越．男

Open Now

Now Closed

灣仔有一間連裝潢都很像當地越南的餐廳以賣河粉濛粉 加上海南雞為主這次點了海南雞河粉 配椰子水 $80用的是越式河粉粉條口感偏硬的所以浸在湯裡也不會太快軟淋而且驚喜的是雞竟然非常嫩滑喔

星期一好忙，連午飯時間過了都不知道，好彩公司樓下有間越南菜，之前都想試好耐，趁過了lunch time和同事去試食一下一入店見到簡單的擺設和圖畫，幾靚幾多選擇啊！這個香茅豬扒法飽，包包好脆，加上豬扒煎得香，好味這個餐加多$10就有杯越式Coffee而我同事就叫了會安生牛肉湯河，她說味道不錯另外跟餐加多$10就有越式春卷，可惜份量少，唔夠食總結：以這個價錢在灣仔吃到這些質素，尚算合理啦

Do not try the take away, u will never get it on time. The last time I buy from this shop. 分量很少，豬扒包得幾絲豬扒，加埋都唔夠半塊

今日嚟到灣仔食越南野🇻🇳舖面裝修擺設、枱櫈、餐具極具會安小食店風格😮仿似置身越南一樣😎仲好夏天嘅感覺食物方面揀咗Combo Set1.脆燒腩湯河脆燒腩同河粉分開上👍🏻湯河加咗九層塔令到個湯底更香濃好開胃😮而一般東南亞整嘅燒肉都係落油鑊度炸🙈食起上嚟比較港式油膩啲2.越式春卷一向必點嘅小食🤤炸得好香脆唔油膩👍🏻3.凍煉奶咖啡越南咖啡真係別有一番風味😋偏向深烘焙嘅Robusta咖啡豆苦得黎又唔算苦嘅咖啡香👍🏻

有日經過既時候見到店面同埋內在環境都好有越南既風味 就好想搵一日去試 而今日終於入去試到😁 同快餐店一樣要入到最入點餐比錢再等店員送餐 暗黃燈光真係好似去左越南咁👻越南去骨海南雞飯 Hoinan Boneless Chicken Rice💬 無骨雞非常嫩滑 配埋蔥蓉同埋酸醃蘿蔔絲 非常開胃 不過跟既飯只係普通白飯🤣香蒜牛油雞翼Garlic Buttered Wings💬 超級重牛油味 真係好似成隻雞翼擺係牛油入面炸 而且外皮非常酥脆 好邪惡喔😈 出到黎啲牛油仲係哂隻碟度 好食但勁油膩椰青水Coconut Water套餐: 主食＋小食＋飲品Set: Main + Side + Drink💰 HKD$80味道好食 不過份量比較細份 男士去食真係未必夠飽 對於呢個價錢 只可以話係灣仔價錢 唔太划算..

今晚餐想食清啲，所以點左素食。🥢越南素菜法包：餡料有生菜🥬、醃紅、白蘿蔔、豆干、莞茜和沙律醬，感覺清新冇負擔，而且沙律醬不會過多。🍵熱青檸香茅水：青檸加香茅係friend，好refreshing! 如果想走糖、或者唔飲甜，就落單時提出，因為職員會自動加糖喔！味道：🔅🔅🔅新鮮：🔅🔅🔅分量：🔅🔅🔅衛生：🔅🔅🔅🔅速度：🔅🔅🔅🔅（5🔅為滿分）

今日去灣仔警總搞性罪行嘅文件，路過呢間餐廳，覺得好有越南情懷，所以就入咗去試☺️今次叫咗佢嘅Combo set，套餐好抵食，$80就包晒主食、小食同飲品。📌豬頸肉撈檬呢度檬粉同出邊連鎖店嘅有啲唔同，佢係比較滑身嘅粉👍🏼食落口滑嘟嘟，好順口💓豬頸肉嘅份量有好多，有7-9片，同埋燒得好香。值得一讚係佢啲配料有好多，生菜，醃籮籮絲，札肉份量好多💓💓📌越式春卷春卷有兩條，食得出佢係新鮮炸起，而唔係炸好晒一堆，有人叫就上。係誠意之作。同埋佢個春卷真心好食，調得好好味，好多香料。📌檸檬特飲呢度飲品都唔會hea，除咗有青檬之外，仲加埋香茅，成杯飲品有多個層次，好正👍🏼總括嚟講係灣仔$80食到咁豐富嘅餐真係好抵，同埋味道真心出色。呢度係開放式廚房，會見到師傅烹調過程，佢真係好認真整，同埋應該係越南人😂😂所以都幾正宗

話說我最後一次嘅旅行就係去越南🇻🇳好懷念啊～～而越南野黎講就 最鐘意食banh mi今日試左燒腩仔越式法包(^-^)好邪惡啊！(´∇｀)好正🤩😈好想試埋其他餡🤤配埋杯椰青水 旅行感覺返晒黎

暫時係香港食過既唯一一間越南粉質感最接近越南食到既感覺👍🏻👍🏻👍🏻 會有咬口既pho 值得一試。舖頭比較細坐嘅人數唔太多同埋位置比較逼想食嘅話要早少少到…另外如果夏天去冷氣就唔太足夠食粉麵會比較熱。但成個感覺就真係好似去咗越南😂

收工之後同朋友去咗灣仔試呢一間越南餐廳 一入到去已經俾畫得好靚嘅牆身吸引咗😆！！我哋叫咗海南雞湯河 同埋香茅豬扒法包其中一個叫做套餐 包一杯檸檬特飲 唔會太酸幾好味☺️🍋對上一次去越南已經係差唔多成三年之前🥲 一直都好掛住喺嗰度食嘅法包 我自己覺得呢一間嘅法包做得真係唔錯 ！即叫即整 出邊好脆 入邊熱辣辣而且好多豬扒🐷 重點係啲配菜同埋醬料唔會搶咗豬扒嘅味道 但配埋一齊個味又好夾😋😋另外估唔到佢嘅河粉咁好食🤣 雖然我知道佢賣相唔算特別但佢嘅河粉好彈口同平時喺茶餐廳食嘢好唔同haha 而且個湯底都好好味！！個海南雞都好滑🤤下次有機會嘅話想再試吓佢嘅生牛河haha

꧁𝗖𝗼́𝗺 𝗯𝗮́𝗻𝗵 𝗺𝗶 越•男꧂話說忽然好想食越南野 但發現香港真係唔係太多越南餐廳 所以就random揀一間唔係連鎖嘅試試香港越南餐廳大多都只得pho同撈檬 有越式法包嘅真係唔多而其實地道越南菜仲有好多不同種類粉麵好可惜從未係香港餐廳見過 有點掛念越南嘅平價美食 不過越南人就…不了… ☘︎︎ 脆燒腩法包 $𝟠𝟘 𝕚𝕟𝕔𝕝. 𝕕𝕣𝕚𝕟𝕜叫得做𝑏𝑎𝑛ℎ 𝑚𝑖 signature當然係𝑏𝑎𝑛ℎ 𝑚𝑖味道頗正宗有風味 推薦大家可以一試☻︎包身鬆脆而且不難拉扯 唔會咬到牙甩 同正宗法包比無咁紮實有齊正宗越式法包的四大要素: 豬肝醬、醃蘿蔔、扎肉、芫茜燒腩仔有少少似港式燒味薄切版😂肥瘦適中👍🏻好食 但唔知點解有幾啖有啲八角味(?)除左豬肝醬仲有再加沙律醬所以食落個包都唔會乾☘︎︎ 豬頸肉撈檬 $𝟠𝟘 𝕚𝕟𝕔𝕝. 𝕕𝕣𝕚𝕟𝕜撈檬相較下就平凡一點可取嘅point係個麵質一般檬粉都略帶透明仲會痴埋一餅野呢隻係比較軟而且無痴埋豬頸肉就不過不失啦 味道濃啲會更好☘︎︎ 香蒜牛油雞翼 +$𝟛𝟘炸得夠脆 但食落無聞落咁香牛油味 而且得兩隻就少貴 可skip☘︎︎ 檸檬特飲 (其實係柑桔)☘︎︎ 西柚汁💬 裝修令我諗起會安🏮晚餐價

天氣熱好鍾意食越南菜😙 員工好親切，主動告知6點前落單仍然有日間套餐($80)供應前菜小食揀咗木瓜絲沙律同越式春卷，春卷整得好鬆脆👍🏽推介！主菜要越南生牛肉河同香茅豬扒撈檬😆 生牛肉河湯底香濃又清甜，河粉彈牙，有驚喜😍 豬扒撈檬嘅檬粉比平時食開嘅幼滑，但豬扒略為幼身，亦唔夠香脆，有少少失望，唔推介飲品要咗冷熱越式煉奶咖啡各一杯，煉奶係自行加落去，自行調節甜度。咖啡就咁飲都幾好味餐廳牆上嘅壁畫好繽紛，好有越南風味

 一到lunch time，灣仔呢區好多餐廳都要排曬隊，見到呢間越．男唔洗排隊，而且餐牌啲野食都啱食，就入左去食。價錢黎講係同區入面算抵食，如果就咁嗌一款主食，$60就埋到單，叫埋小食加飲品就$80。今次嗌左既法包同小食都好唔錯，下次有機會想黎試埋佢地既牛肉湯河🤤  1⃣️香茅豬扒法包+越式春捲+越式煉奶咖啡（$80）個法包有驚喜🤩食落好脆身，入面有滿滿既醃蘿蔔絲、扎肉、切好一條條既香茅豬扒、肝醬、沙律醬、青瓜、香菜、洋蔥。食落清爽得黎夠曬豐富🤤香茅豬扒唔乾身亦都唔會癡牙👍  小食揀左越式春捲，炸得夠脆，入面有啲芋頭、豬肉，唔錯。  越式煉奶咖啡唔算好甜，咖啡味都算香濃☕️  2⃣️香茅豬扒法包+香蒜牛油雞翼+椰青水（$80）朋友一樣都係嗌左香茅豬扒法包，佢都大讚呢度既法包好有水準😋  另外小食牛油雞翼炸得好脆既，不過食落冇乜牛油味，同埋油左啲，夾起件雞翼之後見到個碟上面成層油🤔不過食落其實又唔覺得咁油。  椰青水輕甜解渴，配埋呢啲越式野食啱曬。  

平日經開見小店裝橫很有越南風味.碰着老公來接收工.佢又喜歡吃越南菜😝便決定在此吃午飯. 不用等位, 到cashier點菜付款便有員工送餐👏🏻性價還可以.hkd80有一款主菜.一款小食同欽品👍🏻食物選擇不多. 不過個人覺得已經好足夠.有時候太多選擇不是一件好事. 食物品質好已經足夠.我們點了生牛肉湯河.豬扒三文治. 牛油雞翼同炸春卷.每款味道都好好好.尤其發包老公話包很脆材料很足夠🎉另外個人認為牛油雞翼亦十分入味.此小店亦有很多外國人光顧.有機會一定要試吓晚餐❤️

灣仔好多特色小店，各國菜式應有盡有之前行過見到越男覺得真心有越南啲塗鴉牆feel又靚終於入去試下，店舖都幾細但設計又唔會坐得好迫，好有東南亞地道餐廳感覺既裝飾同色系，未食先有風味餐牌唔算好多選擇，主力都係越南粉，配下典型小食越南人主理再加分越式脆燒腩湯河，分開上唔會變淋，湯河顏色偏清，食落都係清既，可以自己加齊全既香料同調味，落左青檸同炸洋蔥即刻好味好多河粉正常，薄身既，份量就唔太多，男士食可能會唔夠飽，即試脆腩，皮係脆既，但成舊連肉就變左係硬普通燒肉味，點少少醉辣醬好少少但無特別飲返啖檸檬特飲再食，清清地唔太甜幾好味既lemonade會安生牛肉湯檬，好似幾signature賣相都正，即試最重要既牛河底，偏清，牛味唔太濃，飲完個aftertaste 先有，飲都ok，食埋粉就幾淡當牛清湯飲先正，牛肉就正正常常，份量整體都係比較少小食，鮮蝦扎肉米紙卷，賣相幾靚亦見到啲鮮蝦，入口清新，味道都係走清既路線，不過米紙卷黎講係ok既最後既香蒜牛油雞翼，相當脆口，牛油味係食脆皮已經有，相當入味幾好食牛油同蒜味足，亮點整體來說灣仔靚越南店依個價錢係抵既，食物黎講真心偏淡，如果愛好清淡又想有越味既會好啱