車仔麵之家

Open Now

Now Closed

雖然由細到大都活於灣仔區，但這是第一次光顧車仔麵之家。今次我點了豬大腸、釀豆卜及牛丸小辣米粉。先説湯底，光看顏色就知道湯底夠濃，先喝一啖湯，因有辣醬輔助，令每呷湯都有刺激的辣味，很開胃。牛丸是普通，但釀豆卜和豬大腸是我最喜歡。豆卜中釀了蝦膠，令豆卜不再簡單，湯汁再浸入豆卜裡，每一口都刺激味蕾。豬大腸非常肥美而且醃得格外入味，每口大膠都彈牙，可口美味。最後，米粉只是一般，下次會嚐試河粉。價錢合理，質素中上，會再光顧。

招牌好不顯眼，如果路過沒有特地看很難發現在這麼小的巷子裏竟然有滿滿的食客排隊買面和路邊吃面。第一吸引我的當然是吃面群眾啦！排隊時隔著玻璃窗就看到了煮麵的帥哥。原來落單是先跟帥哥說什麼面類，再跟旁邊的姐姐說要什麼toppings,搭配好完美，有效率！價錢平民，讚！外賣回來一吃：湯底味道濃郁，蘿蔔小小的超級入味沒有筋，生菜新鮮，香菇彈牙軟嫩入味，魚蛋是港人最愛的口味QQ的！總體來說，走過路過不要錯過，帥哥服務好貼心！

灣仔名店之一 必定係呢間車仔面個個傳媒都一定會報導！次次想黎食都已經關左門🤦‍♀️因爲佢係收6pm架！所以大家想黎食就要早啲啦！當日冇晒河粉 所以叫左油麵甜酸齋 豬皮 蘿蔔 好多粉大大碗 已有腩汁另一碗係魚蛋 魷魚 (最馳名!) 油麵唔知點解呢碗麵少咁多😂但加左辣汁好惹味呢！魷魚好爽 有啲似酒樓既咖喱土魷 湯底都偏濃味PS1. 店員好細心見我影低餐牌 就立即俾張外賣紙我👍🏻PS2. 我放在啲錢喺櫃枱但風扇一吹散落周圍都係(好抱歉🙏🏻) 我非常唔好意思連聲道歉但店員態度好好呢！😊小店從來都有呢份人情味 屹立多年是有原因的！💪💪

係灣仔工作多年， 知道呢間車麵算出名，但見佢只係立食而一直冇去。 今日想外賣番公司Lunch就終於試左。Lunch time都多人排隊，有around 20人。~但好彩尚算快，唔駛等太耐。 叫左：油麵， 雞翼， 咖哩魷魚，酸齋，辣汁底。麵基本上都係咁， 辣汁幾惹味唔會太辣，岩我。雞翼係滷水，算入味，食到裡面都仲有滷水味。 咖哩魷魚好濃咖哩汁味，就算浸左係湯裡面一陣都好有咖哩味。酸齋好特別，係分開用另一個袋裝的。 佢唔係用橙色果隻酸齋， 而係外表同普通"浸齋"一樣。 味道酸酸甜甜，必食。 可惜呢間車麵夜晚唔開，同只限立食。 唯有lunch又想買番公司食時再encore.

今日一個人在PP搵食, 突然想起在網上睇過超多人讚的車仔麵店就在PP3附近. 比起在大商場比8-90蚊食個wrap, 行多兩步食車仔麵絕對是更好的選擇!! (事實穿地底行過去約十分鐘).約一時正去到門口, 約有12-15人排隊. 還好阿姐手腳超快, 不到十分鐘麵就到手了~!!!! 因為想試傳說中的風味, 選了在後巷立食. (其實那條後巷都算乾淨). 食車仔麵必食油麵, 叫了出名的魷魚, 酸斎和車仔麵不可少的豬血. 湯底- OK, 就是一般車仔麵的湯, 加了咖哩汁變得更好食麵 - 正常魷魚 - 招牌餸, 其實都幾入味幾好食..但係...點解我見其實人的食評魷魚份量是正常的, 我的這份只有三塊(就是圖中見到的三塊) .....份量少得離譜酸斎 - 都是招牌餸, 這個我只覺得是普通, 不特別好也不差豬紅 - 呢個反而有驚喜啊, 雖然都係交貨來的料, 但佢煮得幾入味阿~ (已經決定有機會再黎的話會encore)整體言這家的水準不差, 以這一區來說價錢算平, 只是它太有名了, 抱住超大的期望來食難免有點失望. 在天氣不太熱的前提下應該會返吃的. 

素來都是棒場客，覺得是頂瓜瓜的！今天一大早去，趁尚未有人龍！卻大失所望！水準保持吾到！至愛的大腸，又大舊，又吾入味，又靭！酸齋，林哂，表面不脆！油面，一大肥，冇味成碗野失望之極！好心講佢地知，愛理不理甘！盛名不是永恆的！後起之秀很多呀！

早排電視介紹呢間車仔麵，一直都好想試，最近轉來灣仔返工，所以專登花10分鐘時間行過來一嘗滋味，店舖位於內街，不過離遠已見人龍，店舖細小，只有數個企位。我叫咗外賣四餸，豬皮、大腸、魷魚和蘿蔔油麵， 湯底不是很濃味，魷魚比較特別，有很濃的醬汁，即使浸在湯一段時間，醬汁仍然黏附在魷魚上，是好味的。其他的都是一般，並不是傳聞中咁好味，雖然質素不差，但始終此人氣店舖令我期望很高，最終有點失望。

早前看電視介紹這店，覺得食物好似好吸引，一直想來試試。今天剛要由九龍過海到香港島，便提早出門，到這裡食麵。要了細油麵，豬紅、蘿蔔、魷魚、豬腸、甜酸齋五個餸。豬腸份量多，清洗得好乾淨，沒有任何豬膏附上，很入味。蘿蔔塊塊都清甜冇渣；魷魚份量不多，但很彈牙惹味，好好味。最喜歡甜酸齋，味道甜甜酸酸，而且脆皮，雖然浸住湯，但都沒有稔晒的，一定要試。豬紅份量好多，但味道太鹹。以沙爹為湯底，店員很細心，問我要不要辣，我怕好辣，她就話比我試少少辣，整個湯辣度很適合我，味道一流，我見企我隔離嘅女士食完碗麵後，還要飲了半碗湯才滿足地離開。我很喜歡這店的車仔麵，味道真的一流。

來到灣仔區經常幫襯，食過一次後就記番尋味，幾乎成為我來灣仔區必吃首選，地方比較難搵，窄巷中，鋪頭細細間得立位，個個企喺度食！初時覺得好奇怪慢慢一來二去就習慣左幾得意，酸齋開胃, 個皮脆卜卜，汁調得酸酸甜甜，另外包起, 吃時還脆！來到這裡酸齋係我嘅至愛！吃車仔麵好大碗豆卜吸著湯汁甜軟多汁水好好味豬肠乾淨無臭味酒味好美味，而且我本人好討厭有些舖頭豬腸為咗辟味好大的酒味酸味好難頂，弹牙魚蛋組搭完美雖然舖頭不是太起眼乾淨企理，但味道十分好！平民的價錢好抵食

久聞這店大名，今日專程過海來試試，希望唔好失望。睇食評這店在灣仔，點知搵了一大輪才知近金鐘，在太古廣場三期附近。雖然行到有些索氣，但終於搵到這間傳說中的車仔麵店了，實在有些興奮。舖頭細細，無坐位，要企係到食都重要排長龍！好彩效率好快，排了十多分鐘就有得食。哈哈！揸住碗麵學人企係小巷食都幾有風味。咁遠來到幾大都試多幾個餸。叫了大腸、咖哩尤魚、豬紅、蘿白和酸齋跟油麵加大辣。好大碗份量幾足。大腸夠香夠腍乾淨無異味；尤魚爽口惹味又厚肉；豬紅入味口感滑溜；蘿白清甜無渣；酸齋外脆內軟酸汁好味；湯底濃而鮮甜，見到在湯爐上佈滿雞鴨豬骨等材料，想是烹煮了不少火候才能這麼美味。油麵較平時食開的幼身，較能吸收湯汁的精華，而且煮得時間剛好，食落爽口。最後加了一大把秘製的辣醬，令到整個湯底香辣惹味。雖然我食得辣，但叫了個大辣都食到我滿頭大汗。雖然今日行了不少冤枉路才搵到這店，但能夠品嚐一碗咁好味的車仔麵，實在感到很滿足。

超過一年冇食呢度既車仔麵, 真係好掛住呢度既酸齋今次係灣仔見完客即刻走黎呢度食, 一個人的浪漫一如以往, 總係會有一條長龍排出鋪頭, 但果日條龍唔算長, 大概排了5分鐘就到我了...經過長時間既訓練, 店員已經係摩打手咁淥麵+夾餸, 勁快手有D人話車仔麵梗係要配油麵啦, 我就唔係咁講法, 有乜話一唔一定, 我係鍾意配米粉囉~叫左酸齋, 羅白+豬腸米酸齋 - 我既最愛, 酸酸甜甜, 仲KEEP住脆, 真係好好好味, 請容許我比爆LIKE羅白 - 好淋, 冇根, 又甜, 冇得輸豬腸 - 比較多肥膏, 但都幾淋, 少臊味, 咬走D肥膏食先敢擺落口配埋佢地既秘製辣醬, 好惹味, 車仔麵既靈魂啊------------------------------講返個環境方面, 鋪位真係好細, 同埋係立食的, 如果想舒服D可以外賣返公司食/選擇去新鋪啦, 有得坐..立食既位置最多並排可以企到4個人, 食完大家都會自動自覺將個碗放去張台下一層, 方便下一位立食既朋友..大家都唔會介意呢個企位問題, 因為著重既都係果個好美味既車仔麵姐可?睇黎要自製見客再黎食先得下次一定一定要叫2份或以上酸齋先夠喉啊!!!

禮拜六去食完，差過以前好多，舊老闆水準穩定好多，而家蘿蔔又唔甜，辣醬又唔香、魷魚又唔入味。新老闆舊舖初頭都keep到以前味道，但而家真係大退步。好失望！希望新老闆認真D專心做好食物。

自從四眼仔賣左舖比 對孖仔之後，初初都可以保持水準，跟住就越嚟越差！價錢都加咗兩次，最出色 辣醬吾夠以前香！湯味精重手啲，最最失敗係魷魚比以前薄好多冇咬口冇味道！懷念四眼仔父子檔

因為要過灣仔做野, 之前已經聽過呢間車仔麵因為立食而出名，自己見得一個人又唔多時間, 走左入去試一試叫左碗尤魚雞翼豬紅麵, 麵質唔錯, 尤魚夠爽, 不過豬紅有啲散, 湯底只係一般雖然係立食, 但都見唔少人一個人企門口出面食, 可能價錢呢區算平, 但整體味道一般

食過一次就停唔到，經常幫襯！灣仔區必食！窄巷中嘅隱世美食，位置隱蔽但隱藏唔住佢嘅香味！店舖極細，得立食位，個個企喺巷仔食，但日日仍然出現人龍！招牌沙嗲魷魚，秘製醬活零舍入味魷魚彈牙有咬口酸齋必食，個皮脆卜卜，個汁甜甜酸酸，味道同口感都可謂獨一無二，一試愛上豬大腸都係推介之選，乾淨冇異味豬紅入味爽口蘿蔔吸晒個微辣帶甜嘅香濃湯底😍 高質嘅平民美食！！