八方雲集鍋貼水餃專門店

Open Now

Now Closed

職員態度超差！！！今日跑完步見好耐冇食過，行過見到咪買個套餐食吓。拎餐嘅時候見到櫃檯有筷子，跟手拎對筷子，點知阿姐見到我拎筷子，即刻沖埋黎，好似偷佢野咁，大聲呼喝並搶回筷子，我心諗你又冇一早講筷子要俾錢，筷子前面有冇個牌寫住要俾錢，咁咪順手拎一對囉，就算要錢好好地講咪得囉，使唔使咁嘅態度，以後唔幫襯！！！！仲有！！！！以前啲鍋貼好Juicy,而家嘅鍋貼食落感覺好似返煎咗唔知幾多次咁又乾又燶，仲有啲啲苦味，其實我唔介意等耐啲，可唔可以保持住個質素？即煎而唔係貪快預先煎到成個廚房都係鍋貼咩口味都有，有客到就翻熱，咁一定難食啦，超級嬲！！！

八方雲集鍋貼水餃專門店位於元朗朗屏商場，是一家專注於鍋貼和水餃的餐廳。他們提供各種口味豐富的鍋貼和水餃，絕對是鍋貼愛好者的天堂。他們的鍋貼。八方雲集的鍋貼外皮酥脆，內餡豐富。無論是豬肉鍋貼、牛肉鍋貼還是素菜鍋貼，都能讓您咬下去時感受到滿滿的肉汁和鮮味。他們的鍋貼大小適中，一口咬下去剛剛好，不會太大或太小。除了鍋貼，八方雲集的水餃也非常出色。他們的水餃皮薄而有彈性，內餡鮮嫩多汁。無論是豬肉水餃等，也非常好味。

Lunch time必去既餐廳招牌鍋貼一份10個，我推薦泡菜鍋貼，正！鍋貼即做，皮超級脆口，加左醋同小小辣超好味，咬一啖啲裹面啲肉汁爆出黎，裡面的肉仲係熱辣辣，再配埋一杯珍珠奶茶少冰少甜，可以滿充我想飲奶茶既慾望，平靚正

今日咁熱唔想食咁多嘢，經過見到呢度有學生餐，好抵食就即刻入去食🍽韓式辣味鍋貼🥟珍珠豆漿🧋最鍾意呢款鍋貼，因為好惹味😋而且出面好少有，唔會好辣，超級微辣的，鍋貼都大隻，皮薄足料，新鮮整同埋脆脆地👍🏻豆漿珍珠就偏甜，但夠飽肚，豆漿味濃。韓式辣味鍋貼唔洗加錢，個麵線都多料，有肉丸，豬大腸，唔想齋食鍋貼可以叫呢個餐👍🏻百香果椰果綠茶，酸酸地，加埋椰果有咬口👍🏻招牌鍋貼，都係菜同埋肉，味道正常，冇咩特別🙈椰果綠茶都唔錯

哈~~真係日日諗食乜都好苦惱，今晚行左個圈最後揀左麵線，想台灣了~~「八方雲集」食過幾次，但唔同店味道都係有分別，今日呢間店食過兩三次 印象中都係不過不失。今次叫左外賣，仲試左杯期間限定'酸梅綠茶'飲品，事關唔係成日有呢啲特別野~~~今日依然是叫左個10號仔(麵線+鍋貼/水餃5件+豆漿/酸梅湯)，我另外加$3蚊要左呢杯期間限定「酸梅綠茶」，酸酸味味都幾開胃~返到黎一打開碗野，啲豬腸味勁臭~~~好在本來就諗住加辣，加左阿宗麵線既辣醬!!!!!即刻台灣味返晒黎，感覺自己係台灣一樣!!我想台喇~~

呢日位於朗屏嘅八方雲集堂食位置不多，買外賣嘅人就多少少我都鍾意食八方雲集嘅煎餃（鍋貼），但呢間嘅煎餃我就覺得麻麻地可能係分店太多好難做到間間都係咁，呢間啲餃子煎出黎軟身少少，相對其他舖我覺得差啲，雖然味道一樣但口感不好甚至有啲會一夾就散左，希望佢地可以改善但係都推薦一下八方雲集嘅咖哩鍋貼同埋辣味鍋貼！

當夜晚又唔想食到咁飽嘅時候，我會選擇食餃子。 八方雲集呢個餐唔錯， 有五隻鍋貼， 一碗大腸米線和一杯熱豆漿，total都只係37hk! 鍋貼皮薄餡多，煎得又香又脆! 而米線又足料， 豆漿又香黃豆味，食完都好飽下! 每次嚟食，我都必定會食呢個餐!

都不過不失不過之前去台灣食過台灣比較好食。朗屏店員工態度有待改善ps女收銀員。餃子係幾好食嘅香口煎完出嚟都冇爛。個麵線好似差少少味。但整體計埋價錢都可以接受。。