淳.日本料理 (Closed)

2019年6月21日。個日經過見到我就入黎試下。好正路既日本野。如果個沙律可以用醋就好了。如果用醋就會更加分。可惜了。佢用既係豉油。個麵豉湯偏淡。如果可以濃少少就一流！最正既係，係佢嘅醃蘿蔔！！柚子味的醃蘿蔔！唔會有出面食完「確」喉既現象。講明係,人叫我又叫系列,梗係跟住佢哋叫乜我就叫乜。 我地清一色叫曬呢個飯。又真係幾野味。但係我略嫌食到尾有啲咸。因為菜入曬佢啲汁。我見鰻魚飯都好多人叫。下次我又試下先得。

由於要去東海大廈上堂，但得返45分鐘，時間急迫的原因就係附近搵食，但一係就要坐好耐，一係就唔好食既面食，問問朋友發現「淳」。老實講門口既牌嚇怕左，1880元二人餐，咩料！好彩見到有晚市定食，價錢都係55元，嘩，即時歡喜，55元附近都冇啦。👏🏼👏🏼👏🏼最後幫個朋友叫左 炸雞定食，我就叫左叉燒拉面，其實你話係咪勁勁勁爆好食又唔係，但佢係正常味道，呢個價錢好合理，定食配有個細沙律、一碗味增湯，食埋個主食，其實已經好飽！😋重點係環境幾好，可能6:30食啦，店內冇人，好安靜，店鋪雖小，但都算企理，整頓，比人感覺良好。員工勁nice，唔會係咁sell你飲野，叫甜品，收野都係簡單問一句，之後靜靜企係一邊，有需要就會出現😝

經朋友介紹先搵到嘅呢間隱世日本菜，佢同我講到話好正好正，仲同佢講係真唔係啊！唔好食你比錢㗎，哈哈！嘩！點知真係無呃我，完全係想像唔到會咁好食！呢度嘅食物係由廚師發板，啱晒我哋呢啲選擇困難症嘅港女！唔洗諗！一嚟個小食，係一隻隻嘅炸蝦仔，香脆得嚟咸咸哋幾香口。清酒煮白貝，清甜！好大浸酒香味！燒雞皮蝦，呢個相信喺其他地邊係唔會食到，你會以為個蝦同雞皮本身係連成一體！北海道海膽、蟹柳刺身拼盤，中間仲會有啲魚子，海膽好鮮甜！極新鮮，入口即溶！不得了！黑毛豬肋骨條燒菇呢個飯係用佐賀和牛邊炒嘅，好正！最後，個staff教我哋就先將牛肉放喺海鹽磚上煎一煎佢，入口即溶！！最後最後就係呢個蜜桃雪葩！好香甜，正！

同朋友叫左一人前Set Dinner。唔係好多客人所以坐bar枱，環境靜靜地適合朋友間慢慢坐傾計，由於太耐無見掛住傾計我地食得好慢，師傅唯有就返我地食物嘅速度去燒，其實佢個距離係會聽到我地講咩，如果傾私人野就唔好揀呢間😂 刺身拼盤燒帆立貝好香口，配左翠玉瓜無咁油膩。如果食材夠新鮮，我會prefer調味再簡單啲銀雪魚本身好油所以食落好滑反而燒牛一般，因為脂肪比例少，朋友鐘意食肥野如果想搵個地方慢慢食同傾閒計，都不妨一試。

之前聽朋友講有間小店叫淳、質素好好、打算試下、令過年前去食諗住順便做節、第一次試食、地方稍為細、類似居酒屋形式、魚生、壽司、刺身都好好味，海胆好鮮甜、擺盤亦好用心、西班牙豬串入口即溶， 一試難忘，鮑魚一絕、帶子比日本食到更鮮甜、值得一讚、雞皮蝦亦好特別、飛驒牛如再燒耐d應該更好味、可惜龍蝦賣晒、冇試到、其他食物的水準都好高分、一家人食得好開心。價錢稍為少貴每人消費$1000 ，如更多不同套餐會更吸引、

今次行到尖沙咀見到間新開嘅日本料理叫淳．日本料理咁就入去試吓啦😜，入到去話見到啲價錢都頗為進取😔，所以就叫咗個一個套餐食。呢個套餐就$248加10%前菜芝麻雞翼，非常酥脆多汁，令人食多一隻👍🏻👍🏻👍🏻👍🏻主菜1 刺身四切：擺設相當漂亮而且厚切同新鮮，唔會俾人有吝嗇嘅感覺👍🏻👍🏻👍🏻👍🏻主菜2 薄燒牛肉連白飯：肉質好嫩，牛肉包住大量香蔥，滿滿油脂再加上碗白飯，簡直天作之合👍🏻👍🏻👍🏻👍🏻👍🏻甜品 紫薯雪糕 充滿紫薯味，我十分鐘意呢個味道👍🏻👍🏻👍🏻👍🏻👍🏻呢到上菜有哂次序，唔會話要等好耐又或者食啲嘢就一次過上哂枱。員工好有禮貌而且會主動過嚟幫你斟茶😉。下次我出咗bonus一定會再嚟呢度再試吓其他嘢食❤❤

餐廳得我們一枱客人，真係伏呀！訂枱講明食鐵板燒，但去到唔係安排鐵板燒枱，要問先話可以安排。叫左兩個鐵板燒一人前，之後又話刺身無海膽，失望。炒飯太乾。其他嘢食尚可接受。要了薄燒牛肉，得兩舊切開嘅4粒，會唔會太少。員工不停大聲傾計，十分影響。最唔滿意一點，麻煩企係刺身櫃果位師傅？唔係唔俾你病，但麻煩你帶返口罩，你每隔一分鐘就咳一咳，我成餐飯都俾你影響。嘢食唔難食，一般。但一個人都要$598加一，咁嘅價錢，服務環境就真係唔可以接受。

二人去了尖東行街，想吃日本菜，隨便走走發現有一間小店。甫進店內，像小居酒屋格局。店需小，但感覺溫馨，店員也親切。看店員對其他食客的態度，像主力招乎熟客居多。這間店鋪刺身壽司燒物價格算中上, 反宜丼的價格相對便宜。我們點了幾件壽司, 吞牙魚蓉卷, 燒銀雪魚和燒腩肉。壽司端上來賣相吸引, 司傅輕輕在魚生上掃了一層薄薄的醬油。我自己再沾了些醬油和wasabi。吃了一件壽司，魚生鮮味，不過略嫌醬油偏淡和飯較鬆散而且味道較淡(欠缺醋味)。至於銀雪魚則烤得不錯,皮香肉嫩，油脂滿溢。我們也想像不到腩肉份量那麼多。一整係十塊八塊，吃下一層油脂一層肉，十分分明，味道好吃不過吃多則膩。整體來說食物質素高但壽司味道一般。

總覺得來到尖東一帶就感受到一股七八十年代嘅氣息🤘🏻 穿過一班地產經紀我地黎到一間主打鐵板料理嘅日本餐廳 不過並沒有點太多鐵板食物😅 燒牛舌係好味嘅 Set Dinner$268 薄燒牛肉油份重 點一點岩鹽的確可以提味 饅魚飯$118 份量略少不過味道還不錯！ 見到隔離食海膽山飯$388 細細碗都幾可愛 下次可一試😎#淳日本料理

食過翻尋味！日本料理必推高質食物但中等價錢 好值得一食刺身非常新鮮 朋友唔食生野試左都大讚 6款刺身都好好食 由其係呑拿魚腩 真係溶係口到 又香又肥美鐵板用料實在 牛肉入口即溶睇返張相都想食師傅亦都好專業。鮑魚同龍蝦都仲識郁架！師傅仲會鐵板表演 岩哂大家post ig. 龍蝦會連埋蝦膏一齊炒 絕對唔會哂野尼個蛋勁正！每次黎都一定會食 鵝肝魚子醬蒸蛋 非常高檔 味道亦都係一流！仲推介餐廳既魚湯 尼個魚湯仲叫幸福的湯 好飲到 想打包一碗回家！

今天到了位於尖沙咀的,淳.日本料理晚飯,店內環境十分具備日式風格.先試了黑魚子蒸蛋,黑魚子的甘香配上蒸蛋十分配搭,值得一試.拖羅蓉壽司造得十分精緻,拖羅蓉入口即溶,十分推薦.京燒比日魚,用香濃的醬汁燒成,口感香滑,魚皮燒得香脆十分香口.之後是十分足料的魚生丼,不同種類的魚生十分新鮮,拖羅的魚油更是一絕,搭配不同的魚生,吃完後十分滿足,極之推薦一試.

✨碎刺身丼工作辛苦 有時也想對自己好一點這天肌腸轆轆 和友人吃頓好的豪不猶豫叫了碎刺身丼先來沙律和面湯再來丼送上雖然切碎了 可是每顆也是十分新鮮的主要是三文魚 肥美可口沒有多餘的筋 即使是飯也是甜美的 加上了醬油單吃也美味整個丼份量不少 $98 雖然不平 也是也值的閒時對自己好一點也不失為過

尖東樓上舖，環境寧靜，座位唔迫。午餐主要是定食，包沙律、味噌湯和主菜，仲有鐵板餐，價錢由$88至188都有，豐儉由人。以日式午餐來講唔算太貴，而且無加一。前菜是醋蘿白2小粒，無乜特別。沙律是沙律菜淋上日式醋汁，菜絲都很新鮮。 味噌湯內有細絲豆腐皮，令本來平凡的湯增添了一些口感。角切魚生丼定食，份量唔少，甜蝦鮮甜，角切魚生令口感增加，總括各魚生都很新鮮。蒲燒鰻魚定食，有成半條鰻魚，都幾厚肉，燒得軟冧，面層有少少焦，食落juicy又有鰻魚香味。

生日食食食之旅😄~第3️⃣站 #淳日本料理地點有點不就腳，位於尖沙咀新文華中心一樓，近科學館果邊，不太近mtr，都要行10-15mins先到！🌟雜錦角切魚生丼一上枱看到個賣相好吸引😍 而且魚生粒份量亦不少🤤有三文魚、呑拿魚、三文魚籽、玉子、生蝦、青瓜等等🤩款式多又新鮮呢👅🌟三文魚刺生愛好三文魚的我倆點多份三文魚刺生，雖然都ok，但這$88兩片，份量比想像中的少得可憐吧😂🙈🌟黑魚子鵝肝蒸蛋蒸蛋直接用蛋殼裝住，好QQ，而蒸蛋亦好滑溜，配上脆卜卜的黑魚子同香濃的鵝肝，好香好好食，口感豐富又滋味😋✨🌟黑松露櫻花蝦炒飯😂見到黑松露加櫻花蝦呢個配搭已經覺得好食，果然沒令我失望，呢個炒飯好香口好正😍而且炒得好靚，粒粒分明，夠乾身！😋

因為男朋友夜收，有時等他下班我都自己一個解決Dinner。這天閒逛到尖東，搜到附近開了一家新的日本餐廳—淳·日本料理，感覺挺吸引的，就駐步光顧一次。我一翻開Menu，第一個感覺就是價格還蠻貴的，選了個晚市套餐B，價值$268，包沙律、小食、主菜*2、白飯、味增湯和雪糕。來張全家福——小吃我選擇了西班牙豬肋條，豬肋條小小一串，烤得時間剛剛好。擠上檸檬汁，豬肉味還挺濃郁，而且軟爛入味好吃。另外我又加點了雞軟骨串（$48 for 2），這個雞軟骨有點烤過頭了，頭幾顆有點烤焦了，好在後面那些還可以，但老實說$24一串有點貴啊！主菜之一的刺身四點盛，分別有三文魚、吞拿魚、牡丹蝦和帶子。刺身是非常新鮮的，魚刺身都幾厚切，吃得出是有質感的日本產物，甜而沒有冰渣；牡丹蝦肉身豐滿而粘稠，咬下去還有些蝦肉黏在口舌上，鮮甜的味道得以放大和持久。不過刺身只有四塊，份量確實算輕食。相比刺身，我更喜歡第二個主菜香辣大虎蝦，虎蝦被一分為二，蝦肉上抹上了辣椒、蒜頭磨成的調料。蝦肉皎潔雪白，吃起來是鮮蝦味道，而且那個調料非常下飯，就著辣椒，我吃了起碼半碗米飯。說說這個米飯，飯的口感柔軟但不爛，口味甘甜有米香味，就算稍稍