AnyMomentCafé

Open Now

Now Closed

喺旺角搵到一間食得又玩得嘅樓上Cafe，呢間AnyMomentCafé提供多款Board game，店長亦好好人，會推薦有趣嘅Board game比客人玩～✨秘製咖喱炸雞扒飯炸雞扒外脆內嫩！秘製咖喱味道香甜，好重椰香味，用來撈飯一流～✨韓式牛肋條飯韓式牛肋條肉質軟腍，韓式嘅醬汁令到牛肋條嘅牛味更加突出！餐廳亦好有心思，仲會將飯團整成唔同嘅可愛動物造型～✨八爪魚卷拼餃子八爪魚卷同餃子炸到金黃酥脆，配搭泰式甜辣醬更加滋味～✨特濃朱古力充滿香濃嘅朱古力味，重點係甜度剛剛好～

今日Happy Friday，同同事嚟到呢間board game Cafe玩吓game食吓嘢吹吓水，餐廳假日同假日前都幾滿，如果Walk in有機會有排等，所以確保有位可以打電話book枱!卡邦尼三文魚意粉意粉同煙三文魚嘅份量都好大份，男仔都夠飽，入面仲有一塊塊煙肉食落好脆，鹹香可口，增加咗口感，而忌廉汁味都濃郁韓式牛肋條飯牛肋條一放落口，肉質軟腍，非常入味。同老闆傾偈，得知佢每日都花差唔多兩個鐘去熬製牛肋條，果然時間反映味道，而碟邊仲有鴨仔同恐龍造型嘅飯團，超可愛，打卡一流瑞士雞翼用咗好多時間淆制既滷水去煮嘅瑞士雞翼，雞翼肉質軟嫩，調味不是只流於表面，食到中間嘅肉都食到嗰陣滷水味養生茶、士多啤梨朱古力奶昔養生茶係餐牌搵唔到㗎，包括養聲茶、美白茶、補血茶、降壓茶，有需要可以向老闆查詢，天氣而家反反覆覆，氣管麻麻哋，就叫咗養聲茶，見到入邊有唔同食材，肉眼望落有雪梨片同各種花蕊，飲落清甜回甘。另外叫咗杯士多啤梨朱古力奶昔，奶昔唔會太甜，朱古力味偏重。

尋晚黎左呢間朋友推介嘅無限時樓上cafe，匿藏於登打士街小巷中，提供各式各樣boardgame，cafe由店主一人經營，作風低調，但對食物製作充滿熱情，堅持以自家調製嘅醬汁同煮法，將最好嘅味道同口感帶比食客，真心feel到店主嘅用心，好值得支持🙌🏻同店主傾計講開原來cafe已開業近20年，真係好難得！韓式牛肋條：店主特意堅持以較繁複嘅步驟烹調，包括煎、焗、炆，對比出面一般只用炆嘅方法，呢個牛肋條咬落口感相對實在，同時又保持到內裏肉質軟嫩，唔會成舊過腍變到唔似肉嘅口感咁。而且牛肋條嘅汁都係店主自家調整嘅，炆至入味，係甜辣交融嘅味道，極之好食，仲勁岩撈飯tim!拿破崙肉醬煙鴨胸意粉：採用新鮮蕃茄調配嘅肉醬，食落好開胃。煙鴨胸至少有6-7舊，肉質細膩，覺得份量好足，性價比真心高。就連沙律菜個汁，都係店主悉心調製嘅，有黑醋嘅芳香，但醋酸度細膩地調低，令到味道更加柔和。Overall幾欣賞呢度啲野食同店主嘅用心，即使係一腳踢，但出菜速度都好快，味道又有水準，隱世小店真係值得多啲人認識。

同朋友約喺旺角食飯想搵個地方可以坐得耐啲所以book咗呢間樓上Cafe又有好多board game可以玩本身對樓上cafe食物唔太大期望但今次真係喜出望外份量大、真材實料、即叫即整🔸韓式牛肋條一上碟有驚喜，因為個白飯係一隻熊仔造型，超cute，牛肋條韌度適中，煮得相當入味🔸肉醬煙鴨胸意粉好少餐廳有鴨胸菜式，所以呢款必試，有好多塊鴨胸，意粉都幾彈牙🔸芝士薯條係最鍾意食嘅粗薯條，上碟時都熱辣辣，仲有一大pat 溶咗嘅芝士醬，食到停唔到口🔸凍朱古力老闆話杯朱古力係用黑朱古力整，飲落唔會好苦，個味道啱啱好，喺冬天飲朱古力特別滿足下次一定會約多幾個朋友一齊上嚟，一邊食嘢一邊玩game，又無限時間，依家好難得，同埋食物有party set揀，會比散叫更加抵呢間Cafe需要電話預約，免得full booking無得入

週五晚上下班後想找一個無煙空間玩玩桌上遊戲一進店裡就像進入了海底世界，以簡約的家作主題沒什麼華麗裝修但有殷勤的服務及親切的笑容牆上可愛的畫貼及詩詞，配上舒適的梳化，感覺溫馨韓式牛肋條飯甜鹹適中，配上兩個特別造型的白飯瑞士雞翼每隻大小相約，以自家研製醬汁烹調拿破崙肉醬煙鴨胸意粉鋪上很多芝士粉，蕃茄醬濃郁護肝花茶適合日常工作忙碌人仕，補充營養、消除疲勞香蕉奶昔新鮮製造，口感幼滑，有益腸道，更有減壓作用

今晚約咗個好耐冇見嘅朋友食飯敘舊，想搵個可以坐得耐啲嘅地方，佢就揀咗呢間樓上Cafe（我哋搵門口搵左好一陣子，兜咗成個圈，原來係喺呢條巷入去😂）一嚟到好有中學回憶🫢 勁多boardgame！👏🏻⭐️瑞士雞翼雞翼入味，好大隻❤️拿破崙肉醬煙鴨胸螺絲粉鴨胸份量足👍肉醬微酸，螺絲粉掛汁，幾開胃❤️韓式牛肋條飯牛肋條超入味！有少少脂肪，肉質腍滑，汁底帶辣，送飯一流😋❤️花旗參蜜糖茶⭐️曲奇朱古力招呼客人落單煮嘢食執枱全部都係老闆一腳踢😅 咁勤力抵佢儲落一班熟客仔！💪🏻平日夜晚黎到都差唔多坐滿晒，建議可以提早打電話book位☎️

今日同朋友去左一間無限時既樓上cafe☕佢位置有D隱蔽，喺轉角巷內既商業中心呢度由老闆一人主理, 店內有非常多既Board game 比大家玩, 仲要無限時 !同朋友食下野傾計玩下真係唔錯😍 不過店面唔大, 大家記得記得電話預約📞芝士薯條✨芝士醬由老闆親自調配, 香濃好味勁拉絲, 配埋脆脆既薯條好食👍🏾卡邦尼三文魚意粉✨滿滿既三文魚鋪滿成碟意粉, 意粉硬度岩岩好, 同醬汁好夾秘製咖哩炸豬扒飯✨將飯整成貓貓形狀勁吸睛😆豬扒炸得岩岩好, 唔會太乾, 咖哩好送飯🍛Cafe有多款飲品選擇, 我地揀左養生花茶, 呢度仲要可添飲呀！

香港已經少見有得邊玩住boardgame邊食飯既cafe寶藏都係收埋係唔顯眼地方，呢間cafe係登打士街小巷商廈樓上👍🏻👍🏻就係OK便利店對面，望到"世一兌換"就無錯了🤗一上到去已見到滿滿boardgame😍餐廳裝修有種家庭式感覺，令人覺得好親切同溫暖☺️老闆好親切好客，熱心介紹食物後就衝返入廚房努力工作🤣係等食期間當然就可以玩住先~玩住等時間好似過得特別快，食物好快就送到😆🐮韓式牛肋條配飯飯既形狀係鴨仔同恐龍好得意😚個汁辣辣地甜甜地咁好好食牛肋條份量都唔少! 仲好香牛味添🐷秘製咖哩豬柳咖哩味超香，辣味岩岩好有淡淡香料味但又唔會太搶豬柳炸到好香脆好食!😛🐙黃金八爪魚卷併炸餃子炸得好脆!勁香口，岩晒我呢啲鍾意香口野🤩八爪魚卷好好味，推薦要叫~~飲品叫左杯凍朱古力同香蕉奶昔朱古力超級濃，岩鍾意食黑朱古力既人😉香蕉奶昔好香，係偏甜少少，特濃蕉味好出色!😎想同朋友聚下玩下，推薦可以上黎試下，但記得要打電話預約呀~😉😉佢地仲有包場服務，想搞小event都可以考慮呢~😜

⏳無限時｜樓上Café旺角有間樓上Café 滿足到醫肚同玩Board game🃏🌟主打無限時的Board game Café👨🏻老闆一人主理, 主要做熟客為主☑️採預約制, 店內不大, 約6張枱🫣位置有少少隱蔽, 喺轉角巷內的商業中心Board game選擇同種類非常多🤩, 無論係2人定一大班人, 一定搵到啱玩嘅👯‍♂️🔸芝士薯條🍟 $65 6/10🍟波浪紋粗薯條熱辣辣, 炸得好脆沾芝士醬🧀邪惡又滋味~🔸煙三文魚意粉🍝 $139 6/10🐟煙三文魚約有3-4片, 意粉醬汁杰身味道唔會好濃, 醬汁似金X湯🔸秘製咖哩炸豬扒飯🍚 $138 6/10將飯整成恐龍仔🦖同鴨仔🐥形狀, 好可愛～🍛秘製咖哩很好餸飯🔸香蕉奶昔🍌 +$22 6/10🔸蘋果玫瑰花茶🫖 +$22 6/10🆓花茶可免費添飲3次, 啱哂邊玩邊慢慢飲

自從有party Room之後真係唔知幾多年無去過樓上cafe家姐講起想去呢間cafe就決定坐言起行去呢度我覺得個入口有啲難搵其實最好就係預先打電話訂座順便問埋老闆究竟點樣上去cafe最方便一上到去最吸引我哋嘅就係呢一個millions 真係超級好玩佢係會一飛沖天咁彈到勁高趁啲嘢食未嚟嘅時候，我哋玩咗好多轉如果唔係跌咗落去啲食物度都真係幾麻煩我估老闆係天主教徒所以都睇到一啲嘅金句同埋一啲天主教嘅擺設一路食飯嘅時候提醒我哋要彼此相愛都真係好有意思我地食左呢幾款#地中海香蒜雞柳意粉#蜜糖雞翼#牛肋條飯#香滑朱古力#店長推介潤喉茶朱古力係用黑朱古力製作，所以佢相對地冇咁甜潤喉茶甜品係純天然，好岩我！老闆話牛肋條飯嘅herbs都係佢自己種，睇得出佢好有心機！隻鴨仔拌碟好鬼cute!意粉同埋牛肋條飯都係比較甜，啱晒我家姐嘅口味：）

同屋企人講起細個去嘅嗰種cafe, 玩boardgame、吹水、冇限時，好回味，即刻打返嚟book(真係全預約制，而且長期full)呢間細個就去嘅cafe，重溫少年感覺。老細好好人，cafe細細間、座位算舒服闊絡，boardgame款式多，食物比其他傳統cafe好好多。 ✦ 瑞士雞翼真係煮到淋，好入味，咸甜適中。 ✦ 韓式牛肋條飯上枱驚喜咗一下(!) 居然係貓造形嘅飯，cute到有啲唔捨得食。牛肋條淋淋哋，口感啱啱好，個少酸辣醬汁好惹味，結果成飯貓仔食晒。 ✦ 拿破崙煙鴨胸意粉鴨胸大大塊，好食。意粉有心機煮，條條掛到茄汁。 最開心係天氣咁凍，飲品仲有off menu嘅養喉茶同養胃茶，特別鍾意養喉茶嘅甜甘菊同棗帶出嘅清甜味。細細個就嚟，一定有私心。唯一問題係location有啲難搵(尤其水牌被逼拆埋之後), 簡單講就係circle k對面小巷入去就會搵到大廈門口。

今天晚上，我到旺角一間名叫Any Moment Café的餐廳吃晚餐。我電話61306631預約，抵達後就可以即刻入座，真係方便！我叫了芝士薯條，香噴噴的芝士淋在薯條上，口感一流，完全停唔到口！接著，我又點了韓式牛肋條飯，最吸引的是配了貓貓形狀的白飯，真係可愛到不行，食得我心情都愉快起來！最後，我試咗桂林風景的薄荷七喜雪糕飲品，清新又解渴，令人一飲就愛上。整體來說，Any Moment Café的食物不單好味，環境都幾舒適，適合同朋友聚餐或者約會。下次我肯定會再來嘗試其他菜式！

今日咁啱喺旺角收工，次次喺旺角諗食咩都覺得好難諗，今日約咗朋友敘舊，佢建議不如去返以前中學成日去嘅Cafe試吓，除咗懷舊之外又可以坐得耐，大家都好同意呢個建議。一上到去呢間Cafe，已經有好多客人，不過以前記憶中全部都係中學生，而家竟然有好多成年人，可能個個都係想上嚟聚下舊。我哋首先叫咗個芝士薯條，一上枱已經聞到好香，而且炸得好脆，入面薯仔熱辣辣，外脆內嫩嘅感覺真係好好食，唔使點茄汁都一流啊。另外我哋仲叫咗個煙三文魚意粉，估唔到咁大碟，而且佢嘅煙三文魚份量好多，意粉嘅醬汁都同意粉好夾，而且意粉煮嘅硬度啱啱好，真係好出色。呢個泰式雞柳螺絲粉又係好值得讚賞，睇佢個樣估唔到佢係酸酸辣辣咁嘅，食落好開胃。而且雞柳好嫩滑，少少辣辣地，不過唔食辣嘅朋友都唔覺得太辣，反而覺得夠晒香。去Cafe最緊要就係飲特飲，呢杯朱古力曲奇好香濃，飲落唔會太甜，朱古力襯埋啲曲奇粒粒，真係好有花花去中學時候嘅感覺。食飽之後我哋仲玩呢度嘅遊戲，呢度非常多唔同種類嘅board game。我諗起碼有二百幾款，除咗board game之外，佢仲有好多唔同嘅實體遊戲，真係啱晒一大班朋友上嚟敘舊。呢間餐廳又抵食又平，而且仲有好多

有時成班人想搵個地方聚下唔知去邊好？等我介紹旺角一間樓上cafe，重點係無限時，又好多唔同種類既board game玩，有得食有得玩😛不過記得要提早預約先～～因為只接受已預約既客人😎餐廳入口都幾隱蔽，好易就會skip左入口🤣只有老闆一人打理，樓面同廚房要同時兼顧，真係唔容易😱老闆仲會問有無咩唔食，依下唔錯🥰🥓韓式牛肋條飯竟然個飯係兔仔造型，好得意！我都唔捨得食呀😳牛肋條好軟腍，肉質好鮮美，仲有少少配料無咁dry😳加埋韓式醬汁酸酸辣辣咁，送飯一流❤️🍟芝士薯條 $58個芝士醬係老闆自家製，酸酸甜甜咁，十分惹味，薯條厚身，但又唔會太乾同太油😎🍹水蜜桃梳打 $38飲得出係用新鮮水果打碎去整，但又唔會太甜AnyMomentCafé (旺角)📍旺角登打士街36號恆威商業中心9樓

肥仔約咗幾個朋友下個月去歐洲自由行，差唔多要book嘢，要開個大會。揾到呢間就腳又可以坐好耐嘅cafe，好正好想大讚！不過由於餐廳座位有限，入嚟前需要預先訂枱預約。🧳🧳韓式牛肋條牛肋條肉質鮮嫩、夠淋，而且有少少牛筋，增加口感。牛肋條醃製得恰到好處，帶有微微嘅甜味同香辣感。仲配有生菜絲。老闆好有心思，白飯造型非常可愛，係兔仔造型！🧳🧳芝士薯條芝士醬是老闆自家調製的，呢似係芝士同他他醬既混合，有酸酸甜甜，味道濃郁惹味，又唔會覺得油膩，幾開胃！薯條很厚身，炸得香脆剛剛好！🧳🧳潤喉茶老闆見我有兩聲咳，又知我想飲熱飲，推薦我呢養生潤喉茶。有乾嘅橙皮、菊花、薄荷、冰糖，小小草藥感覺，飲落喉嚨舒服晒！最正係熱飲可以加三次水，傾耐啲都唔怕口渴呀！總結，要搵個地方聚埋一齊真係唔容易，cafe有晚餐提供仲有多樣化Broad game 嘅樓！老闆one man band 但招呼周到，仲會教你玩broad game!!推薦俾要聚餐嘅朋友！