Cafe One 咖啡廳 (Closed)

今日有屋企人生日，所以就同屋企人去咗銅鑼灣嘅Cafe one 食buffet。因爲好早就book咗位，所以有窗口位坐。今次我同屋企人食tea buffet,  $268/位，幾抵。個泡菜牛肉漢堡好有質感，重牛味，但係吃唔出泡菜味。章魚小丸子好軟，但係入面個餡有啲少。芝士青口味道一般，肉有啲老。雖然三文魚刺身冇專業日式料理店嘅質素，但係我都食得出鮮味，幾好味。蛋壽司甜味啱啱好，而且唔會一夾就散，不錯。其他壽司都係above average.成餐最好食就係froyo. Cafe one 嘅雪糕同froyo都係任添嘅，可以自選配料，有草莓醬、朱古力醬、oreo脆脆、棉花糖等配料，非常專業。我杯froyo乳酪味重得黎又唔會太酸，而且仲有雪糕同草莓醬嘅甜味，再加上凍冰冰嘅感覺，真係絕配享受。總括黎講，唔使270蚊就食到咁多野，都算抵。下次同屋企人食飯會再黎。…Read More

Tea Buffet由15:30-17:30~以前15:00就開始架~依家少左半個鐘(價錢$268/位)Tea Buffet黎講..食物款式都係咁上下~不過好多想食都有牛肉變相食物選擇仲少d添~漢堡包/熱狗好吸引..不過有牛食唔到有人食過個漢堡話唔好食~熱狗無人食過..唔知lu漢堡&熱狗旁..有西餅類/多士/蛋糕仔熱葷類..有春卷,星洲炒米,京都骨,雞翼等中式蒸籠點心..乾蒸牛肉,燒賣,蒸餃,馬拉糕,糯米雞等對面有沙律類,冷盤火腿等除左冷盤火腿/牛肉外~仲有壽司剌身counter另一邊仲有中式粉麵~近門口就係甜品,HD雪糕,軟雪糕飲品有3款..蘋果汁,橙汁,豆漿~我覺得幾甜..飲1杯無encore lu春卷&蝦多士好味..不過食1件夠(唔想食太多熱氣野)~小丸子都ok星洲炒米足料+夠咖哩味~京都骨&芝士焗青口ma ma地掛住傾..仲有個"金牌碗仔翅"無影~我唔算好鐘意食碗仔翅不過聽聞推介..所以試少少~料足+馬碲粉完全煮溶晒無一舊舊漿粉~幼滑好味~串燒既沙嗲醬都唔錯沙律/刺身/冷盤火腿...全部無食~壽司食左3件握得好夠實~食材都新鮮唔錯pizza都整得好靚~不過係泡菜牛肉pizza..所以又食唔到西餅類..泡菜芝士多士, 朱古力蛋糕, 鬆餅(仲有酥皮餅..無食)本身芝士夠鹹..加埋泡菜又鹹(=都幾鹹)~朱古力蛋糕好味軟綿綿水份適中..朱古力味夠香+最重要唔太甜鬆餅唔夠酥香..味道唔太特別吸引湯粉..瀨粉比較硬~其他無太大特別感甜品類選擇唔算多~但會轉唔同款式~份量比預期大件如果細一半..反而可以試多幾款~整體甜品都ok..唔太甜蛋糕層質感軟綿綿~栗子甜筒唔好味..甜筒唔脆+味道好甜甜品類仲有朱古力噴泉..最正有爆谷~有部細爆谷機即場整整體食物不過不失~餐飲杯咖啡好香好味~座位環境舒適服務都ok~問朋友借左2張club member card唔知member點計優惠~總之5個人約6折(另+10%)…Read More

在星期六，去左柏寧酒店食自助餐，都係第一次尼！ 去到見到食物選擇都唔少，各式都有，甜品類都算多，海鮮類的食落都很鮮甜，壽司的款式都很多，那些魚的刺身都很鮮甜，無乜醒味！ 熱食類選擇都很多，像都差不多十樣！ 記得那粟米炸龍利柳很好吃，又有些中式點心，d餃子好食，甜品類的朱古力榕樹頭蛋糕最好食，而我覺得全場最好食的是乳酪雪糕，是真很好吃！ 我覺得港島區的自助餐好食過尖咀旺角個d,而港島區的價錢係較貴，但d食物質數是真好好多，甜品都好食d! 今日都有試食過差不多全部，食完都覺滿足，食到好飽了！…Read More

這間 Cafe One 開業多年，一直都和它無緣，直至最近無意之中去了一次，可以在兩個星期內再去一次，可想而知它有多吸引我。現時吃自助餐價錢已貴，五百元以上是等閒事；但這間 Cafe One 如果有中銀白金卡可以有七八折，折實只是 HKD460 左右，我覺得物值超高。第一，它位置便利，就在皇室堡對面；第二，它的食物種類豐富，而且翻本的食物甚多；第三，食物的水準甚高，能夠吃出愉悅感覺。要知道，能夠吃出愉悅感覺是很不容易的，這間 Cafe One 能夠做到，我覺得很難得。難得的地方，在於它百多款的食物之中，全部一致都會讓人有愉悅感覺，我覺得總廚的功力很厲害。這麼多食物，不會是一個人做的，最少也會有十多位廚師一起做，能夠一致做到高水準食物，很不容易。食物選擇很多很多，我也沒有可能一一介紹；坦白說，我在這個兩個星期連續去兩次，儘管「要吃遍所有食物」是我主觀而感性的願望，而我也計謀地每樣東西「只吃很少很少」，我也沒有吃完所有種類的食物。而讓我很感動的，是每樣東西都有上上水準，我很難告訴你那種感覺是多麼愉悅，你來吃過就知道。它們厲害之處，是一些很普通的食物，可以讓你吃了留有深刻印象，而且是吃過最好味的。我的推介儘管很奇怪，但請你相信我，你來到這裏，務必要吃完我所提議的東西（我還未介紹翻本食物）。它們有：－ 蝦餃- 豬腳薑- 燒鵝- 湯圓- 津白- 蜜瓜，西瓜，哈蜜瓜- 炒飯以上的東西，你可以只吃一點，品嘗了，才決定是否再吃；我强烈建議你不要再吃，因為還有很多其它的東西等著你去吃，但你吃完，你會明白我為何會推介以上的東西。一間自助餐餐廳，能夠做到有生蠔，刺身，甚至乎龍蝦，不為奇，這些東西只要新鮮就好；但將一些我們平日都會吃的東西，做得如此美味，我真心佩服這間餐廳的大廚。好了，該品嘗的東西吃完，我再推介其它你必定要吃的東西：- 龍蝦- 翡翠螺- 刺身（包括三文魚，油甘魚，八爪魚，甚為新鮮，超出了自助餐的水準）- 鵝肝（只是友人吃了覺得好好味，我怕膽固醇就沒有吃了）- 牛扒- 燉湯吃完了以上東西，你應該會超飽的，而且比平日飽了至少 30%；因為東西好味，你也沒有底，就不停的吃，而東西要二十分鐘才去到胃，待你覺得很飽時，二十分鐘後會超級飽。我和友人今天正是如此。而我們今天適逢其會，有大閘蟹供應；除了大閘蟹之外，還有蟹粉小籠飽，蟹粉津白，食得很開心。順帶一提，到這裏泊車有三個鐘頭免費，而今天這裏泊車時鐘是 HKD44.00，三個鐘頭是 HKD132.00，所以更覺超值。服務態度也甚好，未去到五星級貼心噓寒問暖程度，但也教人很滿意。環境未到一流，但也是很舒適；我 benchmark 的有香格里拉，級數差不多。值得我真心推介，尤其是蝦餃，炒飯，湯圓有如此高水準，其大廚的細緻程度可想而知。（P.S. 抵食及好食，我真係想比十粒星。）…Read More

之前打算夜晚行完書展後, 就BOOK宵夜buffet食, 見未黎過呢間, 而且時間都就到, 就黎試食下.未夠10:45PM都可以安排入座, 坐到夠鐘, 有職員會示意可以出去拎食物.簡單巡左個圈, 宵夜buffet黎講, 食物種類都算多喇.有自助水吧 (橙汁, 蘋果汁, 豆漿任添)冷盤食品~東南亞小食車仔麵檔熱薰類點心類乳酪tops有兩種味選擇甜品部生果檔嘩, 都算多相卦~~~好, 開始介紹!先簡單取了沙律黎開開胃, 蔬菜類好新鮮, 仲有幾款沙律醬任均選擇! 魚生系列: 師傅完成冇就住切, 件件都大大件, 所以食落勁有口感!雪梨燉雪耳湯, 正! 好清甜~ 毫無味精, 真係燉湯, 落足料! (我飲左兩盅)呢件釀青椒, 好辣呀~~不過幾好食既隨便夾左一些熱食, 味道不錯~甜品喇! 比我想像既好味! 不過唔知點解出面有好多款甜品都係芒果做~右邊既奶凍好香滑, 值得推介!乳酪拉出黎都算夠硬身! 有D唧出黎就融晒~~ 食乳酪感覺健康過食雪糕~…Read More

第一次黎食，都ok雖然食物種類不多，但容易飽😊環境都幾好，同屋企人坐窗邊只係當週圍都坐滿客人既時候，出去攞完野食返埋位有點要小心😥食物方面湯－一大煲既老火湯－羅漢果西洋菜豬骨湯，👍👍👍👍👍點心－蝦餃，👍👍👍👍👍，幾隻大蝦，蝦餃皮不厚不薄扶林甜品方面粟子蛋糕唔太甜，值得推薦芒果類既甜品都唔錯，天氣炎熱下食芒果甜品，心情都好d，仲要有幾款揀😍…Read More

對上一次食下午茶自助餐已經喺上年年尾嘅事，唔算隔得好耐，不過，記得曾有段時間都幾迷上食下午茶自助餐，差唔多個個月梗有一次。今日趁過港島區掃墓，順道同老婆嚟銅鑼灣柏寧酒店嘅Café One撐枱腳，嘆番次下午茶自助餐。自助餐時間由15:00-17:30，兩個半鐘喺相當充裕，不過，我哋掃完墓之後再要辦點事，遲咗十多分鐘。到場所見，算唔上好多人，大概6乘左右滿，大部客人都被安排坐晌入面近食物區，所以，近門口嘅一排排枱櫈都喺「吉位」。環境方面，其實都幾鍾意，雖然裝修唔算有咩特別，就像一般酒店內嘅自助餐餐廳，不過，座位嘅間隔比較闊落，唔會有太擠逼嘅感覺:)，木櫈有把手，讓人坐得舒服多一點；面向記利佐治街及告士打道一邊，全部都喺落地大玻璃窗，可以睇睇街景，可惜事前未有特別要求坐晌近窗位:(！同樣，食物區嘅空間亦好寬闊，寬闊到好似行商場咁，遇上爆場都唔怕被人逼嚟逼去，搞到水洩不通。自助果汁行到身水身汗，今次唔喺相機先食，喺果汁先飲，有橙汁、豆漿及西柚汁，先貫杯橙汁解吓渴，之後再飲吓西柚汁。沙律吧陣勢好弱，得翡翠苗、紫椰菜、火箭菜及雜沙律菜，另一邊晌冷盤旁再多幾款預製好嘅沙律，不過，款式唔多特別，名牌亦欠奉，只喺睇喺咩食材估估吓；反而喺醬汁中有兩款較有特色：蜜糖芥末油醋汁及芝士汁。冷盤主要都喺啲冷切肉腸，如沙樂美、火雞肉腸……等等，另一盤就喺燒牛肉，所以，款色同樣唔多。將幾款冷盤料加埋落啲沙律度，就成為小弟嘅開胃頭盤，個蜜糖芥末油醋汁又真喺幾好食！壽司、刺身雖然好大個食物櫃位提供壽司、刺身，不過，個師傅好似好迤咁，幾次經過見到壽司擺出嚟嘅款式及數量都唔多。平時，我都夠少晌自助餐度食壽司，不過，眼見整體都唔多嘢食，所以，極之難得拎咗一碟壽司，質素？普普通通咁啦！熱盤類（一）另一邊嘅熱盤類，有啲中式點心、牛油栗米、蜜糖雞翼、XO醬魷魚鬚、乾燒伊麵、咖喱角、煎釀蓮藕餅……等等，最好味喺啲魷魚鬚同蓮藕餅，前者好惹味，而後者爽脆，仲加多碗足料嘅碗仔翅，味道唔錯喎:)。Café One Bao此外，熱盤仲有一樣值得要試嘅喺「Café One Bao」，即喺台式嘅刈包，有好幾款口味：越式扎肉、韓式泡菜牛肉、避風塘蝦肉及黑松露雜菌；同師傅講蝦肉拼雜菌，結果就只喺俾咗個黑松露雜菌，其實味道認真唔錯，包身幾軟熟，微微暖，雜菌滿有黑松露香。西式包點類晌食物枱嘅一角擺放幾款西式包點，包括手指三文治、美式鬆餅、菠菜酥及士乾，小弟較有興趣喺兩者。個菠菜酥內藏幾多菠菜蓉，酥底做得不俗，充滿牛油香；而士乾塗點忌廉及士多啤梨果醬，已相當唔錯。熱盤類（二）再行去另一邊熱盤區，依邊就多數喺啲煎炸或濃味嘢居多，樣樣拎啲就已經一整碟，有煎日式餃子、蔗蝦、炸甜蕃薯 / 芋頭、印度香草烤雞薄餅、天多尼煎魚、醬燒豬肋骨、金菇牛肉卷。以上多幾樣嘢都好好食，尤其啲炸甜蕃薯 / 芋頭、薄餅、煎魚及豬肋骨，香口惹味。原來仲有個檔口有即煎嘅XO醬蘿蔔糕，啱晒老婆，佢要咗一小碟，小弟就黐一粒試試，雖然即整，但唔夠熱辣，但XO醬夠重手，十分鮮辣惹味。甜品都喺時候最後出擊攻甜品，甜品櫃位其實擺晌入門口左邊，特別自成一角，數數埋埋都有十多款，不外乎啫喱、奶凍、慕絲、切餅、軟雪糕……等等，兼有新鮮即做嘅比利時窩夫。款式就唔逐一細數，唯可惜喺到我食甜品嘅時候（將近完場），有部份想試嘅款式無咗:(。先嚟一客甜品拼盤，栗子忌廉蛋糕、芒果慕絲蛋糕、德國芝士蛋糕、意式奶凍（已經無咗芒果及雜莓味）、熱情果慕絲蛋糕、碎朱古力味比利時窩夫配生果伴糖漿，雖然款式比較大路，但整體質素算甚具水準。因為剩返而想食嘅款式唔太多，所以，都順手攞多兩件迷你美式鬆餅過過口癮！見仲有位食得落，就加多一小碗朱古力鴛鴦軟雪糕伴新鮮生果，旁邊仲有唔同味道嘅糖漿俾客人隨意添加。最搞笑喺去唧軟雪糕時，見隔離有個Haggen-Dazs雪糕櫃，仲以為有咁筍，哈哈，只喺放咗牛油！鮮奶咖啡食甜品時，餐飲落單一杯鮮奶咖啡嚟伴甜品，一送上枱，就睇出喺咖啡機出品，雖然無均勻嘅奶泡，更唔會有拉花，不過，依家啲酒店所用嘅咖啡豆都唔會太低質素，故此，咖啡嘅味道都唔會太差。依家食下午茶自助餐一啲都唔平，要突圍唔喺包羅萬有，款式多多，就喺具吸引嘅主題特色。Cafe One折後要二百鬆啲，不過，食物嘅款式唔太多，亮點亦欠奉，質素只屬中等。雖然話喺食下午茶啫，但話晒都俾成二百幾蚊嘛，故再食下午茶自助餐，應該不會晌度重溫！…Read More

因為有酒店Buffet club卡買一送一, 所以今日我地又成家人去食自助餐啦! Cafe1 最正係佢既煎鵝肝, 廚師即場煎, 一人每次只可拎一塊, 夠熱唔太”聲”, 小小入口即溶既感覺啦, 係香港食都算係咁.龍蝦湯, 好"聲"另一個重點就係食長腳蟹, 今次唔係幾好食, 好咸好重海水味, 平時係唔會咁架, 可惜.魚生壽司都整得不過不失, 最緊要夠新鮮, 食落無根, 同埋食完番到屋企唔會肚痛!(你知啦依家30幾度食物好易變壞!)芝士焗青口, 薯容太多, 如果芝士重d就好了當然最後要食下dessert同ice cream啦, haagen dazs有3個味: vanilla, strawberry同choc chips. 另外仲有frozen yogurt食~夠多款如果呢間可以加埋生壕就好啦~~~~~~~~~…Read More

我們book 左6:30-9:30pm 的dinner buffet, 早10 分鐘入座，環境很舒適，不窄。夠鐘，便開餐。熟食bar 有幾位大廚即席為你烹調，煎rib eye :) ,7:10pm 開始有鵝肝，北京填鴨，連意大利寬條面同印度咖哩都出奇有水準！非常適合喜歡食熟食或年長的家人，真是很好的選擇。喔！對！燉湯也很不錯、有烏雞蟲草湯、雪耳蘋果湯，一補一潤。nice~而魚生bar,三文魚都挺肥美。不過不失。海鮮類，有翡翠螺、長腿蟹、面包蟹蓋、龍蝦、熟蝦等。但感覺長腳蟹不太新鮮，肉質有點爛 甜品部，真的是最遜色，即使有5-6款蛋糕但都是一般，甚至可以pass :( 。幸好，有hagadazan 補數。總的來說，熟食bar 最正！其他一般。環境氣氛ok,適合傾計。…Read More

 今晚老細請食 dinner buffet, 一到步就去睇有咩食喇,有中式野食,西式野食,仲有日本野,其實種類唔算多,d魚生都冇咩特別dinner buffet同宵夜buffet既最大分別係多左長腳蟹,龍蝦同haagen dazs雪糕!而且分左2段特別時間,我果晚就有鵝肝食!不過龍蝦係入面最失敗既一樣食物,好難食,反而長腳蟹我就食左好多不過法式焗龍蝦就正得多 ! 超級好食但就有少少滯,建議share黎食然後再食多d野至於甜品,認真麻麻,我拎左6樣甜品番黎,唯一好食既食oreo cheese cake,其他一D特別都冇…Read More

朋友提議到Café One去吃晚餐，環境輕鬆寫意得來食物亦有不少選擇因為Café One 可以飽覽維多利亞公園景色，加上食品品質有保證、服務殷勤細心，是銅鑼灣區不可多得的咖啡廳我地一行5人，餐廳雖然有200個坐位，但坐位之間唔迫，佈置都好得體，所以選擇左呢到 三文魚沙律三文魚夠新鮮，d菜唔會苦，加上適量的沙律醬，清新好味!  生蠔非常鮮甜，肉厚又大隻，有淡淡海水的咸味，加少少檸檬汁就已經超好食  鮮茄海鮮意粉個意粉一黎到就聞到好香蕃茄味!海鮮有青口，硯肉，全部都好新鮮!食落無沙，唔係間間餐廳都做到 :( 加上面既芝士....食到我好停唔到口呀絕對係超水準之作  燒牛柳呢個係我叩既main dish，賣相好靚，牛柳切成一片片容易放入口，旁邊有d正方形既炸薯粒，牛柳下面就有D菜，燒牛柳整體好豐富，好想快d試呀食落牛肉燒得啱啱好!唔會over cooked，始終牛肉唔洗全熟好食d而且好有牛味，肉質唔會有難咀嚼的筋，我絕對推介呢個菜!燒三文魚伴帶子朋友A叫左個海鮮main dish，因為佢好鍾意食三文魚個三文魚非常厚切!!!好大份，真材實料朋友話個雖然個三文魚扒燒過，但肉質仍然好嫩!魚味重但唔腥，加上香草忌廉汁的調味，好正個帶子肉質厚身大粒，食落好鮮甜，只係輕輕煎到個面有少少金黃色就上碟，所以仍然好鮮味朋友C就點左個黑松露雜菌意大利粉黑松露好香好吸引，加上豐富的雜菌，一向都係受歡迎既好味之選意粉唔會煮到淋哂，好有咬口甜品時間到啦!!!!   心太軟外皮食落軟熟唔會硬，裏朱古力醬唔會太甜，仲會流出黎，就知道唔係擺左成日既貨色，讚!!!整體而言，食物水準都幾好，賣相都好靚，增加食慾 而食物選擇都算幾多質素在預期之上，而且環境坐得又舒服，我們幾個好朋友都十分享受這一次用餐…Read More

母親節又來了, 每逢這種大時大節就總會為"今次帶爸媽去吃什麼"而感覺頭痛... 爸爸是食物黑洞沒節制的, 媽媽愛多選擇但其實吃得不多, 而且近期只愛吃甜的, 於是, 今年我提議到Cafe One去吃Tea Buffet... 貪其輕型得來亦有不少選擇, 爸媽亦樂於一試...Tea Buffet於15:30開始, 幾乎一半客人都首攻刺身及壽司, 刺身有三文, 鯛及八爪魚, 尚算新鮮味美, 媽媽吃了不少三文魚剌身呢... 而壽司中我試了北寄貝及馬刀貝, 壽司料的鮮味一般,但醋飯鬆軟又不易散開, 值得一讚!冷盆類有數款cold cut及沙律, 爸爸大讚燒牛肉好味, 我跟媽媽不吃牛, 所以只淺嘗了些凍火腿腸及沙律罷了...熱盆以點心小吃為主, 中式蒸點中最愛素粉果, 應該是用上冬菇及筍作餡料吧, 加點辣椒油, 味道絕對不素... 煎釀虎皮尖椒是媽媽至愛, 尖椒爽脆微辣, 非常醒胃; 話梅汁豬排酸甜可口; 星洲炒蘿蔔糕香口非常; 碗仔翅用料十足, 絕不是一窩打濃茨的湯; 還有久違了的錦鹵雲吞, 炸得鬆脆而不油膩, 配上混有有蕃茄肉絲等材料的錦鹵汁, 我一個人就吃了半打!!  其他如即煮粉麵, 三文治, 燒雞件, Pizza, 焗釀薯皮等的... 留待下一次再試吧...甜品時間... 其實我不太好甜, 所以試得不多... 迷你椰撻香甜好味; 栗子蛋糕非常鬆軟; 即煎Pancake牛油味香; 只是白果腐竹糖水味道跟平常喝的有點不一樣... 似乎中式糖水還是糖水店的合味道一點... 其他甜品爸媽也都試了些, 卻沒有太突出的... 還看到有雪糕供應, 亦是留待下一次吧...Tea Buffet有果汁及豆漿任飲供應, 亦包餐荼一杯...$218+10%一位, 在母親節的下午能與雙親享受兩小時酒店級的開懷暢食, 抵!! …Read More

因為join左Parklane prestige club,2位嚟cafe one 有半價，每人3百都唔洗，好抵！男朋友一坐低已經攞左3隻龍蝦！都幾大隻，幾多膏。不過無咩味，是雪得太耐了嗎？其他海鮮反而較為出色！蟹腳好甜好新鮮！翡翠螺同蝦亦好鮮甜其他已經唔記得影相沙律興趣不大無食。中菜都係啲普通小炒唯獨有個藥膳石班幾好食！仲有豬腳薑個汁都好正。煎鵝肝一開始係鐵板上給客人的，不過中段已經係係後面一個兜夾俾你，仲要係好燶架添，浪費了食物。甜品蛋糕味道一般。不過葡撻好好味同H雪糕已經夠了。服務方面，收碟收得快，食物亦refill得快。不過佢地搬椅子撞到我張椅幾次都唔say sorry,又無refill 水。有半價食就好扺，無半價的話同一價錢有很多更好的選擇。…Read More

出發前發現網上評價，與同事的口評，這兒都不獲好評，惟家人訂座了，就來嚐嚐吧。開邊龍蝦，肉黏著，但以刀叉還是可以鬆開；肉質較硬、實，雪味不太重，但鮮味欠奉；始終與其他海鮮比較，還是較多肉、較方便。由於小龍蝦體積太少，即使開了也不太有肉，結果嚐都懶得嚐。蟹腳長而幼，肉質一般，未能如其他酒店般:(，整條撕出來慢嚐。熱食，不管咖哩、羊肉、牛肉；:(羊肉不羶、咖哩不香不辣，只能果腹。只好排排隊吃較貴價的鵝肝，師傅的模樣就像得罪了他般，完全沒有禮待客人的精神；即使你在他面前排隊，他也說「冇咁快架，過多陣再黎啦」。須知，就是因為貴餐廳食物選擇不好，吾等只好早早排隊吃吃這種較名貴的食物，難道安靜排隊也不行？心太軟，大排長龍，幸好，我排長龍的中後，拿到最後一個。還好味道不錯；外皮剛軟，內裏朱古力醬不太多，不太甜，buffet質素而言算不錯。其他甜品都不太美味，沒甚麼特別吸引。咖啡，就像大快活那種咖啡，味欠濃，差勁。以這個三百多四百塊的buffet而言，可說是近年來吃過最差的。…Read More

是日來到這裡食個LUNCH,內裡很多客全人類都係度BUFFET,就只有我係度A LA CARTE問服務員有咩心水,佢推介馬來炒貴刁$158等了差不多5個字以上先來,但服務員有提點我因為廚師太忙做BUFFET食物,這點加分味道帶少少甜,富醬油香,夠乾身,又唔油,加上辣醬同食更惹味,蝦泡過油,很爽口,又大隻好耐無食過咁有水準既炒河,真的估不到有這種水準…Read More