Asobu Bistro (Closed)

今日黎黃埔就係為左食佢。見到新假期嘅報導同介紹，忍唔住就想黎一睹佢有幾把炮。舖頭好細間，十二點半黎到已經坐左九成人要食真係要早啲黎，否則真係有排等呀。午市係比較平，價錢喺中上位。午餐送一杯熱飲，凍飲加3蚊。如果趕時間，真係要考慮一下食唔食，因為出餐時間慢架，我都等左十五分鐘。我叫左C餐吉列豬扒熔岩蛋包飯。餐廳入面仲教埋你點食，所謂三步曲，就係要開舊蛋等蛋漿流出黎同埋咖哩汁撈飯一齊食。我覺得不過不失啦，又冇咩大驚喜。整體黎講係好味！不過舖頭太細，坐得唔係好舒服。如果再去幫襯，我諗機會比較微啦。…Read More

老友係蛋包飯迷 呢次同佢黎食呢間網上好評甚多既小店黃埔站通車 方便左好多5點45分就到 太早未開鋪 行左附近既商場一陣 6點20分返黎 已經見到門外已經排左四五位客人 門口放置左菜單俾排隊既人參考6點半準時開門 門外既人龍啱啱好坐滿呢間鋪仔 老友揀左 燒鰻魚蛋包飯 $118我就揀左 豚肉蛋包飯 $78 +$12 連沙律再加 半價$11 凍柚子蜜柚子蜜落得好足 夠哂味道沙律配胡麻醬 簡單清新旁邊既小食 分別係煙三文魚、車厘茄、飛魚子連餅乾一齊食 唔錯 一式三款有d心思鰻魚size幾大上面加左少少柴魚呢款既飯底有加燒鰻魚既醬汁同其他款既飯底略有不同我既豚肉蛋包飯係配咖哩汁第一啖就試左咖哩先一開始有d似日式咖哩磚煮既咁 甜甜地但後段係勁濃既香料味 呢種唔係鹹 係重口味重口味到唔好食 食完餐飯 d汁仲有一半無食到蛋包切開後 慢慢流出蛋液 賣相吸引 食落相當滑嫩 有d奶味但係我同老友都覺得個蛋調味重手 鹹左d 飯底雖有一粒粒既蔬菜 無咩味原意應該係想突出個蛋既味道... 可惜...薯仔索哂d咖哩汁既味 超鹹！豚肉軟淋 煮得入味 食落有d似豬軟骨係碟飯唯一滿意既野所以我碟豚肉蛋包飯咖哩汁重口 蛋又鹹左d 即使同飯一齊食都太重口喇期望愈大 失望愈大:(蛋包制作技巧的確出色但整體味道唔平衡 有待改善趕唔切食第一輪既客人都要係外面排隊無留意店員有無俾號碼佢地呢間餐廳出菜比較慢相信係因為要整出靚靚蛋包但變相外面既人要等好耐先至有位我食緊飯嗰陣想同外面既人講：「呢個味道未值得令人等45分鐘 甚至1個鐘」…Read More

成日都見到網上既片段,  日本有所謂既正宗溶谷蛋包飯, 相信好多人見到後都己經留下深刻印象!地鐵就通車, 網上就不斷講解下紅磡黃埔有咩好食! 所以就專程放工後黎試下!鋪頭唔太, 10幾20個位左右, 雖然食日本野, 但門口既裝修係行歐陸風格雖然見到人地個原條鰻魚又好似好正咁, 但最後都係決定食照燒雞扒熔合蛋包飯!! ($78)賣相唔錯, 照燒雞扒伴既蕃茄汁仲見到新鮮蕃茄, 只不過個汁真係調得甜左少少切開左之後熔岩就流出黎啦!!! 賣相十分吸引!熔岩蛋滑就一定架啦! 但係估唔到個雞扒都一樣做到咁嫩滑, 專登影一舊俾大家睇下*唯獨把刀既關係, 唔可以好順利咁一下切開等佢分開兩邊流出黎, 要斷斷續續咁切開, 再慢慢反開兩邊但總括而言都十分誠意推介大家去食!!!!!…Read More

差不多九點多，我沒有想過，這類還是全滿。可能大家都像我一樣，想尋找一下完美的蛋包飯。 聽說了紅磡有間出名的蛋包飯，那個我說了很久的七彩蛋包飯。我告訴了，蛋包飯是可以很糟糕的，在大阪那個什麼北極星，說什麼是蛋包飯名物，又點排點排，我食完只能挑那星。那個蛋包乾身，醬汁奇怪，吉列蝦冇乜特別，我唔明點解咁特別。 自從我吃完後，一路講起蛋包飯，我就想起挑那星。所以我一直好想尋找那令我改觀的蛋包飯，沒有去到那有名的生原創，我來到了紅磡的asobu bistro。經過大阪挑那星的經歷，多人不一定好，這是肯定的。多種不同套餐，有豬有雞有芝士有鰻魚有野菜應有盡有，最後，我選擇的是吉列豬扒熔岩蛋包飯，最重要是那個蛋包飯。先叫個小吃，我想食下佢嘅吉列蝦，這個乾身又香口，蝦肉就算冇特別肥膩之餘，還要十分爽朗，點點沙律醬，是那麼精彩的滋味，不過，唯一不好的是價錢有點貴，但至少吃完沒有嘆笨。 然後是那個吉列豬扒熔岩蛋包飯，這個是今晚的主角，我快樂得叫女友幫我拍過video。我最喜歡是割開那刻，令人十分高興，就如男人為女人除下吊帶那刻，看著豐滿的身材如看到那滿滿的蛋包飯般，特別是在很細小的餐廳打開那蛋包飯的一刻，有著那第一次的回憶，通常在細小的房間送出那第一次，怪不得我在這餐廳打開蛋的那刻，我想起了游小姐，我想佢一定感同身受先會話冇地方扑野，如果佢同我食飯，佢會不會再一次想起這社會話題。 那蛋醬濃濃和蛋包的甜是勝過挑那星好得多的，那個蛋醬是好juicy 又充滿水分的，那蛋醬點上那些粒粒煙韌的飯，令我滿足得很。然後，你要知道吉列豬扒下面的咖哩汁又係香氣四射，你配合那些蛋醬，蛋包皮和飯夾上不同的化學作用，你可以有最少三個不同種類的美味，蛋汁飯，咖哩汁飯，咖哩蛋包飯，那個享受是毋庸置疑的。吉列豬扒是另一亮點，那個豬扒煎得香，皮薄肉靚，那些豬扒又不會太肥，然後配上咖哩汁又是絕對服從的。 說真，呢個吉列豬扒熔岩蛋包飯同頭先吃過的北極星好很多，至少，我碟飯食到一粒到冇，我直頭想叫多個飯來送那些咖哩汁或任何有剩的蛋醬，當然，這裡你吃完不用挑那星。 如果你和我一樣，北極星後能遇上好的蛋包飯，感動是必定的，還要在香港遇上更加難能可貴，相信我，來吃一下應該不會失望，不用挑那星。當然，生原創我還是會再期待的，如果你和我一樣未必會去香港，來紅磡先吃一下吧。 Asobu Bistro 紅磡德民街29號德民大厦地下D3號舖…Read More

我未試過咁樣鬧一間餐廳但佢真係激嬲左我我地等左個幾鐘 佢先叫得4張台 我地等5分鐘再行過去問 佢話叫到40幾話我地過左號碼 同埋冇晒飯就咁叫我地走 我真係嬲到一個點有可能咩？我7都唔信佢5分鐘叫到40幾囉…Read More

位於紅磡既一間小店,舖面勁細,有D迫第一次食熔岩蛋包飯係有D緊張叫左呢個燒鰻魚熔岩蛋包飯.睇個名都覺得好爽了佢係即叫即整,所以我都等左好耐先有得食等得都幾耐,都有成15分鐘終於等到喇,睇見都流口水呀個鰻魚係非常肥美店員會叫你自己切開佢個蛋,好好玩咁,佢蛋仲識震個蛋份量太勁了熔岩蛋非常滑.但覺得食完有d濟..如果兩個人share食一客會好d…Read More

這天工作特別多事，事情令人很無奈又生氣，算了，萬事總會如煙般過去，下班了就別想，還是想想去吃什麼東西補償一下自己吧。今天晚上，朋友都沒空，只有我一人吃晚飯，想來想去，我選了心儀已久的這間人氣蛋包飯ｃａｆｅ。說實在，我可算長途拔涉來吃這蛋包飯的，回家的路，是從西鐵一端搭到另一端尾呢，但我的性格就是，想做便去做，少來紅磡也有好處，有新鮮感嘛。晚上七點半來到，已經有些人等位，果然人氣十足，又可能明天放假的關係吧，等了大概２０分鐘才進場。在門口等位，是有點難受的，這裡設計是冷氣機散熱就在門口位置，所以門口等位是特別的悶熱。就趁等位的時間，想好自己要吃什麼，入座後便節省大家的時間了。店內有人氣排行榜，可稍稍參考一下。其實我本來想吃豚肉蛋包飯的，可惜賣完了，於是改吃鰻魚。本來我不打算吃這＋＄１２的小食拼盤，但我想喝東西啊，要光顧小食盤後，飲品才有半價，即是要硬食了。小食包括沙律菜、蕃茄餅、煙三文魚餅、魚子沙律餅，沙律菜用上芝麻醬，略嫌菜未夠爽脆，旁邊三塊餅倒是夠脆，配上不同料亦各有特色。等待蛋白飯大約要２０分鐘，有這小食消磨一下時間，也是不錯吧。凍朱古力奶$18 (半價後)本來是叫了熱的，來了凍的也就算了，店員要又顧排隊的人，又要顧落單、出菜、埋單，只有兩個人在店面，的確特別忙，體諒一下別人，別讓人麻煩了。凍朱古力配上幾粒棉花糖，看上去蠻有心思，試試味道，出奇的濃，在濃厚的質感味道中，還夾雜微細的朱古力碎粒，這杯朱古力令人很有驚喜！出色！鰻魚蛋包飯＄１１８終於來到今晚的主角，千呼萬喚始出來！看上這個蛋包飯，原因是之前見過大阪一間神級蛋包飯店的影片，而這一間做到的蛋包飯，樣子有八成像大阪那間店，在香港也能吃到大阪名物，當然要一試啦。上碟最底是飯，然後蛋，最頂是鰻魚，鰻魚放在蛋上，稍稍有點影響了蛋的外觀，畢竟鰻魚很重，墜下的力度令蛋有點變形，即使盡快將鰻魚拿走，也未必拯救得了。看了影片想像著，從中間界開一刀，幻想著完美分開兩邊，露出流心的中間部分，現實是刀子不夠鋒利，未能一下到底切開，就斷斷續續的切，小心奕奕的把它向兩邊揭開，就變成真正的蛋白飽，還算成功吧。用的蛋量似乎很多，半流心的狀態也是很吸引，味道方面，蛋汁該已事先落了醬油調味，個人覺得稍稍有點咸，質感是十分滑溜，濕潤，充滿蛋汁，亦有蛋香。至於飯方面，沒有炒過，但混入了少許煙肉、洋蔥、青豆，口感比較豐富，有些鰻魚醬汁甜甜的，和蛋一起吃很夾，完美配搭。令平常不愛吃飯的我，不知不覺間，幾乎吃光一碟，而且完全不用擔心吃到尾會不夠蛋，蛋量夠多，由頭吃到尾呢。至於鰻魚，是比較有質感的，也有少少骨，鰻魚在出色的蛋包飯下，變成了陪襯品了。這個蛋包飯，令人吃得很滿足，也的確暫時在香港，找不到同類的第二間。吃飽慢慢走回紅磡站，沿途見到不少吸引的美食小店，紅磡似乎是在元朗以外，特別多美食小店的地方，住在這邊的人蠻幸運的。…Read More

上次路經幫襯過位於紅磡既一間小店，因為佢既熔岩蛋飯非常好味，所以上次都點熔岩蛋飯，不過今晚試試新口味，點左個雞扒蕃茄湯烏冬試下，都冇令我失望。前菜:日式沙律芝麻醬香口，配新鮮車厘茄同生菜，好fresh 仲有個醬會令我好開胃。雞扒蕃茄湯烏冬一睇個湯底既色水，就知道蕃茄味勁濃，一飲個湯，就知正，蕃茄味好香濃，仲係真材實料唔係溝茄膏果種呀。烏冬彈牙，由於係用左手打烏冬，雞扒煎得好香脆，加上蕃茄湯，味道剛好，食完都唔覺得好囗渴，真．蕃茄湯底! 雖然店面比較小，但食物竟然無乜馬虎，以後除左熔岩蛋又可以多樣選擇。…Read More

呢間一直on my list好耐～ 今日終於有機會試下出名既蛋包飯～未夠七點半黎到⋯門外已經有七八個人等緊～先入去攞飛～ 等左十五分鐘到⋯由於前一個籌未齊人⋯益左我地入先😛😛 (一定要人齊先入得架!!)舖面勁細⋯只係坐到十五六人到⋯仲係好逼果隻～ 原來除左蛋包飯⋯仲有好多其他野食～焗飯⋯咖喱飯⋯pasta⋯all day breakfast等等～ 第一次黎梗係食蛋包飯！基本上個個都係食呢樣～ Dinner加12蚊可以有埋沙津同前菜～ 我冇食⋯所以comment唔到～ 我嗌左咖哩吉列豬扒蛋包飯～ 好似係最多人嗌既第2位～ 落單前偷窺到人地個蛋包飯係炒飯底⋯有洋蔥係入面⋯由於我唔食洋蔥⋯老闆娘就話可以轉白飯底～ 好大個蛋舖係飯上面😍😍😍 郁下隻碟隻蛋會震騰騰架！急不及待攞刀𠝹開佢～ 好薄好薄既蛋皮入面包住未熟透既滑蛋😍😍 試一啖先～ 好滑好滑～ 充滿蛋香～ 應該加左牛奶去煮⋯有微微既奶香～ 好食😋😋😋 咖哩甜而不辣～ 豬扒炸得表面香脆～ 肉質結實但唔鞋口～ 略嫌薄身左少少～ 朋友嗌左豚肉蛋包飯～店主有掛出最多人嗌既十大～ 呢道係榜上無名既🙈🙈🙈 但我覺得豚肉好食過吉列豬扒！豚肉煮得好稔！一咬就散開～ 佢本身既肉汁再加上滿滿既咖哩汁～ 味道比豬扒更好！點解會冇人嗌架？🤔🤔食物方面係好食⋯但我覺得定價稍為高左少少～ 份量其實幾大～ 同埋可能係蛋太濟既關係⋯食左大半已經勁飽☺️☺️☺️環境方面除左細⋯冷氣都唔太夠～ 雖然加左風扇⋯但可能人太多又細既關係⋯食到尾都覺得有d焗🙈🙈間舖係附近黎講應該算受歡迎～ 出面keep住有人等位～ (定因為佢細？！？) 想食要預少少時間等下😉😉…Read More

聽朋友講呢個熔岩蛋好耐，終於有時間去試試。餐廳比較細，10幾個位同埋都坐得幾密。為左食野，唔理咁多。基本上眼見人人都點熔岩蛋，我估大家都衝著呢個而黎。我揀左個蛋係配咖哩飯，記得好似仲有得揀配蕃茄汁，又或者可以配麵。我要既係日式豚肉熔岩蛋，個蛋單睇賣相已經好吸引。餐廳貼左張熔岩蛋三部曲，好清晰教你點食，我當然好乖跟實。先係蛋係中間介一刀，再左右反開，俾啲蛋好似熔岩咁流出黎，好想讚個蛋，真係整得好滑好好味道，食既時候完全冇覺得太生既感覺。配既係日式咖哩汁，濃濃咖哩味好香，甜而不辣。豚肉煮得夠林夠入味。蛋好似好容易煮，但我一路食一路同朋友研究點先可以整到咁好味道，最後既結論係，想食不如再黎食啦，哈哈。另外我叫左個日式炒雜菜，有茄子、蓮藕、青紅椒、西蘭花等，不過份量多啲就好。…Read More

一落堂非常肚餓，馬上沖去德民街搵野食，見到餐廳門口人客不是太多，就去試試吧。晚餐餐牌。餐廳特飲。橙+柚子+薄荷葉。味道清甜開胃，酸酸的柚子和橙感覺夏日清新，薄荷葉更是夏天的好朋友，入口清涼馬上降溫不少。吉列豬扒熔岩蛋包飯。切開雞蛋蛋漿非常豐富，蛋味濃郁誘人，流心效果極高。雞蛋份量非常多，炒飯底的飯更是多頂份層次味道，有青豆、煙肉等配料，日式咖哩汁香口滋味，帶輕輕辣味但也不算太辣，甜味較多。吉列豬扒肉質結實不算太乾身，炸得脆口不油膩。…Read More

朋友介紹話呢度食既奄烈唔錯，我抱住半信半疑心態黎試，始終認為奄烈可以好食得去邊。前菜係沙律，配蟹子，蕃茄同三文魚餅乾。沙律就普通，幾樣配料配餅乾都襯味，而三文魚係煙分過，食左前菜係幾開胃。我最期待既奄烈黎啦，餐廳叫佢做熔岩蛋，原來有原因既，輕輕將奄烈外皮一界，裡面既蛋就好似熔岩咁洪荒之力地瀉出黎，用洪荒之力無誇張到，因為外皮好夠薄，而奄烈餡係超多既蛋。味道係好充足既蛋味，加上少許牛奶味，令蛋中蛋係好滑溜，鍾意食奄烈或炒蛋既係岩晒口味。而吉烈豬扒就炸得好乾身，炸皮唔厚，肉夠嫩，配日式咖哩汁又可以有另一番味道。…Read More

間中去黃埔睇中醫 我自己都會周圍搵食 今日經過一間熔岩蛋小店 望入去都幾多人 小店細細 坐滿曬人 我羊群心理 決定食埋一份。照燒雞扒熔岩蛋飯配鮮茄醬*雞扒唔會太肥膩 亦唔會太乾 如果雞皮脆d仲正。鮮茄醬酸甜適中 真是用新鮮蕃茄煮 唔係用茄汁 幾好。重點是熔岩蛋* 鮮黃色 賣相不錯 店員溫馨提示 在中間輕輕𠝹一刀 嘩 半熟蛋即刻向兩邊流出來。牛油味好香 熔岩蛋好滑 撈飯真是一流。配埋鮮茄醬一起食 yummy!脆炸雞翼餃子*炸得幾香脆 不過雞翼略為肥 餃子餡料主要係豬肉。小嚐三件 不錯。我覺得熔岩蛋真的可以翻兜 鐘意食蛋的粉絲必試。…Read More

紅磡一向多美食，今次試試熔岩蛋包飯先來一個前菜，三塊脆餅上面分別係煙三文魚、蕃茄乾同明太子醬，味道唔錯，幾特別既，仲有芝麻醬沙拉，加$12 跟餐前菜，兩個人都係加一個算喇之後就係鰻魚熔岩蛋包飯配照燒汁，望落去唔覺得有咩特別，但一切開，超多蛋汁瘋狂湧出，熔岩蛋非常滑，蛋汁撈飯係一流！鰻魚都冇令我失望，非常肥美老公叫左咖喱豬扒蛋包飯，日式甜咖喱唔辣嘅，豬扒好脆好juicy! 肉質鮮嫩，大大碟，豬扒都有八九件啊跟左一個餐，一杯野飲可以半價！叫左紅豆奶茶，半價＄14姐，超多紅豆蓉同奶茶非常夾！奶茶好香茶味好滑！係有驚喜嘅鋪頭細細，但係同事都好親切，有人情味嘅一間鋪頭，可惜都有啲貴，埋單每人都要130幾…Read More

星期六中午和太太到此店搵食，主要是版泡心奄列所給引。所以便打升算一試， 如果以其他的餐食流心奄列，呢一間都算不貴。先講返自己弓了什麼。中午時份, 我自己就叫了一漢堡奄列配咖啡汁 + 熱飲 (約$78 沒有加一)等候時間, 真心如果你趕閣下趕時間就要考慮, 因為一個飯都差不多要等15分鐘以上, 可能是一廚房, 要耐心等候。因為亦會發現其他食客也會追問幾時煮好。地方就真的很細, 所以食飯動作不要太大。但內裡設計幾有心思。等待食物同時, 也可以看看周邊。食物終於到了, 馬上試下流心效果, 用刀尖由上而下切開, 果真有流心效果,正啊!視覺效果就有滿分, 之後就是味道, 當配上咖哩, 味道不錯。但食下去的咖哩應該是用上日本咖哩磚煮成的。所以對於咖哩沒有好不好評, 就是可以。漢堡就比較乾身, 口感不算juicy, 不會太鬆散, 尚可接受。整體來說可以一試, 但個人未必會再試, 因為主要食流心奄列。沒有其他食物推介。…Read More