ASOK THAI CAKE

Open Now

Now Closed

之前食過泰國菜餐廳Asok Thai Garden副線蛋糕店Asok Thai Cake嘅造型蛋糕，好似椰子蛋糕🥥泰式綠茶蛋糕等🍵外形好像真，味道都幾有驚喜，留下深刻印象🥳而家佢哋仲有超像真水果造型蛋糕，好似草莓、芒果、番石榴、榴槤蛋糕，造型同真嘅水果似到十足十🤣一於要再encore試試佢。蛋糕店除咗的的骰骰嘅單件裝造型蛋糕，大size嘅蛋糕都有，自私食或者買嚟做生日蛋糕都一定開心🥰🥭芒果慕絲麻糬蛋糕 $78完美還原新鮮芒果嘅模樣，真係幾可亂真👏🏻👏🏻粒粒看似鎅開嘅芒果粒其實係芒果慕絲，食落軟滑，芒果嘅天然酸甜味超級突出😋底下仲有蛋糕同埋麻糬，麻糬煙煙韌韌好chewy，配蛋糕及芒果慕絲食好夾👍🏻🧋泰式奶茶慕絲蛋糕 $55呢款雖然無特別造型，但味道有驚喜😆食落係好絲滑、好幽香嘅泰式奶茶慕絲😻裡面仲包住兩層蛋糕增添口感。推介指數（10分為滿分）：8分

Asok Thai 除咗泰國菜，原來開設咗甜品品牌～作為香港首間泰式甜品店，供應多款水果造型蛋糕，件件賣相都相當精緻好打卡！📸💛榴槤慕絲麻糬蛋糕 ($88)呢個榴槤造型嘅蛋糕做得好cute😍而且size都幾大個，可以兩個人share食～榴槤味道突出，入面有大量嘅榴槤mousse，口感creamy，仲食到少少榴槤果蓉🫶🏼底部係海綿蛋糕，而蛋糕中間加咗麻糬，令口感更煙靭🥰🥭芒果慕絲麻糬蛋糕 ($78)呢款芒果造型嘅蛋糕就冇榴槤嗰款咁大件，不過像真度都好高好逼真，外型、顏色都成個真芒果咁🤣芒果味香甜濃郁 ，聞到陣陣芒果香氣🥰同樣都係加咗軟糯嘅麻糬，多層口感好豐富，有啲似食緊芒果糯米飯！總結：幾有創意，仲好有泰國特色🇹🇭

行開中環街市，經過呢間餅店幾吸引，就揀左兩件蛋糕試下泰國青檸士多啤梨慕絲蛋糕 ($52) 蛋糕味道好清爽，酸酸甜甜好清新。裏面再夾左層果蓉，令到口感同味道都更加豐富。泰式奶茶慕絲蛋糕 ($55)泰式奶茶出名好甜，蛋糕保留左泰式茶嘅香，但又唔會死甜，所以即使唔太好甜嘅人應該都會鍾意呢款蛋糕。 兩款蛋糕嘅慕絲比較厚實，唔會好甜膩。餅店都仲有其他款式嘅蛋糕，榴槤同椰青都好吸引，都好有泰國特色，去唔到泰國都可以食住件cake先  = Asok Thai Cake // 中環皇后大道中93號中環街市1樓121號舖 // 6015 2877 =

每次經過這間蛋糕店 都被他的蛋糕吸引蛋糕款式精緻 像真度高 選擇又多今次我買了之前沒吃過的甜品🍰 泰國青檸士多啤梨慕絲蛋糕 $52造型是一整粒士多啤梨淡淡的粉紅色像淡雪外層士多啤梨慕絲含有青檸味甜中帶點酸 味道酸甜清新內裡有士多啤梨醬加紅桑子醬和海錦蛋糕口感和味道都有豐富的層次🍰 粉紅番石榴乳酪蛋糕 $58平常我不吃番石榴但這款蛋糕造型的骰很吸引外層由番石榴果泥混合少量芒果果泥制成帶有天然番石榴香味 非常清香好吃內裡有鬆軟海綿蛋糕和乳酪酸甜開胃 很有驚喜...環境🏡 搬了位置 沒有了堂食座位 主要靠蛋糕吸晴服務👨🏻‍🍳 店員有回應衛生🛁 感覺乾淨 沒發現明顯污糟

早幾日慶祝朋友生日🎉就少少哋，買咗兩個蛋糕仔慶祝～朋友係榴槤控，就即管買個榴槤蛋糕俾佢😆佢超中意，個造型真係好可愛❣️🍰榴槤慕絲麻糬蛋糕榴槤味比想像中香濃，入面嘅mousse好幼滑，mochi 好QQ，口感唔錯！未食過榴槤嘅朋友都值得一試！🍰宇治抹茶斑斕麻糬蛋糕抹茶味香濃，冇咩cream，感覺完全唔Heavy👍🏻仲有好多可愛嘅蛋糕造型，好有心思🥰📍Central @ Asok Thai Cake

位於中環街市嘅Asok Thai Cake 接近行人天橋出口每次經過都會俾佢好靚嘅蛋糕吸引到今次終於試到啦 同朋友share食兩件 揀左兩件🍂宇治抹茶斑斕麻糬蛋糕抹茶味好香但唔會苦 麻糬份量適中唔會太多 好煙靭增加咗口感🍂泰國青檸士多啤梨慕絲蛋糕造型勁靚呀 初初都怕中伏 但味道真係好唔錯！ 唔會過甜 中間嘅士多啤梨果凍層又有啲似果jam好好食~平時見到咁靚嘅蛋糕會怕佢得個樣 但呢間味道真係好不錯 下次會再試埋佢嘅泰式奶茶味蛋糕！

餅店：Asok Thai Cake地點：中環街市菜式：泰式蛋糕，特別造型蛋糕餐牌：招牌原個蛋糕，切餅泰國青檸士多啤梨慕絲蛋糕 $52泰國青檸士多啤梨慕絲蛋糕造型十足一粒大大粉紅色士多啤梨，仲有綠色椗朱古力。切開有粉紅色士多啤梨滑溜慕絲包住果醬同少少海綿蛋糕底，味道清甜唔膩。芒果慕斯麻糬蛋糕 $78芒果慕斯麻糬蛋糕造型係一大片起肉芒果，栩栩如生。切開入面有海綿蛋糕底加上兩層芒果慕斯，好香芒果味，中間有幾粒麻糬。口感都好豐富。兩款蛋糕造型都一流，味道唔錯。外賣盒好精美，將兩件餅完全分隔開，仲有膠袋包裝木叉用。

有朋友仔生日，就諗住買個蛋糕畀佢。但係驚同朋友仔撞咗又唔想買大舊。所以咪想搵一啲細嘅同埋精緻啲嘅蛋糕仔。經朋友介紹就嚟咗中環街市。入到嚟覺得好好行，有好多食肆同埋酒吧。跟住長期仲有一啲展覽😳朋友介紹嘅蛋糕店係一樓，叫asok thai cake。佢入面啲蛋糕一望落去已經非常精緻。同埋估唔到蛋糕店都要排隊買😱😱😱最後我揀咗個泰國青檸士多啤梨慕絲蛋糕。係整到成舊士多啤梨咁嘅。佢連個d一粒粒黑頭都整到係度。咬落去層次分明非常好食。下次再買生日蛋糕都會過嚟😍

朋友勁中意食榴槤，見到生日我地就買左個榴槤麻糬慕絲蛋糕慶祝。呢個款款蛋糕造型非常可愛，有原個榴連，椰青，芒果，士多啤梨等，細細件可以同朋友分享，有不同尺寸可以選購。呢個係四吋蛋糕，一切開榴槤味道極濃郁，麻糬煙煙韌韌，榴槤慕絲入口口感幼滑，完全無油膩感，中意食榴槤嘅朋友唔可以錯過。最後見到可以自選動物造型水果戚風蛋糕，好可愛，可以揀唔同動物，唔同尺寸，唔同水果，真係滿足到好多人。下次我都試下自己訂造先。

這天在中環街市逛市集時想起附近有間一直都想試的蛋糕店店裡的蛋糕造型精緻有些款式還帶有泰國風情☼如椰青、榴槤和芒果🥭🥥🌴這次先買了兩件來試試⟡‧₊泰國青檸士多啤梨慕絲蛋糕($52)蛋糕慕絲將士多啤梨與青檸兩者完美結合裡面有紅桑子果醬酸甜平衡得剛好底下還有一層薄薄的海綿蛋糕♥⟡‧₊宇治綠茶斑斕麻糬蛋糕($62)蛋糕層次豐富綠茶斑斕海綿蛋糕中夾着煙靭的麻糬蛋糕外層覆蓋著絲滑的抹茶cream輕盈而不油膩蛋糕更散發著淡淡的茶香❁

Asok Thai Cake地址: 中環皇后大道中93號中環街市1樓121號舖=====================呢間asok cake 蛋糕好靚，而在中環街市有分店，見到造型可愛顏色吸睛的蛋糕，當有女閨蜜生日訂一個，見到都會超驚喜開心，影相一流。蛋糕口味混入了泰國風味原素，今thai lime and strawberry mousse cake ，淡淡青檸酸香平均，好cute 泰奶mousse cake ，好茶香，mousse 滑#life #foodie #dining #cuisine #instafood #traveller #restaurant #吃貨 #手機食先 #foodpic #foodig #美食 #dinner #香港必食 #香港旅行 #foodinstagram #delicious #yummy #foodgasm #foodporn #必食推介 #keto#lchf #生酮 #followforfollow #好去處 #igable #假日好去處 #打卡 #呃like #asok

男朋友話今日要同我來一轉港島美食之旅，第二站係中環街市一樓嘅“Asok Thai Cake”，佢話同事介紹，d蛋糕咁靚，就已經夠我有排打咭喎🤭⭐️泰國青檸士多啤梨蛋糕士多啤梨造型嘅蛋糕😍，個底有一少層海棉蛋糕，個心係由士多啤梨肉打成蓉，食得出濃濃嘅士多啤梨味同有d士林啤梨籽喺入面，仲有一陣青檸味，而個面係士多啤梨味嘅慕絲，味道好fresh，好清爽，好好食😋⭐️榴槤慕絲麻糬蛋糕榴槤最外面薄薄一層，入口即溶，甜甜地，再入一層係榴槤味嘅慕絲，仲有d海棉蛋糕，最入面係麻糬，好軟滑，仲有一陣椰香味，好出色，好好食🤤

星期五諗住happy friday，想係公司chill 下，行過中環街市，見到間好精美既蛋糕，決定買黎試下。榴槤慕絲麻糬蛋糕，慕絲好鬼滑順，榴槤既香味好人鼻，蛋糕入口即溶。芒果慕絲麻糬蛋糕，好鬼清新又爽口，果d芒果既酸甜又爽口，再搭配埋麻糬既綿密口感，帶來一種好愉悅既食物體驗。椰子慕絲造型蛋糕，個椰香好鬼濃厚，d口感又細膩。泰國青檸士多啤梨慕絲蛋糕，好清新又怡人，佢既青檸酸爽又帶出果味既層次感。泰式咖啡提拉米蘇，咖啡香濃，層次豐富，融合左泰式風味。

🍰 Asok Thai Cake今天我來到中環的Asok Thai Cake，這裡的榴槤造型麻糬蛋糕真是令人驚艷，售價$88。這款蛋糕的內層包含榴槤果蓉、麻糬、榴槤慕絲和海綿蛋糕，雖然不清楚具體的榴槤品種，但果肉飽滿，口感絕佳。剛剛剖開，第一口就被濃郁的榴槤味所征服，香氣四溢，讓人不禁一再回味。🥭接著品嚐了芒果造型蛋糕，價格為$78，內含芒果蓉、麻糬、椰子慕絲和海綿蛋糕。這款蛋糕的外型設計精緻，恍若一朵盛開的芒果花。每一口都能品嚐到新鮮的芒果肉，彷彿在享用一份清新的布丁，而椰子慕絲的味道更是獨特，仿佛在品味濃郁的芒果糯米飯。🍧整體而言，Asok Thai Cake的蛋糕不僅造型可愛，口感也極其出色，絕對值得一試！👍Asok Thai Cake 中環皇后大道中93號中環街市1樓121號舖

經過中環街市，又諗起呢間蛋糕店～即刻買咗個四寸蛋糕返屋企食🤤🔸椰香芒果麻糬蛋糕芒果味好濃，但又唔會太甜～中間一層芒果慕絲，一層係麻糬，麻糬唔會太硬，食落好軟熟 仲可以拉開變絲！啱晒我呢啲麻糬怪🤣底層係蛋糕，成個蛋糕唔會太漏，四吋啱晒兩個人share！除咗芒果麻糬蛋糕，蛋糕櫃亦都有其他造型嘅蛋糕，全部賣相都好吸引！另外應該因為就快中秋節，見到佢都有麻糬月餅🤤🤤Asok Thai Cake地址: 中環皇后大道中93號中環街市1樓121號舖