咖啡弄 (Closed)

其實好耐之前已經知呢間餐廳既存在亦聽人講呢間餐廳等位要好耐不過要明白好多時熱潮過左,仲使乜等位呢個道理所以今時今日去就差唔多銅鑼灣分店太遠,前排亦都去過所以今次去尖沙咀分店上到去,果然唔使等就入座每人必須叫1杯飲品咁就各自叫左水果茶同抹茶牛奶再叫多個士多啤梨鬆餅SHARE老老實實,飲品方面不錯,抹茶牛奶苦中帶甜,甜度適中個鬆餅就真係好一般,食落似食石膏多過似鬆餅感覺食完真係好難消化後尾見到隔離枱叫牛角包好似更加吸引不過,唯一可以讚呢間餐廳服務態度幾好

朋友突然之間想食咖啡弄，就去尖沙咀分店試吓，環境都唔錯乾淨舒服。入到去可以坐90分鐘而且每人最少要叫一杯野飲。我同朋友就叫左一個總匯三明治同埋煙燻雞肉三文治三文治都係即叫即做嘅所以食落去係仲暖粒粒份量亦都好夠，一個人食真係好飽。個雞肉好juicy好入味，配埋啲蕃茄青瓜幾fresh飲品我地分別叫咗一杯蜂蜜生薑茶同埋牛奶冰棒可可牛奶可可嚟到嘅時候係一個暖暖地嘅朱古力，味道都幾濃郁，配上一個凍冰冰嘅牛奶棒，飲落係好香濃嘅牛奶味至於個蜂蜜生薑茶，薑味好夠，飲完個身暖哂，真心唔錯。整體來講呢間餐廳啲質素都不過不失。

成日見人打卡打得多去過兩間分店數字 次次都係長長人龍我唔鐘意排隊 所以一直都未有機會來試試咖啡弄今日難得早起 又再去碰下運氣睇下洗唔洗排隊今次好彩扭正剛剛開鋪無耐 未有太多人可以立即入座一心來係想試個waffle所以立即叫左個香蕉朱古力wafflewaffle烘得好脆好香 蛋味濃不過個心有少少唔夠熟可能岩岩開店部機未ready不過整體都OK叫多左一樣黃金拿玻侖見個餐牌寫每日限定港女既我一定比佢吸引左叫來試見到黃金仲誤會係咸蛋黃類既野黎到先知原來係檸檬吉士味既好似惠康牌個隻檸檬夾心餅咁既味個人覺得味道唔好食 加上佢酥皮做得好差好硬 完全拮唔到入塊皮到 好失望！見到唔少人都會叫咸點食不過今次我地就無試 下次唔洗排都會試試既

今次已是第二次光顧，亦是選擇在平日下午3、4點，哩個時間兩次都唔使等位每次由職員帶位入去就座，佢地例牌會講，每人最低消費一杯飲品，限時個半鐘，其實我絕對理解亦體諒，但職員每次講野態度其實我覺得可以好少少，唔知大家有無同感，即使是落單，食物到等，佢地都習慣性唔望人講野，猶其是女職員，其實兩次都見你地不是太多客人，忙亂中都可以體諒，但人不多時，你地不坊可以比少少heart,會令客人舒服少少講返食物，今次試左鹽酥雞同杏鮑菇，非常好味夠熱夠脆，粉唔厚，份量適中👍🏻飲品叫左熱桔茶同凍水果茶，都係保持到水準，好好味，好清新

這天午餐食得很飽，直到晚餐時段仍感覺飽飽滯滯，這時候女生的第二個胃要出動了！既然正餐沒胃口，就吃個豐富甜品當晚餐吧！「咖啡弄」是其中一家我「想去」的餐廳，今晚近9點到來竟然仍要等位，可見這人氣餐廳實在非浪得虛名！等候區域尚算寬敞，而且可以一睹餐廳的心臟地帶- 開放式廚房！一邊等位，一邊看著廚師們製作美食過程，也是一種娛樂！是晚點了一客「香蕉巧克力冰淇淋鬆餅」及一杯「熱可可」。本人很喜歡吃窩夫，但咖啡弄的鬆餅跟窩夫不一樣，它比較像「鷄蛋仔」味道的鬆餅，而且質感是是又厚又棉的鬆餅。淡淡的蛋香，餅面烤得香脆，但蛋味不夠濃，餅面又碎了。不過4塊鬆餅略嫌太多，吃到第四片鬆餅已凍，變得硬又難切。巧克力冰淇淋及香蕉片跟鬆餅味道匹配，巧克力漿甜度適中，令整體味道有更多層次。至於那幾片香蕉乾，太硬，其質感跟其他食材未能混合/配合。熱可可，有一小杯棉花糖，可自行添加到飲品中，這個做法貼心，不會使棉花糖在傳菜的期間溶掉一大半。但可惜飲品本身的可可味太淡，味道不夠濃郁，令人有點失望。

想同舊同學揾個地方傾下計，又唔諗住食得太heavy ,所以就選擇左咖啡弄。 由於番港成日要排長長嘅人龍， 所以無喺香港食過， 反而台灣嗰間就食過幾次。 台灣咖啡弄俾人嘅感覺係年輕有活力， 雖然香港嘅侍應都好後生但個感覺有少少hea ，無咩禮貌。食物方面叫左個waffle , toast ，三文治同三杯飲品食物同台灣一樣大大件， 不過味道麻麻，用黎影相打卡就唔錯，但係唔會想再黎食囉！ 飲品就幾特別， 叫左蜜桃冰茶同埋咖啡。 咖啡同個cream 分開， 個cream 幾香同滑！

咖啡弄熱潮一早過咗所以入坐都唔需要等位第一次嚟食真係非常之失望咖啡弄每人最低消費一杯飲品員工服務態度非常之差比起台灣落差實在太大香蕉巧克力冰淇淋鬆餅🥞配搭香蕉🍌朱古力雪糕🍦同埋吉士鬆餅熱辣辣 不過食落實在太過厚實一啲都唔鬆化 黃金拿破崙係限量發售所以見到有就諗住叫黎試吓食落去有淡淡的香橙味不過層次就唔夠多奶味太重蓋過晒抹茶嘅味飲落又太過甜總會三文治令人十分之失望老實講普通公司三文治🥪一定好食過佢麵包烤得吾夠，食落又唔脆又唔軟成個三文治都凍冰冰完全唔知即製，好似放咗好耐性價比真係非常之低同樣價錢相信會有更加好嘅選擇囉

台式食品是日與知己良朋一起到尖沙咀這間餐廳，也近地鐵站的，不會太遠感覺清新，食物一流，格餅鬆軟度適中，配上士多啤梨是絕配，三文治的材料新鮮，不會太乾，三文字水的蛋香滑，一份也吃到很餅飽，桂元紅棗茶，十分足料，而且材實看得正料，十分推薦大家飲用，尤其是每月不方便的類似，十分進補，略嫌進食時間只有1.5小時，對聚會的我們也很少時間可以傾計，服務員態度也不錯，座位也挺舒適，可以不用太擠迫鄰近尖沙海旁，進食後也適合知己/情侶一同前往

香港人最無耐性都肯排，證明咖啡弄幾俘虜左幾多少女心。我最鍾意食北極星龍蝦包，必飲熱水果茶，再加多個總匯三明治，飽到癡線。我男朋友都比我感染左鍾意飲。如果唔洗排隊就好啦

突然想食咖啡弄，7點左右去到等左10分鐘就可以入座，第一次去尖沙咀分店，餐廳環境闊落、整潔舒適，但有很多食物已經賣光，最後三個人都點了不同的三文治，等了快將35-40分鐘，時間有點久，但原來每枱都要等，禁我地都乖乖地等～三文治是即點即新鮮製作，味道不錯、分量十足，其實三個女仔點兩份已經足夠～水果茶有數款新鮮水果，但味道偏甜，朋友說凍飲反而會好d～甜品方面推介鹽味焦糖冰淇淋窩夫，窩夫新鮮製作，外面香脆來內裡鬆軟，鹽味焦糖冰淇淋香滑又唔會太甜～

難得出尖沙咀 ，突然想食咖啡弄，上到去都要排一陣隊先可以入座。黎cafe緊係要叫咖啡，我地點左摩卡同拿鐵咖啡。兩款咖啡都有配兩塊曲奇，拿鐵仲會有支糖棒，响咖啡入面搞下，幾得意。主食就叫左玉米里肌起士可頌 ，好中意佢好多玉米蔬菜，上檯時仲暖暖地，份量兩個人 share 岩岩好。黎到咖啡弄，呢個鬆餅係必叫的。最愛佢個草莓冰淇淋鬆餅，份量十分多，食完勁飽。不過呢度地方唔大，枱與枱之間都很貼近，如果在假日人多會比較嘈，唔岩傾計吹水，同埋有時限。

很出名的台式cafe，環境裝飾十分舒適及精緻，令人放鬆，是休息的好地方。和朋友點了冰淇淋鬆餅，冰鮮果茶。鬆餅非常鬆脆，配上冰淇淋十分夾，好味。冰鮮果茶味道也不錯👍

下午時段幫襯，播放音樂極大聲，客人唔算多侍應好似唔憂做咁，hea住應你，hea住order最攪笑係啲侍應執碟，會用紙巾隔住先掂個碟到叫埋單，侍應動作會快啲，但會撓住手行去攞張單俾你

平時阿媽都係中意食川菜多 台灣野比較少食所以今日行完街就帶佢去食下去到2點幾都係要排排左40幾分鐘 好彩阿媽等得《玉米里肌司可頌》入面都幾多芝士 而且有D蕃茄生菜可以中和返油膩感 食落去口感豐富 不過有少少咸但未試過可以試下唔伏《草莓冰淇淋鬆餅》呢個係我至愛窩夫好厚實 入面無空氣 但士多啤梨唔夠甜都係偏酸食左甘多次水準都算Keep到必試

個日同老公一起去尖沙嘴行街 突然好想食咖啡弄林住一定好多人排隊喇點知唔洗排隊喇喇聲上去即刻點野食個度D服務員又靓仔又靓女個個都好溫柔好細聲好有禮貌最喜歡點距牛角包好香好軟熟好好味老公就叫左個飯距都話OK不錯 咖喱味好濃好送飯 後尾可以慢慢嘆茶嘆咖啡而且仲有COOKIE送好舒服好好心情好環境而且裡面有個特別的香味個人好喜歡大家經過可以黎試下而且距個餐廳很特別 很有特色所以誠心推薦大家黎試下包你們喜歡！！！！