大家樂 (Closed)

喺機場食嘢都係偏貴呢啲人人都知所以如果唔係話特別肚餓又或者有冇一啲特別想食嘅話都係揀番啲最平最經濟實惠嘅餐廳二下肚就算以大家樂都不失為一個選擇雖然比出面嗰啲係貴少少不過質量都係有保證嘅而且服務都算唔錯起碼人手足夠上菜都比較快啲自己最鍾意食燒味所以叫親都係會係叉燒小鴨飯仲要係多汁嘅咁見到叉燒都整體上比較瘦如果鍾意食肥叉嘅話記住一定要指定佢要肥叉如果唔係通常都係揀啲比較瘦嘅部份俾你燒鴨方面就要睇運氣睇吓好唔好彩會切到鴨髀俾你當然如果係有鴨髀嘅話味道再加分飲品方面如果係機場職員嘅話就有嘢飲如果唔係嘅話就要加六至$8轉凍飲就有少少貴

13/7/2019 @機場 大家樂今日去機場送機， 同男朋友一齊食個晚餐， 去到大家樂 見到有位就坐低啦 ，點知去買嘢食嘅時候就出事……一路排隊條龍又好慢……排到喇原來部機壞壞哋，所以個收銀員會係你面前係咁拍部機，之後同你講部機壞壞哋……於是你又要等一輪先至可以買得到，所以條龍就喐得咁慢……用左勁多時間！仲要係落單嘅時候有啲嘢冇咗佢唔會話俾你知，明明我哋揀扒餐有黑椒汁有蕃茄汁揀，佢問都冇問我哋就幫我哋落咗黑椒汁，後尾醒起問返佢先講原來冇曬番茄汁得返黑椒汁……大佬呀冇你都講聲丫 一入去排隊買嘢食嗰度仲有兩條龍，最近門口嗰條龍原來淨係俾機場嘅職員專用，普通顧客排到去嗰條隊去到收銀機如果冇出示職員證就會俾人叫返去排另一條隊，另一條隊要走到有大家樂入面先至會見到，真係覺得安排超差服務超差…至於食物方面係正常嘅， 塊肉唔差的，麵包係類似飛機餐嘅餐包，意粉超多， 由於我哋俾佢搞到唔係好夠時間食嘢所以食得好趕，仲要係食黑椒汁嘅關係，加上現場冷氣又唔係好夠， 搞到我哋身水身汗… 感覺好差

今晚返機場唔係返工, 而係standby去歐洲, 未拎到座位等我去大家樂食小小野先. 平時見佢long queue都唔會特登去迫, 而家9點幾, 靜靜地, 睇下staff menu有咩食.****機場職員ONLY*********有Permit或者in uniform先有*****鮮蝦雲呑麵 (HKD40)嘩HKD40有個麵加杯飲品, 唸住無咩期望. 估唔到, 鮮蝦雲呑巨足料, 蝦肉新鮮爽口, 有成四粒咁多呢, 麵質非常彈牙係好好味嘅碱水麵, 另送條嫩綠菜心, 份量唔係少, 勁抵食.

每次要搭早機都會到機場客運大樓的大家樂 食早餐， 因為這裏的大家樂以整個機場計差不多是最早開的餐廳， 方便又快捷。 好多時我都會點西式早餐，但今次我點了中式早餐～ 糯米雞和粟米粥。 糯米雞內裏的餡料非常豐富， 味道唔錯。 反而粟米粥就偏淡， 不過清清地都可以接受。而朋友點的沙爹牛肉公仔麵當然是沒有驚喜， 不過咁早就已經可以食到早餐， 真是不要太高要求， 起碼食飽之後上機可以瞓番一覺好的。這裏的大家樂早上六點鐘已經排長龍，但員工的服務速度都非常有效率。讚！

今日係機場返工，行過哂d餐廳，見到周圍d餐廳都好貴，最後揀左最平最方便既大家樂😂應該係無香港人係未食過大家樂！叫左平時食開既焗豬扒飯，因為已經焗好一批，所以即叫即有，勁快，好方便😂重點係個溫度仲係熱辣辣，夠熱，應該好多人去到大家樂都會揀食焗豬扒飯。味道方面，同機場外面果d差唔多，番茄味重，芝士夠多，塊豬扒差唔多成個錫紙盒咁大，夠厚足料，而且d飯仲係炒蛋飯，應該係大家樂最抵食既飯😂 好滿足的午餐

機場早餐 吃什麼 凌晨機 香港機場  大家樂快餐 粥品 糯米雞 大家樂快餐 粥品 糯米雞經東京成田返香港到步已經2AM拎埋行李出閘3點左右機鐵又未有車,見有點餓去了找東西吃除了老麥外,仲有太興,大家樂可以吃早餐 有常餐,餐包炒蛋加公仔麵或通粉$43也有蒸飯,一個$45包茶咖哩牛飯$62,想吃飯也有 最後我們選了一份粥品加燸米雞$44.5 (連茶) 份量也多,粥底無咩味,但可能十幾日無食粥覺得幾香 糯米雞 係大家樂做得幾好既料多餡多,夠濃味食得飽粥真係一般啦,完全無咸味,要加鹽先夠味 另外幾款早餐最便宜去到$35一客 吃飽就拖住行李回家了

人在 香港國際機場 , 因為要等親戚才去櫃位 check in, 於是就走去 大家樂 吃一個早餐先 .... 筆者點了個 糯米雞 來吃 , 這個糯米雞 , 溫度是足夠的 , 但糯米就不夠軟糯 , 即是米很硬 , 內裏的餡料依然豐富 , 大集團的出品 , 一切都是工場做的 , 味道上不會有太大改變 , 還是大家都熟悉的老樣子的味道 , 但就是感覺很鹹 , 不算是鹹的要命的那一種 , 但感覺就是比過往的鹹 , 究竟是心理作用 , 或是個人的口味上有所轉變 ? 還是什麼概念呢 ... 這是一個迷 ~本篇完 ~

臨飛之前梗係要食飽飽， 本身諗住入到禁區先食。但原來food court位置好多餐廳都裝修緊，入去就要捱貴餐廳。 咁不如喺出面非禁區食咗先 🙈🙈🙈同其他大家樂早餐一樣都係雞扒，腸仔/火腿，蘿蔔糕(其他分店可能跟多士)，熱奶茶。水準一致。雖然 望落份量唔多， 但女仔食又夠飽喎。呢度仲有分機場員工專用快線，唔會同其他客爭🖒

機場搵食真係有難度，如果撞啱peak season 真係好多人同埋走圍都冇位！想快捷方便莫過於快餐店，入到大家樂搵個位坐低就叫餐，雖然選擇冇巿區咁多，不過都有燒味，小菜，碟頭飯⋯等等！最後叫左個焗豬扒飯加杯紅豆冰坦白講，大家樂食物水準好參次，有部份大家樂食物水準很差，尼個招牌焗豬扒飯就不錯，豬扒夠淋，略嫌炸粉太多，米比較淋，不過我就比較鐘意食淋D嘅飯，所以我覺得可以接受，個汁美味，唔會太酸，略有茄汁味。估唔到紅豆冰不錯，紅豆起沙咬一口淋淋的充滿紅豆味，雖然有點甜，但傳統嘅紅豆冰本身就是甜甜的。

坐晚上大約八點飛機，上機前填飽個肚就走左入大家樂食個晩飯，價錢好似貴過市區小小，我叫了一個厚切芝士焗豬扒飯及一份臘腸排骨飯，豬扒多汁好味，芝士好濃，果然係招牌菜色

今晚落機19:30, 頭先4個幾鐘冇食冇飲，(係禁區買水都話唔可以上機)，一落機真係好肚餓，本人對大家樂真係冇咩好感，但我地一行8人，唔知邊個決定左大家樂，可能諗住快啲食完返歸，咁唯有跟大隊入去食啦。係機場都預左貴過出面架啦，不過諗住質數應該會好啲，果然都係一樣咁麻麻，真令人失望。我叫左個芝士焗肉醬意粉 配紅豆冰 $52，因為焗既關係，熱度係足夠既，但好似焗過左龍，啲肉醬好似黑色左小小，芝士唔夠多，搞亂左之後好似冇肉醬咁, 啲意粉又乾又硬，冇FEEL!!好在有杯紅豆冰中和返啲怨氣!!紅豆份量適中，整杯紅豆冰甜度可接受，唔會太甜。朋友既燒味雙拼(叉燒 切雞) $40。

I’m utterly shocked and disgusted by the fact a medium size roach was found in my baked rice, especially when the staff and chef remained calm and careless about the fact i showed them the roach! Hongkong airport can deliver such standard of hygiene and restaurant have such attitude and response to customers was really upsetting! I highly warn any one who wish to risk their health to dine here! Roach ... or roaches found in rice!!!

上機前食少少嘢機場啲嘢食係貴，比較平啲嘅就係大家樂，不過價錢都係平時嘅一倍本身餐廳都幾full，唔俾推住喼嘅車入，車要停門口有好多人食完坐係度等上機，好彩都有人讓我哋坐叫咗兩個雞脾餐，配沙律同埋紅豆冰雞脾滷得幾入味，肉質都幾滑，唔係放咗好耐嘅個啲沙律上面有切邊嘅車厘茄，下面有薯仔沙律，再下面係生菜，味道都一般，有啲似飛機餐添不過大家樂都冇得要求太多最後紅豆冰都好足料，一半紅豆，另一半椰汁冰$5x，可以食返個港式茶餐先飛都幾開心嘅

大家樂真係細食到大，除咗焗豬扒飯外，佢地嘅早餐都係我成日食嘅嘢！特別係佢個炒滑蛋，百吃不厭的！明明以前老麥個炒滑蛋都係好正的，但自改革後，老麥個炒滑蛋消失咗，變到又鞋又凍，一啲都唔好食。興幸大家樂仲保持得住，炒蛋上枱時仲係半生熟，食落除好有蛋香味，仍特別嫩滑！火腿通同沙嗲牛通絕對係香港早餐代表！細個鍾意食，大個都鍾意食，一食啲兒時回憶就衝晒黎，無得輸嘅！一般我都會選擇上機前食飽飽，因為飛機餐一般都超難食，所以唯有上機前食飽啲啦

坐8點鐘機去台灣，一早去到機場CHECK IN之後入禁區食返個靚早晨等上機….點知朋友簽証有問題需要我地太約等一個小時，籌台灣個邊確實先可以入禁區，咁好啦，我地又肚餓，開始搵食，我地去左接機大堂 入左去間食市叫小龍包，但是原來要9點先有，咁樣我地離開上返上兩層想食下奶油豬點知上到去又係未開，連同層既2間餐廳都未開唯有落返離境大堂既大家樂…我叫左個沙嗲牛肉公仔麵拼炒蛋個麵同炒蛋無味，麵係好硬，湯唔夠熱，個沙嗲牛肉仲係有D凍個包搽左牛油 係成個早餐最好食既一樣野…店內冷氣唔夠，一路食一路出汗如果唔係無選擇情況下，其實機場都好多野食，試其他食市應該會令旅程有個更開心既開始…hahaha