Video
3-min walk from Exit A1, Yau Ma Tei MTR Station
continue reading
Telephone
61306631 (24小時訂座或查詢)
Additional Information
店內有Boardgame提供
Opening Hours
Today
12:30 - 00:00
Mon - Sun
12:30 - 00:00
Above information is for reference only. Please check details with the restaurant.
About Reward Scheme
今日咁啱喺旺角收工，次次喺旺角諗食咩都覺得好難諗，今日約咗朋友敘舊，佢建議不如去返以前中學成日去嘅Cafe試吓，除咗懷舊之外又可以坐得耐，大家都好同意呢個建議。一上到去呢間Cafe，已經有好多客人，不過以前記憶中全部都係中學生，而家竟然有好多成年人，可能個個都係想上嚟聚下舊。我哋首先叫咗個芝士薯條，一上枱已經聞到好香，而且炸得好脆，入面薯仔熱辣辣，外脆內嫩嘅感覺真係好好食，唔使點茄汁都一流啊。另外我哋仲叫咗個煙三文魚意粉，估唔到咁大碟，而且佢嘅煙三文魚份量好多，意粉嘅醬汁都同意粉好夾，而且意粉煮嘅硬度啱啱好，真係好出色。呢個泰式雞柳螺絲粉又係好值得讚賞，睇佢個樣估唔到佢係酸酸辣辣咁嘅，食落好開胃。而且雞柳好嫩滑，少少辣辣地，不過唔食辣嘅朋友都唔覺得太辣，反而覺得夠晒香。去Cafe最緊要就係飲特飲，呢杯朱古力曲奇好香濃，飲落唔會太甜，朱古力襯埋啲曲奇粒粒，真係好有花花去中學時候嘅感覺。食飽之後我哋仲玩呢度嘅遊戲，呢度非常多唔同種類嘅board game。我諗起碼有二百幾款，除咗board game之外，佢仲有好多唔同嘅實體遊戲，真係啱晒一大班朋友上嚟敘舊。呢間餐廳又抵食又平，而且仲有好多唔同嘅遊戲玩。同埋呢度嘅老闆都好親切，感覺係一間令人好溫暖嘅Cafe，而且坐得耐都唔會趕你走，下次放假一定會約埋班朋友一齊嚟玩一日啊。
continue reading
Board game式cafe《AnyMomentCafé》今日同一位識咗好多年嘅朋友，去一間比較偏僻嘅商業大廈內嘅board game式cafe餐廳，有得玩又有得食😊，芝士薯條：濃濃嘅芝士味亦帶有小小芥末醬味道，配上熱辣辣嘅薯條，絕對係不錯嘅小食😁。秘製咖哩炸雞扒配飯：炸雞啖啖肉，但咖哩汁值得一讚，香甜小辣👍🏻，鍾意食咖哩嘅朋友，我一定會推介呢一樣菜式😊。韓式牛肋條配長通粉：牛肋肉味濃軟淋淋，入口即溶，長通粉口感煙韌彈牙。😇蜂蜜蘋果水蜜桃茶：呢款茶係熱飲黎，淡淡嘅茶香係呢個咁凍嘅冬天飲非常合適🤭，另外我同朋友一致認為，呢款熱飲飲到最尾時候，茶香味道更加濃烈，可以留意下😊。水蜜桃益力多沙冰：益力多味濃郁，份量好多👍🏻，想嘗試水蜜桃嘅味道，建議要用匙羹撈下杯面頭嘅益力多沙冰同埋杯底嘅 水蜜桃汁，令兩者更為均勻😊。總結：今日呢個朋友，係我識咗好多年嘅朋友，今晚同佢喺呢個咁放鬆嘅cafe環境，一面玩、一面食、一面傾過往嘅往事，非常開心😄。cafe環境舒適，主要都係做熟客為主，cafe內亦設有大量board game，鐘意用下腦嘅朋友可以約埋三五知己，一邊享受美食，一面增進感情👍🏻。9
continue reading
上次諗住walk in去食點知摸咗門釘，餐廳原來一定要預約，於是今次好醒咁電話預約返先去！🥹入口位置都幾難搵，要喺條巷仔入去紅色篷個位上去。上到去地方唔係好大，但係入面有好多唔同嘅board games~🍽️地中海香蒜雞柳螺絲粉 $138雞柳濕潤多汁，螺絲粉帶有口感唔會過腍，每條都吸滿唒醬汁。醬汁除咗有香蒜味，仲有濃郁嘅香料味，甜甜哋好好食！細問之下先知原來香料係老闆自己種嘅，好震驚，超有heart！🫶🏻🍽️韓式牛肋條飯 $139韓式牛肋條醬汁濃稠，牛肋條煮得好腍好容易入口，而且好入味，連埋配料嘅菜同菇超好餸飯。飯嘅形狀原來每客都有機會唔同，我嗰份係貓貓勁得意！😹🍽️瑞士雞翼 $65開party之選！雞翼好大隻但好入味，好容易咬到骨肉分離，甜甜哋好開胃！🍹熱情果茉莉花茶 $59 (套餐升級+$22)花茶好抵，可以添飲三次！熱情果味濃郁，酸酸甜甜飲落好舒服。🍹布拉格浪漫 $64 (套餐升級+$22)朋友杯布拉格浪漫係用咗紅肉火龍果加雪梨製，甜度高嘅紅肉火龍果加埋清甜嘅雪梨好飲又健康。.隔離枱玩住食，我哋就食完慢慢玩，開心！🥰
continue reading
難得同朋友去聚會，晚市既餐廳多數都唔坐得耐朋友建議去樓上Cafe可以坐耐d，又可以一齊玩下Board game😳今次揀左位於旺角既AnyMonentCafe，好彩我地有book位呀！爆曬場呀！🔸拿破崙肉醬煙鴨胸煙鴨胸大大片，配搭住蕃茄醬，酸酸甜甜好開胃🔸秘製咖喱炸雞扒咖喱味超香，又唔辣，連小朋友都啱食而且個飯嘅造型超可愛呀，真係唔捨得食雞扒炸得外脆內軟，肉質鮮嫩😋🔸沙律🥗呢度嘅沙律個醬係自家製㗎，平時食沙律會覺得好酸，佢自家製嘅醬料撈勻，就變得獨特🔸潤喉茶呢度有各類嘅花茶，我今次就揀咗潤喉茶，近排喉嚨都唔係好舒服，真材實料，唔會落糖，飲得茶香甜🔸凍朱古力呢個朱古力真係超出色呀！超濃郁！勁好飲
continue reading
今次約咗班舊同事想搵個位靜靜地傾吓偈又可以玩下board game喺OpenRice search到呢間嘢見到好似都唔錯於是過嚟試吓一開始搵極都搵唔到個入口搵咗一陣終於搵到！原來喺呢間舖頭轉入去就係上到去見到好多boardgame😍✨秘製咖喱豬柳✨咖喱汁好惹味 豬柳炸到好脆好鬆化整體成個飯都好好食而且個飯係貓貓造型勁cute😍老闆見我哋幾好傾 仲送咗個沙律俾我哋食個沙律配埋自製嘅沙律醬好香蒜味 令到成個沙律菜變得勁Fresh勁好味！✨卡邦尼煙三文魚✨3大塊三文魚份量好夠！個意粉煮得好Creamy好香而且唔會太淋同太硬 岩岩好好好食🤤野飲我哋揀咗杯玫瑰花茶同朱古力咖啡玫瑰花茶好多料 沖出嚟好濃好香朱古力咖啡用咗黑朱古力粉沖唔會好甜 朱古力味好濃 好推薦大家試👍🏻成晚我哋坐咗兩三個鐘老闆都唔會催我哋走仲係咁介紹board game俾我哋玩好nice!! 整體嚟講都好滿意而且無論主菜定係飲品份量都好足大家如果想食 記得打電話嚟預訂呀！因為成日都會一大班人訂咗枱打電話嚟預約就唔怕冇位啦😙
continue reading