小點角落 (朗豪坊)

Open Now

Now Closed

小點角落💛 人氣牛脷雜扒鐵板餐 $108牛脷的嫩滑與雜扒的嚼勁形成鮮明對比，讓人享受每一口的不同感受。餐廳以開放式廚房或鐵板現煮的形式增加用餐的互動感。💛 安格斯牛板腱鐵板餐 $88安格斯牛板腱的肉質相當嫩滑，肉味濃郁，價廉物美加上各式蔬菜，如西蘭花、紅蘿蔔、蕃茄，增加了口感層次和營養。價錢：$207⭐️⭐️⭐️評分：7.5/10⭐️⭐️⭐️📍 小點角落 (朗豪坊) (旺角)旺角亞皆老街8號朗豪坊4樓8號舖

好耐冇試過喺朗豪坊ꜰᴏᴏᴅ ᴄᴏᴜʀᴛ度食嘢，估唔到已經有啲變化😗～ ʟᴜɴᴄʜ ᴛɪᴍᴇ有3個鐘流流長，食個鐵板餐定定經💓 最估唔到係竟然冇加一嫁😱 熱辣辣、滋滋聲，太誘人啦😍1️⃣ 滋選肉眼扒鐵板餐🐮平平哋有個鐵板餐食都心滿意足😌 晏就都見到好多人食，相信夜晚會更多🤣 食落質素一啲都唔差嫁，仲包咗湯、意粉、飲品🥤估唔到羅宋湯嘅肉都頗大件，整體份量都好多，食完唔空虛👀2️⃣ 人氣牛脷雜扒鐵板餐👅大胃王之選😚 呢份入面有齊雞扒、豬扒、肉眼扒，仲有條腸仔😍想食多幾款就要揀呢個啦～ 咬落雞扒好嫩，豬扒唔會乾柴柴😛配咗份薯菜，薯角脆脆熱辣辣，太正了👏🏻

最近我喺朗豪坊發現呢間甜品店，新推出咗平價又足料既鐵板牛扒餐，都幾抵食，只需$100，已經包括咗餐湯、鐵板牛扒、薯菜或意粉，同飲品🥩🍟呢個「滋」「滋」聲鐵板系列，有三款可揀，今次食左人氣牛脷雜扒鐵板，價錢$108，入面有肉眼扒、厚雞扒、豬扒、牛脷同埋腸，好足料。汁可揀黑椒汁或者蒜蓉汁。雞扒好厚，牛扒亦算林，仲有一大塊牛脷😋另外，肉眼扒鐵板餐只需$88，肉眼扒唔係太厚，以咁既價錢，個人覺得都算合格。

有時突然想鋸扒，就係食個感覺！行完朗豪坊見到呢間 $100 多少少就有得食個鐵板餐，忽然好想試餐廳感覺都企理光猛 座位都唔算好少 一人一份牛扒，我哋分別叫咗2份牛扒餐就係 肉眼扒餐 同 牛板健餐 ，跟餐包碗羅宋湯生熟度呢度就係冇得揀～一個揀咗黑椒汁 一個揀咗蒜蓉汁幾有驚喜嘅係 呢啲鐵板餐牛板切開都仲有 7成熟～都叫幾好，同肉質保有肉汁同嫩滑嘅薯菜除咗本身嘅 蔬菜 仲有一個薯角🌟薯角就巴閉啦 入面蘿蓉做得好 外面先調味再即炸入口真係熱辣辣 外脆內軟﹗晏就食完都好滿足～ 

朗豪坊呢間港式餐廳可以舒舒服服坐低「掃街」有魚蛋、燒賣、雞蛋仔食之外仲推出咗鐵板餐香噴噴、好吸引呀🤤🔸滋選肉眼扒鐵板餐（$88）上檯果陣熱辣鐵板「滋滋」聲視覺同嗅覺都得得享受呀！肉眼扒大塊厚身咬落啖啖肉兼有牛肉香❤️‍🔥🔸人氣牛脷雜扒鐵板餐（$108）有雞扒、豬扒、牛扒、牛脷同香腸好豐富呀！啱晒食肉獸！所有鐵板餐都可以配薯菜/意粉/飯兩份鐵板餐分別揀咗薯菜同意粉薯條粗身香脆可口🩷而意粉份量都幾多男生一定夠飽呀！🔸熱奶茶呢杯港式奶茶幾有水準！香濃順滑🔸羅宋湯酸酸甜甜帶牛肉香味仲有有好多雜菜非常好飲😋🔸手打香水檸茶（+$8）睇住店員即叫即製真材實料堅有質素呀👍🏻入口富有香水檸檬嘅獨特芳香味零苦澀味道唔會太酸呀！

旺角朗豪坊的小點角落為香港本地原創品牌，糅合中西甜品文化及港式地道風味。 新推出滋滋聲鐵板餐，以親民價錢提供港式牛排餐。 每Set已包羅宋湯+鐵板餐+配菜+熱飲👩‍🍳🍅羅宋湯: 搭配各種新鮮蔬菜，酸中帶甜夠暖胃🥘人氣牛脷雜扒鐵板餐(Hk$108): 有肉眼、豬扒、雞扒和腸仔，係meat lover之選，配蒜茸汁、蔬菜和白飯恰好中和味蕾，飽肚滿足🥩安格斯牛板腱鐵板餐(Hk$88):肉質脂肪較少夠咬口，肉味濃郁配黑椒汁和薯菜更惹味香口🍋凍檸茶(Set+Hk$3): 梗要配搭港式飲品甘口解膩(All subject to 10% service charge)📍小點角落 (朗豪坊)旺角亞皆老街8號朗豪坊4樓8號舖(港鐵旺角站 E1 出口, 步行約1分鐘)

今日喺旺角朗豪坊行街，經過見到呢間小點角落，裝修風格新穎，俾佢餐牌呢個鐵板餐吸引咗，天氣咁凍都想食返啲暖笠笠嘅嘢。鐵板餐仲包羅宋湯同埋熱飲，我同朋友分別嗌咗人氣牛脷雜扒鐵板餐同埋滋選肉眼扒鐵板餐，仲有得揀跟意粉、飯、或者薯菜。隔離仲見到好多一家大細一齊食，場面好溫馨。鐵板一上枱，我俾佢嘅份量嚇親，店家毫不吝嗇，雖然話一人餐，細食嘅朋友真係可以share😮性價比好高羅宋湯非常有驚喜，極為足料，而且蕃茄味好濃，比讚！人氣牛脷雜扒鐵板餐 $108牛脷煮得好腍，一啲騷味都冇，配上蒜草汁，十足港式舊茶餐廳嘅感覺。滋選肉眼扒鐵板餐 $88肉眼扒煮得剛剛好，一啲都唔韌🤤人均都係$100到，朗豪坊超抵又夠飽肚嘅選擇！

印象中Bite by Bite主打輕食，今日去朗豪坊行街果時，見到佢門口有張好吸引嘅大poster，有3款鐵板餐，即刻試試！滋選肉眼扒鐵板餐(黑椒汁）如果純粹想食牛，建議叫呢個餐，因為佢塊扒比雜扒餐果塊更加腍。黑淑汁已經預先淋左上去，汁比較多，黑椒味香濃😋人氣牛脷雜扒鐵板餐 貪心啲想食晒豬、牛同雞可以食雜扒餐，仲有腸仔同牛脷。扒餐配羅宋湯及餐飲，推薦無糖豆漿。另外又可以配埋糖水，今日係紅豆沙，味道都唔錯。

體力勞動一大輪👯‍♀️個肚餓到咕咕聲😆行入左朗豪坊…見到有個餐牌滋滋聲鐵板餐🔥為左補充返哂啲體力💪🏻食返個肉肉鐵板餐先鐵板餐🔥熱辣辣醬汁淋上去第一時間香味飄哂出黎💨💥人氣牛脷雜扒鐵板餐Ribeye, Pork Chop and Chicken Fillet with Beef Tongue Sizzling Set💥肉眼扒Ribeye Steak Sizzling Set套餐仲包勁足料羅宋湯Russian Borscht and Hot Drink

估唔到朗豪坊都有咁平價嘅鐵板扒餐，每個人埋單都只係一舊水，套餐包扒、主食、嘢飲同餐湯，男仔食都夠曬飽👍🏻1. 人氣牛脷雜扒鐵板餐（$108）諗唔到食咩嘅話，雜扒絕對係不二之選，一塊鐵板上已經有齊牛脷、肉眼、豬扒、雞扒同腸仔，款式多之餘，每款嘅份量都唔少，豬牛雞嘅質素都唔差😋牛脷外脆內軟，帶少少咬口，熟度恰到好處，仲要有成兩大舊😳2. 安格斯牛板腱鐵板餐（$88）Gym友必嗌🫡牛板腱比起肉眼脂肪更少，但口感依舊嫩滑唔韌口，熟度無得揀，大概五至七分熟到，食完一整塊今日蛋白質已經達標😂值得一提係佢地嘅粟米忌廉餐湯幾唔錯，味道濃郁、口感順滑，點薯角食都唔錯

星期日晚黎到朗豪坊Food Court隔黎呢間野，望著門口Menu，都冇寫另收加一，連網上落單都冇寫加一嘅費用，最後埋單先知，真心搵笨。收加一，但出品仲差過Food Court🤮🤧好簡陋嘅爆蒜一口牛配滷蛋飯，牛肉粒好韌，lur晒出黎。。。淨係食左碗飯落肚😵‍💫咁樣埋單連加一要$75，真係食隔離Food Court都冇咁嬲😤呢間店唔適合賣主食，都係賣番d唔洗煮嘅小食算啦。。。。。 Staff服務都麻麻，唔夠主動

今次選擇了買外賣之前堂食試過不錯但今次外賣等待時間較長員工態度有些不耐煩雞蛋仔的部分這次整體賣相不太好很多燒焦的部份之前來這裡堂食弄得比較好一點希望外帶不會弄得比較隨便能保持堂食一樣

之前第一間店嘅時候朋友帶過我去食過一次覺得非常唔錯，特別雞蛋仔而家都記得好好食🤤沒惗到開到朗豪坊都有，必須回味一下🤩🍱掃街拼盤2.0一次過滿足掃街需求，做到嘆著冷氣嚟掃街😝平時掃街必食嘅XO醬腸粉、口水雞、豉汁三寶、燒賣魚蛋、三文魚沙律、懷舊竹笙翅通通一次過享受齊😋🍝蝦頭油撈面蝦頭油跟超多菜脯和面攪拌喺一起，令到面條超香，食完一碗超飽，可以一起分享哦😉🎨DIY甜品畫板我想食雞蛋仔，朋友想食布丁，索性點呢個🤣食完之後再睇畫板，名副其實嘅用甜品作畫，由心太軟、奶蓋抹茶紅豆布丁、金莎雞蛋仔組成，旁邊仲有紅豆和奶油點綴，可以搭配一起享用哦～🧋暴龍美祿脆脆沙冰超多脆脆鋪面，仲擔心跌落離添🤣冰沙同夏天超搭哦😉🍹招牌楊枝甘露特飲作為港式甜品嘅代表點可以錯過，唔會系嗰種死甜，可以吃到椰汁跟芒果嘅結合，仲有各種小料，基本每啖都能啜上嚟🤩我系晚上去嘅睇到台面仲有午市嘅餐牌仲以為擺錯咗，沒惗到一樣可以點🤩而且睇到台面仲可以50加盒月餅，餡料一樣新派與傳統嘅碰撞，可以順便帶盒翻去試下哦😉

我的私藏寶藏小吃店！各種經典港式小吃一站式打卡，還有夾心雞蛋仔😍就在旺角朗豪坊！！！可以單點也有套餐，性價比都很狠高，我們點的晚市套餐三個人都吃不完，量狠足！🍧金莎朱古力脆脆雪糕花之戀雞蛋仔念念不忘的就是這口雞蛋仔，奶香十足，又濃又脆！這家招牌雞蛋仔不能錯過，有不同夾心可自選，今天點的這款太夢幻了😍立體雞蛋仔包裹住奶凍上面蓋了冰淇淋🍦這一口下去冰火兩重天的口感，太愛了！！！🥗時令沙律新式煎釀三寶自選前菜，沙拉的爽口配合煎釀三寶，火候控制的剛剛好，表皮炸的酥脆，配上自制醬汁好開胃！🔥掃街拼盤2.0豪華版小吃拼盤😍不用再糾結選啥啦，經典港式小吃都有了！腸粉軟糯配上櫻花蝦，又脆又香！魚蛋鮮美無比配上辣牛肉，這一盤又香又麻，好吃到停不下來！🥭招牌楊枝甘露特飲再來一杯冰鎮楊枝甘露，超解膩！料太足了，大大塊甜甜芒果粒配上Q彈芋圓，小吃配甜點，超大份的滿足餐！

閒日夜晚去朗豪坊揾野食，見到呢間未食過，價錢又唔算貴就入去試下。叫左個蝦油撈粗麵加煎釀三寶，唔係好食得出蝦油味，粗麵係偏軟嘅口感，個蝦球幾爽口。個煎釀三寶就普通，無乜特別。另外仲叫左個盲鰽燉飯加碗仔翅，個燉飯係普通蕃茄味燉飯，但個魚就幾嫩滑。碗仔翅好淡味，仲有啲一舊舊嘅糊狀，唔推薦。套餐會免費有杯熱茶，如果加野飲嘅話都要20幾蚊一杯，加左杯橙加柚子嘅果茶，食到好多一粒粒嘅果粒，味道正常。總括係普通嘅一餐，如果有其他選擇未必會再食。