百樂小館 (Closed)

和朋友見面，對方提議品茗，並介紹這家酒樓。它位於美麗華商場4樓，人流較少，環境較寧靜。我們預先利用Openrice的應用程式訂座，酒樓亦於一天前whatsapps確認，服務值得一讚。我們獲安排一張圓桌，點心和小菜以潮州的風格為主，我們點了多款食物:潮式糯米卷一籠三件，蒸得熱騰騰，香氣向上升。外皮蒸得軟腍，糯米甜甜的、煙韌的，夾雜著花生，增加了口感。潮式煎韮菜棵一客三件，外皮晶瑩，底部煎得金黃香脆，內裡放滿了韮菜粒。五香炸芋絲卷外型特別，一粒粒的芋頭，包成一大卷，再切開4片，炸過的芋頭很香脆。潮式灌漿蘿白名字十分有趣，做法原來有點似蘿白絲酥餅，咬開金黃色的外皮，內裡就是濕潤的、甜美的蘿白絲。椒鹽九肚魚一碟約有10多件，九肚魚的脆漿很薄，魚肉仍然很細嫩，滑不溜口。骨香鵝肉片(細份)到潮州風格的酒樓當然要點一客滷水鵝片，鵝肉瘦身，肉質軟腍，滷水味香濃。墊在鵝肉底下的豆腐吸收了滷水汁的精華，但只有三件，成為了搶手貨。海鮮炆鴛鴦米鴛鴦米其實是米粉和粉絲，份量很大。鴛鴦米吸收了茨汁，細嫩而滑口。海鮮主要是蝦仁和魷魚鬚，蝦仁新鮮、肉質爽口而彈牙。杏汁桂花糕最後甜品是杏汁桂花糕，上層是桂花糕，而下層是

無無聊聊 , 口痕痕 , 又來到 彌敦道 - 美麗華廣場 的 百樂小館 吃潮州菜 ~ 最重要就是可以嘆杯 潮州茶 , 齒頰留香之餘又可以減減壓 ~ 鹵水鵝肝 : 鵝肝鹵得相當入味 , 而且質感軟綿粉嫩 , 鵝肝味香濃細緻 , 相當出色 ~ 鹵水鵝 : 是這裏的招牌貨之一 , 每次來這裏用線都至少點上一碟 , 鹵水鵝肉鹵得入味之餘 , 其質感也十分鮮嫩細緻 , 鵝味濃香 , 就是這樣的高水準 , 才得以留下客戶的心 ~ 羔燒銀杏 : 煙煙韌韌 , 原粒脫殼脫皮留芯 , 經過糖膠燒煮 , 香甜中帶有銀杏芯的苦澀 , 好味不甜膩 ~本篇完 ~

今日休息見天氣咁好就梗係要同朋友仔去尖沙咀行下街啦，行完已經餓到不得了，記得之前聽朋友講依度好好味，今晚一於試下佢先！ 一嚟到已經有好多客等緊位，好彩我一早book定位先吾洗等入面環境好舒服，一啲都吾迫夾 前菜有我最中意既花生同咸酸菜，開胃又醒神！ 缺少湯水既我點左個我最中意既杏汁豬肺湯，湯底好足料，啲豬肺洗得好乾淨，飲落口好滑好潤，最啱冬天咁乾的天氣可以好好補一下！ 主菜就點左個紅棗烏豆豬尾煲，豬尾炆得好淋，個醬汁做得好好，有好重既紅棗味，成隻豬尾入曬味，入口啖啖肉，無得頂啊 甜品就叫左個清心丸綠豆爽，真係喜出望外，完全有糖水店既水準，清得嚟又吾會太甜，真係忍唔住食左2碗啊 今次食得真係好滿足啊，期待下一次再黎試下其他嘢食！

聖誕節去左玩，Boxing day梗係要屋企人一齊過補番數！今晚帶左媽咪妹妹同男友食中菜，超級滿意既一餐餐廳地方寬敞，有幾個半開放式好似鳥籠設計既座位，幾新穎。一坐落就已經有四杯潮州功夫茶比我地歎清香味純帶甘甜*鹵水拼盆*鹵水汁好香，色香味俱全，鹵味好入味；尤其係魷魚片，爽口彈牙 一d都唔韌。值得一提係佢個潮州辣椒油，錦上添花正！*五香炸芋絲卷*芋頭炸得香脆，入口鬆化，唔會好油膩*糖醋伊麵*好耐無食既一個美食無令我失望！！伊麵炸得夠乾身，夠脆。裡面既麵餅仲好彈牙，加醋加糖，簡直係絕美配搭*蒜頭蕃薯苗*第一次食蕃薯苗，印象好深刻因為味道好清新 好特別，有少少似菠菜，但更香口更嫩滑我好喜歡。整體黎講小菜好有水準，環境同服務都好稱心，最緊要係媽咪大人滿意

是日父親大人生日，改掉近年吃自助餐慶祝的習慣，到百樂小館點小菜吃亦別有一番風味呢！------------------------------電話預約了七時，要求坐卡位的。到達後職員先問要喝什麼茶，再端上花生和酸菜，以及為我們每人先倒一杯茶。茶水每位$15，花生酸菜共$30。1L 罐裝Asahi $88看到罐後大家都嚇了一跳呢！拍完照片後，母親、姊姊和我都只倒了一小杯，目的是為了與父親生日祝酒，餘下的就由父親解決吧！杏汁白肺湯 $168 （4位用）職員提醒湯水要七時半後才供應的，我們先下單。過了不久後由職員在旁邊分好湯水，再送上四大碗湯水。由於本人本身不太喜歡杏汁的味道，本身想把湯水讓給家人，但喝了一小口後發現杏汁味道沒想像中濃郁，很易入口。每碗大概有兩三件豬肺，家人都很滿意湯水。香煎潮州蠔烙 $68 （小份）上菜後發現小份其實都不算小，一共有八件呢！香口不油膩，沒有太大陣蠔的腥臭味，連原本不愛吃蠔的姊姊也接受得到。滷水鵝肉拼盤 $98 （小份）有雞蛋，墨魚片，鵝肉片，腩肉片和豆腐片。每款大概四至六件，夠入味，特別是墊在最底的豆腐片。潮式糯米炒肉蟹 $488最為期待亦令全家讚不絕口的一

朋友在尖沙嘴上班，嚐盡公司附近各餐廳，極力推薦這家中菜，於是我便跟家人來品嚐一番，果然沒有失望。小菜來到之前，侍應先給功夫茶我們品嚐。本以爲這只是普通的中國茶，怎知道原來茶十分甘香，而且溫度很適中，很暖胃，為這頓晚餐開了一個很好的頭。不用多久，飯菜便來到了，打頭陣的是合時臘味飯。這個臘味飯十分足料，有臘腸、臘肉等等的肉，臘腸很有咬口，臘肉亦很滑很爽口！！飯更不用說，粒粒分明，又很香口，正呀！最後來的一道菜色是一道甜品，名為蓮子棗皇糕。因爲我是個甜點愛好者，甜品未到之前我已經充滿期待，果然不出所料。蓮子棗皇糕不單止賣相吸引，還很有口感，有咬口。最重要的是師傅把甜度拿捏得非常好，甜得來很有口感，爽。最後，我也很想稱讚一下餐廳的裝修，很典雅，坐下來很舒服！！

做冬嗰日到處滿坐，但行到美麗華商場見到呢間百樂小廚都坐滿好多人，無訂坐但都即刻有位，但位與位之間都幾close! 我哋兩個人叫左蕃茄煑紅衫魚，蕃茄唔酸，無加好多糖，好好味！瑤柱扒豆苗，好多瑤柱，豆苗好淋身唔硬! 雜菌牛仔粒，好似牛柳咁軟滑，煎得好香，好吸引！蘋果汁係用新鮮蘋果，唔酸唔會太甜！我最喜歡呢到嘅杏汁桂花糕，賣相好靚，味道很好，唔會好甜！只係個潮洲薑汁湯圓較為失色，唔係咁好食，加上可能係潮洲湯丸，唔係圓形，係長條形，感覺好怪，亦有藥水味，唔好食！

百樂小館在美麗華四樓，裝修明亮，雅緻新派前菜小食有酸菜和惹味的銀魚花生這裡的"紅燒皇子乳鴿伴凱撒沙律"味道很不錯，餐廳已經細心的把乳鴿分成一份份，很適合手拿撕擘著吃，外皮酥脆可口，乳鴿肉很是幼嫩很多種類款式的"滷水鵝肉拼盤"，甫上菜，鹵水汁的香濃味道便撲鼻而至鵝片肥瘦適中"龍鬚子母中蝦"也是挺有名的菜式，炸得香脆無比，令人垂涎份量足之餘蝦肉非常厚實鮮味，太好吃了冬風起，臘味香，當然要來一客"臘味炒芥蘭"用臘腸炒菜很有家常風味這裡的甜點很多選擇！最後選了''杏汁蛋白芋泥''芋泥非常幼滑，甜度適中

臨近歲晚，所以岀街想食下中菜！百樂小館都幾岀名，所以就訂左枱同屋企人黎食潮州菜！先黎一客功夫茶！茶湯色澤鮮濃，家父飲完都讚好！潮州打冷一定要試冷盤類，LEE道滷水鵝肉拼盤滷水味道極富層次，鵝肉滷得十分入味！豆腐極滑，好味！太極素菜羹，賣相對稱非常精緻！係我好鐘意GE傳統潮州湯羹素菜都一樣美味非常，即刻清晒天氣寒冷，叫一煲胡椒排骨大芥菜煲就岩哂！香噴噴暖烘烘GE湯底充滿胡椒香味，可以驅風散寒惹味的椒鹽九肚魚送飯送粥一流最後甜品食左花生糖糠湯圓，寓意一家團團圓圓

年輕人好少會約朋友食飯食中餐，但就係突然有一次心血來潮，先試到呢間百樂小館。環境好好裝修好靚啦，野食野賣相非常吸引食慾！原諒我食到一半先記得影相xddd枱面上既係素菜羹，煮烏魚同蘿蔔灌漿通常中餐比人既感覺都好油膩，但佢地煮得唔會好油好濟 但都好夠味 非常唔錯食到九成飽個陣仲上左個花生糖糠湯丸！雖然已經好飽但真係好香好好味！因為太香了即刻咬左啖xd 又食完先記得影相

一家人食飯都係中菜啱老人家胃口啲～茶芥小食有工夫茶、花生同酸菜乳鵝都幾香，砌到靚靚咁啲沙律菜好新鮮，真係食得唔係裝飾嚟 😂滷水拼盤好多元化，有六種滷水食物㗎墨魚片好彈牙！👍🏻 鵝片都好食太極素菜羹極度謀殺菲林 😄係一個綠色嘅太極嚟！侍應幫我哋分完都仲見到太極嘅影子㗎～啲綠色係用波菜打出嚟，打得好細滑 👍🏻椒鹽九肚魚啲魚肉好滑出面鹹鹹脆脆咁，都唔錯冬天好啱食嘅芥蘭炒蠟肉啲芥蘭好翠綠，炒得好嫩～重量級嘅糖醋伊麵，都整得幾脆我當甜品咁食 😂

同屋企人提早做冬, 我中意百樂好食又好坐 依度會上 o左功夫茶, 咸菜同小食先依碟小食有花生, 腰果同魚仔乾味道唔會過咸, 脆卜卜令人食唔停!每次 o黎都一定會點潮州鹵水拼盤 個鹵水汁好好味~樣樣都好入味, 我最中意鵝肉片同蛋秋葵彩椒炒牛肉炒得好靚, 牛肉好滑~顏色仲好色彩繽紛 tim依個龍鬚子母中蝦好特別出面一絲絲好脆, 不過唔會好油呢 蝦 ge size 都算大隻, 而且好好膏 ar!栗子炆雞球感覺好 warm好 o岩冬天食, haha胡椒排骨大芥菜煲好香胡椒味味道唔太辣, 好暖胃個煲有好多材料, 仲有d 蝦米呢排骨同芥菜都好軟~依度 ge 湯丸係脆 ga, 入面就煙韌 蛋白杏仁茶芋泥非常好食好濃杏仁味, 蛋白好滑d 芋泥甜而不膩

今日同家人慶祝生日兼提早做冬，開心日子當然要搵返間好味道嘅中式餐廳食番一餐啦！上網睇過LEE間都有好似幾好咁，主要係食潮州嘢，始終係做冬，點都要家人同意，一經批準就訂位嚟一試喇！餐廳嘅環境都唔錯，地方好大，感覺都算舒適，燈光就偏暗一點，中式餐廳比較少見，個人就覺得光猛D會精神D，氣氛LEE D嘢都係啱二人世界多D。今日主要都係叫咗一D推介餸菜同埋偏好食物，整體都係好味嘅，連前菜嘅花生同鹹酸菜都清埋，勁！今晚合共叫咗八道菜：杏汁白肺湯：正！杏汁味好重，又濃又滑，質感有D似糖水；豬肺都新鮮又乾淨，味道佳。只係小朋友就唔係好啱，飲咗兩啖就SAY NO，可能怕咗佢陣杏汁味吧！滷水鵝肉拼滷水汁味道都幾好唔會太鹹，鵝肉都多，豆腐入味，係墨魚片唔夠爽口啫。潮式北葱羊腩煲：冬天人多通常都必食羊腩煲架啦，今日我哋都唔例外，LEE間羊腩肉都算比得多，忟得又夠淋，除咗支竹，仲有好多粒大大粒嘅馬蹄，我至鐘意食，但最得意嘅地方係佢加配嘅生菜係煮過而唔係新鮮洗好出嚟嗰種，有D古怪，唔通怕我哋煮得唔熟，哈哈！鮑汁扣鳳爪：鮑汁好味，鳳爪忟得都淋，小朋友至鐘意，食完一隻又一隻，我就比較鐘意食D花生，唔洗同佢哋爭呀麻！麻

通常一家人出街食飯，都約尖沙嘴食，貪尖沙嘴多餐廳同地點方便，今次㨂左喺美麗華商場入面既潮食-潮州菜。餐廳設計比較新頴，以簡約為主，座位尚算舒適，侍應服務唔錯，感覺唔差冷盤：黃油烏頭魚呢條黃油烏頭好香，黃油味好重，魚肉質地好結實，好有口感，配上黃豆醬料，非常入味，醬料偏咸，建議沾少少試下。川椒雞球賣相相當吸引，而且好香，香味撲鼻，雞球好滑，而且多汁，帶少少花椒既味道，又帶少少辣，加上西芹既香味，令到味道更複雜，整體味道一流，伴碟炸左既菜好似薯片咁脆，非常香口，連埋雞球一齊食，口感多一個層次。杏汁豬肺湯好少有餐廳有杏汁豬肺湯點，因為太多功夫，但呢間餐廳竟然有得點，實屬必點之選，淡淡既杏汁味，加上豬肺，豬肺亦洗得好乾淨，味道好好，亦都好有囗感，我見幾乎每一枱都有點呢個湯，非常受歡迎。金華炆大芥菜煲金華火腿炆大芥菜，味道好濃，金華火腿比較咸，個汁好杰，整體比較重口味，啱d鐘意食濃味既人。整體餐廳不俗，地點地區方便，食物味道可以，質素可以，平時食餐便飯都可以揀呢間。

Happy Friday, 約左好耐無見既朋友黎個聖誕前夕飯聚😚中菜食得太多, 今次想食得特別D,  就揀左呢間潮野!星期五地鐵同條街都真係超爆多人, 訂左枱趕唔切.....又要改時間真係唔好意思😓~~ 好彩小二話無問題。餐廳座落於美麗華, 感覺不失氣派。門面光猛, 空間感十足, 最鍾意佢個流線型設計~一圍圓枱仲可以坐起藤籃內位置,蠻可愛的,可以自成一角。環境寬敝, 不過坐滿人後有點嘈吵。剛剛睇番食評, 先知有功夫茶送 ???點解我無既....我開左壺普洱咋😭餐前小食個咸酸菜幾好食, 好開胃~~~~✨滷水鵝肉拼盤($98/小份): 有滷水鵝, 五花腩肉、墨魚片、滷水豆腐同埋蛋, 都幾豐富。先試左墨魚片, 腍身得黎幾彈口, 鮮味十足。鵝片, 五花腩啖啖肉, 最鍾意佢個滷水汁好入味, 連隻蛋都好咸香。✨百樂一品煲($168/小份):  其實係一個海鮮煲， 超級足料！有花膠，蝦球，海參，魷魚，帶子，肉片，冬菇, 西蘭花等等。 所有材料都索滿醬汁香味，最正係花膠，炆到超腍超入味仲好滑溜😚✨杏汁白肺湯($168/4人份)：我一向都唔食內臟，同埋好怕杏汁果種藥水味，不過大家想飲就淺嘗下。 舊肺都係