📌瘋狂購物真係會令人好肚餓，掛住睇衫真係會唔記得食野，大戰一輪後都係時候坐得竭竭腳醫醫肚，先再有力氣再戰。🛠
📌揀間最快入得有位坐的，熊妹又幾喜歡吃上海菜，眼見《王家沙》新裝修左幾靚靚，就擺飛入得喇。🖲
📌新裝修餐廳空間都幾大，風格中國風💮，古式古香。
🕡六點半人頭都好爆🈵喎，岩岩好有張六人大枱俾熊妹家族咋。
王家沙牛肉餅，$45📌熊妹真係好肚餓，唔客氣食先喇。🙇🏻♀️
牛肉餅餅皮都算鬆化，唔會好厚成層麵粉團咁，煎烤味都幾香。
牛肉餡料都幾少，薄薄的一層，調沬都唔錯，咸咸地，但少了點肉汁。
📌比起九龍城某著名牛肉館就差天共地，一碟仲要得兩件，有點貴。
四川回鍋肉，$88唔算好辣🌶但辣味又幾出，味道幾惹味，但油了點。回鍋肉🐷切成薄薄一片片，入口唔會太滯。
配菜包心菜🥬都幾多，非常爽口，都幾乎俾菜王熊妹掃光。
係很好送飯的一碟小菜。
黑毛豬排菜飯，$98📌黎到上海菜鋪，一定要試試上海經典的排骨菜飯。
豬排🥩大大一份，切成6-7件，變成豬排條，容易入口。
炸皮炸得好脆，豬排肉好厚實，不過熊妹認為鞋口左少少有點輪，差啲肉汁。菜飯好大一碗，大人小朋友各分一碗都仲有剩。
蘇式鮮肉小籠包，$52📌唐代詩人蘇軾先生經常遊歷上海杭州借題發揮，思情畫意一一盡錄於詩詞歌賦中寄情，亦成就了不少的當地佳餚，小籠包就係其中非常著名的上海菜。
小籠包要做得出色，皮要超薄，但同時又係承受住內餡的滾熱的湯中不被穿破，肉餡要鮮嫩多汁，不能帶渣或鞋口。
《王家沙》小籠包一籠有五顆，能做出以上的要點，小籠包當然能成為店鋪的招牌菜喇，唔錯！
王家沙擔擔麵，$68📌上海菜小菜就出名小籠包，主食就莫過於擔擔麵🍜。
📌小焦仔咳咳😷唔食得辣，就點了不辣。
花生醬🥜味超濃，配合好多花生粒同肉碎，沒有辣味反而更出擔擔麵的原汁原味，
📌拉麵的質感可顯出廚師師傅👨🍳的功架。
《王家沙》絕對係🈴格有餘，麵質非常幼細而柔韌，長長的拉起都不會斷，可作長壽麵，完全係一門上海師傅的手藝。🤘🏻
流沙奶黃包，$38📌好少罕見上海店出流沙奶黃包，看來都係迎合香港人合味喇。
一籠有三件，黃色蒸包上仲有塊荷葉形🍃麵團，模效荷花🌸設計，果然有詩意。嘩，流沙效果超捧喎！咬一小口已經咇哂出黎，澎湃到係湧出黎，接都接唔住。
奶皇味好重好香，不過偏甜，食成個會有點濟。
正宗酸辣湯，$52/位📌熊妹食上海菜最欣賞的就係酸辣湯，因為熊妹喜歡酸酸辣辣同好多料的口感。
果然好足料，好多荀絲，木耳絲，豬肚絲，肉絲，冬菇絲，再驚喜的係有蝦仁🦐，熊妹作為酸辣湯的忠實粉絲，真係未見過會放蝦仁作餡料，係特別的。
不過湯的濃稠度熊妹就認為比較稀，唔夠杰，熊妹係偏好湯羹類的酸辣湯。🍲
2
📌整體的菜式都係大眾上海菜款式，味道都幾🈴香港人口味，價錢都合理。食飽飽熊妹家庭又作戰嚕。🧥🥼👚👕👗👖👟🥾
