全記海鮮菜館

Open Now

Now Closed

又到食海鮮時間啦！一大班人走左入去西貢，當然會去全記啦！呢間我地麵食唔少次，又平又靚！抵食！我地叫左芝士龍蝦伊麵低，龍蝦超新鮮，超多肉，芝士好入味，最正係伊麵因爲入哂味！呢個次次都會叫！再黎蒜蓉粉絲扇貝，扇貝上鋪滿蒜蓉超野味，粉絲吸收了扇貝蒜蓉精華，好味！再清蒸左一條大班魚，蒸得剛剛好，肉好滑，差不多想連骨都食埋！再黎脆米魚肉蛋白炒飯，飯炒得粒粒分明，加上炸過米粒香脆可口，正，再蒸蛋個果皮鮑魚，彈牙鮮甜，當然唔少得炸子雞，上湯菜，呢一餐非常滿足！

弟弟即將出國留學繼續進修博士，所以今天提前慶祝他大學一級榮譽畢業+Fare Well Party，順便提前慶祝我的生日這麽高興的日子，當然要來西貢吃海鮮，我媽媽推薦這間酒家，於是我們一行12人今天晚上來到這間酒樓吃【海鮮盛宴】剛到酒家門前的魚缸，在漫天遍野，浩如煙海的魚群中，我一眼便鎖定了一條游來游去，生猛活潑的【東星斑】，我對它【一見鍾情】和【情有獨鍾】，即使牠努力游在其他魚中的背後，都無阻我今晚要【寵幸】牠的命運，最終牠成為我們的其中一道菜式海鮮盛宴中，除了這條【幸運】的【東星斑】，我們還叫了一隻【阿拉斯加長腳蟹】，2隻【波紋龍蝦(青龍)】和 2份【蟶子】另外我們叫了一隻【鹽焗雞】，【安格斯牛肉炒時菜】，【菠蘿咕嚕肉】和【野菌燒豆腐】，總共8樣菜式在這麼多珍饈佳餚中，每一道菜式都各有千秋，各俱特色，而在琳瑯滿目的菜式當中，以海鮮的美饌佳餚尤其出色No.1【阿拉斯加長腳蟹】， 長腳蟹是【二食】的，蟹腳是清蒸燉蛋白，蟹身則是薑蔥炒蟹腳方面，由於 【阿拉斯加長腳蟹】十分巨大，所以牠的蟹腳亦十分大條，自助餐的細小蟹腳和它相比之下，簡直黯然失色，完全不能比較蟹腳一上枱後便香氣四溢，蟹的香氣立

難得一大班親戚聚在一起，最好嘅活動當然係去飲個茶食番籠點心。每逢週末，西貢都會係人山人海，沿住碼頭條路嘅酒家，間間都有好多食客呀！甘難得係全記搵到位，夏天坐户外又有咩怕咼！頭頂有個大風扇吹住，又有太陽傘遮蔽，熱度都可以接受到！大家已經好肚餓，攞住點心字失左控甘係甘劃，啲點心好快就已經嚟到，放到冇位放。整體點心嘅味道質素唔錯，點心選擇非常多，任君選擇。特別大讚流心奶黃包，流心嘅效果做得好好，每枱食客嘅必點之選，唔怪得之係限量供應。 另外啲炸嘅點心都做得唔錯，件件香脆可口，亦都冇炸得過火，冇任何油溢味。仲有，超大版嘅籠仔蒸飯，有多種類，一嚟到就已經香噴噴，好好味。另外，要讚一讚，有位職員嬸嬸做事爽快，亦都好溫馨提醒我地叫嘅份量過多，會食唔曬，要唔要考慮放棄某啲。

自問不是咩專業食家, 但都係食海鮮大... 諗住去到西貢, 間間都差不多"貴"...  就去左間掛住"米芝蓮"光環所謂的推介"名店"... 點知真係好唔掂。本身都知叫套餐都唔會有咩大隻海鮮，但都唔係比d咁嘅貨，仲差過普通餐廳...名菜椒鹽鮑魚, 係好淋, 但一陣梳打粉"拿" 詔的口感, 蒜蓉蒸元貝, d元貝好明顯係急凍的帶子, 沒有扇貝的鮮甜同肉質，瀬尿蝦肉“梅“可以解釋為因為休魚期d蝦瘦d, 真係唔好玩啦～ 另外加左個蟶子, 豉椒炒, 1扎14,15隻..上到碟, 變左碎碎粒的... 蟶子不是一"揪"的嗎?  令人好懷疑比唔足數...同佢地的店員講都徙氣.... 好失望... 唔係咁樣做生意的,  可一不可再...** 唯一推介的係送的蓮子紅豆沙.  不太甜, 足料

小弟今次第一次係openrice 出post, 而且都食左呢間野20幾年有多，每逢節日一年都幫襯幾次，今次真係都忍不住要重點提及下個所謂既太子爺服務態度，話說去到他安排我們坐一張角落而且不夠位置的圓台，我們想行上多一層去看看有沒有其他比較大的圓台，然後他説上面果層比人包了 ，而且仲話”無位架啦，包房要10,000蚊，唔鍾意就過主走啦，我地都唔自在你地食唔食”，試問作為一間著名米芝連食府，以狗眼看人低既待客之度去做生意，真的是不知所謂.強烈建議大家不要再幫襯

又去行山啦，今次入西貢行，6點行完出返西貢碼頭，人人都話食海鮮做遊客生意，所以我就未試過係西貢食，但山友們都想食，就去食個海鮮餐，原來都幾好食，海鮮質素都幾好。龍蝦鮑魚套餐，明碼實價寫明每位$274，免加一茶芥，經輕度格價後，比較左多間都有郊外油菜同生果/糖水 送，呢間仲多左秘制鹽水雞腳，最正係用「銀聯」unionpay，可減$100，都幾抵。特濃芝士焗龍蝦伊麵，芝士稀稠適中，唔會好膩，伊麵可以掛滿醬汁，好濃好香好滑。龍蝦味唔太重，勝在厚肉肥美，而且幾大隻幾抵食。椒鹽瀨尿蝦，我第二次食，原來大隻係好味好多，難得呢度用大隻的瀨尿蝦，所以更多肉更有口感，微彈嫩滑，仲好甜。薑蔥炒蟹用兩大隻肥美大蟹，仲要用肉蟹，啖啖肉之餘，仲好鮮甜蟹味濃，而且蟹肉滑溜，蟹鉗肉厚。薑蔥爆得夠香，越食越惹味，又唔會蓋過蟹鮮味。古法椒鹽鮑魚，每人一隻好睇又好分，賣相的確好吸晴。味道其實一般，鮑魚微彈易咬，口感方面係幾好，但椒鹽蓋過鮑魚味，而且外層偏硬。用清蒸可能更鮮味。白灼海中蝦超大隻，份量也足夠，肉質鮮甜爽彈，蝦味突出，唔使豉油，直接食更重蝦味，好新鮮白灼海螺肉厚肥大，彈牙有嚼勁，一點腥味也沒有，味道好好，加上海

未遇尚可，一期不遇，難以踫頭，復活假期一於找個適合損友相敍的好地方，一遇一聚！小人超愛雞腳，餐前的鹽水雞腳又且看其虛實。爽爆無比，鹽水剛好，絕上佳作！友人獨愛的豉椒蟶子相當的入味，相當的爽。椒鹽瀨尿蝦乃絕密之作！不似其他地方要撈椒鹽上的，就是實實在在的炸上。脆度不用多說，還附上剪刀，開得容易，香口備至！另一香口之作椒鹽豆腐，椒鹽皮脆，豆腐在口腔裡已被融掉了。酒味濃烈的辣酒煮花螺，酒香絲絲入扣的滲入花螺裏，再呷口啤酒，簡直令人不會停口！薑蔥焗蠔是吃得出的鮮，薑的香加上大量的青蔥，此蠔留香(^_-)！別以前貌似水汪汪的芝士龍蝦會流；事實上十分惹味，伊麵底盡索其汁，吹水會員瞬間轉移到肚裏去。蒜蓉粉絲蒸元貝，蒜味激香，元貝不老。蒸魚那理是斑是龍躉，總之是又香又滑，不新鮮的話很難蒸出這樣的高質。在海鮮飯店吃到的燒鵝是出奇的香，鵝皮有油脂是預了的，浸著燒鵝汁，三兩碗白飯在所難免。喜幸的一期不遇，得嚐美食。

自從上年新年唔想再迫酒樓,黎左西貢食海鮮後, 今年都係一樣~黎西貢食海鮮!上年係萬年街個間全記, 今次黎牌坊呢邊~呢間就要行樓梯, 但對住個海吹埋黎又幾爽~今次我地一行16人~(就係太多人一般酒樓D位同份量都唔係太夠)叫套餐, 有講話套餐照除12 X 16 變大份, 但其實我地又諗.. 你樓面會咁計數者, 你廚房又點會咁同我地計, 呢D 一大碟又唔係用GRAM 數, 難用人頭量化既野, 你黎到話係大左, 但我感覺無分別既話, 到時又點算?!新2最緊要開開心心, 唔好搵野嘈嘛~所以我地都冇咁叫, 照返12人套餐, 只將扇貝呀鮑魚個D加返人頭就算(好似係$38 一位)~到時唔夠食先加野或出去食糖水重好啦係咪先?!要食得精明先得~ 可惜當日套餐鮑魚賣哂, 伙計過黎話換蟹畀我地...其實我唔中意食蟹家..不過都冇得揀啦..椒鹽鮮尤~ 我最愛呀!無得輸~係好食既~~~同埋係有鮮味~呢個係豆腐~ 又幾好, 唔會炸到好油~龍蝦~ 呢個就好似細只左D, 唔係啖啖肉~呢個好似係散叫既黃金蝦~冇哂鮑魚換左既蟹, 麻麻地, 唔靚, 水水地呀.D肉縮哂~如果係豆苗會開心D~呢個紅豆沙係OK既, 多豆同結身~唔

Had dinner here in a chilly evening. The staff were passionate and patient, warm welcome was received when we entered the restaurant. The 2 of us ordered a dinner-for-2 set. The food tasted quite good, especially the fish. However, the portion of the lobster noodles wasn’t as expected. Good experience overall.

今日冬至，抽空同阿媽Dum左兩個鐘頭車入西貢，去完香港地質公園、食海鮮，完美的一天。海旁有好多間食海鮮既，我地見到呢間全記海鮮菜館，話係獲得車胎人榮譽既，咁都無謂考慮，直接坐低！呢間店面積很大，而且有好幾層，內部環境唔錯的。門口有好多生猛既海鮮，可以自己挑選，蝦啊蟹啊都非常大隻，海鮮品種繁多，有好多平時街市見唔到既種類。我地叫左個溫馨二人套餐（$ 488）揀左四道餸 ——椒鹽瀨尿蝦，蒜蓉粉絲蒸元貝，薑蔥炒蟹，香味椒鹽墨魚。其實人均$ 244有4個餸1 d都唔貴。其中以香蒜椒鹽墨魚同椒鹽瀨尿蝦最為惹味。墨魚很有彈性，口感Q彈，點甜酸醬特別開胃；而椒鹽瀨尿蝦如手瓣般大，炸得夠脆身，蝦肉唔霉，接近蝦尾的部位啖啖肉，超鮮甜！薑蔥炒蟹都幾肥美，蟹都有啖啖肉，可惜冇咩蟹膏啦！蒜蓉粉絲蒸元貝既size非常大隻，但係味道就無功無過，可能未必係原隻蒸，因為個貝肉並冇黏住個貝殼，已經被鏟起左。其實黎西貢唔食海鮮，都唔知入黎做咩啊。全記呢間舖頭位於海旁，遙眼望過去都見到藍天碧海，盡是寫意。

點解話再次重訪？因為近年每次去西貢食海鮮都係幫襯另一間獲推介嘅海解餐廳。以前入西貢食海解，九成係會去全記，同老闆兩兄弟亦食得好熟，但係自從香港旅遊業大力推介西貢海鮮，加咗個牌坊又搵明星賣廣告，去食嘅人多咗好多，試過有次節日訂咗位都要等成個鐘，而食物質素亦有所下滑，似食套餐咁！後來有次去西貢決定試吓新堀起嘅小規模嘅海鮮餐廳，食物質素令人驚喜，結果以後就冇再幫襯全記。然而多年下來，該餐廳嘅銷費拾級而上，所以令次決定重訪全記！去到全記，雖然見到老闆在鋪頭入面，但佢已經唔認得我，完全冇反應！因為係平日，所以客人不多，有個伙記就全程協助我哋揀海鮮。最後揀咗4樣海鮮，包括一條一斤多嘅海杉班，兩隻奄仔蟹，蝴蝶蚌與赤米蝦。揀海鮮時，個伙記極力推薦我哋食九節蝦，但我從來未見過只係似普通海蝦嘅九節蝦，所以我寧願食赤米。果然冇令我失望，剝蝦殼時已經見到蝦殼厚而硬，絕非養蝦可比，食落又甜又爽，啲肉可能冇九節蝦咁實淨。因為係海蝦，所以係有啲大細不一。淨係食海鮮係唔得嘅，所以我哋都叫咗半隻燒鵝，不過就比較失望，我哋係第一輪嘅客，但係碟燒鵝就似係凍咗再翻熱，唔夠＂新鮮，比起嗰啲食燒鵝嘅名店係有一定嘅差距。原本我想點

係咪以為米芝蓮星級餐廳就=品質保証？五碟海鮮，只有龍蝦伊麵正常啲，蟹肉霉嘅，超多薑蔥！扇貝完全肉殼分離仲帶有雪味！超多鼓油！點解咁做？大家都明啦？！肉類我唔敢認叻，海鮮點為之鮮？呃唔到我哋倆公婆呢！其實，食得海鮮唔會太計較價錢，冇本事做好套餐，不如唔好出！我寧可你比少啲份量，甚至比少兩碟不知所謂嘅嘢我，用心做好一兩道菜吧！米芝蓮星級食府謂何？如果只是向顧客的錢包打主意，失去對食材的執著，只會叫人不屑、反感！西貢係旅遊區都攪成咁，諗住做一次生意嘅話，香港，又多一個污點！

同屋企人入西貢散步，到晚飯時候行去艇仔睇下有冇平靚正海鮮，揀咗一條魚，三隻大瀨尿蝦，同2隻蟹。拎住袋海鮮再行去睇下俾邊檔加工，見全記位姐姐打開餐牌，明碼實價寫住加工收費就安心入座，佢地唔會即時拎袋海鮮入廚房，而係倒入膠盆俾你睇清楚，再寫抵要點煮，真係值得一讚！因為試過拎去第二間煮蝦蟹都縮晒水，然後酒樓又話本身已經係咁，真係唔知艇家定酒樓出事，口同鼻拗餸菜嚟到都係水準之上，瀨尿蝦原隻椒鹽爽口彈牙，燒鵝都皮脆肉嫩，唔會食完成口油，簡直係入秋之行既完美句號

伯母生日，又去食生猛海鮮！今次黎到出名多海鮮食既西貢，佢樓高三層，去到應該唔洗點等位，不過我地一早卜左位。套餐好抵食，1000蚊左右四人餐，包蒸魚、炒蟹、炒西蘭花、椒鹽鮮魷、沙薑雞腳、芝士龍蝦伊麵、生果，原本包糖水，不過話太晏無哂（個時9點左右），四個人其實好夠食了。我地叫左5隻瀨尿蝦，再加埋人工費要一千大元；其實唔係好特別，只是大隻取勝，生猛又椒鹽，唔會有咩出錯。我地坐3樓比較靜，燈光暗沒什麼人，上菜速度一開始好慢，之後好快。感覺上鯉魚門的海鮮比較抵食，不過一家人食飯慶祝，吃什麼都開心！

今天公司活動後，過來西貢食海鮮。訂了豪華海鮮套餐 $4688不包加一。碧綠泡蝦球蝦球體形中等，爽口彈牙，西芹炒得香脆無渣。清蒸海石斑石斑很大條，約左斤半重，但肉質比較鞋，味道一般。高湯焗龍蝦伊麵用料是本地龍蝦，肉質新鮮爽口彈牙，龍蝦肉多，伊麵煮得爽口。椒鹽賴尿蝦炸得過火，外殼香脆但太咸，肉質比較乾。避風塘炒蟹蟹殼有很多膏，但泡油致太乾，蟹味很淡，沒有鮮味。蒜蓉粉絲蒸扇貝扇貝很大隻，肉厚，味質鮮甜，不算鞋，蒜蓉粉絲好味，不過過咸。果皮蒸鮮鮑魚果皮味香濃，鮑魚味道不算鮮味，但火喉控制剛好，很爽口彈牙。星級椒鹽豆腐全晚最好食的一味，豆腐外面炸得香脆，內裏依然嫩滑，但豆味不太濃郁。食物份量多，完全食唔哂，最後成個炒飯幾乎無食過。