Video
Telephone
29551313
Introduction
Customers can buy some Seafood from Sam Shing Street to this restaurant. The Chef will prepare meal for customers upon any requests. Customers can also make reservations on particular seafood.
continue reading
Good For
Group Dining
Opening Hours
Today
11:00 - 23:00
Mon - Sun
11:00 - 23:00
Public Holiday
11:00 - 23:00
Above information is for reference only. Please check details with the restaurant.
今次係我第三次嚟名門海鮮酒家食海鮮，每次都係喺對面嗰檔海鮮檔買新鮮海鮮，之後由嗰位海鮮檔哥哥介紹過嚟做加工。佢仲會親自護送我哋過去酒樓，服務一流，態度親切。我基本上一年四季都會嚟名門一次，長期都維持住穩定水準，價錢亦合理。所以成日都會推介俾朋友。頭兩次係陪親戚，今次就係約咗朋友嚟食。今次我哋喺海鮮檔買咗普通Size既瀨尿蝦、花螺、兩隻龍蝦同一紮聖子。去到名門之後，我哋選擇咗蒜蓉粉絲蒸聖子、避風塘炒瀨尿蝦、上湯焗龍蝦，仲有辣酒煮花螺。除咗海鮮之外，我哋再叫咗半隻名門炸子雞同一鍋鹹魚雞粒炒飯。成餐飯入面，最驚喜一定係上湯焗龍蝦，龍蝦好大隻，啖啖肉，新鮮得嚟又彈牙，仲整得好入味；蒜蓉粉絲蒸聖子亦都非常出色，聖子清理得好乾淨，冇沙，粉絲吸晒啲鮮味湯汁，非常滿足。辣酒煮花螺夠香夠辣，花螺新鮮彈牙；避風塘炒瀨尿蝦鑊氣十足，蒜香撲鼻，完全係經驗老到嘅師傅先整到呢個水準。鹹魚雞粒炒飯都唔輸蝕，一大鍋夠四個人分，炒得乾身香口，仲有焦香飯焦。唯一稍為失色嘅就係嗰隻炸子雞，雖然皮脆肉嫩，但味道比較淡，調味唔夠重，似係簡單用少量鹽醃咗就炸，所以略為失色。不過講真，嚟呢度都係主打食海鮮，其他小炒都係陪襯，所以唔會太介意。總括而言，四百幾蚊一位 ( 連買海鮮既錢）就可以食到咁多款高質海鮮，服務態度OK ，份量足夠飽肚又滿足，性價比真係高。相比起鯉魚門或者西貢，屯門三聖一帶真係數一數二。如果之後再有親戚朋友嚟香港，我一定會再帶佢哋嚟呢度食過癮！
continue reading
食物比普通更差及冇特別，冇推介，附近餐廳或者更好。但是，服務仲唔識講咁差！未去過，不如其他附近食店試吓。不是近海鮮鋪就是好。只識攞貼士。俾得少就黑面。咁你又唔係冇加一喎。真係差。………………………………………………………………………………
continue reading
今天和家人來屯門三聖吃海鮮，我們在旁邊的海鮮市場買了$5000海鮮，之後再來這間餐廳加工吃飯，今次吃的海鮮非常豐富，包括了阿拉斯加長腳蟹、瀨尿蝦和海斑等等。阿拉斯加長腳蟹：這份長腳蟹買回來$1300左右，我們選了清蒸，蟹鉗內充滿著大量蟹肉，嫩滑可口，香甜美味，大家都吃得津津有味。椒鹽瀨尿蝦：瀨尿蝦的皮十分薄和香脆，可以連皮一起吃，而且肉質十分柔軟嫩滑，鮮美多汁，是全場最驚艷的菜式。白灼海蝦：海蝦十分爽口彈牙，每一口都相當鮮甜美味，是一道美味的開胃菜。清蒸海斑：由於不想每次都吃東星斑，便在海鮮檔問店員那款海斑美味，店員推介了這款，說了名字可惜忘記了，不過魚肉非常柔軟，入口即化，每一口都充滿著淡淡的鮮甜味，店員沒有介紹錯。至於其他海鮮和小菜便不再詳細介紹了，總知每一道菜都相當出色，海鮮是講求鮮味，而今次全部菜式都鮮味十足，味道和西貢相比有過之而無不及，雖然加工費真的有點貴，不過最重要是突出了海鮮的鮮味。價錢方面，海鮮全部都在海鮮檔內買，這裡只是茶位連海鮮加工費，再點了一些飲品和小菜，12人總共$3000多。總結來說，以前經常到西貢吃海鮮，今次是第二次來屯門三聖吃海鮮，發現三聖海鮮的味道都相當出色，質素和西貢不相伯仲，而且餐廳環境比起西貢更好一些，下次和家人吃海鮮都應該會來屯門三聖。
continue reading
以前經常來名門加工海鮮吃，感覺還不錯。今天放假又帶了全家人來，但非常失望！加工費貴暫且不說，味道簡直一言難盡！除了鹹還是鹹，鹹到根本吃不下去！吃完這一餐，喉嚨難過一下午！不知道如何對得起過千元的加工費！
continue reading
我們一班人久不久就入三聖邨聚餐食海鮮，昨晚去完非常失望，激發我要寫第一次食評。⑴ 我們分兩圍坐，坐嘅位置係門口中間，玻璃大門經常打開出入，令街外熱風吹入酒樓，有些熱。⑵ 椅子有餸漬及乾咗嘅飯粒。⑶ 茶杯碗碟有食物漬。⑷ 白色枱布有立體餸漬。⑸ 個個員工表情唔開心，可以用黑口黑面來形容。⑹ 員工冇主動性，個個企埋一邊唔願做，叫佢哋好似睇唔到，聽唔到。(7) 唔提供公筷，要問先比。⑻ 食到一半，隻碗碟滿晒骨，都冇人來換乾淨碗碟，更加唔會主動加水加茶。⑻ 女廁殘舊，廁格冇冷氣不特止，居然會出熱風。廁所隔離個籃，放滿高高的用過廁紙，唔明點解唔沖落廁所。⑼ 朋友見隔離枱有蕎頭，問員工，員工黑面話要收$12一碟，冇得送，要定唔要？(10) 埋單時，我們隔離枱位朋友付款後過來我們枱傾計，女員工遞上帳單時突然收回，之後去櫃檯，我們以為女員工拎錯帳單。等女員工回來時，我們查看帳單，發現帳單人數多了一位，原來女員工自作聰明見到多咗個人，但冇問我們就走咗去，亦冇睇清楚枱上有幾多隻杯碟，就貿然加人數。我們同女員工講清楚，女員工辨駁，駁咀時仲用手指唔止一次碰撞到朋友隻手。我們同女員工理論後，女員工一路行一路自言自語，回來後繼續辨駁，我們見帳單更改正確才付款離開。【總結評語】朋友聚會，每人比成仟蚊食海鮮，環境差，女廁環境恐怖，無辜要受員工氣。之前已覺得呢間服務態度一般，冇諗過今次咁惡劣！！！價錢貴不特止，仲要比錢受氣，我們決定唔會再去呢間咁嘅劣質酒樓！
continue reading