德藝會

Open Now

Now Closed

九龍灣東九文化中心門外的LED花海是香港旅遊必到的景點之一。這間酒家正正位於九龍灣德福花園，鄰近地鐵站及德福廣場。店內平常用作婚宴場地及宴會廳，環境優雅寬敞舒適，適合多人聚會。ClubOne會員於星期一至五可享七折優惠，而星期六、日及公眾假期則可享八折優惠，相當划算。蟹籽蝦燒賣粒粒肥美飽滿，黃色薄皮包滿鮮蝦豬肉餡，多隻大蝦及豬肉鮮香嫩彈，蟹籽爽脆鮮味。上湯小籠包新鮮蒸起熱騰騰，厚度適中的外皮煙韌彈牙，鮮豬肉餡嫩滑飽滿，咬開流出濃濃的高湯汁。豉汁蒸鳳爪外酥內軟的鳳爪有著濃郁的豆豉鹹香，一咬即脫骨，有著豐富的膠質。芝麻蝦多士(4件)金黃酥脆毫不油膩，撒滿白芝麻粒，鮮蝦膠爽滑彈牙。鐵板厚切牛仔柳鐵板保持新鮮溫度，多塊牛仔柳肉筋及肥肉非常少，卻軟腍鮮嫩，帶陣陣黑椒辛香及蒜香。千島大蝦球四隻去殼去腸的鮮大蝦，肉厚且鮮嫩爽彈，帶點酸甜滋味的千島醬好鮮膩。脆皮乳鴿新鮮炸起皮脆肉嫩，秘製滷汁好入味，咬開香脆的外皮，流出濃烈的肉汁，嫩滑且非常有彈性。

以前德藝會要入會俾幾千蚊一年會費先至可以去會所食飯最近發現原來唔使會員就咁都可以入去食飯，即刻入去試吓先。特價孖寶 $538 > $377羊肚菌燉螺頭豬展 （4位用）湯料超正豬展雞腳螺頭羊肚菌花膠份量十足 湯味 濃郁鮮甜 全餐飯嘅亮點，真係要讚吓，呢個價錢，平過自己喺屋企煲 XO醬鱈魚蒸豆腐金沙蝦球 另外仲可以加配，紅燒乳鴿 $19.8 一隻特價孖寶有好幾款選擇， 一個餐 2-3 人都夠食， 見隔籬枱叫咗龍蝦好似好正，下次都想試吓真係好抵食

位於九龍灣德福花園嘅❣︎德藝會❣︎ClubONE 係出名嘅私人會所，場地已歐陸風格設計，柔和光線好適合小型婚宴/團體聚會，今日中午同媽媽來嘆茶，點心高質👍🏻環境舒服，如果係ClubONE會員仲會有尊享嘅折扣優惠添。❣︎蒜香魷魚鬚❣︎$68炸得酥脆香口😋好乾身，入口唔會油淋淋，食唔停口。❣︎XO頭抽炒腸粉❣︎$58滑溜嘅腸粉，有紅椒，蔥，芽菜，芝麻做配料，食香味俱全。❣︎脆皮乳鴿❣︎$68隻即叫即炸，皮脆肉嫩，仲有埋手套提供，非常貼心。❣︎筍尖蝦餃皇❣︎$53.8大大粒蝦餃😋鮮蝦與竹筍融合配搭，鮮甜爽脆。❣︎鮮茄鮮竹卷❣︎$39.8外酥內嫩，餡料豐富，加埋酸甜嘅鮮茄，好開胃有層次。❣︎流沙奶皇包❣︎$39.8Q彈外皮，熱辣辣嘅奶皇流心🤤湧出來👍🏻滑順唔膩口。❣︎豉汁蒸排骨❣︎$39.8排骨軟嫩唔腥，豉香濃郁。

聽講可以做會員，$1480 一年會藉入會費， 回贈 $1180 消費額。 費用真係好抵，話哂星期一至五全日七折，星期六日公眾假期八折。 母親節竟然可以book枱吾使等位， 一家人專登去試吓，真心講呢間club one環境其實幾好，枱舆枱之間好寬敞環境都可以，可惜點心選擇唔多夠多，最後揀咗幾款簡單嘅點心，蝦餃餡靚， 蝦又大隻， 可惜厚皮左d, 燒賣正常，蝦春卷 非常脆口 餡就 juicy, 9 個點心連 5 位茶， 賣單$500有找 。如果入會有8 折就真係超平。

今晚朋友帶到這間Club One 德藝會食中菜晚飯，環境寧願，地方闊落，招呼周到。平日有晚飯孖寶及小菜。蒜香魷魚酥$88, 炸得金黃香酥，乾身不油膩，粉漿不會太厚，有些炸蒜舖面，好香口惹味，沾上醋汁更可減油膩感。XO甜豆炒螺片炒得頗有鑊氣，甜豆脆綠無渣，口感爽甜，螺片份量頗多，口感爽口，用XO 醬炒更惹味，送飯一流。姜葱魚籽蟹炒飯，份量大碟，飯粒炒得分明而乾身，配上大量魚籽，蔥粒及薑粒，好味而賣相又加分。

Club One 會所一號德藝會喺九龍灣，環境唔錯，飲茶坐得舒服！下晝嚟飲茶，叫咗幾款點心。筍尖蝦餃皇$53.8，蝦餃皮夠晒晶瑩，入邊嘅蝦爽口。上湯小籠包$45.8。外皮薄軟，內餡多汁，每一口都食得到好好味嘅湯汁。蒸金錢肚$39.8。蒸熟嘅金錢肚，肉質鮮嫩多汁。乾蒸牛肉球$32.8。呢道牛肉球係乾蒸嘅，保持咗牛肉嘅鮮嫩口感，加上特製醬汁，唔錯！XO醬炒蘿蔔糕$45.8。蘿蔔糕軟綿加上XO醬嘅風味，好惹味。蒜香魷魚鬚$68。有蒜香味，炸得香脆。星洲炒米$128。呢道星洲炒米以炒飯為底，加入各種配料同香料，口感好豐富，味道好好。

訂了12人餐，$5288要先付500訂金（如果可以過數就好，不用親身去俾）星期五飯局，現場不算太多人靜靜好適合一家人食飯服務不錯，上菜速度好好逐碟黎，好似去飲咁 唔會一次過上幾個菜（會好易凍）炸蟹鉗好好🥰 （不過廚房溜左呢個菜，上到飯同伊面都未見蟹鉗，同服務員講了，好快整返俾我地，超新鮮，正正）有機會會再去食

是晚一行四個女仔聚會，想安安靜靜聚下坐下所以就試下這間會所中餐，我們不是會員，但不知是否平日的關係…訂了7:00入坐，只見只有我們和另一枱，進去後以為去錯地方😓，但真心食物質素又唔差，服務態度都好好，衞生環境都好，所以我想們在想是因為經濟還未復蘇？我們這枱四個人，叫了一個非會員價既套餐有魚、有咕嚕肉、有乳鴿另加多個菜和一碗白飯，剛剛好夠食😊在這個會所食這個價錢算是十分經濟，所以有機會還是會再幫襯！😋👍

又是一個懶洋洋的星期天。看完兩個小時的早場電影已經下午一點，開始肚餓。於是到附近看看有什麼好吃醫肚。 德藝會於九龍灣德福廣場。從地鐵站一出不用10分鐘便到，十分方便。這裏的裝修簡單，而且寬敞，枱與枱之間有足夠距離，坐得舒服。 我們一行二人叫了幾樣小菜一起分享。 芝心蝦(⭐⭐⭐⭐⭐)一場嚟就當然要叫這個廚師推介，一份兩隻，兩個人分享剛剛好。海蝦大隻而且肉質結實，配上煙韌的芝士，吃起來層次感豐富。椒鹽鱈魚粒(⭐⭐⭐⭐⭐)新鮮即炸，上枱還是熱辣辣。粉漿不算太厚，能吃得出魚肉的鮮味，配上椒鹽輕輕調味，吃起來惹味十足。蠔皇叉燒包(⭐⭐⭐⭐⭐)叉燒包一份三件，吃起來鬆軟可口，叉燒調味剛好，不算太鹹。竹笙燴上素(⭐⭐⭐⭐⭐)另外還叫了素菜，清清腸胃。各種不同蔬菜一點兒也不單調。吃起來新鮮爽脆，中和了其他菜色的油膩感。迷你珍珠雞(⭐⭐⭐⭐⭐)最後叫了個迷你珍珠雞，吃點澱粉質才飽肚。一份兩件，兩個人分享剛剛好，為這天的午餐劃上完美句號。總括而言，這間餐廳食物質素不錯，而且價錢十分大眾化。下次經過也一定會再來。 ~~~~~~~~~~~~~~~~~~~~~~~~ 德藝會 九龍灣德福花園P13-14號推介菜式

去咗九龍灣德福探朋友，朋友帶咗我哋去呢間隱世酒樓，環境冇咁嘈雜，幾好坐👍🏻蟹籽燒賣一籠4粒，豬肉餡料都幾爽口，加入左啲冬菇粒，都幾香。炸春卷我最鍾意食香脆嘢，飲茶通常都要食吓香口嘢。呢個春卷炸得好脆，如果餡加多啲蝦肉就更加好食。芝心大蝦皇大蝦中間釀咗芝士跟住炸，蝦殼炸得香脆，殼都可以食埋，蝦肉啖啖肉，中間仲要夾住邪惡綿綿芝士，口感豐富😋迷你珍珠雞糯米飯都幾軟糯，唔太乾唔太濕，醬汁幾好味，加上荷葉香氣，好食。餡料就比較少，只有少少肉碎，如果加啲蝦米、鹹蛋黃會比較豐富😆上湯大虎蝦煎麵呢個又係勁香口😆煎麵勁脆，點醋食又得，淋上湯食又得。上湯係分開上，唔會整多啲麵淋咗。虎蝦大大隻，開邊炸，蝦味濃郁，沾上上湯食更加好食。

德藝會為私人會所，提供多元化的康體設施，設有宴會廳。朋友介紹，會所內的宴會廳名為會所一號德藝會，是開放給非會員使用。德藝會位於九龍灣站上蓋，交通方便，宴會廳裝修新，以藍色作主題，環境高貴美麗。芝心大蝦皇兩隻136.0元，外層芝士味道香濃，內層蝦肉大件且彈牙，氣味香濃。蟹籽蝦燒賣45.8元，蝦肉爽口，豬肉美味。鮮竹卷39.8元，腐皮卷黃豆味濃，饀料味道正常。金銀蒜金菇蒸龍躉腩配瑤柱蛋白炒飯198元。龍躉腩熱辣辣，內質彈牙，味道鮮甜。炒飯乾身，帶少少咸味，瑤柱香口惹味，蛋白滑，值得推介。茗茶每位30元。

一直都好奇到底德藝會裏邊有什麼，今日跟德福的朋友約了在德藝會飲茶。環境舒適，枱同枱之間相距甚遠，而且不多枱不會太嘈。有分會員價及正價，正價同一般酒樓相約。正價小點由$23.8至特點$45.8，茶位星期六日$15。芝心大蝦皇 | $136 2pcs蝦肉彈牙，蝦身載著芝士，外層脆炸，芝士有拉絲效果。蝦殼好硬，如果炸到連蝦殼食，相信效果更佳。蟹籽蝦燒賣 特點 燒賣幾大粒，多豬肉饀，中間有香菇片。上湯小籠包 特點酒樓的小籠包都會稍為厚一點，有湯汁。香芋地瓜丸 小點全部四粒都是香芋丸，外皮炸脆內饀軟綿，甜味適中。海蜇拍青瓜 | $52加了辣油幾惹味，青瓜爽口，海蜇軟身不夠爽。八味豆腐 | $68一粒粒圓形小豆腐，外脆內滑，適合點剛才餘下的泰式辣醬。XO頭抽炒腸粉 | $58誤以為是XO醬炒腸粉，但應該是頭抽炒腸粉，豉油味幾香，腸粉入味，不辣。

記得之前因為陪親友參觀婚禮場地，所以有一段日子，經常到Clubone，不過，位於九龍灣德藝會的這一間，我還是第一次來。說實，德藝會的交通非常方便，就在九龍灣港鐵上蓋，由步出地鐵到達，5分鐘路程也不用。宴會場以歐陸風格設計，既時尚又華麗，非常適合婚宴又或是各類型公司/私人宴會。芝心大蝦 $68@ (兩位起)私心推介！大蝦非常大隻，口感彈牙，味道鮮甜，而內裏放滿了芝士，入口有拉絲效果，加上外層炸漿薄而脆，連蝦頭及蝦殼都炸得可以直接吃下，讚。蒜香魷魚鬚魷魚鬚炸至金黃色，外層粉衣薄薄的，入口香脆，帶有濃郁蒜香味。滑蛋蝦球帶子河蝦球及帶子份量足，蝦肉爽口彈牙，帶子結實鮮甜，河粉滑捊捊，最重要是滑蛋汁夠多，能讓每一條都掛上醬汁，蛋香味濃。蟹籽蝦燒賣燒賣大大隻，非常飽滿，加上皮薄餡多，口感實在，入口有蟹籽的爆破感，細嚼時滿口肉香。蠔皇叉燒包叉燒包口感鬆軟，不會黏牙，而內層肉餡肥瘦適中，口感軟腍，既有肉香，又有麥牙甜香。

芝心大蝦$136/2隻大蝦中釀入咗好多芝士，大蝦沾上炸粉口感非常香脆，最正係入面嘅芝士造成拉芝流心效果，蝦肉爽甜香煎蘿蔔糕$45.8呢個好食！蘿蔔糕，質感軟滑，食到蘿蔔絲，煎得四面香脆，加埋XO醬一齊炒，味道絕配濃湯鮮竹卷$39.8幾好食，多汁蟹籽燒賣$45.8飲茶必食之一，口感彈牙乾蒸牛肉球$32.8同平時食開嘅有少少唔同，呢到嘅牛肉球較獨特，有少少似牛肉燒賣星洲炒米$128炒得幾靚夠色澤，唔算多油，味道唔太鹹💰$504/2ppl🚩德藝會 (九龍灣)📍九龍灣德福花園P13-14號

疫情下，公司嘅 Annual Dinner 無奈取消！Deposit 擺咗成一年，終於決定食咗佢算啦！$5000 一圍滿是驚喜呢！因為4人限聚，所以菜式都係分開幾份上枱。乳豬配刈包 皮脆肉嫰脆卜卜，配刈包可以減低油膩感。如果可以片皮去骨就完美喇！帶子炒甜豆火候啱啱好，有鑊氣之餘，帶子仲好鮮嫰。酥炸生蠔脆漿好薄超級酥脆，大大隻桶蠔非常Juicy，係高水準嘅佳作上湯燴魚翅高湯濃郁，魚翅分量足，好滿意。美極煎大蝦海蝦炸得香脆，連殼食埋都得，但略嫌over 咗少少，蝦肉太乾身。清蒸東星斑海鮮鮮味，係靚魚一條，蒸得啱啱好，魚肉嫰滑。蠔豉扒豆苗蠔豉平日唔多鍾意食，今次算係豁出去試食，蠔豉味道濃郁，配豆苗都幾夾。炸子雞皮脆入味，肉質鮮美，好快就食晒喇！乾燒伊麵絕對係油＋膩嘅組合，伊麵太軟身，加上好多油，食半碗都頂唔順。瑤柱蛋白炒飯炒飯粒粒分明非常乾身，味道偏淡，中和油膩感。雪糕泡芙味道一般，應該係外面啲急凍甜品。蓮子百合紅豆糕結冰嘅紅豆糕上枱時仍然處於冰點，食唔出糕嘅感覺，當紅豆雪條咁食，就發現材料豐富，係正宗嘅蓮子百合紅豆沙。總括嚟講係水準之上，除咗伊麵，甜品外，大部份都好滿意。