豪隍點心工房 (Moved) New Location

Lunch time佢有做打工仔飯餐，抵食到癲。40幾蚊一個餐，包一個盅飯，一籠點心，再加一杯飲品。佢個飯仲要係勁大，唔係細細個嗰種。啲點心真係好似酒樓嗰啲咁大粒，完全冇縮水。睇圖啦。叫咗個北菇滑雞飯(´▽｀)啲雞勁滑，仲要大大嚿，落足料。點心要左雞扎。又係大大件，雞肉好滑，勁Juicy。重點係入面嗰塊芋頭，係煮到完全冧哂，吸晒啲高湯，入口即溶，真係正到癲咗(´▽｀)一定會再嚟多次，試吓佢其他點心。

豪隍呢間嘢其實我都係睇OpenRice search到，最叻幫襯係因為一條友放lunch 唔想食 咩記個d垃圾機製點心，一條友去酒樓飲茶又好似太跨張咁。店內店員多是後生仔女，有別一般點心阿姐。最引人入勝的點心，必然捱介上湯鮮竹卷，因為真係上湯黎的，次次都連上湯都飲埋。其次推介潮洲粉果，新鮮出爐個種脆卜卜菜脯同花生，令人胃口大開。第三推介是腸粉，口感一流。當然有彈必有彈，次次食腸粉，都要估下檯頭個支醬汁係豉油定喼汁，因為唔只一次俾店員老點左食喼汁腸粉。另外其他的點心都偏油，食完感覺有點滯，可改善。最重要是點心黃店很罕有，香港人請好好珍惜。

專程去觀塘食點心，因為點心黃店實在非常之少餐廳比想像中更整潔舒適下午茶時間人不算多墨西哥叉燒包味道不錯，但甜了一點蝦餃、粉果、珍珠雞，全部都勁大件，抵食！總結用餐感覺不錯，會再來

我地點左10個點心同埋一個炒河粉🔥 點心全部黎到既時候都係熱辣辣而且件件都大大舊, 絕對係十分足料👍🏽 當中最突出既係脆皮銀蘿腸($ 25) 薄薄既腸粉皮包住超鬆脆既炸蘿蔔絲, 超級好食同特別, 而且真材實料, 見到一絲絲既蘿蔔絲🤩 仲有菜肉雲吞($25) 皮薄餡靚, 超多料, 重點係個醬, 係用左豉油, 生蒜🧄同埋其他醬料混合而成, 生蒜既辣令到成個醬汁變得好惹味🤤 仲有墨西哥叉燒包🐷($25) 麵包既部分有啲似菠蘿包, 個餡好豐富, 有好多叉燒粒同埋個醬甜甜地好好味🤤 最後既菜遠排骨炒河粉($43) 黎到既時候熱辣辣噴曬煙, 佢既排骨淋到連骨都可以食埋,真係非常有驚喜另外茶芥係每位$6, 於黃金週呢幾日出示五一黃金週文宣可以免費獲得一杯飲品🍹 我地每人叫左一杯, 當中以紫薯奶茶最突出, 佢既外貌睇落普通, 但係飲落有淡淡既紫薯味得黎又飲到茶底既味道👍🏽

一早去左觀塘海濱玩，突然想食點心但又驚茶樓多人，竟然俾我揾到呢間隱世點心。我們點了蝦餃皇、燒賣皇、鮮竹卷、鳳爪、時菜、叉燒腸，侍應話5.1黃金周有優惠，送左兩杯特飲。蝦餃係必食，個皮好靚，唔會一夾就穿但又唔會覺得太厚，入面好多蝦肉。燒賣上面好大隻蝦，入面都有蝦肉。留意返，蝦餃同燒賣都係一籠兩隻，但佢個大細係出面食的1.8-2倍左右，所以唔係貴。我自己本身比較鍾意食鮮竹卷，佢個高湯完全唔肥，唔會好似出面嗰啲咁，食完飽左一半，夠健康。叉燒腸好足粒，食落好似啖啖都有叉燒。食完先見到有張相，個師傅係攞奬㗎。注意：佢有個獨立門口，不用入工廠大廈搭𨋢。茶介$6/位。

我們一直有幫襯這家店，它的點心不多，但味道及價錢尚可。但今天的經歷令我們決定以後不會再幫襯😡原因是我們要訂購外賣自取點心，而昨天已打電話查詢過，若要下午一時左右來取點心，應要提早訂購，當時回答是早一小時左右便可。所以今天我們便於十一時多去落單及付款，然後告訴收銀員一時左右會來取。但那收銀的女子居然説，現在落單便馬上要取，不可等到一點。我們便提議佢12:30才幫我們下單給廚房便可，她黑面拒絕。我們説昨天打電話來問過是可以的，她說那人已被抄，原因就是他不應答應客人這種要求。她叫我們取消單及退錢，12:30再來下單。今時今日有這種服務態度，真令人咋舌，令人討厭！永 不 幫 襯 ！

今日做完運動後，約了太太去豪隍點心工房食點心。中午12點已幾乎客滿，好彩有位。服務員很貼心給我們塗上酒精搓手液。我們點咗幾個點心及一碗米缐。很欣賞蝦仁燒賣，不單外型比一般燒賣大粒，而且真是鮮肉多過肥膏，加上上面隻🦐，大大隻丶爽口和彈牙，不錯！蝦餃皮雖不是薄似透明，但內裏真材實料，啖啖蝦肉。金錢肚雖䶢了點，但很入味和冧身。叉燒飽細細個，但勝在皮薄餡多，沒有肥肉，不可錯過。蓮藕煎鯪魚餅湯米線，很喜歡蓮藕，這黃金組合，調味適中，可惜只得兩塊；若米線彈牙就更完美了！

朋友想去工廈食早餐，揀選了呢一間係飲茶，我們叫了鹹水角、竹笙上素餃、藥膳雞腳、叉燒腸、牛肉腸，食物都是用心製作，食物不會太鹹，腸粉做得晶瑩通透，每人大概連茶錢都係$45，真係非常抵食。

疫情期間，店員個個戴口罩，招乎好親切，座位闊落，唔似傳統中式酒樓坐得咁迫，保持同其他人之間既距離！下午茶menu好抵食，不過包唔曬我想試既野，但正價menu價錢都好實惠啊~芋絲春卷很香芋頭味，值得一試。墨西哥叉燒包係雪山皮，好鬆脆！鳳爪排骨煲仔飯有啲失望，太乾唔夠油份，不過相對健康既~炸雞翼好脆又香口👍🏻食埋個甜品芒果布甸都係$8咋！最後三個人埋單每人唔洗$80~

同朋友2個人去飲茶搵到呢間隱世點心工房就試一試食物選擇無普通茶樓酒樓咁多但價錢ok環境大 坐得好舒服無傳統酒樓咁逼食物係中式 但環境係西式好創新第一樣食物 長春卷 特點 $33好熱好好食我自己覺得可以唔洗點醬都已經好好味之後黎左蘿蔔糕 小點 22蚊唔係好多麵粉味 係好有蘿蔔味 好食右邊係豪隍蝦餃皇 中點 24蚊2粒好大粒 d蝦好食到嚇死人好抵食滑蝦腸粉 特點 $33好多蝦同埋腸粉好滑炸雞翼 $24好味 好大隻蝦仁燒賣皇 中點 $24/2好大粒好足料芒果布甸 14蚊無咩特別總括而言食物方面 好足料 樣樣野都好大粒 同埋勁好食服務方面 職員有禮貌 收野都好快手環境方面 唔逼 坐得好舒服價錢ok超推薦大家食 勁好味好抵食

日日係觀塘食飯都係食碟頭多~今日就試下飲茶平時成日經過呢條街 都完全唔覺呢度有間隱世小茶樓因為個門口實在太唔起眼喇但原來都好多人幫襯，去到都滿哂座其實佢d點心都唔算平，小點都要$22,但茶錢$6依加黎講都幾合理呢個長春卷叫 芝士蒜蓉長春卷芝士味都有但唔重 蒜味就唔係好覺 反而本來以為佢陷 但其實有蝦 都幾好食跟一個芝麻醬 但個人就覺得就咁食仲好食~蘿白糕食落就普通，而左邊呢個魚肉釀茄子同青椒，真係辣！雖然味道係唔差嘅 亦唔算好油 但我食唔到🤢然後仲叫左蝦餃 同奶皇包蝦餃一籠得兩粒 係比較貴 但都幾大粒而奶皇包就一般般啦 都有流沙嘅 最好襯熱食~整體黎講 呢間飲茶都唔算平 但食物質素都唔錯嘅~

酒樓點心食得多，工廈點心都唔錯今日工作路過九龍灣，肚餓但又唔想同人迫茶餐廳，就去咗試吓一盅兩件入到去...座位好多，但午市好多人，好快就坐滿人。之後見到牆上面有介紹得獎嘅鮑魚雞絲腸，二話不說就叫咗，加多個北菇滑雞飯！滑雞冇雪味冬菇切細粒令香菇味恰到好處一個人食唔得多，下次多幾個人去真係要試下炸春卷，同炸蝦角

今日一個人去左觀塘附近做嘢，記得以前同朋友去過一間專做點心工場，食過都幾好味，點心好新鮮，所以就行去找食午餐，上到去時已近1點，果真多人，只有等位，等左10分鐘就到。這間：(豪隍點心工場)係要搭枱的，地方比較迫，所以只係快食快走。無所謂1個人食完就走人，茶錢我記得以前是$5，現在已加左$1，無得選擇飲什麼茶，只供應玄米茶，但都好好飲。上次同朋友試過點心好味，今次一個人就叫左個超值午市套餐：北菇滑雞飯+豉汁菜心$49，份量都適中不會太大盅，是用瓦窯蒸的，飯質一粒粒加上豉油，覺得特別好味，雞大大件仲有一隻冬菇，撈起一齊食就非常好吃，而因常外出吃飯，所以比較少食菜，所以就配碟豉油菜心，菜芯上台時係無豉油，都幾大碟而且仲整棵上還要自己落豉油，這樣就可以隨自己既味道落多少，食左$55不須加一!抵食！😋👍✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤，我會寫更多豐富既食評比大家！🤤✨✨✨✨✨✨✨✨✨✨

官塘工廠區內出色點心，比同區酒樓更好，此店沒提供炒粉麪、飯，改為提供湯粉麵，但略嫌點心款式不夠多，可考慮增加多點款式，如灌湯餃、小籠包、煎腐皮卷......等等。員工服務，主動加水、收拾食用完的餐具，唯收銀職員態度欠佳，結賬時一句多謝都沒有，只顧和身邊職員傾計。

聽朋友介紹呢間食點心好熱辣辣 即叫即製 好新鮮 所以就嚟咗試吓🐷呢間舖係喺工廠大廈嘅一樓 要行樓梯上落 位置都唔係好顯眼 可能係咁樣先平啲租啦😗餐廳好光猛 仲有啲bar檯 可能平日返工食飯時間好多人嚟食 不過我今日就星期日嚟 所以客量就一般啦😬呢度只係提供一款茶 就係玄米茶 同一般嘅茶樓好唔同我地叫咗蝦仁燒賣 醬汁釀茄子拼尖椒 鮑魚雞絲腸 點心拼盤 鳳爪排骨飯 同埋豪隍雞中翼湯米線蝦仁燒賣嘅蝦仁好爽口😛鮑魚雞絲腸粉係呢間餐廳嘅得獎點心 果然名不虛傳 好滑 啲餡都幾多☺️點心拼盤就咩都有啲幾抵食 👍🏻鳳爪排骨飯就正常份量 都唔錯🤭 雞中翼好大隻 米線又好大碗 好飽肚😋特別推介茄子拼尖椒 佢個醬汁好惹味 釀喺上面嘅魚肉亦好多 尖椒唔算好辣 我都接受到⭐️總括嚟講 呢間唔算係一間傳統嘅茶樓 但係點心好有水準 唯一缺點係位置唔算方便 希望遲吓可以做大啲 搬到去地舖啦😻