全記海鮮菜館

Open Now

Now Closed

放假除了離島，最常去的就是西貢，一落車就打算先去餐廳食左海鮮先，再四圍走走跳跳。隨意地選擇了一間海鮮餐廳，不用排隊可以直入坐低，一坐低會送上花生同魚仔，二樓地方闊落光猛。同朋友選擇了$298/位 二人餐，可以包自選4款海鮮，分別試了以下的海鮮:特濃芝士焗龍蝦 (+$40變開邊龍蝦)如果不加錢，龍蝦肉會碎上，同朋友想食啖啖肉的龍蝦肉，所有決定加錢，每個人有半隻龍蝦。龍蝦肉新鮮彈牙，加上濃郁的芝士汁，十分惹味，底下是伊麵底，伊麵掛滿了芝士汁，很美味。薑蔥炒蟹炒蟹用了肉蟹，所以有不少的蟹肉，蟹肉鮮味，啖啖肉，蟹鉗都大大隻，份量足。加上香氣十足的薑蔥爆香，味道出色，調味剛剛好。蒜蓉粉絲蒸元貝一人一隻蒜蓉粉絲蒸扇貝，味道鮮甜，扇貝上面鋪了粉絲同惹味的蒜蓉 ，扇貝不會過老，加上豉油汁，是不錯的選擇。椒鹽鮮魷椒鹽鮮魷是龍蝦以外最喜歡的，魷魚口感彈牙，有一定厚度，炸粉薄身，不會有油感，加上惹味的椒鹽，很香口，非常推薦。另外跟餐送了清炒小白菜同紅豆沙，兩樣就正正常常。茶位$20/位二樓景色不錯，海鮮新鮮，值得一試。

琴日啊仔一歲生日，見返深圳咁多人，諗住留港消費，去西貢食海鮮。點知食到一肚氣！之前食過海鮮套餐中曬伏，諗住今次揀海鮮會好D,都係中伏。貴不但之，仲要整得唔好食。我叫左一飯澳龍整伊麵，個伊麵芝士多過D面，食落成口芝士。清蒸南非鮑魚，鮑魚洗得唔乾淨。椒鹽瀨尿蝦，變咗油浸瀨尿蝦，勁多油。薑蔥炒蟹，不過不失。仲有半隻燒鵝同一碟炸豆腐。5大人，2個小朋友，一個一歲，一個四歲，埋單$4000。返深圳一圍都食到。仲有當晚都唔係多人，完全唔夠，無人換碟，攞多張濕紙巾，好似攞嗰佢錢咁。啲菜未食完就收碟，趕住收工。員工全程黑面。難怪冇人嚟香港消費。

______________________________以前都有食過，印象中都唔係咁今次食二人餐真係好失望！假期二人餐共$596，再加$20一個茶位共$40全部份量已經小,最過份係龍蝦發霉既，伊麵一人得兩啖炒蝦球 差椒鹽墨魚 差豉汁蒸黃立倉 差真係完全唔值，冇下次服務係好，但唔會再幫襯，6百幾蚊2個人食垃圾______________________________

之蒯落咗兩星期雨，今個星期日天氣咁好，當然要出去玩下，今日我哋就揀咗近郊嘅西貢，吹下海風食吓海鮮。西貢啲海鮮鋪間間都差唔多價錢，所以我哋揀咗有米芝蓮嘅全記。因為樣樣都想食，所以我哋會揀套餐。四個大人加一個小朋友，我哋就揀四人套餐，再加兩個小菜啦✌🏻四人套餐：上湯龍蝦伊麵豉椒炒蜆沙巴龍躉椒鹽賴尿蝦蒜蓉粉絲蒸扇貝生果盤小菜：瑤柱肉碎蒸蛋咕嚕肉白飯兩碗除咗賴尿蝦冇乜肉，其他都大大碟，食到我哋好滿足。海鮮好新鮮，火喉煮得啱啱好👍🏻小菜都好驚喜，小朋友都食到停唔到口👍🏻👍🏻埋單$1888，以全記嘅名氣和份量，我覺得價錢合理✌🏻

We have ordered 2 people set.Deep fried mantis shrimp with spicy saltStir fried clam with black bean and green pepperSteamed fish with spring onion and gingerSteamed scallop with mashed garlic and vermicelliThe portion of seafood was pretty small and the price was relatively expensive. Prefer to go to another place to enjoy seafood.

入座前就吹到上天，米芝蓮，用靚料，貴過其他舖少少係好合理，一入座就sell你升級。揀瀨尿蝦又話沒有，因為其餘都揀咗6樣，只剩椒鹽墨魚可揀，但個墨魚又唔爽，又厚粉，大排檔仲好過佢。水上鮮夠膽比2條倉魚你……，碟生菜仲要黑蚊蚊。其他海鮮都只係正常料，唔覺有咩特別。最後送個果盤，原來只係2個橙，真係多L謝。Black List，無下次。

辣酒煮花螺好好食，加烏冬係神來之筆，唔駛加湯，每條烏冬都入晒味，田螺都好新鮮 是婌聖子皇 keep 到手準瀨尿蝦就唔夠大隻，但係都好食個鮑魚好大隻，唔記得問邊度入口，有些厚，蒸得太熟，好難咬，要俾埋刀叉食會好些兩個人洗咗一千六百元

今次第2次喺西貢食海鮮，第1次嚟本身想試呢間，見到係「米芝蓮最佳食府」而且套餐望落又幾抵食，於是就想去試吓😋不過上次撞正新年太多人，所以就冇去！今次我預先打電話book咗枱，晚上7:00pm準時入席！一如既往呢到都坐滿晒人，我哋坐喺室外位置！我哋選擇咗以下4人優惠套餐，份量加多1位！本來想叫白灼海生蝦同薑蔥炒蟹，不過被告知冇晒蝦同蟹🫠然後我哋見到遲嚟過我哋其他枱有蝦同蟹🥲唔知係咪套餐嘅quota 用晒呢？開心四人共聚（任選5款）-特濃芝士焗龍蝦（伊麵底）-古法椒鹽鮑魚（位上）-豉椒炒蜆-蒜蓉粉絲蒸海元貝-香蒜椒鹽墨魚送油菜1牒+ 糖水😋食後感：-個人覺得以下兩牒係成餐最正常嘅菜式：👉🏻特濃芝士焗龍蝦（伊麵底）～重芝士味味道正常，如果5人份量算，龍蝦肉唔夠食👉🏻古法椒鹽鮑魚～重椒鹽味煮得淋，味道都ok-豉椒炒蜆～冇咩鑊氣，唔夠野味，似係就咁倒啲蜆汁落去嘅感覺，唔入味-蒜蓉粉絲蒸海元貝～其實食落味道係ok正常，但感覺唔似新鮮元貝，似係急凍個隻，個元貝同個扇貝係完全分離🫠-香蒜椒鹽墨魚～等咗成個鐘，催咗5-6次都有先嚟到🫠外面完全唔脆係淋嘅，然後裡面係蒸煮咗嘅墨魚咁，完全冇鑊氣🦞套餐$288

呢日黎唔係為左海鮮，而係試下個早茶我地坐岀面，對住個海，環境都幾好，好舒服點心質素都算唔錯，不過不失，早茶有雙拼選擇，唔使一款點心食咁多，幾啱一兩個人黎食最欣賞係服務真係幾好，啲姐姐好細心，照顧周道，有種街坊feel!

我們從鹽田梓打卡后，回碼頭找海鮮吃，原本去海傍街的全記，但錯入了萬年街的全記，被評為米芝連食店～水準越來越差，別被這些招客手法吸引！我們選了二人套餐，12款任選4款，我們選了以下：1. 豉椒炒蜆～有一半蜆是不新鮮，蜆不開咀，有些還半生熟，劣質！2. 香蒜椒鹽墨魚～油炸到淋而不鬆脆，口感差！3.蒜茸粉丝蒸元貝～还可以！4. 特濃芝士焗龍蝦(伊麵底)～芝士味道不夠濃味，龍蝦適中，伊麵份量比較少，味道一般！整體上，不及海傍街的全記，老闆同一個，但兩店的水準有差別，只能說廚部師傅手勢有差別吧！

滿心歡喜咁入去，然後呵呵😄三個人，散叫嘅，唔係特別肚餓，就叫咗蝶雞腳，一隻蟹，大蚌同象拔蚌，夾埋成$1200+，喺西貢應該都係差唔多咁貴仲一問三無。無通菜無墨魚餅，連鮮檸梳打嘅青檸都無😅等咗成半粒鐘就嚟45分鐘都淨係上咗雞腳就去問服務員。佢態度好傲慢，好似完全唔在乎呢單嘢咁樣囉之後隻蟹上嗰陣時係已經拆開咗嘅。佢好似處理咗咁樣，但其實佢篤爆咗個尿囊，搞個成隻蟹蓋嗰啲膏都係苦嘅😓反正對我嚟講係一個好差嘅經歷，唔會再嚟

今晚好高興，成班朋友一齊去食海鮮餐。一定諗起全記😍乜都唔使講一定係食盡最新鮮嘅嘢🤣🌊 先嚟過青瓜海膽刺身海膽係鮮味十足，帶有甜甜嘅味道，有一種清新田園嘅青瓜帶出海膽嘅濃郁味感響度。🌊象拔蚌刺身一般嚟講食象拔蚌刺身都係要大隻嘅比較好味，今次就點咗一隻大小小嘅。肉質鮮甜，彈牙爽口，刺身先食到呢種感覺，鮮味十足。🌊金銀蒜粉絲蒸扇貝扇貝嘅肉非常厚，一啖咬落去蒜香味滲晒落粉絲度，一口放入口真係掉咗一陣先至食得晒。真係好新鮮厚肉，蒸出嚟嘅時間又啱啱好絕對唔韌😛🌊南非鮑魚走油脆炸鮑魚，竟然係可以用嚟點黑醋食。鮑魚好爽口，炸咗出嚟個感覺食落去好香口。🌊長腳蟹呢排長腳蟹比較當季，係時候食返隻大大隻嘅長腳蟹，腳身非常有用。入邊啲膏爆曬，好鮮甜。🌊芝士焗龍蝦平時食開嘅芝士焗龍蝦都係伊麵底，今次食嘅竟然係未試過嘅飯底。龍蝦鮮味全部俾啲飯吸收晒啲精華，味道當然係一流啦😜🌊炸豆腐呢個豆腐冇得輸，炸到金黃色外脆內軟。食落去外表係小小嘅鹹鹹地但係入面好軟滑嘅感覺，呢個簡直係招牌菜。

無寫食評一年, 今次我真係忍唔住要講, 哩間食肆真係...好到不得了!先唔講嘢食好唔好味, 因為今次我推埋BB車去, 入餐廳前, 已經有2名店員招待我地,話樓上無咁嘈, 闊落D, 本身因為推住BB車, 費時搬上搬落, 點知店員話可以幫我係地下個層泊埋一邊先,咁又唔驅喎, 最多都係抱住BB上一樓啫.嘢食都係陣間先講, 我地食完野之後, 諗住揸返架車走, 臨走前多口問一問店員, 附近有冇幫BB換片既地方.因為出發黎西貢前已經做好資料, 附近應該得公立診所有得換片, 其餘要去球場更衣室換.點知店員非常熱心, 直頭比我地入地下個層既女洗手間換, 仲比埋條新枱布我地墊住個梳妝枱位.咁鑑於我係男仔唔方便既關係, 店員仲幫我確保女廁內係無人, 我地都唔好意思, 拿拿聲幫BB換左片先.好, 講返嘢食先, 因為西貢太多間海鮮坊, 所以預先問定朋友邊間好食又抵食2個大人加個BB, 都係叫個二人餐快靚正香蒜椒鹽墨魚 - 炸得剛剛好, 炸漿亦好薄, 墨魚肉好淋, 因為要睇住BB, 就算凍左, 都仲KEEP倒好淋身, 但就唔太覺有蒜香味, 不過食下食下, 係有少少咸既古法椒鹽鮑魚 - 雖然係跟人頭每位上一隻,

我同我妹兩個小朋友放假，所以捉埋婆婆入西貢行吓食吓嘢，12點入到去我妹已經晨早話食海鮮🤭我呢個家姐導當然時奉陪😎，我同我兩個妹我哋兩個女同埋婆婆一行五人～入全記見到有海鮮餐即入但係我哋幾個都唔係好大食，所以問可唔可以叫三人份量，侍應又非常好佢哋話可以（諗住唔夠食再散叫）必食芝士焗龍蝦伊麵😋澳龍又多肉⋯⋯👍🏻分量非常好豉椒炒蜆好大碟😂😂不過我影得唔好我最鍾意食嘅椒鹽賴尿蝦朋友話椒鹽鮑魚好好味我第一次試⋯⋯都唔錯嘅當然要叫番啲小朋友鍾意食嘅嘢啦～咕嚕肉佢哋個個都話好味其實仲有個生菜同埋飯後水果（橙）連埋茶位九百幾埋單⋯⋯都唔錯啦！我哋入咗牌坊入邊嘅全記嗰邊小人啲坐得舒服啲🤭不過食到一半都已經坐滿晒人👍🏻

經常都會去西貢食飯，如食海鮮中餐就一定係去全記，但疫情關係已成年冇去，今次约左個朋友去到就求其叫左个二人餐，加錢改條沙巴班再加碟燒鵝例牌，落單時候已觉得奇怪，侍應問龍虾要唔要開邊?開邊要加錢...心想二人餐不嬲都係一隻龍虾開邊，點解要加錢?唔加就斬件上(後尾應明白了)上菜....自問係食海產大，一食就知D龍虾係死虾已雪藏過既，一定唔係新鲜龍虾，份量少，仲要連下面Ｄ伊麵都少得可憐，兩个一人一小碗都分唔倒!一碟生菜同雲吞麵鋪碟油菜一樣大細(可能仲要少D)，咕噜肉ok，條魚ok係游水魚，燒鵝比以前差，肉好老，不過不失最精彩既菜係蒜蓉粉絲蒸元貝，隻帶子係街市賣幾十蚊一大包個D雪藏帶子肉，擺兩粒落個帶子殼度就當海鮮賣，你地全記有冇搞錯呀？當Ｄ客係傻瓜?????離哂譜，疫情可能令飲食難做，但都唔係咁樣做生意卦，仲米芝蓮推介??招牌仲要唔要呀?????????????自已都算係全記熟客，但以後一定唔會再幫趁全記!