，茶味濃厚，帶有甘甜草青味，與別不同，但應該不會太多人喜歡這種味道 ，當中包括我😰😰。珍珠應該不是自家製的，味道及口感都是基本水平。下次光顧，我會選擇創作自己專屬的茶飲口味，只需3⃣️個步驟：選好茶➡️選口味➡️選口感。

每次黎親旺角都一定會過嚟幫襯佢嘅桂花烏龍茶佢嘅烏龍茶同埋桂花好重香味另外我會再加黑糖水晶佢嘅茶唔會好甜而且好大一杯好抵飲😊每次都要排隊等一段時間但係都係值得嘅。