Ask (Moved) New Location

呢日我就約左同事們係離開中環office之前去試下其他新野，順便搵啲靜啲既餐廳傾下計。我地去開去茶餐廳都會經過呢一間，佢個價錢比較高，所以就冇去過，點知原來真係幾好食。佢既daily special係青蘋果大蝦意粉，我地都不約而同叫左🐒你睇下個擺盤幾靚。個蝦好爽，意粉煮得啱啱好，唔會太軟身。最令我驚喜嘅係佢哋嘅飲品，我哋嗌嘅每一杯朱古力，佢哋都會用鮮奶泡沫拉花，仲要個個都唔同款添。我就叫左一個棉花糖夾朱古力，佢嚟到嗰陣我真係嚇親，邊有可能會有咁多棉花糖架，好邪惡呀！

呢間 我會推介佢既環境 真係有都市中綠洲既感覺 : )身處工作地區 有個小角落比自己放鬆下都係好重要~由於佢價位都算高, 我只係叫左一個最頹既選擇所以唔會分享太多有關佢既食物...lol可以睇睇佢lunch既價位:如果價錢唔係問題既話 其實應該試試佢既飲品不過因為錢係我地既concern T___T 所以午餐淨係叫左碟飯...不過店內環境真係佈置得幾靚架~可惜外面既景色有d剎風景XDD再黎睇睇我叫既頹飯XDDD日式照燒雞扒(可選豬扒)加火腿(可選餐肉/腸仔)煎蛋飯 $68其實都係不過不失~ 唯一特別既係我第一次食炸既照燒XD另外睇埋我同事叫既:日式咖喱雞扒(可選豬扒/漢堡扒)飯 $58甜咖喱都幾好味~ 不過又係好熱氣既炸雞粒...加最普通既飲品(熱茶/咖啡)要加$8先有.... 我地無加到.....食環境, 食環境~~~

屋企附近新開的cafe，啱哂我呢d weekend鍾意飲咖啡的～睇餐牌，咖啡嘅種類唔算多，standard嘅mocha/cappuccino/latte都有，但無我鍾意嘅hazelnut或caramel～ 所以叫咗杯latte，ok，但不算太香～2:30PM開始有下午茶，望下個餐牌冰鎮鮑魚$55，未肚餓住同好奇之下因少見tea set cafe有鮑魚，所以叫咗呢個小食，算彈牙，個汁配得都好味，但送到埋黎見到個size同望餐牌有一段距離，係我自己太大期望，哈哈～老公叫咗個all day breakfast $98，好足料，有哂所有要嘅野～ 薯餅好脆，腸仔/煙肉/scramble egg ok，牛角包如果可以鬆脆會更好～PS. 題外話，餐廳播嘅歌好啱我聽