湘川滬 (Closed)

六個人食六人餐,以為一定食唔晒,點知又食得晒喎,可見呢度既野份量唔會太多!先上冬瓜湯,料足有好多冬瓜,再加埋一些雞肉,個湯好夠味,分埋六碗上,非常方便食客,而且熱騰騰好新鮮!六個人竟有十個小籠包,比想像中多,但係味道唔算精彩,好多地方比佢更好味,例如翡翠都好佢好多,個吨無乜湯汁,只係有塊皮包住一舊豬肉…合格而已!雪菜桂花魚既魚肉好滑好嫩,ok架!但係雪菜過鹹,可改善一下!有一道係鴨(唔記得個名),都幾好,食法如片皮鴨,有塊皮自己加肉加醬包黎食,我覺得幾好味,而且最好係隻鴨做得一d都唔油!雙冬炒時菜無特別,ok!仲有一d冷盤,如雞絲粉皮,都算係咁啦!至於甜品方面,係豆沙鍋餅,好細碟,但係都夠食既!唔算出色,但質素ok!成個餐埋單唔使六百蚊,味道又唔錯,算係唔貴!

朋有約食辣野,第一次黎食飯都幾多驚喜.擔擔麵味道好特別,第間食唔到呢隻味.小籠包好多湯汁.夫妻肺片辣得好香.水煮牛肉D花椒麻香好正梅菜飽好野味份量不錯.

ok好食d餐幾抵, 不過白飯.......$16個service麻麻冇下次

2個人o黎食, 望見裡面o既裝修都算ok, 就入左去喇..叫左:1) 醉雞: d 酒甜甜地, d 雞好滑呀! 大約有10 幾件, 份量都算ok! 我覺得幾好食.2) 蒸銀絲卷: 好細條要12 蚊, 有少少唔抵, 最慘問佢拿"練奶".. 佢竟然話冇供應.. 可惜!3) 三鮮鍋貼: 有少少油, 但d 料都幾多.. 幾好食呀!4) 火腿津白: 津白好滑, 吸唒火腿味, 咸度都算o岩o岩好! 5) 蔥爆牛肉: 哇~ 呢個份量係少得可憐, $52 蚊但係真係太細碟喇.. 算係我係上海菜館中見到差唔多最細碟..味道一般!6) 酒瓖丸子: 好重酒味呀.. 好食.. 好多小丸子添呀! ^^ 我喜歡~ 但係如果唔太喜歡酒o既朋友可以嫌佢酒味重~服務都算唔錯~ 問佢小丸子點解咁耐仲未o黎, 佢解釋係即叫即煮, 仲要用慢火..哈~

今晚同男友兩個人去食, 點左:脆鱔-- 好細碟, $58 真係超細碟, 唔多油亦唔太甜, 但唔好食-- 太乾同有"籮" 味, 好似食緊d 炸"濃" 左的食物.小籠包-- 塊皮唔薄, 但唔可以講好厚. 水準唔太穩定, 有d 小籠包好多汁, 有d 就無"mud" . 餡的味道唔覺好鮮味.咸肉津白-- 咸肉得4 塊, 而且好薄, 唔咸, 無味. 津白一般. 個獻汁"傑", 偏淡. 炸醬拉麵-- 超唔抵食, $30 一碗, 仲係超細碗. 味道一般, 個麵的質地一般.食物無特別, 價錢就超唔抵, 埋單$198. 唔會再去.

新年約了三位舊同事食晚飯，決定揀呢間，晚上七時到達，獲安排大卡位給我們很闊落。我們兩女兩男叫了六款食品，但係食唔哂：榨菜肉崧配叉燒包子三件(唔係好記得個名)：一大碟榨菜肉崧好好味，叉燒包子一開二，但個包子太扁，中間太窄，很難放榨菜肉崧入去。砂鍋雲吞雞半隻：雲吞同個湯都好鮮味，不過隻雞就無哂味喇。竹笙素菜：都幾大碟，但就無咩味。糖醋排骨：一般，凍D汁杰哂好難食。上海炒年糕：很多油，不好食。高力豆沙香蕉：唔掂，D香蕉爛，$36四件，非常唔抵食。之前在呢個食評中有網友話匯豐信用咭有優惠，訂檯時，就順便問埋接線生仲有咩信用咭有優惠，佢\話匯豐、道亨、COMPASS都有九折。因我有COMPASS信用咭，埋單時再問侍應生，佢\居然話只有匯豐有優惠，COMPASS沒有就走去，想問多句都唔理你，惟有找經理再問，他就話COMPASS有優惠，叫我俾埋張信用咭給他，當我張EVERYDAY COMPASS 信用咭給他時，他又話呢張唔係COMPASS，我們指住張咭上面個COMPASS個字俾佢\睇，先至取去埋單。埋單9折後連小費共$375*廁所的廁板有自動更換坐紙的，以前睇電視就見過，真那次才遇到喇。

平心而論,食物味道不錯, 比想像中好但價錢就唔太抵最重要係,呢間酒樓唔老實,用埋0的八十年代老套招數,無端端要顧客俾多左錢....錢唔係問題,不過俾人呃and屈.....我以後都唔會幫襯啦....

尋晚同男友兩個人去食, 已經book咗枱, 但都無卡位我地叫咗兩個套餐.一個$138包大閘蟹,另外一個$88兩個餐總共有以下食物:兩個魚翅(味道唔錯,足料)兩個頭盤: 鎮江餚肉(好淡) , 陳川粉皮(辣得黎好野味)兩個主菜: 糖醋魚塊(好失望), 蒜頭津白(好入味)一隻大閘蟹兩個糖水但係可能係套餐既關係, 份量相當少, 相當細碟, 完全唔夠飽, 有d搵苯感覺. 最後,我地要叫多一碗擔擔麵(味道好正宗,但我鍾意唔正宗多d, ), 小籠包(普通) 另外, 用hsbc信用卡有九折, 但你叫埋單時佢地唔會主動問你, 你要自己同佢地講.

我覺得些餐廳名過其實，食物質素好一般，無甚驚喜。最難食係個脆鱔，五十八元超細碟，又油又乾，總之就係唔掂。值得一讚係待應生服務周到，食大閳蟹會幫你去理殼。但以後都唔會再去。

同友人聚舊, 為左放便阿大肚婆, 就向呢間食叫左套餐, 係好抵食, 但係唔好食小龍飽- 塊皮好厚好乾醉雞- 可以脆鱔- 可以糖醋魚塊- D粉好厚同有D乾豆腐(唔得咩名) - 好淡湯(好似係醃篤鮮) - 普通高力豆沙香蕉- 完全唔係O個種皮, 好靭, 唔好味後來加左一個咸肉津白, 普通唔難食, 但係個酒釀丸子就係好唔得, 冇酒味又淋....

上星期日晚上一家人六大一細BOOK 左0黎道食飯.好彩有訂位.原本個道都幾多人食.叫左個假日六人餐加兩客小龍包埋單只係600蚊,幾底食!食物都幾好味,唔會太油.六人餐有8菜加甜品. 份量都幾多. 有魚,雞,鴨.....!

星期二晚第一次去呢道食飯, 人流不算太多,不用等便有位,仲可以坐卡位(哈哈,都坐得幾舒服)兩個人, 叫左都幾多野食1)豆辨酥(是冷盤,味道ok,不是難吃，只是很難形容,不過幾特別,用豆辨+干貝磨成，但係試一次便夠，因為不太合口味)2)酸辣湯(很耐都無試過咁到家--似北方人口味的酸辣湯了,酸辣味剛好,足料,根本不用加任何調味,如胡椒粉),同屯門流金歲月(只係一味得個辣),九龍塘的又一棧完全比下去!3)回鍋羊肉(夠鑊氣,野味, 同回鍋肉一樣咁好食,仲有d羊肉完全無"蘇"味,又夠淋, 最特別係有d好似包”片皮鴨”食果d又薄又平的威化紙, 它是用來比我0地夾回鍋羊肉食架, 咁食法都係第一次)4)麻醬冷麵(成晚最意外係呢款, d 麻醬--- 我估有用少少花生醬+芝麻醬開,所以面頭有花生粒, d冷麵又夠凍同埋“煙un”, “low”埋d芽菜一齊食真係好有口感, 現家諗起都想再食多次,只係$35已經夠三個人食,真係好大碟,起初我以為只係一碗! 唯一不足只係因為麵同醬好”lim”所以難夾左少少,不過都值得一試)5)素菜包我第一次食呢類素包, 都幾surprise, 因為我以為得菜同冬菇做料個味道應該會

份工日日做到冇停手,個天日日落到冇得抖.悶悶地不如去食D好,如果唔係抑鬱症, 隨時自殺都有之.星期四晚同幾個苦命人,一齊去湘川滬食餐好,平衡.土匪搶蟹,補番對打字打到手軟手指.老干媽炒田,補番對行到起泡既腳.干燒大明蝦,日日番工比人"蝦",要大蝦番佢地.砂鍋獅子頭,食埋個擦鞋仔,"芷球"干偏四季豆,希望以後干座有得""海鮮炒年糕,耍好似海鮮價,日日升職.南瓜餅,難"瓜"死唔去咁解.蒸八飯, 有個百飯碗,唔怕冇客la. 有order有面子.

５月２２日，同幾個friend去食晚飯，叫左四人餐及小籠包，（一湯兩前菜兩小菜一甜品）豆腐羹好”杰”不過豆腐就好滑，前菜有肴肉，燻魚，肴肉一般，燻魚太入味所以咸左D，小菜分別有鮮竹小棠菜及西檸骨，小棠菜用上湯浸住，好咸．西檸骨味道唔錯，塊塊一樣大細，合晒咀形．甜品我地選擇紫米露，味道一般無驚喜，反而檯面小食辣菜圃，越食越好味，真令人意外．仲有壺茶，係碧螺春，非常之甘香．

今日嚟食晏，嘈到極，食物叫咗包點、飯麵、小菜，全部都頗麻麻，小籠包不濟，整體在水準之下，勉強畀ok