王家沙．花樣年華 (太古城中心)

Open Now

Now Closed

近月香港情況動盪，心情都比較鬱悶，今日難得好心情，梗係要同好友食返餐好嘅。「王家沙」屬著名上海菜老店，近期推出「花樣年華」分店線，裝潢更為優雅舒適。我地一行兩人叫左一份酸菜魚、兩個小食及一碗湯。正宗酸辣湯 :由於我地都鍾意食辣，酸辣湯可以話係去食上海菜必叫菜色，例牌雖然較抵食，但始終驚太多食唔到其他野，所以都係叫一碗share，酸辣湯入口味道唔太辣，較為特別嘅係配料中有青豆，令整體味道及口感更有層次。炸饅頭 :饅頭即叫即炸，賣相呈金黃色相當吸引，入口口感外脆內軟，配上煉奶食簡直係一流。鮮肉鍋貼 :鍋貼煎得香脆，外皮唔厚亦帶點煙韌，餡料肉汁十足，一咬就滿口肉嘅鮮味，唔錯。重慶酸菜魚 :主角嘅酸菜魚終於到了，魚嘅份量都幾多，肉滑之餘亦唔太多骨，酸菜風味十足，煲中亦有唔少嘅薯粉，煙煙韌韌配埋湯食好夾。埋單每人二百蚊左右，但可以慢慢坐咁傾計，都算係一個唔錯嘅選擇。

「花樣年華 」係字典上嘅解釋係用花黎形容女子容貌美麗或比喻美好嘅事物/好似花一樣嘅年紀 ，充滿活力同青春 。咁「王家沙花樣年華」又可以做出點樣嘅菜式呢？位於太古城中心嘅「王家沙花樣年華」，主打上海菜，所以我地叫嘅菜式都係以上海菜為主。招牌蟹粉小籠包: 小籠包一份有五件，皮薄得黎亦都唔會咁易穿，入面粒肉亦都好多湯汁，味道亦都好鮮甜。正宗酸辣湯：酸辣湯有分一碗同埋例牌，我地一行兩人，只係叫左一碗share。酸辣湯入口酸酸地，配料都好足，味道相當正宗。溫泉蛋賽螃蟹:「賽螃蟹」都算係一度非常出名嘅偽裝上海菜式。雖然明知賽螃蟹係無蟹，但每次食上海菜都一定要叫。蛋白加入魚肉炒至似片片雪白蟹肉之後加上炸過嘅瑤柱絲 , 入口非常嫩滑 , 鮮味亦都相當突出 。重慶酸菜魚:全晚最精彩嘅餸就係呢個「重慶酸菜魚」喇，個煲裡面有酸菜、水晶粉、同埋好多胡椒粒伴着新鮮嘅魚片。魚片好新鮮亦都好滑，骨唔算多，味道方面，入口都帶點麻，食落都幾開胃。可能因為遲左放工，晚飯時間人流都唔算太多，食物質素高，環境又唔算嘈，可以慢慢坐同朋友傾計，中間仲有侍應主動幫我地加茶，服務都算唔錯。

又係ot完，收得工都八九點。與其番得屋企附近都唔知仲有冇咩食，不如喺附近食埋先，雖然就貴左d。果排想食擔擔麵，早排食完翡翠拉麵小籠包既之後，都仲想試下唔同餐廳既。記得呢度附近有間王家沙，但其實唔係食擔擔麵都未必一個人黎。小籠包果d點心小食，一個人食既話，叫得多款又怕食唔哂，叫得貴又唔係好捨得食。所以都係叫左個擔擔麵，再加多個拍青瓜，成日完全冇蔬菜瓜果食，感覺會有d難受。拍青瓜好快就上左，到到影相果陣其實都唔止俾我食左兩三舊，由其呢d一舊接一舊既前菜。青瓜爽口，咸咸地，調味岩岩好，蒜蓉味都幾香。擔擔麵都唔洗等好奈，熱辣辣一大碗。湯底夠濃，幾香花生、麻醬味。麵唔會過林，加埋面頭既肉碎同花生碎，口感唔錯。比起翡翠拉麵小籠包既，佢辣佢有限，因為喺翡翠度食既真係辣得多太多，仲記得果陣係食到成身汗。我就鍾意唔會太辣既，因為個麵又熱又辣、湯底又濃又杰既話，雖然有時會覺得辣得幾過癮，但太辣會食得辛苦同埋食唔到味。埋單一舊水，有壺茶就算唔飲都一定要俾錢，一係就再加錢轉其他野飲。食緊果陣聽到有人complain呢件事，侍應就覺得係好正常。但我覺得逼人加錢飲茶確實唔係太friendly，起碼會有人飲左茶會訓

又到lunch hour要諗食咩既時間呢幾年太古城中心進駐左唔少餐廳今次去試下太古城既王家沙由於lunch hour都比較多人排隊都等左一陣我同同事點左一碟水煮魚一客小籠包仲有高力豆沙水煮魚不過不失無話去到好辣 但又帶小小甜唔喜歡食太辣既朋友仔真係一流而且佢既份量兩個人食係岩岩好小籠包都有好多唔同味道簡我地揀左松露味松露既味道岩岩好 唔會太多無遮蓋左小籠包既味道最後食完更係食個甜品不過個高力豆沙就無話去到太好食麵粉多左小小。。

諗住周圍都多人，所以早啲係附近搵野食。聽fd講很出名的，點知🤔🤔🤔點了紅燒牛腩擔擔麵，原味小籠包，酸辣湯，紅油炒手，招牌東坡肉紅燒🐮肉麵，牛肉都夠淋，不過超級大嚿上菜，跟住需要服務員幫手剪開。個擔擔麵唔似擔擔麵，紅燒味又唔似紅燒味，好似兩隻味完全唔match小籠包都可以接受，咪普通小籠包咁，皮和餡料都適中，裡面都很多湯汁爆出來酸🌶湯最恐怖，我諗街邊任何一間都比這店好很多。超輕微，唔覺既辣😂😂😂，無酸味，稀LL , 芡汁都無打個，莫非太趕時間紅油炒手，辣油加一個超實心的全肉餃🙄🙄🙄最驚喜就係個招牌東坡肉，一嚟到成pat菜舖晒係面，個賣相已經好震撼。成個磚頭肉上，又係切都唔切，筷子又夾唔開，唔通諗住我成磚(齒) , 最終又呼叫服務員過嚟剪開。最大鑊個餐牌又無寫跟饅頭，搞到浪費了食物😫😫😫超級無敵大中伏，唉從未食過唔似上海菜既菜😥😥😥

環境衛生，等位又唔太耐。食物，估唔到碗麵底咁大，真心喜出望外。叫咗菜肉餛飩，用料十足無馬虎。高力豆沙，真心高質，紅豆好正！入單同上菜都快，你問侍應意見又有心答，唔錯！

‘‘ It's a no from me. 🙁 ’’-我叫咗王家沙擔擔麵 ($68)三鮮炒年糕 ($78)流沙奶皇包 ($38)招牌蟹粉小籠包 ($78)-我覺得樣樣都好普通除咗奶皇包同小籠包好少少之外其他都唔值得食完全唔值呢個價錢-味道/Taste: 6.1/10抵食/Value of money: 5/10環境/Environment: 8/10服務/Service: 6.5/10

這裏的裝修佈置帶點日式風格, 我們被安排了坐在櫻花樹下午餐, 倍感浪漫, 簡直是打卡熱點點了四季豆, 麻婆豆腐, 小籠包, 陳醋木耳以上四款都是推薦的, 掛住同同事食完全忘記了拍照, 先講下四季豆, 送飯一流, 色香味俱全, 好好味麻婆豆腐麻辣味重, 麻味比辣味多, 不喜歡吃麻辣的我感到一般, 勝在份量夠多, 啱晒用來送飯嘅朋友小籠包有湯汁, 餡料新鮮, 一口一個剛剛好陳醋木耳作為 餐裏的涼拌菜幾開胃又有益, 酸味調校得剛剛好, 值得一試

因為工作性質，所以我三點才要上班，趁上班之前就跟媽媽去太古城吃個午飯。媽媽說想吃上海菜，所以我們便選擇了吃皇家沙。適逢中午時間，很多上班族在排隊，我們都等了十分鐘到才有位置。我們叫了一些正路的菜式，覺得不過不失，不是難食，但沒有太大驚喜就對了。

同屋企人慶祝生日，阿爸阿媽當然鐘意中菜多啦，今次就揀左呢間王家沙花樣年華，之前見過好多次想食好耐，今次一於4個人齊齊去食。店舖好大，環境寬敞，座位好多，入面有一處佈置特別靚，係有花花吊飾，氣氛不錯。食物方面選擇都多，當然大部分都係上海菜式。我地食左好多樣啊今次都，由小食開始到甜品，真係好飽其實。小食：皮蛋豆腐、陳醋木耳主食：蘇式鮮肉小籠包、金牌蟹粉生煎包、流沙奶黃包、蟲草花螺頭燉雞湯、紅燒獅子頭烤菜、黑毛豬上海粗炒、乾煸四季豆甜品：高力豆沙球、奶黃小麻球總括黎講，食物中規中矩，個人特別喜歡個陳醋木耳，夠哂酸，而且份量都幾多，好開胃。大讚個蘇式鮮肉小籠包，絕對係必食，包入面汁勁多，先咬一少口，試左個汁先，好鮮甜的肉味。估唔到的驚喜，蟲草花螺頭燉雞湯，料足好好味，少飲湯水的話不妨黎飲啦~至於個"流沙奶黃包"，真係相對地失望，完全唔流沙，而且無咩奶黃味，可惜了，個賣相唔錯架。相反甜品，奶黃小麻球就好好味，入面真係奶黃心，熱辣辣，甜品呢個必食啊!

出名既集團經營式上海美食，集團經營既店舖我向來十分喜愛，因為佢集團經營就代表佢既出品都好有系統，同埋有品質保證。王家沙亦都係非常有品質既一間食店。基本上每樣菜色都整得好好味，個人非常喜愛食呢度既蘿蔔絲蘇餅，佢同一般既蘿蔔絲蘇餅唔同，一般既淨係得蘿蔔絲係裏面，但佢呢個係有D肉粒同埋秘制醬汁係裏面，再加上個底係特別厚同香，再加上D白芝麻，既香口又可以食到蘿蔔絲既甜味，十分美味，每次黎都必點既一道點心。另外，呢度既小籠包都好好味，皮薄餡靚，充滿湯汁，值得一試。總體而言，呢間餐廳所有菜色都出色，環境舒適，值得一去。

今日一班同事相約出去食，一行20幾人，平時我地多數去飲茶，但今次決定搞搞新意思！就去了王家沙花樣年華試啦！平時食王家沙多，花樣年華版本真係未試過！但失望而回！首先，所有湯麵都好淋！完全5彈牙爽！上海粗炒麵冇味的！雖然顏色好上色⋯生煎包完全5脆⋯初時我地仲滿心期待d肉汁會爆出嚟，但事實係完全我地一廂情願小籠包凍的⋯年糕也是淋的奶皇包造型可愛味道中等啦最基本的冷盤不過不失⋯膳糊係最好味了實在失望不會再有下次

真心難食。點咗幾樣野，牛肉餅同抄手分量極少，金腿炒飯，完全搵唔到邊度有火腿，味道好淡，但都算擺得入口一係無味，跟住落黎嘅三鮮炒年糕就真係完全無味，最後就係一山還有一山低嘅乾煸四季豆，完全做到個乾字，又燶又淋，勉強自己食咗幾啖，真係頂唔順，埋單嘅時候忍唔住要同佢講下碟四季豆真係好難食！！！真心黑暗料理。乾煸四季豆乾係焦糖味gar（Friend話係焦味連糖都無）。真係唔會有下次。Blacklist！！！

🎐黎到農曆年尾🎈妹家族的傳統習慣就係班細路👩‍👩‍👧‍👦跟著大財主💰𡁻焦瘋狂購物🛒買新衫🛍，來迎接農曆新一年🧧。📌瘋狂購物真係會令人好肚餓，掛住睇衫真係會唔記得食野，大戰一輪後都係時候坐得竭竭腳醫醫肚，先再有力氣再戰。🛠📌揀間最快入得有位坐的，熊妹又幾喜歡吃上海菜，眼見《王家沙》新裝修左幾靚靚，就擺飛入得喇。🖲📌新裝修餐廳空間都幾大，風格中國風💮，古式古香。🕡六點半人頭都好爆🈵喎，岩岩好有張六人大枱俾熊妹家族咋。王家沙牛肉餅，$45📌熊妹真係好肚餓，唔客氣食先喇。🙇🏻‍♀️牛肉餅餅皮都算鬆化，唔會好厚成層麵粉團咁，煎烤味都幾香。牛肉餡料都幾少，薄薄的一層，調沬都唔錯，咸咸地，但少了點肉汁。📌比起九龍城某著名牛肉館就差天共地，一碟仲要得兩件，有點貴。四川回鍋肉，$88唔算好辣🌶但辣味又幾出，味道幾惹味，但油了點。回鍋肉🐷切成薄薄一片片，入口唔會太滯。配菜包心菜🥬都幾多，非常爽口，都幾乎俾菜王熊妹掃光。係很好送飯的一碟小菜。黑毛豬排菜飯，$98📌黎到上海菜鋪，一定要試試上海經典的排骨菜飯。豬排🥩大大一份，切成6-7件，變成豬排條，容易入口。炸皮炸得好脆，豬排肉好厚實，不過熊妹認為鞋口左少少有

太古城呢個地方，都話哂一家大細嘅人居多。正常一間喺呢度生存嘅中菜館都唔會話無BB椅。未裝修前都有BB椅，正正常常。但裝修後都唔洗CUT到得返「零」張。。。叫人點食，超級唔方便囉。。。最後都係俾啲枱布你墊住。。。如果唔係諗for一家大細嘅話，就咪鬼學人set埋啲團年set, 咁點樣叫人叫埋全家一齊嚟呢度食飯呢加價都算，問題係啲嘢食又要難食咗。。。又無以前咁好食，都唔知係咪換咗廚。。。個擔擔面難食到呢。。。