念川居 (MOKO新世紀廣場)

Open Now

Now Closed

位於旺角Moko商場的念川居，是一間糅合川菜和粵菜的高質餐館。由擁有15年川菜經驗的知名師傅主理川菜，又邀請澳門永利皇宮點心總廚陳世輝師傅坐鎮主理點心，不論是晚餐的小菜，還是中午的點心，食物質素毋庸置疑，難怪餐廳吸引大量客人來光顧啦。餐廳重新裝潢，走新派中菜風格，同時播放著懷舊經典粵曲，製造氣氛。地方非常寬敞，大部份是大桌子，適合一家人聚餐哦。螞蟻上樹 $108竟然是川菜餐館，菜式大多以辣菜為主，食材大部份來自四川，保證是道地囗味哦。炒粉絲很大一盆，傳來香辣氣味，用自家製的醬汁和紅油烹製，加上大量豬肉碎，惹味無比，很美味呢。XO醬露荀炒帶子 $168相較之下，這道XO醬炒帶子的辣度較底哦。帶子切成容易入囗的厚度，鮮嫩幼軟，露荀爽脆新鮮，配飯不錯哦。椒鹽九肚魚 $88脆炸饅頭 $48一客六件的黃金炸饅頭，每件都炸得金黃吸引，放涼後美味無減。饅頭外層香脆，包芯幼軟，沾上煉奶，令人慾擺不能呀。生磨芝麻卷 $36黑芝麻卷撒上白芝麻，豐富層次和增添芝麻香氣，質感幼軟富彈性，味道不錯，若是即蒸甜品就更加完美。麥芽香蕉盞 $48賣相趣緻的香蕉盞，做法簡單，把香蕉和麥芽糖漿放入香脆墶底即成。一個可愛小

想食辣其實都唔一定要北上，今日就黎到MOKO試念川居。呢間餐廳定價都唔平，但勝在環境同服務都高質。星期五晚六點幾嚟到，大部分枱都未坐滿。餐具設計比較新派，用書法寫出中英文既「川」字，仲有食客可以喺佢地菜式感受到既味道。我地叫咗大份既水煮魚，請餐廳幫我地做小辣。出黎既效果真係唔算太辣，食得舒服，桂花魚係無骨既、都幾滑。但就冇乜麻香，可能佢地個配方冇乜花椒掛。水煮魚入面有啲寬粉既，厚身到爆😂😂😂但食幾條又唔算太飽肚，於是我地又叫咗個擔擔麵。擔擔麵唔記得嗌小辣，結果仲辣過水煮魚🙈 但幾香，麵條帶啲韌度，唔會淋bat bat最後嗌多個紅油抄手，個汁甜味重過辣味，三樣野入面最低挑戰性既～個菜肉餡好香又juicy，呢個會encore🤪

是日小編相約了好姊妹到花墟買花 之後便打算到角新世紀MOKO廣場覓食於是便選了這間位於廣場5樓的四川菜館念川居吃晚飯只看裝潢就知道這間是非一般的四川菜館餐廳正中心掛了一幅龍鳳為主的壁畫  十分有氣派樟茶鴨半隻 $268來到四川菜館當然要吃盡四川名菜其中少不得的當然是四川樟茶鴨辣子雞外皮香脆 肉質鮮嫩而且啖啖肉汁 十分美味水煮桂花魚 $398桂花魚魚肉鮮嫩滑溜餐廳細心地將魚肉及魚骨分開 令食客十分放心地吃每件魚肉水煮桂花魚辣度剛剛好 沒有吃得很辛苦除了桂花魚以外 配菜還有薯粉 豆芽 青瓜兩個人吃份量剛剛好最後侍應還為我們送上糖水 綠豆沙總括而言 小編覺得餐廳環境舒適食物衛生 服務良好 適合聊天聚會

有辣有不辣，口味極端的人士應該喜歡這個地方。餐廳新開不久，室內設計很有夜上海風，而食物則包括了川粵菜。個人不喜歡吃辣，所以集中精神看餐牌的後半部。食物種類不算非常多，但想試的款式卻不少。有「一見鍾情」的、有「心大心細」的、有「值得一試」的⋯結果選擇了一些具有特色的，作為第一次光顧這裏的晚餐。整體來說，食物製作精細、味道不俗、食材新鮮、服務態度親切、環境座位舒適及安靜，適合細心品嚐美食及小聲傾談的食客，雖然價錢偏高，但仍值得再次光臨！

每年朋友我地都要聚一聚食餐飯 今次朋友自己揀左呢間 初頭佢只係貪個環境靚 諗住可以靜靜地傾下計 估唔到又比佢揀到一間正野當中有朋友唔係好食得辣 喺幾款當中 佢揀左口水雞 又麻又辣 雞都好夠滑 唔錯!朋友們都好鐘意魚香茄子煲好耐冇食過 好懷念嘅味道 送飯一流賽螃蟹 撈埋雞蛋再加醋食幾好味嘅 但唔夠滑 炒得老左少少 炒飯正常 夠乾身蜜瓜脆奶 外脆內軟而且唔係太甜 唔會膩一人食幾件都唔怕😂最後仲嗌左木桶豆腐花 店員會幫手片起豆腐花 唔洗驚自己手殘片到爛哂豆腐花好滑 有豆味仲好好 有黃糖同埋糖水兩款選擇我地今次直接喺openrice 訂座仲有折扣優惠 大家都覺得好抵食呀👍

Moko新裝修後都無黎過，上星期有時間去行下，原本想去食shabu shabu, 點知經過呢間見到竟然有四川菜食，而且門面都好似唔錯咁，就入去試試佢。。。坐低已經被D餐具吸引住。。。。一翻開餐牌原來都幾多選擇，有辣有唔辣，仲有唔少睇落好精美既點心款式呢味都幾特別，無諗過腩肉同咸蛋黃配起來係咁甘香的，有少少肥但就唔膩，唔錯小籠包食得多，但麻辣小籠包好少見，佢裡面既湯汁好濃郁，肉汁鮮甜，忍唔住想一食再食口水雞味道做得好正宗，麻同辣好平均，雞肉算係幾滑唔鞋口，送飯一流仲有叫左個水煮桂花，不過顧住食唔記得咗影相。。。。。桂花魚好滑，索埋湯汁既味感覺唔會腥，必食之選最後叫左個芝麻卷做甜品，perfect ending!!

今日在Moko行街，搵到呢間好似係新開既川菜，好辣的我忍唔住要入去試下。可以時間尚早，唔洗等位可以直入，不過走既時候都有人等緊枱了。水煮魚坐低望望Menu，心大心細又想食水煮魚又想食酸菜魚，最後叫左水煮魚試。呢道菜簡直不可錯過，先講魚片，夠厚身唔會散，重點係食極都有，CP值超高。配料好特別，用上粗身既花生芽菜，索汁一流。水晶粉係用闊身的，口感chewy。兩個人食，份量真係好夠。胡椒蝦胡椒菜式一向都係至愛之一，呢間既胡椒蝦做得好出色，有別於一般炒完撈胡椒的煮法，呢間既胡椒料似係調過味的，辣味香味咸味配合得剛剛好，上菜用砂煲令香味持續得更耐，下次要再encore。炒土豆絲鑊氣之選，炒薯絲看似平平無其，但上菜時果度鑊氣真係唔講得少，薯絲好爽脆，可惜最後先上，食完之前幾度菜已經好飽下，最後都食唔哂。整體感覺良好，特別一讚既係環境好好，坐得又舒服唔會好嘈，服務亦算唔錯，下次來MK想食辣野一定會再來。

媽咪鐘意食辣野，上OpenRice見到依間四川菜環境同食評都不錯，而且佢地大廚都有啲名氣，OpenRice book枱又有85折就試下啦！去到門口姐姐好有禮貌，佢地制服都好有特色，環境寬敞舒適，牆壁掛有手畫嘅畫，好有中國藝術氣息，加上背景嘅七八十年代經典歌曲，媽咪話即刻好有回到舊時年代嘅感覺。首先我地開左壺蕎麥茶，味道好香好特別，出邊酒樓好少有，屋企人亦都好鐘意。之後我地叫左豬耳、炸豆腐、豉蒜花生芽西瓜皮做前菜，豬耳不錯，可以再辣啲，反而個花生芽幾有驚喜，同一般嘅芽菜好唔同，爽口清甜。之後當然唔少得一大堆嘅四川主菜啦，我地叫左口水雞、水煮厚切牛舌、辣子炸大腸，同酸菜魚。個水煮厚切牛舌我地一家食到讚不絕口，牛舌夠淋而且十分入味，個汁勁香口，我地即刻叫左白飯撈飯食，好好味好少自己食哂一碗飯，而且佢裹面仲有好多配料：鴨血、勁有咬口嘅水晶粉皮同花生芽！ 不過媽咪話唔夠辣，個服務員問我地食物質素如何時同我地講下次可以叫加辣，媽咪即刻話下次要挑戰。至於個炸大腸我地睇少左佢，入口好香指天椒同麻辣味，無肥膏無油益無嗅味，師父處理得好好，開頭食落去以為唔辣得個麻字，點知後勁好強，屋企人食到shushu聲

我上星期日夜晚同屋企人去飯，慶祝我生日，點知食一餐飯我張枱就出現兩隻巨型曱甴，成隻食指咁長，仲見到有毛，好噁心🤢首先，我食食下feel到有好大隻毛茸茸嘅嘢係我手踭爬，好驚即刻尖叫撥左落地，隔離枱有個男仕用紙巾捉了，交左俾衝過來的侍應。我用消毒濕紙巾抹了手，當自己唔好彩，算數。點知，食完飯，俾完錢，拿起個袋，就發現袋下又有另一隻巨型曱甴，全身毛管戙，即走，個經理過來請我留低聯絡方法，我冇留，只想盡快離開，覺得作嘔🤮，好想喊，明明是我生日正日食飯慶祝，從來未試過在任何食肆遇到咁恐怖經歷，莫講話一間價錢都算中上的酒樓🤮🤮🤮🤮🤢🤢🤢🤢唔知去食環投訴麻唔麻煩，我覺得對食客好不負責任，唔想有人再中招

慶祝老公生日來到位於旺角新世紀廣場的念川居，新店優惠埋單有八五折同三小時免費泊車優惠！由於兩個人叫了個招聘炸鴨血，水煮牛肉(小),樟茶鸭半隻，担担面和冷面！所有食物美味，尤其是水煮牛肉，牛肉醃得夠味道，吃得出廚師用心製作！另外，有青瓜、红薯粉及鲜甜的大豆芽菜和筍做配菜，非常豐富，而且麻辣適中！值得再次光顧！樟茶鸭肉質彈牙，夠滑！吃到不能停！所以忘記了影相！而且跟上四個漫頭配煉奶！值得一提係叫了侍應取多個煉奶，侍應姐姐好快幫忙给我，而且換给我俩乾淨的碟，十分友善！還要了一jar 酸梅湯解辣，最後叫了我至愛的甜品:炸蜜瓜奶！

上次吃過酸菜魚,又想再吃,所以順便試別的菜。酸菜桂花魚(小): 因為上次吃過,覺得很好吃,所以再點ㄧ次! 不過,這次太辣了,没吃很多!已叫了少少辣,可惜是大辣的感覺。乾鍋黄鱔: 上枱就很香,有花椒,洋蔥等配料,雖然都是辣,但很香口,黄鱔的份量適中! 值得推介給喜歡香辣的人。高湯鮮蝦韮菜餃: 韮菜餃味道ok,可惜那高湯,我不懂欣賞! 感覺似味精湯。燴炒土豆絲: 這個菜挺考廚師功夫的。要快炒才能保持土豆絲的原味,當然也保留了"川"的辣味, 可説清而惹味!

經openrice 預約有折，所以同朋友慶生就揀左依間。入到去，環境幾好，有sofa 位，舒服既，d姐姐店員個個都好有禮貌，一早打嚟都知道要收切餅費100元，都可接受的炸豆腐，整得幾好，個皮好薄好脆，入面豆腐好滑，幾好食賽磅蟹，幾好食，一般酒樓水準本身俾佢個樣嚇親，點知又幾好食，魚好滑，入面有芽菜，青瓜，粉皮，係有d辣，所以要叫杯火龍果沙冰浸下條脷😂😂個火龍果沙冰好清新，幾好飲，又解到辣姐姐店員推薦，唔錯，幾滑，皮炸得脆成個晚餐都好愉快，就係想叫個眼鏡男人上個蛋糕時，佢突然黑面話有下個booking ...要埋單😑我地唔行去問佢拎蛋糕，佢係完全無提過有time limit ,我地入座時都無店員講有時間限制，外面亦人影都無隻，成餐晚飯就係俾佢搞到好無奈。。加上我地入去已同多個店員講明會切蛋糕，同俾100元切餅費，如果食到一半佢話有下一個booking ,要快d,我地都接受到。但無任何人提過埋單13xx元，食物質素一般，本身感覺ok,不過眼鏡男人已將我既興緻掃走左，千幾元既，大把高質選擇，所以byebye

MOKO新店, 唔食辣野既我, 竟然來gathering. 難得moko有新店, 就來試試佢, 支持下! 店內環境舒適, 彷如酒店內的中式餐廳. 侍應招呼亦都好好, 店內客人唔多. 我地一行五人只點了一個口水雞, 其他都點不辣的. 如果同我一樣唔食得辣, 店內有提供唔辣既選擇. 不用怕. 總共點了四個餸和一個炒飯. 口水雞半隻份量橙紅色的口水雞, 顏色好靚. 雞肉嫰滑, 份量算大咕嚕肉這碟古嚕肉是特別的. 配菜新穎味道亦很好念川居另外一種咕嚕肉是冰上的. 應該是脆脆的. 白菜仔湯煮白菜仔 ok整體ok不限時間，吹水好地方

第一印象：環境美 有充足空間 吃得舒服食物？不知道是不是正宗叫的也不全是四川食物我和朋友一致覺得春風得意米網腸最好吃不過應該不是四川點心小籠包，無論是鮮肉的或是麻辣濃湯的個人認為味道偏鹹和單調四川擔擔麵和紅油抄手合格整體感覺？價錢合理 服務一流 食物合格

今次是第二次光顧，食物質素好好，師傅手藝精湛，點心好好味，看得出師傅是有用心製作，但服務員需要加強訓練，因為價格亦反映服務員質素，會再次光顧，如果開店時間早1小時更加理想