b.o.t.h Eatery

Open Now

Now Closed

今日去屯門睇戲，係附近食飯，之前見荃灣都有呢間餐廳，一直想食下，今日就食呢間lunch啦。星期六都好多人，幸好等左10分鐘就可以入座。午餐都有20多款選擇，漢堡、意粉、意大利飯、三文治、全日早餐……可以加錢有餐湯麵包，或加錢升級特飲，選擇都很彈性。+$15 餐湯及麵包餐湯有驚喜，夠熱，蘑菇味十分濃郁，滑溜creamy中帶粒粒蘑菇碎，增加咬口。 不過麵包太細份，可能鬆軟好味，食完唔夠喉，蒜蓉牛油很美味。黑松露薯條 +$38份量大份，薯條剛炸好，熱辣辣很香脆，有陣陣黑松露香味，不過香味很快散去。如果蛋黃醬都加入黑松露，味道會更加濃郁。酥炸軟殼蟹鹹蛋忌廉意大利麵 $125原隻軟殼蟹炸得香酥可口，蟹肉肥美嫩滑，啖啖蟹肉。意大利麵沾滿鹹蛋忌廉醬汁，咸香惹味，creamy滑溜醬汁，唔會太咸，調味剛好，食落都膩，所以份量剛剛好。慢煮紅酒燉牛面肉菠菜意大利飯 $128意大利飯煮得有咬口，外軟內煙韌，吸滿蕃茄紅酒醬汁好好味，個醬煮意粉應該都一樣咁正。牛面肉很少，但燉得軟腍鬆化，牛味突出，菠菜也只有2條，覺得偏少，但整體味道幾好。跟餐有凍茶，荔枝紅茶好有果香，香甜可口。蜜桃紅茶也充滿果味，好飲。而且可自選

前排母親節，同屋企人去咗b.o.t.h Eatery ! 最近呢間餐廳開到去屯門市廣場，平時都見多人排，所以今次預早Book 位😌 費事屋企人排隊等，店員都會預早打畀我cfm Booking，全程電話都好friendly !燒焗橙香三黃雞 半隻雞份量，都幾多肉，而且仲係啖啖肉！雞肉帶有淡淡橙香，整體都好Juicy，而烤蔬菜、焗薯角就正常發揮😌加拿大拖肥咖啡帶骨豬鞍扒 主打用加拿大天然帶骨豬鞍扒，真係食得出淡淡咖啡味，幾特別又唔覺突兀。豬鞍扒都算厚，但係食到尾都唔覺得有個位鞋！意大利辣肉腸菠蘿薄餅 正常pizza發揮，皮脆餡juicy，鹹香微辣配上菠蘿清甜，夏天食都幾啱！

約左朋友聚會，一於試新野由於太耐冇去屯市， 完全唔知德國餐廳個位開左呢間新餐廳B.O.T.H一入去都覺得環境幾好，仲有4人梳化位 ，都幾CHILL每個主食都會送一杯精選冷/熱餐飲我地就揀左蜜桃紅茶🥤另外亦可以+$15加配餐包及餐湯但因為當晚係🥕湯，不喜歡🥕既我地所以就冇試到🤣🤣寶雲酥海爐魚，冇腥味，魚皮煎得香口魚肉都幾嫰滑牛油果菠菜沙津🥗， 菠菜苗好新鮮，但麵包粒就略嫌唔夠脆，同埋🥑份量比想像中少卡邦尼意粉另加配左蕃薯🍠條，意粉好creamy, 蕃薯🍠條配埋個醬好夾，個醬仲有少少辣味最期待既豬鞍，一上枱都好驚訝，好大件用🔪一切落去，好淋，一d都唔UN咬落去既時候仲有少少咖啡香味，重點係完全唔乾好juicy 🤤🤤🤤超推薦

食物中上，甜品正常，整體都坐得舒服。晚餐單點加湯，湯較稀但麵包幾香！冬陰公炒意粉有驚喜！意大利飯就比較飽肚，最後麵食唔晒而手工薄餅係最推介既！雖然得五款口味，但都值得試既。

因為臨近母親節我今次人數係要13位所以餐廳都有電話通知需要先付訂金500可當日埋單扣返！服務態度很好👍🏻食物都好快到味道亦不錯只係座椅有啲唔方便如果換咗佢更好！

香港食肆難做我明，不過咁的質素根本係趕香港人北上搵食。2人叫咗2個晚餐豬面肉意粉香脆香濃少辣惹味值得一試的。（可惜冇影相）但以下加錢食品全部都嚇親！價錢同質素完全唔成正比！

喺屯門市廣場1期3樓，扶手電梯一上到去轉右就見到，鋪面光猛開揚，唔使兜來兜去～ 🍝 今日食咩好？ ✨ 溫泉蛋煙豬腩卡邦尼意大利麵 「卡邦尼醬汁濃郁得來唔膩，煙豬腩鹹香惹味，重點係隻溫泉蛋！一篤穿蛋黃撈勻啲麵，邪惡度即刻爆燈～」 ✨ 費城芝士牛肉三文治 「麵包烘到微脆，入面嘅牛肉片嫩滑，芝士多到拉絲，仲有炒香嘅洋蔥提味，食完超滿足！」 ✨ 黑松露薯條（追加）「即叫即炸熱辣辣，松露醬落得足，每條薯條都沾滿香氣，忍唔住一條接一條...」 ☕ 熱咖啡 「正常發揮，唔會太苦或太酸，配埋個三文治啱啱好～」 🌿 環境 & 服務 - 座位舒適：枱與枱之間有足夠空間，唔會逼狹，仲有啲半卡位，坐得幾自在。 - 慢食之選：平日午餐時間唔使等位，可以同朋友慢慢傾計，店員都唔會催你交枱～ 📝 食後感 「喺屯市想搵個地方靜靜地食個質素唔錯嘅午餐，呢度係個好選擇。 尤其鍾意佢嘅卡邦尼意粉同黑松露薯條， 下次可能會試埋佢嘅All Day Breakfast～」 小貼士 1️⃣ 最佳時段：平日2pm後人流較少，週末建議早少少到。

今日約咗朋友喺屯門食午餐，今次就揀咗去 b.o.t.h Eatery 嘆個西餐。餐廳位於商場內，空間感十足，座位闊落，坐得舒服。整體環境偏昏暗，光線柔和，加上木系裝潢與型格燈飾，營造出一種低調嘅浪漫氛圍，好適合同朋友或情侶聚餐。黃金洋蔥圈外層炸得金黃酥脆，唔油膩。洋蔥圈入面厚實多汁，配埋提供嘅千島醬，味道更添層次。費城芝士牛肉三文治賣相吸引，牛肉切得薄身但份量唔少，炒得香口，配合溶化嘅芝士夾喺烘得微脆嘅軟包中，每啖都充滿肉香同芝士鹹香，好邪惡！加配的香脆薯條炸得乾身，外脆內軟，份量亦足。寶雲酥海爐魚配烤蔬菜焗薯角爐魚魚皮煎得酥脆，肉質滑溜，味道清新不膩。旁邊搭配嘅烤蔬菜同薯角烹調得宜，保留住蔬菜本身甜味，而薯角外皮微脆，食落香口

約咗朋友喺屯門下午茶，靜靜地又坐得舒服，傾吓偈都係嚟返呢間屯門市廣場嘅both。兩個人叫咗兩個tea set.一個係黑松露火腿芝士厚多士配蘋果沙律，加27蚊有杯Red HouseWine。朋友就叫咗個美式焗蘋果肉桂卷加$12熱嘅Cappuccino 。大家都想健康啲叫多咗個牛油果菠菜苗沙律。環境清靜，坐得舒服食物OK 。埋單$300 ，扺。

好耐無去屯門市廣場，二人行想去食午餐，行過就見到呢間餐廳環境唔錯就入左去坐低，估唔到 Lunch 都有好多選擇，意大利麵、意大利飯、全日早餐、鬆餅、吐司、漢堡、薄餅、焗鴨、燒雞、爐魚、比目魚、豬鞍扒、牛扒，應有盡有。揀左餐牌最貴既澳洲安格斯板腱牛扒．日本雞蛋配烤蔬菜焗薯角 ，本身就唔係特別鐘意薯角，但係容許誇張少少咁講之前真係未食過咁好食既薯角！澳洲安格斯板腱牛扒 5 成熟係無令人失望，肉味幾濃郁！再揀左酥炸軟殻蟹咸蛋忌廉意大利麵，咸蛋忌廉意大利麵比較似係主角，酥炸軟殻蟹成為左配角，因為咸蛋忌廉意大利麵好出色，反而令到酥炸軟殻蟹變得好普通，第一次食咸蛋忌廉意大利麵，出奇地咁夾，真係食唔停口！Lunch 免費送精選飲品（1杯），揀左熱奶茶同埋凍蜜桃紅茶！加配餐湯及餐包 $15 ，是日餐湯係椰菜花湯，原本有少少擔心椰菜花湯會唔會唔係咁好飲，最終係成碗飲哂，仲有一舊細細舊餐包送湯唔錯！

屯門呢個新舊混雜嘅社區，竟然收埋咗間超有驚喜嘅Fusion餐廳——**B.O.T.H Eatery**！睇個名就知佢玩突破，工業風mix綠植嘅chill空間，仲有將異國風味同本地口味crossover嘅創意菜，真係專登搭車過嚟都值啊！ ---### 🌿 **環境：工業風×自然系嘅治癒碰撞** 一推門就似入咗城市綠洲！水泥牆、金屬喉管夠晒粗獷工業feel，但木枱藤燈加埋四周圍嘅植物，即刻多咗份暖意。超大玻璃窗透自然光，下晝陽光斜斜哋照入嚟，影相呃like零難度～播住輕音樂，同閨蜜嚟chill下、情侶拍拖，甚至自己拎本書hea足半日都得！ ---### 🍴 **必食推介：玩味十足嘅Fusion料理** #### 1️⃣ **椰香冬陰功虎蝦雞肉意大利麵 🍝** **抵讚度：⭐️⭐️⭐️⭐️⭐️** 泰式酸辣撞意大利麵竟然咁夾！冬陰功嘅香茅檸檬草香衝出嚟，椰奶中和咗辣勁，虎蝦爽彈、雞肉滑溜，意粉掛滿醬汁又夠al dente #### 2️⃣ **意大利辣肉腸菠蘿薄餅 🍕** **抵讚度：⭐️⭐️⭐️✨** 薄餅底脆到似餅乾！辣肉腸嘅鹹香同菠蘿甜味撞到嘭嘭聲，但係我覺得整得有啲乾#### 3️⃣ **黑松露

之前去荃灣食 both by Texas burger， 對佢地漢堡薯條已很加分、今次去屯門試下其他食物：🥢意大利辣肉腸菠蘿薄餅 薄餅個皮香脆，而且夠厚，芝士羊肉菠蘿新鮮的，焗起來非常加分。🥢 澳洲安格斯板腱牛扒碗日本蛋件薯菜 - 牛肉得新鮮，不過唔知係咪食牛腱呢啲位置，吓某啲部份會感覺腥，整體很出色，而且我哋鍾意食嘅薯角。🥢 黑松露薯條 - 正餐嗰度再加杯黑松露薯片冇得輸，因為佢即叫即炸。☕️ Carmel Latte☕️ Cappuccino

🙈作為屯門牛嘅我，收工喺屯門搵食就一定係市中心呢個集中地，今次呢一間我之前都幫襯過，地方依然夠大，重新裝修嘅 #bothEatery 地方光猛又好坐，仲要啲菜式都依然咁靚，咁多款，碟碟又係咁大碟！非常之抵食！🫶🏻話俾大家知菜式擺盤非常適合打卡㗎！甜品勁靚勁又好食！所以呢間喺市中心都算高尚嘅餐廳！▫️▫️▫️▫️▫️▫️▫️▫️▫️▫️▫️▫️▫️▫️🍗雀眼椒香辣雞翼（6隻）$98炸完之後再燴一個辣香汁落啲雞翼度，變得雞翼好Juice，每隻雞翼都勁大隻，加埋個酸乳酪雞翼更加多一個層次！🍝酥炸軟殼蟹咸蛋忌廉意大利麵 $138軟殼蟹勁大份呀，原隻軟殼蟹破兩件，拳頭咁大，加有少少鹹蛋嘅忌廉意大利麵，超級豐富！🍗法式慢煮五香脆皮焗鴨 配烤蔬菜焗薯角，香草青柑橘燒汁半隻 $130半隻嘅焗鴨，揸住個鴨髀，淡淡都係肉！因為慢煮所以鴨肉非常嫩，柑橘亦都入晒成個鴨肉入邊！好食！☺️🌮巴哈炸魚墨西哥夾餅 $78炸墨魚又係勁大嚿，夾埋墨西哥夾餅，根本分三啖都食唔晒，所以非常之抵食！一碟有兩塊，好豐富呀！🍕和風大板燒薄餅 $138呢個根本就係大阪燒🤣 Pizza底更加有口感，醬汁多令到個pizza更唔會太乾，非常惹味！🍰巴斯克芝士蛋糕 $4

2025年第一日，瞓到自然醒，跟住約咗老友去屯門睇高達買返啲模型獎勵吓自己。行到攰之後上咗屯門市廣場3樓西餐廳Both，諗住食個tea休息一下。我叫咗個薯條漢堡；朋友就叫咗個沙律多士。話晒元旦點都要慶祝吓，我哋每人加$27叫咗一個紅酒，一個白酒。今日1月1號餐廳都坐滿，我個漢堡係免治牛，薯條略為燶咗啲，但都算好食。至於朋友個火腿多士就一般，但啲沙律菜雖然少；不過都幾新鮮。紅白酒加$27就算抵；兩兜友埋單二百零蚊；坐得舒服性價比都可以。唯一係地下D綠水有啲Over咗，扣少少分。

除夕夜去食，都易搵位點了慢煮煙椒燒烤有骨牛肩胛配薯條 及 椰香冬陰功虎蝦雞肉意大利麵 牛肩胛肉質奇怪不好吃，冇咩牛味，但薯條尚可，有搭配3種醬料。其中芒果醬唔錯 椰香冬陰功虎蝦雞肉意大利麵 味道可以 都算特別 少少辣 可接受飲料(+$17 荔枝茉莉花梳打) 細杯、味道很普通 ，另外一杯凍檸茶冇咩茶味 茶餐廳比較好飲甜點方面，蛋酒吉士布丁出色，有蛋香，味道濃郁； 朱古力布朗尼則正常發揮服務正常。環境方面2人坐嘅空間都大 裝潢都靚 可惜冇浪漫氣氛 有啲吵 會聽到隔離餐廳叫號總結：味道不過不失，性價比偏低 如冇意外不會再食