BigBoys Kitchen (Closed)

今日自己一個人食飯，決定睇下有冇正既小店:)行過就比bigboys門口嗰張蛋包飯相吸引住 餐廳唔算大，坐位應該得十個，十二點店內人唔多，多數都係買外賣所以就入左去。午餐有三款，豬扒雞扒同雜菜。我就揀左雞扒，另外可以加12蚊配餐湯同野飲。蛋包飯賣相非常吸引個蛋係半熟，整成裙型好好味，同d咖哩好夾，完全停唔到口雞扒方面都幾好，吾會太老，不過不失呢間店唯一唔好係太少位，食完就要即刻走想坐多陣同朋友傾計就唔好揀…Read More

細細個時我已是蛋精1個,仲記得扭計唔食嘢時,嬤嬤就會煎太陽蛋+豉油畀我撈飯…扭纹蛋個樣靚.别致,蛋生熟程度亦剛剛好。些少蛋液撈埋響飯裡,一羹入口，好满足魚柳配忌廉汁,不過不失雞扒似係煎定嘅，略嫌幹身些少。我覺得扭紋蛋成功勾起我兒時美好回憶，況且真係扭得靚和美味。下次再試過第2款，可能會有驚喜呢！…Read More

非常有心嘅小店，大家一定要支持！ 鰂魚涌地鐵站過對面馬路 ，太古坊範圍 ，大家都知道嗰度食店林立。有好多好嘢食，其中有一間小餐廳喺角落頭， 知道佢主打蛋包飯， 但一直都冇去試到。 今次見下午茶時間，人少少唔迫， 我就去試一試 。入到去店入面， 店面的確好細 ，全店只有兩位員工 同兩張枱 。餐牌非常簡單，只有四種選擇 ：其實只係得一種就係蛋包飯 …但係有兩款汁可以揀： 自製咖哩汁或者係黑松露忌廉汁，同埋四款嘅配菜 。落咗單就畀咗錢先， 等咗十分鐘到， 其實都算幾耐… 食物送到喇 。賣相非常之精緻， 睇得出係有心機排嘅。 扭紋蛋包飯的確整得好靚。 黑松露忌廉汁亦的確好香 。雞扒就一般般 。蛋包飯配忌廉汁十分十分好食 ，一啖飯加一啖汁好快就食曬。 汁嘅份量一開始以為太多 ，最後竟然係啱啱好！睇店嘅裝修都可以知道呢間餐廳 係好用心經營嘅， 而且都好細心咁準備咗廁紙畀客人。 最後店員哥哥仲送咗一份泡芙畀我食 ，十分窩心大家一定要支持！…Read More

今日lunch和同事們去遠一點到近太古坊附近搵食, 發現左一間又靚又好味的扭紋蛋包飯。餐廳嘅位置在路邊，店面細細只有大概十個位，一到lunch就好爆，同埋佢應該主要做外賣。我哋今日好好彩去到啱啱有人走，即刻有位。😋 餐牌上選擇不多，主要是扭紋蛋包飯配不同的食材，例如香煎雞扒，魚柳, 吉列豬扒和素菜四款，可選擇配咖喱汁或黑松露忌廉汁，＄58一份免加一，唔包野飲。另加＄12先可以配餐加頭盤同埋嘢飲。我哋大家都冇配餐，我揀咗扭紋蛋包飯配香煎雞扒，一上枱就比扭紋蛋包飯嘅外型所吸引，真是煎得勁靚！完全係要相機食先！蛋雖然係靚，但冇我想象中嘅嬾滑，唔係阿活炒蛋個種，有少少乾身，可能煎得太嫰滑好難做到呢個旋風扭紋造型。雞扒煎得香脆juicy, 份量都足夠，醬汁方面我揀咗黑松露忌廉汁，呢個醬汁好好味，黑松露味非常之突出，我試埋同事點嘅咖喱汁都冇佢咁香濃，整體來講呢個扭紋蛋包飯都非常之唔錯!👍下次會encore試吓佢嘅吉列豬扒！環境：7/10服務：8/10 價錢：7/10 食物質素： 9/10整體：8/10 …Read More

這個吉豬蛋包飯令我愛不惜手❤️，食過甘多間蛋包飯餐廳🍴依間真係好有水準。bigboyskitchen的蛋包飯令我念念不忘😍😍，首先蛋皮厚度適中而軟 熟度適中口感滑嫩，形狀也非常特別螺旋形的，吉豬外皮酥脆內裡鬆軟，原塊吉列豬扒蛋包飯配上黑松露忌廉汁簡直係天衣無縫👏🏻，完全唔會覺得膩。一啖蛋一啖豬扒一脆一軟口感非常豐富。雖然地方不算太大但服務質素非常好👍，正所謂色、香、味俱全。10分裡面比10分。食過一定會返尋味下次一定會再去食🤤🤤認真推介!!…Read More