Video
Opening Hours
Mon - Fri
07:00 - 21:00
Sat
08:00 - 21:00
Sun
10:00 - 21:00
Above information is for reference only. Please check details with the restaurant.
昨天經開油塘，見到有間門面裝修簡潔既便當屋，收銀位置係一架車，由於我個仔鐘意車，所以就入去睇睇啦！職員好有禮物幫我地開雪櫃，介紹啲飯糰，我地買咗韓風蟹肉蟹膏飯糰同埋鮭魚飯糰。去food court坐底食，打開後發現啲“含”唔係飯糰裏面，而係係紫菜下面，阿仔食到成手都係，飯比較爛，無乜料，味淡，麻麻地不過阿仔都食曬。食物質素一般，但員工服務好好，讚！
continue reading
有一段時間沒來到油塘走走，原來最近油塘開了一家外賣小店。餐廳既可以外賣，亦有堂食的地方，非常方便。這裡主打日式食物，便當，壽司，飯團，小食也有供應。購餐以後，店員幫忙將便當放到微波爐加熱，非常貼心。壽喜燒牛肉便當 $28牛肉夠淋，配上充足的牛肉汁，還有洋蔥絲，加上用埋日本米，有水準。咖哩雞排 $38咖哩汁豐富，味道唔辣，有少少稀。雞排不吝嗇，配合咖哩非常開胃。由於餐廳新開張，而家仲全送湯 (麵豉湯/粟米湯)。另外也買了兩個飯團吃，味道也不錯，醬油和芥末也齊備。其實餐廳食物的定價也相當親民，甚至比快餐店定價更便宜，而且質素一點之不”伏。在這個快餐盛行的年代的確好吸引，如果餐廳能夠提供坐位，堂食時就能夠吃得更舒服。
continue reading
便當屋，故名思義，就係賣便當，但原來仲有壽司、前菜同大版燒等等小食出地鐵站再大約行五分鐘，就已經搵到佢入面仲有架日本火車，原來就係收銀處，裝修都幾有心思 呢到有差唔多十款飯糰不過我就對小食有興趣啲蒸蛋、餃子、沙律仲有大阪燒，食物選擇比想像中多因為未食晚飯，所以要揀款便當醫醫肚見到鰻魚簡直雙眼發光，睇display鰻魚份量都唔少，所如就試下佢，仲加咗個大阪燒 店員幫我叮熱後，就急急腳返屋企趁熱食打開飯盒，就聞到好香既鰻魚味，鰻魚份量OK，配菜都唔少，有粟米又有蕃茄仔等等，賣相都幾好睇鰻魚唔腥，只係魚肉再厚身D就PERFECT，不過呢個價錢，有呢個質素已經好好而鰻魚汁都比得好足，用黎撈飯好夠味，仲有D蛋絲添以蔬菜唔會太硬，都無草青味，唔似某D連鎖快餐店，抵讚大阪燒只係20蚊炸!!!因為佢個價錢，所以決定加餸大阪燒酒上燒汁同木魚碎，加熱後同樣有股香味麵團偏稠身，入面既生菜口感仲係好爽，口感唔錯整體黎講，性價比唔錯，食品加熱後口感同味道差距唔算太大，幾抵食
continue reading
冇諗過食便當可以好似食正餐一樣，咁豪華、咁爽快！今日去咗油塘大本營附近行吓行吓見到一間便當店又唔想諗於是就入咗去買黎試下，真係冇諗過原來便當店都有咁多嘅選擇，包括小食同手卷，我同朋友每一樣都揀咗少少嚟食。呢度嘅職員服務態度都幾好，我哋揀咗嘅便當之後，佢仲好細心幫我地翻熱，因為啲便當係可以另外選擇帶返屋企，再煮返熱的。翻熱之後，佢已經逐一擺放整齊喺我哋嘅枱上面，即刻忍唔住影咗張靚相。我哋叫咗甜薯、豚肉生姜燒、日式餃子、紀州南高梅、雞翼同大板燒，總數都係＄100多少少，真係好抵食阿！率先試咗個日式餃子，以為佢會叮到好硬同埋冇晒水，但原來佢仲keep到原本嘅質素，點上餃子醋嘅時候好好味，肉汁仍然保持喺皮餡裏面，真係令人食過不停。之後最欣賞佢嘅甜薯，好好食連埋少少蜜糖點，更加有口感，又唔會太甜，呢一隻甜度係好滋潤嘅。同埋佢嘅薯仔來貨好好，有保證。之後試埋佢嘅豚肉生姜燒，略嫌豚肉嘅汁有點鹹，但係配落熱烘烘香噴噴嘅飯上面就剛剛好！飯真係可以保持到濕度，面頭有點黑芝麻，帶出飯香，加上份量適中，真是令人滿足！飽得滯冇食到個紀州南高梅，外帶稍後食。晏啲食嘅時候，仍然能夠保持水準，覺得佢裏面嘅餡都夠，而且岩晒唔方便食生冷野嘅朋友。
continue reading
終於考完試，同同學開翻個party！我地黎左呢間便當屋到買野食！入到去見到都幾平下，完全系咩都想買曬haha！我地最後揀左壽喜燒牛肉便當、綠茶蕎麥麵、松葉蟹將軍同雜錦壽司。加埋一齊都好平，好好味啊！呢個便當理應熱食，不過我地太餓了，揀左凍食！燒牛肉便當嘅飯系有醋香味嫁！而燒牛肉都好香，甜甜地嘅醬汁，唔鹹唔淡，洋蔥味同牛肉味系perfect match嘅！有埋啲蛋系度加重左口感！仲有啲配菜好正啊！綠茶蕎麥麵好正！我好中意食蕎麥麵，好中意綠茶！兩樣match埋一齊簡直天助我也啊！仲有啊！呢盒系有埋沙律嫁！完全系健康之選啊！盒內有盒醋，用黎撈蕎麥麵！好香！我覺得松葉蟹將軍系最好味嘅！周邊系啲蛋碎！而中間系蟹肉！好豐富！好多！佢仲額外俾左盒醋我，可以倒落去撈埋一齊食！入面都系有飯嘅！包保唔會太dry唔驚唔夠食！仲有少量酸姜系度，可以清新下口氣！雜錦壽司入面有兩款！我覺得呢個可以再多款式啲，如果唔係唔夠雜錦！一款系炸蝦壽司！一款系蟹柳玉子壽司！雖然飯有點捻了，但系材料搭救！一致評定好好味！平時我會中意食炸蝦多啲，但今次都揀蟹柳玉子，因為唔知點解佢配埋一齊好好味啊！下次如果放早唔係開party都實會再黎買啊！又平又好味！最重要系有好多唔同嘅野食揀！而員工都好樂意推薦唔同嘅食物比我地！超warm！
continue reading