王家沙．花樣年華 (K11 Musea)

Open Now

Now Closed

早兩日去開尖沙咀行街加晚飯，大家都想食中菜，一於試試K11 Musea的王家沙.花樣年華的京滬菜我地點選咗極尚盛宴四人餐💮 精選滬式涼菜拼盤五款經典滬式前菜，醉雞肉嫩，每一口充滿花雕酒香不會太濃，美味😋 鎮江肴肉豬皮晶瑩彈牙，、四喜烤麩、皮蛋豆腐、蒜蓉拍黃瓜款款都食唔停🦐鴛鴦河蝦仁(清炒/黃金）黄金河蝦仁，鹹蛋黃幼滑，食落非常惹味。清炒蝦仁肉質彈牙，兩款炒蝦仁各有特色。🐠松子桂花魚份量十足，外層香脆肉質嫩滑，口感豐富醬汁好醒胃🍲 砂窩雲吞雞雞湯濃厚香甜😋，呈現奶白色，雞肉嫩滑好美味🫓 蟹粉炒年糕，好多蟹膏，年糕煙煙韌韌🥟招牌蟹粉小籠包，皮薄餡靚，咬開小籠包，入面嘅肉汁精華湧出，蟹粉帶點鹹鮮🥦金瑤燴菜苗菜苗配搭瑤柱鮮甜不錯🍖紅燒帶骨元蹄炆到好棯好滑，肉同骨分離，醬汁撈飯真係一流💯！推介☁️ 高力豆沙球 口感超鬆軟！甜度適中，好有空氣感🍵 薑茶湯丸芝麻湯圓香濃軟滑，薑茶不會過辣，暖胃可口環境舒適雅緻服務細心，和友人暢談配美食，好滿足的一餐吖😋王家沙-花樣年華尖沙咀梳士巴利道18號K11 MUSEA1樓136號舖 (MUSE EDITION)Tel: 23442366港鐵尖沙咀/尖東站 J 出

農曆新年就到喇！又係時候同屋企人食團年飯，今年我就揀咗去尖沙咀食上海菜，做節緊係吾可以馬馬虎虎，所以我就點咗個極尚盛宴四人餐，實行食豪啲。極尚盛宴四人餐雲吞雞燉湯雞湯呈奶白色，味道濃郁，雞肉夠嫩滑，一人一盅，原汁原味。精選滬式涼菜拼盤拼盤有五款經典滬式前菜，有鎮江肴肉、皮蛋豆腐、蒜蓉拍黃瓜、四喜烤麩鹹同花雕醉雞，有齊曬我鍾意食嘅前菜，真係好開心！花雕醉雞一口咬落去已經好香酒味。鎮江肴肉晶瑩通透，口感又香又滑，吃時蘸少許鎮江醋，豐富味道又可平衡油膩感，酸酸甜甜好開胃。四喜烤麩鹹中帶甜，配料有香菇、雲耳、花生等等，口感豐富。皮蛋豆腐面層鋪滿肉鬆同皮蛋，下面係一片片嘅滑豆腐。蒜蓉拍黃瓜蒜味香濃，口感爽脆清新。招牌蟹粉小籠包蟹粉小籠包即叫即蒸，味道鮮美，皮薄餡靚，一口咬開湯汁就流曬出黎。鴛鴦河蝦仁(清炒/ 黃金）蝦仁一半係清炒，一半係黃金，清炒炒得好剔透，入口肉質彈牙，而黄金就好香鹹蛋味，鹹蛋黄口感幼滑，真係好邪惡，清炒同黃金都各有特色。紅燒帶骨元蹄豬皮軟滑而富彈性，口感肥而不膩， 豬肉肉質鬆軟，店員仲會俾埋刀叉，可以慢慢享用。蟹粉炒年糕上海年糕口感煙韌，蟹粉鮮味極之濃郁，令人不禁一口接一口。

王家沙時尚的上海菜品牌上海菜fashion左都好啱香港人味道前菜好開胃又多款揀醉鷄入哂味😍yummy黃金河蝦仁夠脆又有滿滿鹹蛋王😍😍好香口蟹粉炒年糕，好多蟹膏😍年糕煙煙韌韌真好好夾丫蟹粉小籠包爆哂肉汁又多餡，趁熱食就啱啦紅燒帶骨圓蹄肉質炆到棯好滑，骨肉分離，肥豬肉入口同皮即溶，膠紙滿滿，撈飯一流😍酸菜魚微辣易入口，啱香港人口味，魚肉夠嫩滑，薯粉好有彈口，芽菜又多，成個酸菜魚好足料正😙😙😙

年尾同媽咪撐枱腳一齊出去食餐好，今年我揀咗上海菜，媽咪試過之後都大讚👍🏻🤭呢到嘅菜式選擇多，我地好多款都想試！多謝餐廳staff咁有耐心等我地落單，又俾咗唔同嘅意見我地，仲幫我地一齊諗👍🏻✨精選滬式涼菜拼盤首先打頭陣嘅嘅個涼菜拼盤，賣相吸睛！入面有五款經典滬式前菜！講真五款都係我心水，一次過滿足晒五個願望，開心🥳醉雞皮薄肉嫩，每一口都充滿花雕酒香！酒味香醇得嚟唔會太濃，好啱我口味！鎮江肴肉豬皮晶瑩彈牙，啫喱肉凍結實肉香，食時點少少鎮江醋，酸酸甜甜好開胃。四喜烤麩鹹中帶甜，有香菇、雲耳、花生、毛豆，口感豐富；皮蛋豆腐，面層鋪滿肉鬆，皮蛋蓉，下面係一片片嘅滑滑豆腐，三者味道好夾；蒜蓉拍黃瓜相對上做法可能比較簡單，但實力唔簡單，蒜味香濃，酸味適中，食落爽脆清新，完全係停唔到口😂✨鴛鴦河蝦仁(清炒/黃金)清炒河蝦仁，炒得剔透，蝦仁肉質彈牙，味道清而不寡；黃金河蝦仁，炒得好均勻，鹹蛋黃幼滑，食落非常惹味。一次過食哂兩款炒蝦仁，味道一濃一淡，各有特色。✨肉蟹炒年糕本身想叫毛蟹炒年糕，但咁啱賣哂，店員幫我地問咗廚房，轉做肉蟹炒年糕🤤肉蟹肉質結實，非常鮮味，年糕煙韌，索哂蟹嘅精華，配埋醬汁令人回味無窮

K11 Musea呢度真係好多關於藝術嘅作品，好適合大家去欣賞，除此之外仲有好多有質素嘅食肆😋呢間品牌餐廳王家沙係呢度都有分店，鍾意食上海野嘅我又點會錯過喎，佢嘅裝修風格高雅大方，舒適而具空間感，顏色配搭好舒服👍🏻一坐低叫左個招牌拼盤前菜，賣相精緻，令人食指大動，醉雞酒香撲鼻，肉嫰而不膩，特別喜歡皮蛋蓉伴鮮豆腐，旁邊豬肉絲，又食得幾過癮喎，不錯👍🏻燉雲吞雞湯，清甜滋潤，夠哂火喉，一人一盅，美味又滿足🥰蟹粉小籠包，新鮮熱辣，即叫即做，餡料十足，絕對值得encore啦，呢個必食之選，無介紹錯👍🏻鴛鶱河蝦仁(清炒/潢金），一款爽口彈牙，一款惹味甘香，此名實在改得貼切，食得實在太滋味，唔好比佢停😜招牌酸菜魚，相信都唔使多介紹，魚肉片又嫰又滑，唔覺意就會𠽌一聲吞咗架喇，呢個菜式真係越食越開胃，我哋幾乎全清，真係口快有口慢無🤣红燒帶骨元蹄，絕對係功夫菜，唔係度度食到，比埋刀义你，等我手起刀落，功夫一流，已經將佢骨肉分離😂，又淋又入味，堅正喎，限量供應架，睇吓你有無食神喇🤗毛蟹炒年糕，如果鍾意年糕一定唔好錯過，好香蟹膏味，混合一起特別夾特別正☺️食上海野甜品就梗係薑茶湯丸、高力豆沙球啦，夠薑味，芝麻湯

王家沙花樣年華，以上海菜嚟講，雖然價格的確比其他店略貴，但係就有一定既水準，佢既主打就係小籠包同埋擔擔麵，所以每次嚟都必定會叫。蘇式鮮肉小籠包(5粒） $62食小籠包最緊要夠熱，一啖咬落去啲燙口肉汁必曬出嚟，好鬼過癮，所以每次嚟都必食。紅燒牛肉湯麵 $98第一次食呢個麵，牛肉粒唔算好大粒，但勝在啲麵質都幾彈牙 ，湯底清甜，尚可。炸黑毛豬扒擔擔麵 $138豬扒大大件，香脆可口，又唔覺得太油膩，擔擔麵麵汁夠滑，最重要嘅係個湯底，香味濃郁，花生味十足。

年尾出咗雙糧即刻同屋企人去食返餐好～一於嚟呢間有名嘅王家沙食（其實係兒時回憶😆細過香港仔有分店成日食）環境好闊落開揚慢慢傾計啱晒❣️精選滬式涼菜拼盤杞子醉雞充滿花雕酒香氣、皮蛋豆腐有甜甜嘅醬汁；鎮江肴肉紮實得嚟個高湯啫喱又好濃郁；蒜蓉拍黃瓜超開胃；四喜烤麩個汁甜甜地重五香味❣️竹絲雞螺頭燉湯一碗有兩大粒螺頭湯頭夠濃郁出菜夠晒熱最鍾意食埋啲燉到好腍嘅瘦肉❣️鴛鴦河蝦仁（清炒及黃金）最愛呢味想一路食一路食清炒果邊個汁唔會好搶食到蝦嘅鮮味黃金果邊隻隻都佈滿咸蛋黃醬脆漿好薄身食晒都唔會好膩❣️紅燒帶骨元蹄一上檯就有好大陣豬肉香氣炆到好夠火喉啲肉夠晒腍一起就起到舊骨出嚟黑猛猛嘅紅燒汁好惹味完全係精髓❣️毛蟹炒年糕好夠鑊氣仲有兩隻毛蟹夠晒睇頭❣️金瑤燴菜苗鍾意食菜嘅我一個人霸咗四分三碟食瑤柱落得好慷慨菠菜苗好嫩口❣️老壇酸菜魚 （或者可以簡四川麻辣水煮魚）花椒味好出 啲薯份吸晒啲精華鱸魚好滑仲配有雲耳、芽菜、金菇增加口感❣️招牌蟹粉小籠包皮薄餡靚啲蟹粉份量好足食到啖啖嘅蟹鮮味❣️薑茶湯丸真心好夠薑食完之後即刻暖返晒❣️高力豆沙球個蛋白外層做到好fluffy裡面嘅豆沙唔會好甜食完都唔會太膩抵讚嘅係因為真心份量好足其實都

朋友說，人越大會越喜歡吃中菜，大家同意嗎？😂 今次同朋友們到訪王家沙．花樣年華，菜式選擇豐富，款款份量足料，而且格價相宜，絕對是聚會必到的好地方～🐟老壇酸菜鱸魚片 Spicy Sauerkraut Sliced Sea Bass ($228)即使小份還是很大盤，4個人吃份量絕對足夠！鱸魚嫩滑，後勁帶點微辣，極開胃！🧆精選滬式涼菜拼盤 Shanghai-style Cold Dish Platter ($198)皮蛋豆腐味道甜甜；醉嘉美雞酒香濃郁；鎮江肴肉口感結實；蒜蓉拍黃瓜十分開胃；四喜烤麩口感有咬勁，極豐富，超滿足！🦀招牌蟹粉小籠包 Steamed Shanghai Soup Dumpling with Crab Roe ($78)必要趁熱食！咬開滿口濃郁的湯汁；不過蟹粉份量不多，味道若可更突出就好了～🍜上海擔擔麵 Shanghai Dan Dan Noodle ($88)麵條彈牙，口感一流！麻醬味道香濃而不膩，花生香味更會慢慢散發出來～🥟紅油抄手 Minced Pork Wonton in Chilli Oil ($68)抄手比一般更大粒！紅油並不油膩，味道麻辣酸甜，十分開胃～

一坐底，聞到張枱好臭。叫咗個炒鱔糊啲魚腥到不得了！生煎包應該放咗好耐凍凍地！京蔥肉絲好似橡筋咁！全部都冇服務態度，個個好似好想快啲收工咁！下次唔敢再嚟😭😭😭

🔹️王家沙．花樣年華🔹️與一位朋好久不見既朋友友慶生，特別選左朋友喜歡既京滬菜來一趟聚會。店舖位置K-11Musea內，環境寬闊明亮，店舖中間位置還有一棵櫻花樹好搶眼當日有一份Menu係供應不同種類既蟹菜式，都好吸引，喜歡食蟹既朋友都可以一試🥢陳醋海蜇頭海蜇頭已切片，食落好爽脆，還有青瓜鋪於海蜇底🥢蘇式鮮肉小籠包🥢京蔥爆羊肉配薄餅🥢乾煸四季豆🥢熊貓流沙包 三隻📍王家沙．花樣年華尖沙咀梳士巴利道18號K11 MUSEA MUSE Edition1樓136號舖

我耐心排隊等安排入座，後面有人來大聲問有冇位，帶位員完全唔理我已經在排隊，仲問邊個來先。傻眼！我不是在排隊嗎？之後帶位員話其實都訂滿座，咁我米走人囉，一個轉頭又俾頭先高叫兩位既人入座，我行埋去問佢，佢話係訂滿，不過7:30前還台可以，我真係忍唔住都要鬧！係唔係前面你安排緊其他人入座，後面有人排隊，你可以當睇唔度，邊個係後面大聲叫就邊個來先！講野又唔講全部，你話滿座，我梗係廢事再講咁多走人啦！以後唔會再考慮呢間餐廳。

星期日假期 有時間 搵間坐得舒舒服服既餐廳 🤭 慢慢坐 飲啖茶 食個包🤭🤭就簡左係K11既王家沙花樣年華😋😋😋🫶🏻精選滬式涼菜拼盤 $198 👉🏻總共有五款小食，涼菜夠凍👍🏻👍🏻肉鬆皮蛋豆腐個醬汁甜甜地幾好食，中間係醉嘉美雞 肉質實淨入味😋😋酸辣湯 $62 👉🏻食完涼菜飲番啲暖笠笠既湯落肚☺️ 正鮮肉小籠包 $62 & 生煎包 $55 👉🏻上海菜必食小籠包🫶🏻🥟 上枱熱辣辣，點啲醋 咬開入邊有湯汁🧡好食✅ 坐左差不多2個鐘 埋單都係$400左右 抵食🫶🏻

73週年國慶日，星期六，天晴。沒有特別安排節目，和家人到尖沙嘴逛逛商場，順便吃午餐。在K11 Musea 王家沙·花樣年華吃午餐原因：上午11:15經 Open Rice，仍可訂當天13:00(當時我們以為它沒啥生意)。準時到達，原來生意很好！只剩１張４人方枱。我們點了以下的：#皮蛋豆腐：醬汁調得好，合我們的胃口，可惜太冰，感覺是直接從雪櫃拿出來就上菜。#三絲粉皮：粉皮有咬勁，配濃郁芝麻醬，好味！#鮮肉生煎包：包底煎得脆卜卜，nice！#鮮肉鍋貼：肉餡有鮮味，好！#菜肉鮮雲吞：好大個，足料，配紫菜湯，我喜歡！#上海鹹粢飯：糯米不夠軟糯，中間的油條好硬，本餐最差是它。#鮮雞湯陽春麵：味道太淡，吃不出鮮味，可以不點。#芝麻豆沙餅：甜而不膩，yummy！普普通通，來１次就夠。

✨黑熊珍珠奶茶早就被呢杯嘢吸引咗，不過有點失望🫢個舊熊仔其實喺冰嚟，加上成杯嘢都喺冰🥲枝飲管好難吸到珍珠，因為有太多冰係上面❗️飲管仲要係紙做，未飲完已經爛😓 味道亦唔係特別好飲，食冰多過食珍珠🥴​✨蘇式鮮肉小籠包味道正正常常，皮薄多汁👍​✨招牌海鮮蟹肉炒飯賣相完全唔係我想像咁😂 黑色嘅😂?啲飯有點硬，配料唔算多味道都算OK🫠​另外有落錯單，買單等勁耐😣可一不可再✖️​味道👅👅抵食🤑🤑環璄⭐️⭐️服務👍🏻👍🏻番兜🍉(最高分x5）​

睇完戲已經好晏,人地個女話好肚餓,誤打誤撞去左王家沙。佢佈置得好靚,中間仲有棵樹,我地坐卡位都舒服。女侍應(定經理)都好好,會俾意見,又會同小朋友傾下偈,小朋友仲意動手玩,所以點左京醬肉絲俾佢包黎,這一味咸咸甜甜,小朋友好仲意,最後仲要叫多一籠皮俾佢玩住食。另外叫左個海鮮炒飯,經理問轉做墨魚炒得吾得,仲意新嘗試的我地梗係好,不過原本以為乾身的,就變左濕身,但味道是ok的,又或者說,濕既飯其實仲好。小籠包不過不失。最後係大家期待的高力豆沙,吾會太甜,小朋友亦十分中意。