Chor Sum Cart Noodles

呢道雞翼配金針菇真係勁有驚喜！😮 雞翼嘅鹹香味好出，但遇上清淡嘅金針菇就啱啱好～🧂🍄 味道互相中和，令口感更平衡，唔會太濃也唔會太淡，酸酸辣辣啱晒愛刺激味蕾嘅你啦～🌶️🍋✨🐔 雞翼抹上煙靱嘅紅薯粉，真係神來之筆！🍠 加咗一層特別香味，外皮微脆又有韌性，而雞肉又嫩～一咬落去就覺正！😝💥🥛 配埋豆漿，唔單止健康，仲非常適合轉季嘅日子，滋潤唔燥，養生又養胃！🫘🌿🌞既好味又夠營養💯，絕對係一道令人回味嘅好菜式，推介畀鍾意試新口味嘅朋友仔～🎉👨‍🍳👩‍🍳…Read More

入到去成間舖大把位 我自己係比較鍾意坐角落頭嘅位置嗰邊整行嘅位置都係冇人坐唔知點解成間鋪大把位.個大陸阿姐就要安排我坐喺特定嘅位置當我坐落去 發現呢邊區域既嗰張凳係特別唔舒服既戶外椅…唔知係咪需要留一啲好坐嘅地方比熟客？？如果你成間鋪咁多位 客人都唔可以自己揀位坐真係抵你冇咩人幫襯！坐都坐得唔舒服…唯有立刻離開 揀其他店舖好過！真係唔想再幫襯…..雖然係小店 但係唔代表侍應嘅服務就可以咁差…….令到客人食嘢嘅心機都冇….…Read More

//初心 //3餸麵($48)初心又係小編其中一間成日食嘅車仔麵檔🍜簡直係小編同同學嘅飯堂我最中意食嘅餸就係雞翼雞球魚蛋雞髀菇豬耳豬軟骨等等..真係好多野都好食😂😂今次叫嘅係雞翼雞球同埋魚蛋酸辣湯米線雞翼就肉質好滑嫩亦都好夠味 骨肉亦都好容易分離而雞球食得出係生炸雞球個粉唔會好厚而個雞皮亦都脆卜卜十分惹味必點！！！而魚蛋就係普普通通叫貨嘅魚蛋，但小編就唔知點解好鍾意食😂😂加上佢環境同埋衛生程度會比之前食兩間車仔麵乾淨上菜速度亦都超級快店員亦都友善雖然美景美食林立 但我最推薦嘅都係呢間初心評分(五星為滿分)⭐️⭐️⭐️⭐️⭐️初心 (青衣)青衣細山路2-16號美景花園8座地下35號舖大家有咩想小編去試食或者想推薦小編去食嘅不妨留言或者DM小編推薦俾我啊🫶🏻🫶🏻🫶🏻🫶🏻 最緊要記住like👍🏻同埋share比朋友知青衣原來有間咁正嘅車仔麵鋪頭 😎📢…Read More

今日(20-8-2022 Sat)同老公特登去青衣涌美村老屋村嘅舊餅舖大歡喜餅家(https://www.openrice.com/zh/hongkong/r-%E5%A4%A7%E6%AD%A1%E5%96%9C%E9%A4%85%E5%AE%B6-%E9%9D%92%E8%A1%A3-%E6%B8%AF%E5%BC%8F-%E9%BA%B5%E5%8C%85%E5%BA%97-r22442)買傳統特色月餅,買完啱啱開始肚餓,去搵嘢食先,呢條村有唔少食肆,包括食過兩次嘅華記車仔麵(上次食評係2020年11月13日刊登嘅呢篇: https://www.openrice.com/zh/hongkong/review/%E7%AC%AC3088%E7%AF%87%E9%A3%9F%E8%A9%95-%E8%A6%81%E6%97%A9%E5%95%B2%E5%9A%9F-e3862947),但又唔想再食,而夜晚又book咗校長燒肉食放題要留肚,咁search吓青衣重有冇車仔麵食,最後search到呢間,而咁啱,喺涌美村老屋村嘅巴士站有巴士可直達,於是決定嚟.我哋嚟到,接近lunch 嘅peak hour,都重有位嘅,我哋睇完menu後,老公就要咗$48.00嘅初心XO醬香蔥叉燒撈麵配溫泉蛋,要米線.我就要咗$43.00嘅兩餸麵,要咗嚮鈴同炸魚肉腐皮卷,要豬骨湯配紅薯粉同兩罐汽水.我先食我嘅兩餸麵,兩個餸都係分開上,豬骨湯好熱同夠味,連芫茜味都好濃,紅薯粉正常煙韌;嚮鈴都正常冇問題;炸魚肉腐皮卷外面好脆口,味道亦正常.味道:4.25分而初心XO醬香蔥叉燒撈米線配溫泉蛋呢?老公食咗一半到我食,我食到辣味,啊,唔記得有XO醬添,呢個味道有啲複雜,瘦叉燒幾厚但唔乾柴,反而彈牙,好正,可惜嘅係佢本身蜜味唔夠,定被XO醬香蔥炸蒜味蓋晒,嘥晒;軟腍腍嘅米線吸晒啲蛋汁好滑.味道:3.65分抵食係2.8分…Read More

咁多年黎只去過青衣兩三次, 並不是我平日的活動範圍, 放假行街🛍食飯都唔會唸起佢, 最近因為朋友住係度探佢既關係黎左兩次, 第一次去左食意樂餐廳, 意外地覺得質素不錯, 食物溫度夠, 肉質也嫩滑JUICY, 調味剛剛好。最加分係隔離有個兒童遊樂場🛝, 啱曬一家大細去食飯然後輪流陪小朋友出去玩下, 我覺得可以將青衣呢間意樂想像成好似一間親子餐廳咁。長沙灣都有一間意樂, 去過一兩次就沒有想再幫襯的意欲。今晚再黎到青衣, 揀左呢間全是好評的小店。我地嗌左一碗鮮蝦🦐炸雲吞, 厚切午餐肉紅薯粉豬骨湯, 一碗柱侯金錢肚, 蜜汁叉燒, 酥炸雞球米線酸辣湯小辣, 甜酸齋, 可樂🥤同豆漿。湯底不錯, 味濃, 無偷工減料。餸方面除左蜜汁叉燒麻麻地其他都好味。叉燒肉質有點乾同有輕微雪藏味。柱侯金錢肚惹味又入味。酥炸雞球炸得香口有肉汁。厚切午餐肉來貨也是有質素, 之前食過一間係大窩口叫樓下冰室既午餐肉就好難食, 肉質乾硬味道又怪。甜酸齋要讚, 食車仔麵我時不時都會叫甜酸齋, 呢間係我食過最好味, 酸甜味道足, 唔會話偏重⚖️一邊, 最重要係麵筋入口軟滑, 係我最鍾意既口感。鮮蝦炸雲吞我認為是必點, 蝦肉新鮮彈牙雲吞皮炸得酥脆。最後, 豆漿質素就有待改進, 溝得太多水。我覺得初心比起好多出名的車仔麵還要好味, 如果我住附近, 會不斷ENCORE佢地既甜酸齋, 酥炸雞球同鮮蝦炸雲吞。…Read More

山上朋友介紹來食，果然唔錯，抵我住青衣山腳都轉車來食。食左酸辣湯底，中辣，薯粉，3餸：炸雞球、醬油雞髀菇、滷大腸。湯底真係夠酸，不過唔夠辣，而家用食開譚仔三哥經驗來說，初心個湯底無咁油。炸雞球正常發揮，算大粒，炸得夠喉。醬油雞髀菇好好食，份量唔少有幾片。滷水大腸，好入味，都算大方份量唔少！出面好多地方求其剪三舊就算。另外仲叫左小食，雞肉長春卷，好食呀卜卜脆唔油唔濃味，但食得到啖啖肉。值得再返黎食👍🏻👍🏻下次想試米線，手工餃！…Read More

我自己一星期最少都幫趁2次。味道冇之前嗰手咁好，但員工一直都好好禮貌，食物都有進步。所以我全家都成日幫趁。今日因為好忙好忙，寫咗張紙仔，叫工人姐姐（佢唔識中文）幫手落去買外賣。姐姐打來話職員俾左張外賣紙要佢剔。於是我打電話去，我話唔好意思，姐姐唔識中文。阿姐話我張紙乜都冇寫，又冇寫飲品又冇寫要咩麵。我話，我寫咗第一碗走飲品，第二碗要可樂。個阿姐話：你冇寫要咩麵，所以叫姐姐拎張紙上去俾你圈，你明唔明啊？跟住我就火都來，我話：我梗係明啦。麵我想要米線。（的確係寫漏咗呢樣，其他資料都齊）跟住佢繼續堅持要我姐姐拎返上去俾我圈。我問咁可唔可以電話落單呢？阿姐提高聲線話：梗係可以啦！當然可以啦！你要咩啊？態度何其串。於是我cut左線。我連走餐具都寫埋，只係寫漏咗要咩麵，已經電話補充返，何必堅持要我圈返或電話口講多一次？但呢啲都唔緊要，你可能有你哋規距，但有必要態度咁差咩？之前疫情頭半年你地拍哂烏蠅，我幫趁咗好多好多腐。而家客多返就變臉？我知老闆（叔叔）好好人，但唔好意思，我唔會再幫襯。嬲！…Read More

美景終於有啖好食，由佢岩岩頂手開業幫襯到依加，見證住小貓三四隻到好多外賣生意，係值得既！廚房果位應該係老闆，開足7日工好勤力。湯底、食物都用心製作，味道唔會過鹹、太重口味 岩岩好。多數人都係嗌麻辣湯底，其實佢番茄湯底都唔錯🍅🍅🍅🍅同埋鐘意佢走環保路線，唔會主動提供飲筒、歡迎街坊自帶外賣盒👍🏻👍🏻👍🏻👍🏻一間有heart既舖頭，開業到依加都keep到個味道、水準真係要多多幫襯～…Read More

今日又叫外賣，試左間米線店，好好味！我叫左撈薯粉，男朋友叫左撈米線，兩個都係酸辣小辣，我叫咗炸醬同肥牛，男朋友叫咗香燒豬頸肉同腐皮app叫呢間真係超快送到～我覺得呢間米線店嘅渣炸醬超出色，真係好有肉嘅香味，用嚟撈麵真係一流！絕對好過所有我試過嘅其他米線店嘅炸醬，食完真係覺得三哥/譚仔嗰啲簡直不值一提肉類方面，我覺得燒豬頸肉好好味，真係有浸香味，比肥牛出色，不過呢度嘅肥牛都算係咁，唔會話太硬/乾身，不過就唔係話特別好味。但係用嚟做撈麵嘅話就真係好正！好好味嘅撈薯粉，超級惹味，好快就食曬🥰…Read More

妹妹再三推介，食完之後真♥️讚叫左脆炸雞球/豬腩肉/醬油雞髀菇麻辣烏冬，柱候汁牛肚/鮑汁雞翼/脆炸蝦雲吞酸辣紅薯粉，滷豬腸/燒豬頸肉酸辣烏冬。手工食品真係誠心推介，醬油雞髀菇，腩肉，牛肚樣樣都好入味，不過最中意食燒豬頸肉，食得出燒個個味道 雞翼雖然得兩隻，但算大隻雞髀菇份量都好大，唔止三四片，脆炸蝦雲吞都好有風味好新鮮相比之下，脆炸雞球就普通左少少坐位方面唔係太多，裝修簡單。木枱木凳，都坐得舒服嘅但係小店黎講，真心唔錯值得encore 😘…Read More

諗住簡簡單單清清地有菜有肉。又唔洗排隊咁食一餐。發現有車仔麵檔。原先係叫三餸面，蘿蔔，炸醬，豬腩肉，一個可樂～ 首先想讚佢個青！ 係放匙羹的。唔食青的可輕鬆處理掉～ 窩心🥰以為湯原先冇炸醬。。 後來發現重複左😂 嬙大炸醬放題蘿蔔就未夠入味，有待改善...豬腩肉就不過不失。反而後尾追加的醃蘿蔔，炸雞粒，腐皮春卷，呢三樣嘢值得一讚！ 又真係好味喎！醃蘿蔔清清的，酸酸的，甜甜的。食唔停口😂⋯⋯車仔面都有冷盤！ 少有呀👍🏻👍🏻👍🏻炸雞粒～ 味道幾好。又juicy!腐皮春卷 好有口感！下次會再黎…Read More

青衣區內嘅麵店，食完喜出望外。開咗業幾個月，已經唔止一次幫襯，餸料款式多選擇多，食完係會番尋味。湯底超正味道濃郁，試過蕃茄湯同豬骨湯都好好味，食得辣嘅朋友就話麻辣、酸辣湯都好正今次食咗佢哋自家製炸雞球、炸雲吞，入口香脆而唔油膩，五香牛咬落鬆軟入味。另外叫咗香糟醉雞翼尖開心share, 味道超正直得一提嘅係，上次試過蜜汁叉燒，因為係開放式廚房嘅關係，見到店主親自用火槍燒過叉燒先至拎出嚟，誠意十足味道新鮮及賣相一流。平均三餸連飲品$48扺食。…Read More