味道樂居酒屋 (元州街) (Closed)

原來長沙灣都有間好味又抵食嘅居酒屋，今日同朋友一齊去食，店內裝修日式風格，好多不同日式布置及清酒樽擺設；再睇埋好多款日式美食嘅餐牌，真係吸引我嘅眼球 首先叫番個小食先【燒鱈魚干 $48】焗得夠香脆好味，仲可以點沙律醬一齊食；帶有辛辣味嘅【明太子雞翼 (2隻) $58】外皮香脆，肉質嫩滑，明太子做夾心，正 串燒係即叫即燒嘅【醬油燒年糕 (2件) $48】咬落去熱辣辣，內裡煙煙韌韌，真係必食之選；再嚟2串燒得好香嘅【鹽燒雞脾菇 $38】口感熱辣辣 去居酒屋食晚餐，當然要嗌埋壽司，就揀咗【三文魚壽司 (2件) $38】鮮甜厚切美味；【海膽壽司 (1件) $38】新鮮海膽，味道一流；【帶子壽司 (2件) $58】鮮甜肥美；【芝士蟹柳火灸壽司 $38】燒溶咗嘅芝士舖上蟹柳；【玉子壽司 (2件) $28】甜甜厚身玉子，蛋香嫩滑；頂層有大量蟹籽嘅【加州反卷 $68】口感夠哂豐富，好味夠飽 今晚晚餐，兩個人都係食咗五百蚊到，款式選擇多又抵食，滿足又飽肚 味道樂居酒屋 (元州街)長沙灣元州街498號青華閣地下C舖

平日晚上，不算多人，地點離地鐵站十分鐘路程左右。日式居酒屋的裝修，全木主題，門口的招牌也是木製的，很有特色，4 人座位居多。自己下單，食物很快送到。原條穴子火炙壽司，鰻魚汁甜。白桃乳酸梳打，大杯多冰夠凍。芝士餃子，大件有口感，芝士乾身。味憎蟹甲羅燒配多士，多士香脆。芝麻雞翼，新鮮熱辣，香脆可口。燒大白饍，肉厚多汁，魚肉彈牙。味淋魚干，香濃燒烤味，火候控制十分好，不會硬。厚切煙豚腩，沒有肥膏，大䓤香口，燒汁野味。明太子軟骨雞肉棒，軟骨碎非常有口感，明太子入口少辣多醬，值得推介。蟹膏豆腐，豆腐滑嫩。

今晚好想食日式料理，朋友帶我嚟呢間試，果然冇介紹錯企企理理叫咗一個“味道樂二人前”胡麻醬豆腐野菜沙律用新鮮沙律菜、豆腐切細粒，仲有番薯仔撈埋芝麻醬，凍凍地好味芝麻雞翼夠熱，入味脆卜卜好好味香炸薄脆魚片呢個真係脆卜卜，好似食緊薯片咁好快食晒燒秋葵秋葵上面鋪上木魚，健康小食岩鹽燒鯖魚 黑蒜黑豚肉卷兩款都係熱辣辣上枱石鍋黑松露帆立貝炒雜菌濃濃嘅牛油黑松露炒什菌，用石鍋上，熱辣辣好好味鹽燒赤海蝦好大隻三文魚壽司、蟹膏帶子壽司、甜蝦壽司每樣兩件，壽司好新鮮，蟹膏帶子壽司夠特別，蟹膏味濃燒日本蠔，上年鋪上煙肉櫻花蝦，櫻花蝦甜甜地，煙肉鹹鹹地，再配上蠔一齊食，好特別嘅食法，唔錯濃郁蟹膏味估唔到呢個二人錢$548，咁抵食⋯⋯我同朋友都好滿足今晚嘅日式風味，下次我會帶朋友試其他食物

相約友人下班後Catch Up一下，找到這間燈光暗暗的、頗有Feel的居酒屋。這裡空間不大，但座位也不算狹窄，食物種類很多，在Menu看了一大輪就可以用QR Code下單，方便快捷。這天食客不算太多，氣氛寧靜，非常適合聊天，食物質素也不錯！香炸日本池魚仔 $58不常在居酒屋找到這種餐前小食，炸到金黃色的原條小池魚，無論是單吃或者沾點沙律醬，簡簡單單是很好吃，即使冷卻後也不油膩。火炙北海道帆立貝蟹膏卷 $88壽司飯簡單包著青瓜和蟹柳，上面有厚厚的火炙帆立貝配上蟹膏，濃郁中帶點鮮味。原條成田醬炭火燒鰻魚飯 $138超級大和厚肉的鰻魚，足足要2個人才能KO。鰻魚肥美，魚皮被燒得入味帶膠質感，伴隨著蛋絲和惹味的成田醬，完全是白飯小偷。鰻魚帶點小魚刺，但仍然啖啖肉不影響進食。迷你火炙左口魚邊丼 $78丼飯上有大約5-6片火炙左口魚邊，魚油香滲進米飯中，很治癒。略嫌醬汁有點太多，稍為蓋過魚的鮮味。雖然醬汁甜甜的，用來拌飯也很好吃。

居酒屋身處在長沙灣近荔枝角交界，與兩邊的地鐵站都存在著十至十五分鐘左右的距離，如有巴士在附近下車，會是較方便的選擇。當晚是星期日晚八時左右，一進去就是滿滿日本居酒屋的感覺，面積雖小，但因樓底高令空間不會顯得太狹窄。與朋友兩人共點了野菜特濃魚湯烏冬、石鍋鰻魚炒飯和香炸一口芝士。魚湯一入口覺得幾好飲，但之後再喝就覺得很咸，烏冬口感軟硬適中；鰻魚炒飯相對好吃，飯炒得粒粒分明，濕潤度夠，不會太乾，鰻魚正常但份量有點少；一口芝士即叫即炸，酥脆外層配以流心芝士十分好吃，它的芝士是比較淡味的，吃兩三塊都不會覺得很負擔。沒有叫飲品，只喝了提供的茶，味道似玄米茶，味道正常。題外話：食飯期間看見有位侍應幫客人倒啤酒，沒有技巧之餘，為了把全罐啤酒一次過倒入杯中，以致令啤酒滿瀉，有點浪費，其實可以之後補上或者運用技巧飲酒泡不出現太多。

朋友住長沙灣，今天來找他吃晚飯。他介紹這間日式居酒屋 - 味道樂我先點了兩客火炙左口魚，左口魚入口即溶，齒頰留香朋友點了一碗黑松露和牛炒飯，很香，飯炒得夠乾身軟殼蟹飯反卷，必點，這是我吃過水準最高的，軟殼蟹剛炸起很鬆脆，配上沙律醬很好吃另外還點了火炙北海道帆立貝蟹膏卷，份量很多，帆立貝新鮮鮮甜最後還點了泡菜豚肉鍋，配料有豆腐、粉絲、金菇菜等，湯底清甜，配上泡菜辣辣的非常惹味還有其他款式都想試，下次要再來

我和朋友一直鍾情日本美食，在日本和香港也去過不少居酒屋，一直聽聞味道樂居酒屋的食物很出色，在尖沙咀和長沙灣的分店中選了長沙灣店，果然名不虛傳，款式選擇多，而且每樣都很好吃。餐牌上的菜式非常之多，我和朋友都看得眼花繚亂，圖文並茂的餐牌上每款菜式都很吸引人，最後我和朋友點了黑松露和牛炒飯、原條成田醬炭火燒鰻魚飯、大蔥厚切日本煙豚腩、香煎鵝肝帶子卷、火炙北海道帆立貝蟹膏卷，光聽名字就已經令人食指大動。有很多客人都推介黑松露和牛炒飯，我朋友其實不喜歡黑松露，但是他嘗過這個黑松露和牛炒飯後直讚好吃，忍不住一口接一口。炒飯中添加了黑松露、和牛、蛋、黑椒、櫻花蝦乾等材料，和牛的牛味、黑松露味和櫻花蝦乾的鮮味，三者配搭完美，這道菜色色香味俱全，聞着香，品嘗後更香😋火炙北海道帆立貝蟹膏卷是其中一道必選的菜式，美味且性價比高，火炙過的北海道帆立貝味道新鮮鮮甜，每一塊都有嬰兒拳頭大小，再放上蟹膏和蔥絲，口感豐富無比，蟹膏的份量也毫不吝嗇，壽司飯卷以紫菜包著蟹柳及青瓜絲，所以入口不會膩，只有海鮮的鮮甜和清新的味道。原條成田醬炭火燒鰻魚飯上的鰻魚幾乎有兩隻手掌長，又是另一性價比高的菜式，坊間同一價格的鰻魚飯絕對

復古木系色裝潢，在牆壁上掛滿鐵牌，擺放着不同酒瓶，加上木製餐桌，溫暖的日本情懷，洋溢着幸福的感覺。餐牌裡壽司、小食、燒物及料理都有，就先來一些小食吧!味淋魚干煙韌香口，味道甜美，剛烤時又軟又脆，一不留神竟吃光了。香炸日本池魚仔是到居酒屋差不多必點的小食，不太小的一條，可愛之餘，既juicy又酥脆。被烙過的流心芝士燒年糕，一夾起，芝士就湧出來，咬下去軟綿綿的，小孩最愛。三色魚生飯，有大大塊的三文魚和油甘魚，鮮美細膩，加上甜蝦，真是滿足。煙肉櫻花蝦炒飯也很好吃。不要小看它一碗小小的，炒飯粒粒分明，煙肉咸香，櫻花蝦鮮味，沾滿每一粒飯，大大滋味。一客香蒜牛油炒野菌，十分惹味!一套魚兒圖案的食具，和朋友「心中歡暢，吃個薄醉」，遙遙無期的日本，彷彿在這刻也近了。

早兩日去左長沙灣做嘢，收工就同同事係附近食埋晚飯先返去，之後就搵左間平民價錢居酒屋食晚飯。去到餐廳店員就招呼我哋坐低然後就比餐牌我哋睇，我哋好快就點一餐然後等待着我哋嘅美食出現。我哋叫咗個火炙左口魚壽司，軟殼蟹卷物，蟹膏帆立貝卷物，泡菜豚肉鍋，同埋和牛炒飯。火炙左口魚壽司好鮮甜，左口魚係我最愛嘅美食，所以我哋都嗌左兩份和同事每人一份。而餐廳嘅卷物都做得好出色，軟殼蟹卷物將軟殼蟹炸得非常香脆可口，蟹膏帆立貝卷物就比較特別，第一次食到，啖啖的蟹膏味道再配上新鮮嘅帆立貝呢種配搭好特別而且兩種材料都好鮮味。之後個和牛炒飯都非常之好味，日式炒飯都係我最愛之一，配料非常充足，而且淡淡和牛，真係食一碗都唔夠，好想再食多碗。好快店員又話我哋送上泡菜豚肉鍋，豚肉肉質非常之柔軟，有種入口即溶嘅感覺，而且配料都非常之豐富，有豆腐有菜仲有泡菜調味，呢個鍋物值得向大家推薦非常之好味。轉眼間已經食到好飽但係買單個價錢非常親民，人均消費都只不過係$200左右，咁嘅價錢食到咁多食物真係物超所值。

味道樂居酒屋 (元州街) (長沙灣)💡 長沙灣元州街498號青華閣地下C舖🍲牛肉壽喜燒份量超多多多多！！！牛肉要一黎就即刻食，唔係會煮到好柴，一開始食就真係好嫩，嗰湯配壽喜燒真係好清甜，煮到後面更加多左幾種食材的層次。🥨煙肉荔枝卷🍱原條成田醬炭火燒鰻魚飯成個鰻魚好大塊 真係原條送上🍯香炸薄脆魚片魚片切到超級薄，好似食緊薯片感，香脆口感有少少煙韌，真係食到唔停口，送酒一流🍣辣三文魚碎卷唔知係咪辣嘅緣故 有啲奇怪🍽🍽🍽🍽🍽🍽🍽🍽🍽好味程度：4.5/5 抵食 : 4/5 環境 : 4.5/5#香港食評#飲食推介#相機食先#食得是福#民以食為天#餐廳推介#飲食情報#食評#hkfood#foodie#food#foodreview#foodblogger#blogger#instagrams#restaurant

今晚與朋友再來這間幾年前光顧過的居酒屋·，推門內進那份 熟悉的感覺又再重現，濃濃的日式居酒屋裝潢仍未有改變，女店員招呼 殷勤，人氣也是依然旺盛，氣氛熱鬧，吃得無拘束的！ 食物和酒類很多選擇，被一份"味道樂二人前" 吸引住了…… 點了這份套餐內容相當豐，有十多種食物之多！ 收費 548元， 非常抵食！先上胡麻醬豆腐野葆沙律~涼凉凍滑滑清爽口感，非常醒胃！燒秋葵~三文魚，甜蝦，蟹糕帶子壽司~很新鮮！蟹糕甘香！香炸薄脆魚片~十分脆口！佐酒一流！黑蒜黑豚肉卷~惹味甘香！石鍋黑松露帆立貝炒什菌~熱熱的石鍋透出松露香氣，什菌爽滑，帆立貝鮮甜彈牙。塩燒赤海蝦~燒得很香！蝦的體積可觀！雞翼燒得脹卜卜，香口！岩塩燒鯖魚~甘香肥美，肉味濃配白飯很滋味！燒蠔配雙色芝士~口感 Creamy，香口！非常飽足的一份二人前！很享受！性價比甚高！水準保持！

好多時去開長沙灣都會經過呢間日本野，成日都覺得佢裝修幾特別好日式。印象中唔記得自己係咪幫襯過，今日卒之行開呢頭就貢入去試下午餐。雖然星期六，唔算多人但都半滿，睇落大家都叫得幾多野，應該幾唔錯。坐低之後，啲姐姐仔都好快幫手執水；好可惜大熱天時都係俾熱水…睇完menu 叫左兩個午市套餐，大約平均$100一份，喺呢區來講價錢算中上。講返個餐，包湯、蒸蛋同沙律。湯同沙律一般，個蒸蛋相對唔錯，足料夠味道。食到咁上下，跟手就上埋主菜，分別嗌左全條鰻魚飯同海膽魚子蝦蓉飯兩個主菜賣相OK。鰻魚都係足料，但似係一般凍肉鋪果種，唔係蒲燒感覺，同埋略嫌太多汁偏鹹左…至於海膽魚子蝦蓉食落都係正嘅，不過飯就太多，如果料可以再多啲同平衡啲，令到個飯更完滿。

為左慶祝朋友升職，決定入嚟呢間日式小店試吓，果然無失望。店舖稱不上很大，但環境優美亦十分衛生，坐位都舒服。本來想試試個二人前dinner meal，不過見個meal好多款特色野食，就無嗌個set了（決定下次要試吓！）。開始我哋嗌左三文魚腩同牡丹蝦做頭盤開下胃🤣🤣三文魚腩好大片同埋非常爽口，擺碟一啲都唔馬夫，蝦亦好鮮甜啖啖肉，一兩片真係唔夠喉呀🤣！之後都嗌咗個雞軟骨小食同埋芝士餃子🥟，芝士溶左係餃子皮面，非常香口同埋係外脆內軟好正😋😋重點黎啦！嚟呢度嘅目的就係為咗試佢個原條成田醬炭火燒鰻魚飯😋😋完全係睇得又食得條鰻魚真係好厚身又夠肉，超正！

今日同朋友去長沙灣食日式料理，到達時不需賈等位就能入座。我們叫了一個原隻脆炸軟殼蟹蟹籽沙律，大䓤特上吞拿魚腩卷，一個海膽手卷，一個汁燒大白鱔和一個牛肉壽喜燒。首先來的是海膽手卷，海膽味道小甘但甜，入口有回香。之後來的是沙律，軟殼蟹夠熱和沙律醬汁量適中，而且大量蟹籽，味道不會太重加入口有層次。之後上的是吞拿魚腩卷，吞拿魚腩味道鮮甜，而且加上芝麻，入口香味有所提升。再黎係大白鱔，肉質口感偏爽而且鮮甜。最後的壽喜燒，湯夠濃同甜，而且入面的食材入味。整體來講，味道一流，職員服務態度好。

🍽🍽🍽🍽🍽🍽🍽🍽🍽🍽🍽清酒煮大蜆 $88流心芝士魚餅 $48牛肉壽喜燒 $108蟹膏蟹肉炸豆腐 $68煙肉櫻花蝦炒飯 $58蟹籽壽司 $28鹽燒虎蝦 $68🍽🍽🍽🍽🍽🍽🍽🍽🍽🍽🍽🔼呢間居酒屋裝修擺設幾用心，牆上擺滿居酒屋唔少日本酒同酒海報，加上柔和燈光，令人一入嚟就有種放鬆感覺🔼碟都係一set，上面係魚圖案，好得意🐠🔼前菜叫咗清酒煮大蜆、流心芝士魚餅同蟹膏蟹肉炸豆腐。 三樣送酒飲都非常適合❤️ 大蜆味道清新唔辣口，蜆肉大大隻有鮮味。 芝士魚餅拉絲邪惡又好味😆。 蟹膏蟹肉炸豆腐脆口，炸漿唔厚重，面頭淋上蟹膏蟹肉，每舊都食到蟹之味🦀🔼 主菜叫牛肉壽喜燒、煙肉櫻花蝦炒飯同蟹籽壽司。壽喜燒好多塊肉肉😍，食極都有好開心，而牛肉原汁同湯底滲滿鍋物其他配菜中，入口香濃鮮甜。炒飯粒粒分明唔多酒，加上煙肉同櫻花蝦，增添咸香同鮮味。蟹籽壽司入口卜卜脆。🔼最後見到隔離枱食鹽燒虎蝦幾好食，自己都叫咗一份。 虎蝦肉質彈牙，可以吱上檸檬汁提鮮🔼埋單$500左右