祥基茶餐廳

Open Now

Now Closed

食早餐又睇到車系列～一朝早食番個扒餐人都精神啲！叫咗個煎牛扒配腸仔煎蛋，仲有茄汁焗豆同埋炸薯餅。個煎牛扒上面嘅汁好好味，牛扒雖然有啲筋，但係唔算太肥，厚薄適中。香腸嫌佢煎得唔夠燶，薯餅就有啲油膩，冇隔油先放上碟。不過整體$38算係唔錯。

放工諗左好耐，想食中菜，但又唔想去酒樓，所以經過祥基茶餐廳，呢間餐廳已經開左好耐，之前裝修過一次，而家店內裝修是中西合壁，同餐牌上一樣，都是有中式及西式，今晚已經想食中菜，所以決定揀咩好食，餐牌太多選擇，一時間想唔到食咩好，最後發現有醬炒牛肉，就即刻叫了，雖然是茶餐廳，但牛肉的鍋氣，絕對唔會輸比大排檔，牛肉香氣十足，唔會食到死氣氣既感覺，每次去茶餐廳都會叫凍檸茶，想試試不同餐廳既茶底，呢間不錯的，檸檬很新鮮，喝下很舒服，區內算不錯的選擇!

太和翠怡花園對出的街道，特別多餐廳，每過去一段時間，都會有新的餐廳出現，可謂應有盡有：中菜、港式、西餐、日本菜、韓國菜、甜品，令人顯得不知道吃什麼才行。茶餐廳充滿特色，由早到晚供應不同的食物，早上是西式早餐，晚上又變成小菜套餐，菜單千變萬化。兩個人到茶餐廳點兩個小菜，簡簡單單吃一頓飯，就是小幸福。豆豉蒸黃立倉 ($69)以豆豉作為主要佐料，放在魚身上面，經過適當時間蒸煮後，灑上熟油醬油，魚肉嫩滑，豆豉又可以配上白米飯，好吃喔。西生菜炒肉片 ($62)把西生菜跟豬肉，下鑊炒一炒，看似簡單卻考驗了廚師的功力，不過份量比較少，豬肉質素普通。追加：隔離枱既霸王雞半隻、XO醬炒牛柳，正好多囉。

喺大埔茶餐廳食一碟碟頭唔算大嘅炆伊麵， 跟杯嘢飲跟個湯49蚊， 地方尚可以， 門口咪錶位多但係一定拍唔到。 呢碟 茄子 炆伊麵 伊麵煮得溶溶爛爛賣相就唔得㗎啦老實講。 我只係喺度諗咁嘅價錢喺大埔太和區都幾大鑊。

来吃早饭，服务员送冰咖啡还是冰奶茶上桌的时候（不确定是什么，因为是给我对面的顾客），应该是手滑或者没有拿稳，一大杯饮料就洒出来了，饮料直接溅在我的白色T恤上，很大一块污渍，非常明显。服务员一点歉意都没有，轻描淡写的让我自己去洗手间用水洗掉。先不说能不能洗掉，这种态度就很冷漠，似乎一点小事没所谓。你们把我的衣服弄脏了，起码应该有点歉意吧。说话的语气就是想掩饰自己的过错啊。再说了，白色T恤上的污渍很难洗啊！要不你们帮我洗干净啊！真是太过分了，香港的服务行业什么时候退步至此？

F看來好像「大胆雞」😂花生醬西多士，其貌不揚，看似普通。兩片麵包，多士真厚。中間夾有不少花生醬，不會有白包。夠脆夠鮮，牛油亦剛好不太多，花生醬糖漿增添滋味雞翼 炸菜肉絲麵下午茶，炸菜肉絲本帶蒜香，香而具誠意。而且，下午茶都有三隻雞翼，還算多了炸雞翼本來都有點蒜香。外皮脆，而帶點蒜香，內裏肉仍帶肉汁，炸得並不乾凍奶茶，雖加了冰，仍不減奶茶的茶香，味道確實不錯，是茶餐廳靈魂。

很倒霉的一日 , 本來就是去;太和 的一間餐廳吃串燒的 , 都訂好了枱 , 豈料去到餐廳門口竟然未有開門 , 我和太座足足等了半個小時 , 仍未見有人開門 , 就氣得走了.... 餐廳通街都是 , 反正沒有串燒吃也不會死人冧樓 ....怒極的我們就求其進入了這一家 祥基餐廳 , 找點吃的 , 消消氣 ~ 這間是茶餐廳 , 環境佈局都乾乾淨淨的 , 既沒有佬味 , 又坐得舒舒服服 ~Menu ~ 我點了很久沒有食 , 又被稱為男人的浪漫的 豆腐火腩飯 ,這男人的浪漫 , 很大碟頭 , 飯多餸也多 , 火腩的肥瘦均勻也不太鹹 , 豆腐有幾件 , 芡汁的稀杰度也調得適中 , 不錯吃的 ~ 如此悶熱的天氣 , 我們都點了 凍檸檬茶 (走甜) 作為餐飲 ~本篇完 ~

雖然住咗大埔唔係好耐，但係一直都冇試過呢間祥基茶餐廳。事緣亦都係佢之前一直裝修左一段時間，最近呢幾個月先至重開。好...今次就決定一試！其實本身都諗住普普通通食餐飯完全冇任何期望，但點知又估唔到有驚喜喎！例湯都好大碗。椒絲腐乳仔炒白菜牛肉，真係非常唔錯！個菜炒得勁好味，牛肉又叫嫩滑。唔係誇張..白菜仔勁入味，值得一讚。沙姜雞都幾好，當然以價錢來講$66都幾抵食！其實呢杯凍檸茶係冇特別嘅，我只係想講凍飲加$2，但我估唔到呢杯凍檸茶係咁大杯架！以後唔煮飯嘅時候，都可以考慮下黎叫個餸食個飯都唔錯丫！

今日晏晝約左個fd打算去食lunch 咁我地見祥基裝修完，就諗住試試入到去，佢安排我哋坐係卡位 坐低都唔夠1分鐘，個侍應就衝埋黎問我地食乜咁我哋即刻睇吓有咩食之後我叫左A餐 洋蔥牛扒腸仔焗飯而我fd 叫左F餐 叉燒紅腸飯我個飯既汁的確保持到，但係個扒就差左啲而我fd對個飯都幾不滿 佢覺得個叉燒太甜佢要另外叫侍應攞豉油比佢整淡啲裝修完既祥基的確環境好左但係侍應既態度一樣冇改變（感覺仲差咗）食物質素也下降 希望祥基日後會有改善啦.......

太和人應該對「祥基茶餐廳」這個名字，不會陌生。相信好多太和人，平時都會走去祥基嘆個下午茶，或者應付三餐。早前祥基裝修，搞到大家有點失落，平時想走去食個菠蘿油，或者炸雞比，都沒有好去處。宜家裝修完了，正常營業，當然第一時間要去幫襯支持。今天十分繁忙，沒有時間食早餐，好彩祥基早餐供應至11點半。我跑到去11:25，好彩講得切。點左個早餐A：「火腿通粉」。煎雙蛋可以轉餐肉炒蛋，最鍾意係佢的「每日自製新鮮麵包」。加埋杯熱騰騰鴛鴦。正！

住咗大埔咁耐，數手指都唔止5次喺呢度食過飯，平時係出面睇入去都係有舊式feel嘅茶餐廳，佢個空間好大，可以坐好多食客。以前喺呢度讀中學都冇乜點去食過，今次兩個人，九點幾夜晚周圍搵嘢食，諗住佢都收左啦，點知老闆都比我地入去，咁我哋就嗱嗱聲叫咗個晚餐，就係我最鍾意嘅椒鹽豬扒飯，仲配埋一杯飲品。椒鹽豬扒飯個賣相好靚，好吸引！啲椒鹽味即刻傳入我個鼻入面，梗係親熱辣辣即刻食啦，天氣仲要咁凍，好彩個飯都冇咁快凍，不過佢個酸辣醬可以用辣椒炒會慳啲，其實都算平靚正啦！

轉眼三年無黎喇祥基，原本諗住獨自去萬利食勁辣沙嗲車仔麵，急急食完就去鏢賽，突然新隊友要請一齊食晚飯，當然好啦。炸雞中翼酸辣肉碎出前一丁，幾得意又有創意喎，好少見就試試先。雖然只係白烚麵送到，上檯後可以按自己個人口味落湯粉及麻油。味道及麵質都比想像中好食，可能因為酸辣大頭菜肉碎本身已咸咸香香而味濃。不過始終有點麵還麵、湯還湯的感覺，無一齊煮過麻！炸雞中翼除左雞皮香脆外，咬落油淋淋又翻炸乾爭爭，試一便夠，如果用大量茄汁浸住食應該好一點。食晒碗麵但炸雞翼都未到，等了又等。 

入冬後一直對羊腩煲心掛掛，近幾日氣溫驟降就更加忍無可忍，點到要食次羊腩補補去﹗太和火車站出閘一直盤算緊幫襯邊間食店好呢，大鹿鳴、新鹿鳴？路徑祥基發現有羊腩煲供應又有位，唔諗咁多坐低先講啦。我問四眼妹妹羊腩煲有無煲仔菜份量架？原多只有火鍋，不過有大鍋、細鍋選擇。洗咩驚呀，照食可也。場中各位叔伯兄弟都投以艷羡既眼神，一個人的羊腩煲，爽呀﹗羊腩火鍋細送飲送湯送菜，仲要係明火煲住食，大大煲只需 $168，非常抵砌喎。後面一家四口眼望望，佢地都只係食個大架乍，哈哈。全場第一個叫羊腩煲，侍應妹妹、洗碗嬸嬸、廚房師傅、老闆叔叔輪住黎招呼，真有點受寵若驚。侍應馬尾姐姐好雙乳，侍應叔叔熱情關心，good。青紅蘿蔔豬骨湯，跟西洋菜豬骨湯、蕃茄薯仔湯都樣經典。雖然飲得出不是老火湯，幸好味濃香味而肉味出眾，感覺不到味精的存在，心滿意足。羊腩火鍋細送飲送湯送菜，萬眾期待既羊腩出場 ﹗在我面前沉睡著，要耐心地等他慢慢蘇醒。大大煲真的要加多兩錢耐性呢，靜蠅蠅等到想瞓覺啊 ﹗望穿秋水，十多分鐘後終於滾開，薰芳飄飄，口水直流。香噴噴充積整間祥基，各食家都張視線轉到我的羊腩煲上，眼晴閃閃發光呢。好肚餓喇，等我抄抄咩料先。

工作中午餐，都係以近及泊車行先，一間普通茶餐廳， 地方殘舊，感覺家庭式，地板及枱面黏黏的！去到1355，店員話兩點開始下午茶， 唔係好肚餓，所以等到下午茶時段，落單食物逐份來 特色熱狗（選用司華力腸）（$29）本來因為唔肚餓而叫，點知⋯⋯好大隻，尤其條司華力腸，硬幣五蚊咁粗，個硬豬包根本包唔住，硬豬仔外脆內家，烘到微燶熱辣辣，司華力腸皮薄兼脆，有肉汁，好味，蔬菜青瓜太老，中間啲種籽咬唔到！蕃茄片生菜正常，整體好味！$29好抵！我只食到半個包加整條腸！好味！ 熱檸茶：瓦杯，茶底濃但有澀味，一般，店員爽手，豪爽型！店內廁所尚算乾淨但沿途地板超級濕滑，差！茶餐廳都有驚喜

好耐無光顧的一間茶餐廳，於是就外賣左個下午茶餐，跟紫菜湯同凍檸茶咖哩汁雞中翼撈出前一丁咖哩汁都算幾香幾惹味，撈出前一丁真係幾夾，一丁唔會太過腍，食落口感唔錯，個麵搭埋兩條菜心都算叫中和下食撈丁既罪惡感雞中翼炸得好香口，表皮夠脆而入面唔會太乾，而且d雞中翼既size都好似俾一般茶記大少少，不過雞翼既調味就好似重手左d，有d太鹹至於跟餐既紫菜湯就個人而言都係有d鹹，同埋紫菜好似食到有沙咁既粒狀物體，凍檸茶都係普普通通無乜特別總括黎講其實唔太差，只係個餐以下午茶黎講比較貴，不過份量黎睇其實真係可以當午餐食既