豪隍點心工房 (Moved) New Location

好彩細佬有book位，唔係就應該有排等🙈5條友叫咗2x樣嘢，好瘋狂但好開心😍·•鮮蝦腐皮卷。熱辣辣卜卜脆，每舊都食到蝦👍🏼•蓮藕煎鯪魚餅。唔食鯪魚既我都覺得好好味•酸甜青瓜拼燒豬頸肉。食落好似泰式豬頸肉咁，正😋•墨西哥叉燒包。好味wor，d叉燒餡好得•蝦仁燒賣皇。超大粒！蝦，全部都係蝦，彈牙，正🤤•醬汁茄子拼尖椒。超大份，煎得好好味，好香口☺️•蒜蓉芝士長春卷。好脆好好味，不過就無乜芝士味😂·第一次食覺得好唔錯，會encore👍🏼姑姐話今次d野食有進步

觀塘一向多野食，估不到連點心都有黃店，好開心呀。( ´͈ ᗨ `͈ )◞♡⃛這裡所有點心都超大份，好抵食。推薦菜苗餃同燒賣，好大粒，每隻餃裡差不多有兩粒蝦，又多肉，真材實料！(๑´ڡ`๑)雞紮都好大份，有齊豬皮、芋頭同雞塊，雞肉還出乎意料的嫩！(*´˘`*)♡ 另外有燉湯，這款是烏雞，有微微藥材香味，裡面烏雞份量都是好多，好抵飲！食完這餐飯真是超滿足，又不貴～( *´꒳`*)੭⁾⁾

呢間點心之前已經想食，但係唔送我嗰邊， 所以一路都冇得食 但係今次竟然， 機會嚟喇，飛雲！！今日唔知咩promotion, 仲有7折， 真係超抵食！！！ 我地4 個人， 叫咗12 個點心， 食到好飽呀我地叫咗四寶雞扎，蜜汁叉燒腸，流沙奶皇包，鮮蝦菜苗餃，鵝肝醬咸水角，籠仔馬拉糕，山竹牛肉，墨西哥叉燒包，沙律什果鮮蝦雲吞，五香金錢肚，生煎蘿蔔糕，點心拼盤(有兩粒蝦餃， 兩粒粉果，一個流沙包，一個叉燒包). 佢全部都好好食， 又大粒， 叉燒腸勁多叉燒， 好香芫茜味， 超級好食 流沙包都好勁，我遲咗食， 凍咗都仲流， 熱食咪爆晒出嚟 鮮蝦菜苗餃又好正， 同蝦餃一樣， 勁大隻蝦，又新鮮， 勁彈牙 個雲吞脆到一咬， 全部人都望住晒， 佢勁就勁在外賣送到過嚟都仲咁脆， 佢地仲好細心咁響個膠盒剪咗隻角，等佢唔會局到淋晒， 所以先可以keep到咁脆~ 總之佢全部都好好食啦~ 下次如果可以叫外賣，我地會再叫架

看過豪隍點心社交平台🟡🟡🟡必定要來幫襯，再者這裏的食物質素是有實力，讓人滿足的這裏自設廚房手製點心， 雖然不是酒樓規模但店舖面積比預期中大，可容納不少食客，位處工業區但假日仍然滿座，要等位，可見食物質素備受吹捧的確有保證二人來，這裏可選擇兩粒份點心，非常配合我們需要。原本打算分兩round叫點心， 另抱着試多一點款式心態，蝦餃🦐、燒賣、粉果🥟也只叫兩粒份，殊不知食物上枱，全都大大件大大份，無辦法再食第二輪了蝦餃入邊好多蝦🦐🦐🦐🦐而且非常新鮮爽脆。最鍾意滿滿的花奶配襯芒果布甸 整體食物質素非常好，材料分量十足、熱辣辣、大大件、普遍偏濃味、價錢平民化。不是盲撐，豪隍是很值得幫襯的食肆

假期去左觀塘飲夜茶。觀塘工廠大廈有好多好食餐廳都臥虎藏龍，依間豪隍就係其中之一，睇下佢門口係幾隱蔽上樓梯時見到佢主廚不同既奬項，入到去都幾多人食，大約full house，又不至於太多人，幾好，有足夠社交距離。茶類有傳統既茶，亦有玄米茶，飲完唔會訓唔到，好細心佢既點心好多款式，價錢相宜，份量好大，。啲蝦餃燒賣牛肉球好大隻，亦好好食。強烈推薦依幾款點心。不過佢腸粉皮有啲厚，雖則餡料不錯，但食落麻麻地。其他食物都係中上水平。坐位方面都好舒服，二人可以坐四人位，店員都儘量不過安排隔離枱有人，細心抵讚！佢地亦有禮貌！依間餐廳岩唔鍾意去酒樓咁嘈既環境，但喜歡點心既人，質素高，好值得食🤤

星期日放假，因為好耐冇食過點心，所以就外賣自取豪隍點心工房。其實之前都食過兩次，水準也不錯。今次就order左腐皮卷，鳳爪，金錢肚，菜苗餃，粉果拼蝦餃，炸雲吞配鮮果沙律，生煎蘿蔔糕，煎釀尖椒茄子。Total$163。我覺得有三樣嘢係最推介嘅，就係腐皮卷，炸雲吞同埋煎釀尖椒茄子。首先想講吓腐皮卷，佢係炸到外層好脆，裏面有鮮蝦同芹菜，整體好香口。而炸鮮蝦雲吞就真係好脆，真係食到D 蝦肉，好入味，配埋鮮果沙律，一個字"正"。不過會有少少油，要用廚房紙印下d 油會好d。最後，煎釀尖椒茄子就好夠熱，好似係啱啱煎完出嚟咁。尖椒同茄子各有兩件，尖椒就有少少辣。整體來講，下次都會再幫襯呢間餐廳。😋😋

之前假期想帶媽媽來飲茶趁疫情未到第四波，book左位飲茶食點心。11am左右到，門口都有10人左右等位，由於帶媽媽來所以都係打電話book定位穩陣。點心選擇都好多，但2個人又驚食唔哂，所以叫左一個點心拼盤，有必食蝦餃皇，皮就厚左少少，但有3隻🦐非常足料👍👍拼盤仲有2件粉果、奶皇包和叉燒包各一，咁就可以試多幾款。另外叫左蘿蔔糕，有一絲絲蘿蔔唔係一舊粉，牛肉腸皮薄蒸得岩岩好同埋叫左腐皮卷，就有d油。雖然係喺工廈，但坐得舒服，係樓底較矮所以有d嘈，最緊要乾淨清潔，媽媽都好滿意在場亦見到唔少帶父母來飲茶的仔女👍👍見到隔離枱叫左炒排骨河，勁大碟好吸引，已經約定下次再帶媽媽來試吓其他點心！

中午時分去試一試這間隱世點心，我們一行兩人叫了四款點心就已經十分飽肚，鮮蝦腐皮卷夠脆內餡新鮮，蝦餃比其他地方大粒，十分足料，腸粉銀絲卷亦食到一絲絲蘿蔔中間夾了些芫茜，比之前在其他地方更可口不油膩，粉果與生煎包則比較一般，但依然是十分新鮮好食，食物上唯一美中不足是選擇比較少，但勝在夠大份又好食而且侍應都年輕有活力，只是收銀的女員工令人感覺態度一般，不太禮貌，除了這位女員工比較遜色外，其他都很好，繼續努力💪🏻有機會會再光顧，試試更多款式

咁我要去觀塘食飯,仲有時間咪趕去呢間豪隍點心無記得佢應該係以前尖沙咀個間既分支?原鋪?以前尖沙咀食下午茶真係好撚平,估唔到十年後價錢一樣都係十幾蚊就食到一碟即拉腸粉,D叉燒餡仲要爆多,唔係乾柴隔夜叉燒叉燒有蜜味,唔係HEA做,切成粒狀,唔係肉碎,食落更有味道,口感更實在皮夠通透,亦都夠彈性,平到笑大大碟又夠份量,比起好多酒店級中菜都要好食蘿蔔糕相比之下就比較平淡了,當時差唔多係下午茶埋單前等左15分鐘左右上菜,茶位6蚊,唔止有中式茶選仲有日式茶,咁我當然轉日式茶,玄米味都相當濃,唔係求其比少少茶葉你就算#豪隍點心 #豪隍點心工房 #觀塘黃店 #黃色經濟圈 唯一要彈,有蚊滋仔飛

上網見到啲人推介呢間點心，週末有空嘅時候就即刻嚟試。燒賣同蝦餃都係$28 2粒 原本覺得14蚊粒 都幾貴 點知到咗後發現好驚喜燒賣 蝦餃 超大粒 蝦餃啲蝦仲要係多過一隻蝦係出面真係搵唔到

有時想同屋企人飲茶，但要搵間良店都真係幾難。星期日黎左依間，勁多人排隊，好彩等左半個鐘左右就入得去。本身都唔諗住打食評，所以一開始冇影相😅但食食下真係覺得好高質，忍唔到要打好評 haha叫左好幾樣野食都好好味😋😋😋價錢又平！♥️比平時大粒好多既蝦餃燒賣！ <好好味！必食> ♥️北菇滑雞飯 <雞件又滑又大件 ！必食>👾香辣三寶豬皮蘿蔔魚蛋 <一般，個湯底普通>♥️甜奶炸饅頭 <正正～必食>♥️沙律什果鮮蝦雲吞 <炸雲吞好味，什果沙律就平時食果種>♥️四寶雞扎 <ok>

周圍點心鋪都係一式一樣大陸廠貨（黑金流沙包果啲fd呢）呢間良心店講明「香港製造」made in Hong Kong今時今日好難得信心保證必須支持 佢啲野食總括而言：大份！水準中上！看圖～～ 比較出色講下啦：1. 煎腐皮卷脆卜卜唔油膩西芹粒超爽脆呀跌左出黎都夾番黎趙🤣 2. 釀青椒～其實係連埋茄子叫架但我鍾意椒多啲辣辣地架佢啲魚肉好實醃得好食表面有少少甜味幾過癮 3. 金錢肚辣辣地，惹味 其他都好ok呀蝦餃好大粉果啲料都新鮮好爽脆 個焗叉燒包啲叉燒肥左啲同埋不算好酥脆添好運果個好食啲（本人較不喜肥肉唔知大家啊其實佢係半肥瘦） 蘿蔔腸粉啲腸粉皮多左啲同埋薄啲會更佳但入面啲餡非常好呀一絲絲蘿蔔好有層次亦好夠脆 環境：工廠一樓，唔難搵寬敞、多位我星期六下晝4點幾去即時入座，約6成入座啦音樂：好好聽價錢：9個點心食到超飽$257抵啦 會再去！

中秋假期帶媽媽嚟呢度，由地鐵行過嚟六分鐘左右。十一點九嚟到都要等七張枱，不過等三四個字就有位，好快。我哋兩個人叫咗蝦餃，雞札，茄子拼尖椒，生煎包同鵝肝醬咸水角。咸水角同生煎包最快嚟到，唔算好熱，咸水角食唔到鵝肝醬味，同普通咸水角冇咩分別，生煎包唔夠熱，唔脆，餡個味道都好一般，下次嚟唔會再叫呢兩款。但反而其他三款就相當唔錯，蝦餃兩粒好大粒多蝦，等於岀面四粒嘅料。茄子尖椒伋係炸，釀咗好多魚肉超大件，熱辣辣好好食。另外雞札都唔錯，件雞大件啖啖肉。整體嚟講都幾好，跟其他食評去叫應該會好啲。

觀塘食好西時間🤤💁🏻‍♀️💁🏻‍♀️豪隍點心工房地址：觀塘敬業街65-67號敬運工業大廈1樓A室又要同大家介紹下一間出色既隱世點心店👅佢既位置唔算偏僻，但個位都幾唔起眼🙈又無明顯招牌如果你無去過應該都搵唔到佢係邊😑呢間點心店鋪面都好大，但就長期full house😏好彩今次有book位 去到既時候已經爆晒場 食客都輕輕鬆鬆飲緊茶+食緊包啦😂😂😂佢地都真係幾多招牌點心🤤仲要樣樣都好唔錯😏睇吓下面我有咩特別推介㗎啦💋💋————————————————————💁🏻‍♀️#05 流沙奶皇包 $24 （中點）🚨 午市價錢 威威味蕾：👅👅👅👅👅👅👅👅（👍🏻=👅x 6-10👎🏻=👅x 1-5）新鮮出爐唔單止熱辣辣🙊拎上手仲燙手添㗎😫睇吓佢金黃色嘅奶黃 食落淡淡鹹香 真係要錄低俾大家睇😎 等你地過下癮😜佢地有出埋流沙奶黃月餅🙊🙊我勁想試🤤🤤🤤————————————————————💁🏻‍♀️#04 蝦仁燒賣王(2粒價錢)$24 （中點）🚨 午市價錢 威威味蕾：👅👅👅👅👅👅👅👅（👍🏻=👅x 6-10👎🏻=👅x 1-5）呢粒燒賣實在太足料😱一粒頂人地兩粒😂所以索性兩粒為一籠！ 食一粒都夠飽啊😱 蝦仁爽脆 冇因為蒸

個入口對第一次去既人唔太易搵店舖裝修光明簡約，餐桌間距闊落，餐椅都好好坐，舒服😌鳳爪排骨飯係成個煲仔咁上，其實好應該寫系個餐牌度😙30幾蚊邊諗到有成煲飯，又略略帶少少飯焦既，仲要排骨舖滿面頭🤩 咁大賣點唔寫太可惜啦，比廟街啲煲仔飯專門店更足料🤭其實一個人一餐一煲飯咩都飽，但我唔知路咁仲嗌多左點心😅 個鮮蝦菜苗餃好啱我口味😋 有完完整整3隻蝦仔之餘，仲係我至愛既蒜味😍 個皮又唔厚😋最後要介紹既係佢極受歡迎，幾乎每枱都嗌、外賣落單成日有（聽到店員大嗌）、隔離枱埋單都要加份外帶既墨西哥叉燒包❣️ 一上枱，奶味撲鼻👃🏻 咬落去唔係叉燒醬而係粒粒叉燒肉😋間舖標榜自設點心工房，相信都係，啲點心由外到內都好熱，建議上枱後要嘆一嘆，再細細啖咁咬，唔好辣親呀😏無加一，得$6位茶錢，咁足料又好食，好值得再三幫襯😁