Ali BaBa Restaurant

經上次食過之後，今日雖然無得去餐廳食，但我老公叫了外賣回家比我食，簡直開心到呢😍今日叫左咖喱羊肉、瑪莎拉燒雞，水準依然ok首先講咖喱羊肉，咖喱香料好香，羊肉炆得夠林，當然我係愛食羊肉之人，羊肉有香酥味一流瑪莎拉燒雞竟然有意外驚喜。係整得好嫩滑，再加洋蔥絲同“秘製”醬料一齊食，竟然超好味啊！個醬既味係似淡檸檬加少少cream cheese，呢個菜值得介紹今日總結黎講相當滿意，唔食得太咸味既我，呢間巴基斯坦菜唔咸，佢地應該係無用味精，食完會有香料既aftertaste而且唔太口渴…Read More

好用心正宗巴基斯坦菜，完全無味精，起碼食完唔會口渴，尤其是咖喱羊肉、菠菜雞肉、素菜薯角、加埋杯芒果酸乳酪，超級好味，環境又唔會太多人，可以好輕鬆談天，下次再幚襯幚襯😚…Read More

因為有個Admin同事叫Ali，所以知道公司同區有這間Ali爸爸餐廳時，就想起要約她一起去試菜，(位置須然有點兒吊腳），一行五個同事，就去探佢爸爸。🤣餐廳面積不算大，位置有點兒擠迫，但樓底夠高，所以壓迫亦不算太大。餐牌種類繁多，除午餐外，有廚師推介、二人餐、四人餐、下午茶餐、優惠套餐、限量套餐、甚至散叫餐牌一大本…. 林林總總林瑯滿目，但是都離不開『咖喱』😋試菜都慣例問一問侍應，有什麼出名好介紹，談論一輪，可能小店關係，欠培訓員工都不是太了解食品，但態度算友善，最後決定叫了一個四人餐，但小店都挺彈性，比我們用其中一個咖哩雞，改她們介紹的《馬莎拉雞》當然要補差價啦！至於其他家咖喱，我們叫了大、小不同辣度試一試，烤餅和飯如是。套餐包飲品其他同事要返正常汽水、咸檸七…等，我就試了一個比較特別的特飲《咸乳酸》😒（伏咗） 一個又咸又酸，好似啲發了霉變了味的奶類飲品。😵《鬆化胡椒餅》跟薄荷汁和酸沙律醬，香口夠脆正宗口味，配薄荷汁更美味。《炸什菜》 主要是薯仔加少少菜心上粉炸，上面再灑上淮鹽，香口特別但偏鹹。《醬燒魚柳》四件，鐵板上關係上碟時熱騰騰咋咋聲， 墊底有熟透洋蔥，面鋪上生洋蔥圈，魚柳用特製醬汁煮起， 整塊魚柳外層不算香口，而且過份冧，肉質易散但都有點juicy。但都依然偏鹹。《瑪莎拉雞》黃薑粉帶甜不辣， 巴基斯坦菜來說雞肉不算太嚡口，顏色鮮豔喜不喜歡就見仁見智，但這碟去到最後，我們都有剩。《腰果醬咖哩雜菜》 入口不算辣且有微香甜，但食後口感有點兒咖喱香，好味。《蒜蓉蝦餅》略有蒜蓉香， 正宗烤餅就是 脆軟香 配搭適宜配上正宗巴基斯坦咖哩，一絕。《原味烤餅》 配咖喱這個一直是我最愛。《印度飯》印度人是用手來吃，所以比較乾身 ，點兒像斷開的米粉，比較乾身，個人沒這個偏好，但煮法正宗。《咖喱牛腩 小辣》右上《椰汁咖喱羊大辣》右下大小辣度有分別，但大辣亦未去到難以接受地部，不用太擔心。和另一派巴基斯坦咖哩勁多洋蔥蒜蓉不一樣，汁醬吃出很多地道香料味，肉質都是偏嚡口，味道方面…其實眼見廚房和老闆都是巴基斯坦人， 合不合適口味很難一概言論，正不正宗就無庸置疑。《 印式雪糕》 比較偏重冰的口感，有點兒像滑溜雪葩感覺。食物賣相＝(滿分20) 13食物味道＝(滿分20) 15服務質素＝(滿分20) 14裝修整潔＝(滿分20) 15性價比率＝(滿分10) 7回頭指數＝(滿分10) 5（有點兒吊腳）總評分（滿分100）69分…Read More

食印巴菜好多人都會諗起重慶大廈，但可能因為太多遊客幫襯，又或者佢哋立足香港太耐，咖哩味道漸漸「港化」，價錢就「國際化」非常貴，想食平靚正嘅印巴菜，就要搵啲隱世小店喇！Ali爸爸位於屋邨商場，鄰近學校區，平日除咗學生外，仲有好多街坊、印巴同鄉幫襯，一解思鄉之憂。開業數年口碑甚佳，當中關鍵在於用心製作，價錢實惠。今日咁啱路過，一於支持吓！今日點咗兩個套餐，另加烤餅 Naan，芒果乳酪，盛惠$194。瑪莎拉燒雞（配飯）選用正宗印度米，米粒修長，乾身，配有咖哩係絕配。瑪莎拉燒雞，雞肉嫰滑有肉汁，雞肉邊燒至微焦非常香口，醬汁微辣濃郁，配飯一流。咖哩薯仔燴蝦（配飯）識食咖哩嘅人，一定先食薯仔，因為佢吸飽咖哩精華。咖哩汁本身香料咪濃，配 Naan 最正，蝦仁爽口彈牙，但同咖哩融合唔到，唯有各有各精彩蒜蓉烤餅(Naan) 即叫即烤，上枱熱辣辣，麵糰濕度高，烤餅外脆內軟，淡淡蒜蓉香，淨食都好好味，配埋咖哩就一絕喇！芒果乳酪乳酪微酸，非常開胃，如果芒果味再濃啲就好喇！總結：二人分量，大碟抵食，價錢實惠，Ali 爸爸係用心❤️小店，以後星期六/日，又有新嘅食堂喇！…Read More

午餐點了一客羊肉咖哩飯跟薯仔薄餅1. 羊肉咖哩味道好吃咖哩中帶有輕輕的羊味而沒有羊羶羊肉嫩滑牙值得再試2. 薯仔薄餅配凍奶茶奶茶很好喝與港式奶茶略有不同 這個喝下去有茶香薄餅質感豐厚配上咖哩更好吃!總共$100 (2人)…Read More

突然心癢癢想食印度薄餅，就搵咗附近最近既印度餐廳。其實都幾驚會中伏叫咗個印度咖哩燴薯仔(配白飯)個咖喱味道不錯，羊肉夠諗身唔會鞋口，入面有好多洋蔥絲食落好惹味跟餐既白飯今日既主角係Cheese Naan(印度芝士薄餅)餅皮口感似酥皮般鬆軟可口，一層又一層相當有層次，可惜內層芝士味唔出，明顯芝士放得唔多所以食唔太出芝士香只係普通印度薄餅點咖喱食Tandoori Chicken(印度香料烤雞)一送上黎就滋滋作響，熱辣辣咁上點會唔好食，雞肉唔夠滑同埋香料味唔夠重，可能因為要迎合返香港人口味。屋邨印度小店黎講質素唔錯，但比起出面既印度餐廳差咁d。兩個人200蚊食個晚餐可以既。…Read More

在一個公共屋村商場，有這種餐廳真係少之又少，這間店真的很用心做他每一道美食，雖然店舖少少他用的香料也不會偷工減料，很少地方可以食到那麼正宗的印度菜式。香港有些酒店也沒有做到那麼正宗，大家真的不妨一試，包保會愛上。😍價錢：他在屋村商場經營價錢比較偏貴，🤑但係如果食到那麼正宗的菜式，價錢也是值得的。溫馨提示：他們的辣到真係有啲辣，如果唔食得辣嘅人，記得要同佢哋講聲。他們的咖喱羊肉加鬆餅真的很好食。…Read More

這間隱藏在屋邨的咖喱小店，真是估你唔到…咁好食。店內的廚房員工是印巴籍人士。但有一個員工講得一口流利的廣東話，另外亦有一個香港地道的女職員。他們會熱誠為您服務。瑪莎拉燒雞配上薄餅，小辣對我來講是剛剛好的，雞肉軟硬適中，不會過老亦不會太腍。瑪莎拉醬則有其獨特的香味，而且味道帶少少甜味。配上薄餅非常好吃。薄餅是新鮮烤焗，香軟熱辣辣。咖喱羊會薯仔，再配上薄餅。印度咖喱我要了小辣。香草味不會太濃，有其咖喱獨特的香味。在小小的金屬兜內，竟然有六塊羊肉。塊塊都是大嚿肉而且冇骨。羊肉炆得非常之軟綿綿，但又不會蚊爛啲肉。味道好好食。勁辣咖喱雞配上印度香米，非常具印度特色的美味食品。這款雞肉和之前的烤雞肉完全是兩回事。這款咖喱雞肉大大舊，淋得嚟有咬口。咖喱美味醬汁配上白飯，真是可以食曬一粒飯都不留。下次再來幫襯的時候，會試這店的全烤羊腿！…Read More

第一次寫食評，因為好少見開喺屋邨商場嘅特別餐廳，仲要係一間印度餐廳，不嬲鍾意食薄餅嘅我緊係要試吓，點知真係有驚喜，好味，價錢又公道，可以喺屋企附近實在方便，幾時食都可以。👍🏻👍🏻👍🏻👍🏻支持小店…Read More

開左好耐見距都幾好生意有日懶得煮送就約埋啊爸啊媽去食飯雖然餐廳唔算大但都坐到好多人衛生環境乾淨而且真係印度人開的非常正宗我地點左4人份量價錢都係300有找 而且有汽水飲上菜都算快開頭以為會好重香料味但食落都OK香港人口味都接受到而且好鬆脆樣樣材料都好新鮮途中見到好多人外賣相信大家都一致認為食物煮得夠出色而且距仲有新鮮的木瓜賣我見有街坊一箱箱買走下次大家唔想煮飯可以落黎食印度菜好方便 而去價錢平服務態度好 夠親切…Read More

雖然只叫了下午茶，食左雞塊，同某大連鎖快餐的天同地比，好脆。其實其他連鎖餐廳都有下午茶可在近年越來越貴之餘，食品多了款式但沒有留意食品的質量，下午茶炸雞腿雞翼不是生粉，就是生粉再包生粉，可以選擇，實在不願吃味精與生粉的組合。這餐廳的環境雖較細，但佈置妥善，位置也坐的舒服，最主要的是食物的質素，食品製作的用心及服務態度， 都會讓食客回頭。本次吃完再叫了外賣給家人，下次可能會帶家人在這裡食晚餐， …Read More

葵涌很多巴基斯坦居民，咖哩飯館應運而生，經營者大多都是南亞裔人士，服務對象主要是他們族裔，。別以為只有他們的鄉里光顧，該區識貨的華人便有幸獲得口福之便。Ali爸爸位於葵盛東商場，有別於其他南亞小店，它交通便利，冷氣全年開放，座位舒適，地方清潔，食得安心。由於老闆及廚師都是南亞裔新移民，因此我們可以吃到最正宗的南亞咖哩。午餐大約40元左右就可以享用，包括咖哩魚或牛或雞或菜，咖哩角，汽水，薄餅或白飯。咖哩可以點小辣、中辣、大辣，任你點調。如果你又想吃薄餅，又想吃白飯，不妨點餐跟薄餅，然後再加白飯，因為單點白飯8元，單點薄餅12元，這樣可慳4元。此外，除了午餐，印度炒飯也很香，廚師用了印度米，較長身和不太粘，口感不錯，南亞客人大多點它，值得一試。但要記住想食印度炒飯，就要點套餐，不要單點，因為兩者價錢一樣，但套餐奉送一罐汽水。…Read More

與南亞裔朋友共餐，食店選擇不多，最終我們選擇了這間餐廳午膳。店子小，因附近有幾間學校，所以午膳等候時間較耐。我點了午膳套餐，咖喱雞燜薯仔配咖喱角(另有咖喱雜菜可供選擇)；套餐仲送一罐汽水。以前食過一次也不知道，原來只要有兩個人都喜歡食原味烤餅及白飯，就可以同時選擇兩者，每人每款各一半。貪食的我當然喜歡這選擇啦 ^_<怕只揀了烤餅唔夠飽，現在又可試到烤餅，又可食白飯填肚 不是南亞裔朋友告知，都不會知道可以這樣選擇的。咖喱雞燜薯仔配咖喱角，原味烤餅及白飯，這樣便可以食到不同的美食，味道當然不錯啦  順帶一提，我叫的是唔辣；而我的南亞裔朋友食得非常辣。朋友的咖喱雞燜薯仔、咖喱角配白飯，非常辣！之後，友人幫我們每人叫了個甜品，是他們平時都會自家製的甜品。那個甜品很特別...... 特別甜！甜品非常非常甜，但他們食慣咁甜，所以他們是OK的。…Read More

呢個地區太偏僻，由於要黎呢邊返學所以係呢到食飯，放lunch時間周圍都好多人，唯獨呢間仲有位，所以入去試下，佢午餐大約36-45 加8有芒果乳酸(好飲)不會好甜,另外咖哩就唔會太漏，如果唔食得蘇唔好食羊肉，炸魚好新鮮，不過有印度香料味(我自己不喜歡)，所以我認為牛腩係最好味，其實烤餅都唔錯， 如果脆少少會更好，宜咖哩角就好普通，好似平時係街食個種，如果叫咖喱雜菜，就係用雜豆來做嘅(我個日麻麻)…Read More

便宜的南亞餐廳其實不算多，但在南亞族裔較多的葵涌區，就比較容易找到了。小弟工作的地方附近正好有一間，就是這間Ali爸爸啦！ 小弟其實不算愛吃南亞食物，不過因工作需要，之前有試過這店的到會外賣，也試過堂食一次。今天碰巧同事生日，孩子們預訂了這間店，趁高興就再來了。 其實這店開了一段日子，為何這次才是第二次來呢？除了小弟不太愛南亞食物，還有就是店子面積較小，坐起來有點擠迫，今次也不例外。不過我們人也有點多就是了。 跟孩子們吃飯，食物味道還是其次，最重要是價錢不貴又飽肚，這間南亞小店就正好符合要求了！四十多元一個午餐，份量非常多，我們全部人也點了同一個餐，就是咖喱雞薄餅加飯，連可樂一罐。你沒看錯，是薄餅加飯！這間小店窩心的地方，就是照顧到孩子們的生理需要，只吃薄餅不夠嗎？再加些飯給你就是了！如此體貼學生，難怪孩子們都愛來了。小弟堂堂男子，也差點吃不完呢！ 至於食物的味道也不賴，不過聽聞口味經調較過後，已較適合港人，要是愛重口味的話，可能就未必滿足你了。 工作附近有這樣一間溫暖的小店，又多一系列菜式選擇，著實不賴。大家來葵盛東邨時，也可以試試哦！…Read More