大家樂 (Go Go Mall)

Open Now

Now Closed

大家樂下午茶餐既全份公司三文治真係好好食 烤得啱啱好 咬落去幾香脆 啲餡又夠豐富，有炒蛋、生菜、番茄，火腿，層次分明。 熱華田就暖笠笠，飲落去有陣濃濃嘅朱古力麥芽味，甜度啱啱好，唔會太膩。配住三文治一齊食，覺得幾舒服，特別係天氣涼嗰陣，飲完真係暖胃又滿足。 整體黎講，大家樂呢個三文治加熱華田真係平民又實際。

大家樂嘅下午茶真係非常之抵食，因為佢哋嘅下午茶套餐都只係$30至$40 ，但係已經有一個包再加一碗麵，仲配埋熱飲，價錢嚟講真係非常之抵，好合理。佢哋下午茶有雞髀套餐，之前我都成日食完隻大雞髀，但係今日我唔係太肚餓，所以識咗另一個下午茶套餐。呢個套餐係有個豬仔包，個包嘅醬料非常好味，仲有一個湯麵，而湯麵上面係有啲豬肉，再加泰式醬醬好惹味。最後再配埋一杯熱飲，熱飲我就選擇咗意式咖啡，大家樂嘅意式咖啡真係100分味道好濃碌

Tea Time時間黎到大家樂嘆返個下午茶，大家樂既tea time真係有好多選擇，有一個set係雞髀做主，再配其他食物，雞髀方面係有油髀&炸髀任君選擇。今次我就選擇左食炸髀，佢係炸髀係原隻雞髀勁大隻，佢亦都炸到個外皮非常之香脆，真係做到外脆內軟，入面既雞肉一點兒都唔「鞋口」。仲有，今次既配菜就係西多士半份，西多士一樣都係外脆內軟，配合埋牛油加埋糖漿，雖然真係好邪惡，但係都忍唔住一啖一啖瘋狂咁食呀。正！

大家樂嘅燒雞餐已經有好耐嘅歷史， 而且價錢咁多年都係咁上下。晚市的89蚊燒雞餐已經包括咗一隻燒雞，肉醬意粉或者炒飯，兩條粟米，兩杯紅豆冰，真係超級抵食。食過屯門錦華嗰間嘅大家樂質素比較參差， 而且呢個套餐好快賣曬。呢間 新開張嘅 比較近屋企，食過幾次之後覺得質素穩定，有驚喜。燒雞肉嫩多汁， 雖然沒有任何嘅花巧的味道， 但卻是食極唔厭，連屋企的小朋友都食到舐舐脷。 粟米飽滿唔乾身，意粉的肉醬係豬肉，仲有芝士鋪面，不過份量就時多時少。飲品都係正常發揮，唔飲紅豆冰可轉其他。係諗唔到食咩嘅日子，推介你食呢個套餐。