Video
Above information is for reference only. Please check details with the restaurant.
早幾日落樓下食野 首先服務態度真係好差
感覺連基本尊重都無 落單既啲咀臉完全難受 送菜既就咁扔啲野食落黎咖哩牛筋腩飯加多杯紅豆冰 39蚊 食落去凍凍地既啲飯直情起埋硬塊 咖哩又無辣味 牛腩食落口唔似牛肉感覺好怪 食左一半就唔食喇 不過杯紅豆冰都唔差既 入面都有幾多紅豆食
continue reading
今日去附近探朋友，太肚餓的關係在附近隋便找間餐廳醫肚，好不幸入了這間餐廳，首先服務態度感覺我是待應佢是客，我叫待應他很不耐煩地過來寫單，還叫我快點別考慮(我只ae...左不夠5秒..)。干炒牛河＋凍奶茶 - 吃落去像滿口油，牛肉吃落口不像牛肉有點酸感覺好怪吃左3分1放棄了，凍奶茶味道一般，這樣的熱飲都會跟凍飲都是用同一個杯裝。
continue reading
今早叫了一個煎旦沙爹牛肉通粉早餐味道：淡而無味、醫院飯也好食過佢份量：得兩小塊牛肉、比動物食都大份好多啦！態度：老闆娘態度極差、仲強迫我一個人一定要坐大枱，不可以坐四人枱雖然我住樓上、但我永遠再不會幫襯
continue reading
話說今日係父親節,我同我大佬打算請兩個老人家出去食餐好,點知兩老貪方便,話去屋企附近的餐廳食就算.我阿爸就簡左佰利,咁就入去食啦,其實之前已經食過2~3次,我就覺得佢地的服務同食物都麻麻地.入到去,雖然好多人,但係好彩有位,坐低諗左陣,叫左4個餐+1個送(1個餐包括1個送+1個白飯+1個羹).等左一陣,5個送+4個羹都黎左,侍應仲話4個白飯轉頭上,咁我地就食住送等,等左好耐都未有白飯黎,就舉手叫人黎,點知冇人理.隔左陣,我地再舉手,終於有侍應理我地,我地就話4個白飯仲未黎,叫佢跟下.過左一陣,見仲未黎,再叫侍應埋黎,問下佢有冇落到單,點解仲未有.隔左幾分鐘之後,終於黎埋最後的白飯.食食下,我阿媽比天花版上的冷氣機口滴水滴中,我就諗住向佢地投訴,我阿媽怕事,話費時煩,所以叫我唔好出聲.仲有,我阿爸跟大佬都話d送好咸,我都覺,所以我地一邊食一邊飲水.食左一個鐘多少少,食完就打算走啦,點知我同大佬都冇帶現金,埋單時問佢有冇得用信用卡.佢話冇,只收現金,最後要阿媽出左錢先,我再去禁機攞錢,返到屋企再俾返阿媽.奉勸各位如果想去食的話,請帶備足夠的現金.
continue reading
平時夜晚食開小菜餐的,今次坐低見到有煲仔飯,熱愛煲仔飯的我,見到一定會試吓.煲仔飯單買$38,連例湯+油菜$48,我叫咗個臘味煲仔飯.啲飯一般,臘味啲味入唔到啲飯度,平時唔喜歡落豉油的我都要落,否則啲飯無味.至於啲臘味唔係一條條上的,而係切碎晒,嘗試砌返一條係唔得嘅,臘味食落去唔係好夠臘味味道,啲臘肉色素黑得滯,有幾舊無食到.食完得出個結論---食煲仔飯都係要去喺門口煲嗰啲餐廳,先會比較安全.
continue reading