麵包新語 (Closed)

我係一個麻糬的狂熱 fan, 今天妹妹路經 breadtalk, 特意買了一個黑糯米麻糬包與紅豆包比我。佢初初攞左個黑漆漆的包出黎，叫我估是咩涵。。。我估了3 次都係錯，妹妹話係甜的包，但左睇右睇，總覺得佢是一個鹹味的包。原來黑漆漆的佢裝著甜糯的黑糯米與麻糬，一口咬下去先感受到係煙韌的麻糬再來就是有口感的黑糯米，吃著吃著椰汁的味道慢慢滲出。這個黑漆漆的包有著令人著迷的內涵。。。。吃罷這包口中充滿了椰汁與黑糯米的味道，還有那麻糬的煙韌口感也一樣令人回味紅豆包有著圓鼓鼓的可愛討好外貌，一看就覺得佢很可愛。而且看樣子就知道麵包發酵得很好，上層脹鼓鼓的。咬下去，麵包就如預想的有韌度不會是坊間一些淋淋會粘牙的麵團，再加上表面烘得香脆的芝麻，這麵包的外層已別具風味。而紅豆蓉更係叫人驚奇，首先是佢的甜度剛好，而且店家也不欺場，紅豆蓉很足料，感覺有如吃著起沙的紅豆莎，good! 這樣美好的配合，令人很快的又吃完了這個包。

見晚上特價$27/4件平了很多，於是買了多款與家人分享。參巴魚包 : 用翠綠色長條型葉子包麵包外圍，外觀不錯，包內也很有內涵，饀料有很多魚仔，少許辣帶甜，頗嘢味。芝士麵包：一般大小的麵包竟有很多的芝士粒，很有芝士味，很合我這個芝士迷。吞拿魚酥盒: 長條型的酥盒盛載着吞拿魚，少許深綠色的外國芫荽鋪面作裝飾及調味。吞拿魚味道像一般麵包店，酥盒有牛油味帶點鬆化，整體味道一般。滷肉大王 : 包皮有少許牛油味，饀料是豬肉粒(約6小粒肥豬肉)及一細粒熟蛋，味道一般，個人覺得不值得翻吃，因為有肥豬肉粒，不夠健康。綠茶蛋糕：不濃的綠茶味，頗甜，試了便算。肉鬆包 ：豬肉鬆蓋滿整個包面，味道不錯但沒有驚喜。之前我寫了個食評忘記推介日式芝士蛋糕及砂碢雞包，今次我再推介參巴魚包及芝士麵包，這間麵包店是我吃了最多次的一間，亦是我推介的麵包店。

本身我好鍾意食麵包既.但又唔鍾意淡淡戍戍咁.鍾意多D新意每次經過旺中都見到呢到D麵包好似好正咁. 不過價錢相對起其他鋪頭就貴左D終於買左呢到丹麥條同donuts食啦.咬落真係好鬆軟好好食又唔會太甜.識食一定係食我最鍾意既抺茶味啦! 煙煙韌韌咁真係好好食!係門口仲見到有其他好似好好食既甜品下次要試下先得.

其實我從來都未試過Breadtalk, 因為次次經過都已經食飽左, 但我一直覺得佢D包整得好靚好吸引。今朝把心一橫, 專登行過個度番工, 入到去, 真係款款都好吸引, 左諗右諗, 就簡左個辣肉鬆包, 樣子吸引, 漲卜卜, 舖滿厚厚既肉鬆, 價錢唔平, 要成本10.5。　之後滿心歡喜拎住個包諗住返到公司先食。點知惡夢發生了，個包由本來漲卜卜，番到去已經變左一餅野，個包有層唔知咩油淋淋既流出黎～　好核突。但因為個包太貴既原因，我會食左佢。　但一路食，d唔知咩油就猛咁咇出黎，個包已經薄到完全feel唔到。唉～first impression已經冇左。其他包可能好食既，但奉勸大家唔好簡呢款，除非你買左企喺度即刻食，如果過一陣就會變左一餅野。但我都會比多次機會breadtalk, 試下佢其他正常d既款~哈哈~

最近比較煩，比較煩，比較煩...連寫食評都無咩心機了，請諒。是日匆匆趕去旅行社問料，早餐也未吃，便在大廈旁的 Breadtalk 買了個芝士包，在樓下一面等電梯一面吃。鹹包內有粒粒車打芝士，包身軟而芝士香濃，沒有不好吃的理由，賣$8.5 倒是偏貴。這家分店的英文店名寫著有 Transit 的，我只是這裡的其中一個過客...

冇個黑白熊貓包 今次買左個杏仁白朱古力忌廉包 聽個名好似好heavy咁 食落其實都吾係的 杏仁跪跪哋又有杏仁味而且都算多 白朱古力吾算好甜 個cream係鑲喺個包裏面的 滑身 重點係唔heavy又吾會食到個咀污joe咁 都幾推介的  而且外貌不錯

早上路經BreadTalk , 被佢地的丹麥棒櫃吸引了我的目光一望之下, 見到有我最愛的抹茶味唔洗諗 , 即買!!!丹麥棒外層塗上抹茶糖漿 , 丹麥棒外香內軟 , 口感煙韌抹茶味道甘甜而且香濃 , 而且係我愛的青澀味 抹茶糖漿中有開心果碎 , 增強了口感 , 多了點點的開心果香咖啡味香 , 但糖漿味道偏甜不過配上外香內軟而且口感煙韌的丹麥棒一齊食 , 就岩岩好~~~結尾: BreadTalk令我有一個好美味的早餐~~~而且我見到佢地的丹麥棒有好多味道可以選擇我要試齊佢!!!!!報告完畢~~~

沿新世紀天橋走到旺角中心，途經呢間面包新語，先見整店堆滿人，再見到門口有個週年大放送o既牌15／11前買面包，4送1, 磅裝蛋糕75折，再望下 d 包款式同名字都幾特別 , 放櫥窗o既仲有個面包超人樣o既包容易吸引途人目光 , 咁鍾意食面包 , 我地兩個又點會唔心動丫又再係買左即刻食 , 再留返三個做聽日早餐 , 買 5 個只係 $ 331. 肉桂丹麥棒~ 肉桂糖份量略少 , 好處係不過甜但連肉桂味都偏淡 ,但丹麥棒煙韌好味 , 充滿牛油香 , 不過咬到中間條棒認真不爽2. 綠茶丹麥棒~ 層綠茶好似抹茶朱古力咁 , 比我想像中好味 , 抹茶味濃面上仲有 d 開心果粒 , 增強口感 , 味道仲同丹麥條好配合 3. 金瓜之戀~ 面包軟熟得很 , 金瓜即係南瓜 , 同是軟綿綿 , 清甜味美面包上o既係南瓜籽 , 略為變淋唔夠香脆 , 整個包都好健康4. 黑珍珠~ 黑漆漆o既竹碳面包 , 味道跟一般o既無分別 , 造型都係零但就係咁樣o既黑色一個包 , 就可以惹起我o既好奇心 ,加上簡介上寫住面包餡係紫米同麻糬 , 諗到諗到係幾咁軟糯果然無令我失望 , 仲有輕輕o既椰子味 , 又香又煙韌 5

來到旺角地鐵站出口上來見到有間麵包新語甜品冰箱擺放精緻的蛋糕被吸引了。本人喜愛食綠茶芝士，決定選擇了價錢$20綠茶芝士來試，綠茶芝士面的芝士幼滑，不過綠茶芝士欠缺香濃味道所以不大驚喜但$20綠茶芝士勝在夠平。巧克力牛角包我也買了兩個來食是$8一個，反而巧克力牛角包的巧克力幾多而且夠香濃，味道不錯。

因為愛上了芝士飽的關係偶爾經過任何麵包店，都會尋找下芝士飽這芝士飽，明顯將芝士與麵飽融合可惜的是，吃下去沒有口感，也缺乏了濃郁的芝士味我還是喜歡原粒的芝士我的最愛仍然是美心的糙米芝士飽

同事說Breadtalk 的日本芝士蛋糕和班蘭蛋糕好味剛好, 星期五爽報有這個日本芝士蛋糕團購, 在同事的極力推介下團購了我一直十分期待, 因為我也是一個芝士蛋糕痴吧!星期六, 我就拉住男朋友, 嚷著要買麵包吃其實平日我是一個不太愛吃麵包的人, 男朋友以為我有病吧, 不停說要吃麵包在店內, 人頭湧湧, 沒想到會有那麼多人光顧麵包店!旺角分店, 店子很細很迫, 相信款式也沒有其他分店的那麼多!因為這是我第一次來到Breadtalk買麵包, 真的沒有心頭好…但我看到有很多人都買這個”火腿蔥蔥蔥”的麵包, 好奇下, 我也買了一個而我男朋友就買了一個”朱古力甜甜圈”據介紹, “火腿蔥蔥蔥” 是用上春天的顏色作主題麵包的外層有雞肉火腿甘筍和香蔥, 麵包周圍都加了肉鬆麵包意想不到的美味, 可能因為我十分愛吃蔥, 所以我十分喜歡賣相沒什麼好看不好看, 但比起其他分店, 這裡的麵包樣子總是走了樣一樣!男朋友吃的是” 朱古力甜甜圈“, 一層薄薄的朱古力舖在牛角包上朱古力味道不是濃味的黑朱古力味, 但也不是甜膩的那種牛角包沒有太多的層次, 沒有軟化的效果, 味道很一般!就似是印度的烤餅那樣, 內裡是咖喱醬

朋友生日吃飯, 兩個人不宜買大蛋糕, 經過BreadTalk見這芝士旦糕包裝幾搞鬼, 又細細個, 於是買一個為她慶祝.吃落口感較粘身, 好重芝士和蛋味, 正!但個人覺得牛油份量也不少, 食到口腔很油膩感.幸好兩個人分一個蛋糕, 剛剛好, 不至於太"流".下次要試試朱古力味