八〇

Open Now

Now Closed

依家啲粉絲應援真係5花8門連餐廳都變埋應援之地😂呢間caғe唔同時間經過都有唔同應援今期係許庭鏗4.29生日應援🤣不過重點都係嘢食—————————————————————睇過ѕeт lυncн мenυ都幾吸引最後揀左牛柳酸忌廉意粉牛柳粉嫩jυιcy ѕoυr creaм濃厚掛滿每條麵條creaм底加左玉桂粉令到成件事無咁膩雖然唔鍾意食玉桂但呢個可以接受到😌然後見到啲all day вreaĸғaѕт好靚仔所以都揀左個明太子雞翼全日早餐淨係睇都覺得係誠意之作一個早餐有8款美食當中最鍾意佢地個黑糖麻糬窩夫咬開就有煙靭黑糖麻薯喺入面最後係非常打卡aвle嘅甘栗天使牛角窩夫牛角窩夫面層係滿滿嘅栗子蓉❤️遮住左裡面嘅雪糕同底層嘅牛角窩夫窩夫咬開個感覺就好似有牛油夾心一樣一冷一熱嘅感覺刺激口腔 正呀就連佢地嘅飲品都非常高質總括呢間caғe絕對唔係得個樣真心誠意推薦大家一定要嚟試下👍🏻👍🏻—————————————————————⬘ 俄羅斯烤牛柳酸忌廉扁意粉 $128⬘ 明太子雞翼全日早餐 $148⬘ 宇治抹茶鮮奶 $50⬘ 提拉米蘇咖啡沙冰 $55⬘ 甘栗天使牛角窩夫 $78

每次收工諗食咩真係頭都大埋，旺角有間Cafe好就腳，就係豉油街附近，行街shopping完去食個晚餐幾方便，入到去先知，原來佢地定期會有應援event😲精選二人餐 $488幾抵食，前菜有 凱撒沙律、意大利雲吞。是日餐湯 - 蕃茄忌廉湯飲落蕃茄味道濃郁有少少果肉，呈微酸、口感細滑。🥰Pasta 烤大蝦龍蝦汁蟹肉意大利飯大蝦已經開了殼，輕輕一切就可以食到，入味彈牙。蟹肉唔算多，飯都有好濃嘅海鮮味。Main course 威靈頓挪威三文魚配薯菜以酥皮夾住三文魚扒，魚柳煮得啱啱好唔會太老。Drinks柚子咖啡湯力🤍宇治焙茶鮮奶

After Eightys地址: 旺角豉油街27號地舖前幾日同朋友去旺角行街😝，朋友極力推薦入呢間Cafe，如果就叫咗個二人晚餐🍽$488。頭盤: 凱撒沙律🥗+意大利雲吞🥟+是日餐湯凱撒沙律賣相討好，沙律菜新鮮，醬汁量適中，口感豐富，不錯😚。意大利雲吞唔係間間都餐廳食到🤩，而且呢間仲要係當做頭盤添，雲吞口感煙韌，裏面包住香草菠菜和半溶芝士加蕃茄醬，營造出濃烈鹹香味，好Match呀😙。是日餐湯係係超多料嘅羅宋湯啊😍~主菜: 北海道帶子明太子忌廉手工扭繩粉🍝+西斑牙豬肉眼扒配薯菜🐷作為餐廳人氣小食賣相自然都會幾吸引～條條手工扭繩粉都掛住明太子同忌廉汁😍，啖啖都食得出蛋味好香，creamy度十足食落口感醇厚😚。帶子煎得啱啱好，外脆內軟，好有咬口🥰。豬肉肉質鮮嫩，唔會overcook，而且口感好好，好入味，好juicy。再配搭佢地自家制嘅薯餅，真係效果一流，好好食，值得一試🤪！非酒精飲品: 牛油果乳酪沙𣲙🥑+宇治焙荼鮮奶🍵牛油果汁口感好重再加入沙冰口感和自家製穀物，味道層次感非常豐富😗，好特別呀。宇治焙荼鮮奶好香滑好重焙茶味😚，一啲澀味都無，而且面頭仲有好可愛嘅拉花添，好有心思呀🥰～#nice

好少喺旺角食嘢🧐所以上網搵吓有咩餐廳嘅時候發現咗呢間餐廳👀環境似水泥工業feel，座位唔算好多但坐落都幾寬敞舒適~✨⭐️俄羅斯烤牛柳闊條麵牛柳唔會好韌仲幾有肉味👍🏻最驚喜係醬汁！Creamy得嚟又帶點酸酸的感覺但唔會覺得膩😋 第一次食到咁嘅醬汁味道～⭐️澳洲安格斯肉眼扒配薯菜本身喺牛板腱扒但因為冇貨所以轉咗肉眼扒叫咗5成熟 佢真係做到5成熟👍🏻肥膏位置食落都唔會太覺眼膩口食到塊扒有肉嘅鮮味😋❤️

最近因為搬屋既關係好耐都無扮過靚靚咁出街影相(´･Д･)」難得得閒即刻拉朋友仔出去陪我打卡位於旺角鬧市中既一點綠洲· 水泥工業風𝘊𝘢𝘧𝘦 🪵入到去會發現好多綠色盆栽🪴同一片水泥牆形成一個強烈嘅對比好襯我既風格 型格得黎帶點溫柔٩(˘◡˘)۶🍽️南瓜湯配巴馬火腿沙律 ⭐️⭐️⭐️⭐️南瓜湯十分濃郁 再配上巴馬火腿沙律沙律菜新鮮 唔會感覺苦澀 而且仲有脆卜卜燕麥粒🌾🍽️ 明太子雞翼全日早餐 🌟🌟🌟🌟🌟超大份既all day breakfast🥞 一份滿足哂你嘅願望有齊哂甜點鹹點 加上本人係超鐘意食明太子雞翼所以我會比100分 ヽ(愛´∀｀愛)ノ🍽️ 俄羅斯烤牛柳闊條麵 ⭐️⭐️⭐️⭐️牛柳有重重嘅牛肉味 肉質頗嫩易咬忌廉闊條麵好彈牙 份量超多夠大份！不過就略嫌有啲太漏🤣🍽️ 提拉米蘇黑糖麻糬窩夫 🌟🌟🌟🌟🌟黑糖麻糬窩夫再加上滿滿嘅tiramisu cream同可可粉雖然好邪惡 但可可粉中和返唔會太甜 令到我嘅罪惡感都無咁勁🥑 牛油果乳酪沙𣲙 🌟🌟🌟🌟🌟係濃烈嘅牛油果味 每一啖都超滿足口感非常好亦唔會太滯 本人推介之一ฅ^•ﻌ•^ฅ╰☆☆ 𝐀𝐟𝐭𝐞𝐫 𝐄𝐢𝐠𝐡𝐭𝐲𝐬 ☆☆╮📍旺角豉油街27號地舖#foodiehk

今日去旺角曬相📸心情超靚，順便覓好野食，咁就完美啦！🛎 $148 明太子雞翼全日早餐平時好少食ADB，見到呢個好多料，忍唔住試下🤩明太子雞翼好飽滿，少少辣辣地🐥皮脆肉嫩，好惹味～兩件窩夫係新鮮焗既！蛋味超香濃想食甜野有焦糖香蕉，甜甜地又好creamy既口感，簡直將香蕉帶左入另一個境界🤣仲有配上沙律菜🥗新鮮爽口，可以減低油膩感～🛎 $128 煙三文魚明太子忌廉意大利粉煙三文魚份量都好多意粉軟硬適中，有掛汁👍🏻明太子味道不算突出～🛎 $48 牛油果乳酪沙冰好濃嘅牛油果香😳加埋乳酪，酸酸甜甜嘅味道好夾！沙冰口感綿滑～凍冰冰而且飽肚感好足🌐 環境/服務服務不錯👍🏻誤打誤撞坐咗個打卡位，有結他同植物做背景，啲相點影都好靚🤩成個環境俾人的感覺都好舒服，適合三五知已坐低好好談心～

前幾日同朋友去旺角行街，想搵一間好食又坐得舒服嘅餐廳，朋友就極力推薦左呢間Cafe 一齊去試！👭🏻首先前菜就有是日餐湯同埋巴馬火腿沙律，兩樣都好出色，令人胃口大開🤤煙三文魚明太子意粉非常足料，三文魚好大舊，意粉林到啱啱好，明太子醬都落得多，唔會好乾同好漏~牛柳闊條麵好香肉桂味，牛肉呈粉紅色，而且好嫩滑，闊條麵煙韌度啱啱好，仲要好索汁，令成件事好creamy~雜莓乳酪沙冰沙冰打得好棉好滑，雜莓好足料，乳酪酸酸甜甜易入口又唔膩✨焦糖脆脆奶蓋咖啡上面啲脆脆雖然好甜，但被咖啡嘅苦澀味中和返，奶蓋好重芝士味，有點邪惡🤪Tiramisu麻糬窩夫餅食飽後當然唔少得飯後甜品，呢個窩夫配左咖啡糖漿同埋一球雲呢拿雪糕，窩夫好香脆，上面灑滿咖啡粉，夾住黑糖味嘅麻薯，口感非常豐富！

下午茶時間想食少少野，平時係呢間餐廳食開晚餐，質素都唔錯👍🏻今次咁岩就試下下午茶啦😜😜😜呢間餐廳間唔中都會做下明星主題😂😂😂今次係做韓星，我唔太認識😅😅😅不過都係一個幾好既方式做生意既，所以平日下午茶時間都有八成入座率👍🏻👍🏻👍🏻店員服務一般，食甜品窩夫無比到刀，店員都成日掛住同廚房傾計或者做下其他野無留意外場，態度亦一般啦，舉手又得等耐、叫野食無無咩禮貌！仲收10%服務費有啲唔值囉！食物質素就唔錯既，我叫左3樣食物，1. 牛油果吐司 $ 682.曲奇黑糖麻糬窩夫（半份） $583. 薄脆焦糖咖啡 $45 （半價）

夜晚難得一個人食飯又唔係好肚餓經過見到呢間Cafe有全日早餐食就入咗去了🥰🥰空間感唔錯 位於位之間都唔會好逼舒服寧靜嘅環境底下😗叫咗個全日經典早餐因為我見到有黑糖麻薯窩夫💜💜我的最愛!!窩夫梗係要擺喺最後食啦~💕其他配菜有薯波 滑蛋腸仔沙律炒蘑菇味道都好平均 都幾好食窩夫擺咗去最後食👀👀都仲係好脆 唔會係硬骨骨嗰隻做到外脆內軟 非常之驚喜🎊🎊🎊入邊真係有黑糖麻薯!!!加埋煉奶 真係好味😋😋😋

繁忙嘅旺角鬧市中都有隱蔽森林有少量輕工業風嘅背景作為襯托木系傢俬、綠油油嘅植物令人有放鬆嘅感覺點左一個二人晚餐頭盤有凱撒沙律、意大利雲吞烤大蝦龍蝦汁意大利飯意大利飯軟硬度適中龍蝦汁好濃郁威靈頓挪威三文魚真係第一次食因為通常威靈頓都係配牛扒個酥皮都幾香口甜品係提拉米蘇黑糖麻糬窩夫煙煙韌韌相信每個女仔都會鍾意餐廳仲有唔少打卡位

行過路過 唔知食咩好的情況下進了這間木系又帶點工業風的西餐廳因為不是很肚餓 只點了1前2 主前菜 凱撒沙律慢煮雞胸 健身人士心心眼煎香至金黃色的慢煮雞胸 肉汁鮮嫩 會令人一口接一口 KO 佢 係我現時為止食過最好食的雞胸沙律係好味 只係不太對名號 只有十分之微量的芝士同麵包粒同汁 如果唔當係凱撒沙律是合格有多主菜1 燒牛板健 配炸薯粒足5成煮 冇過多肉汁溜出 食到肉的鮮味 旁邊配以少許青色芥末醬很夾顏色也令人賞心悅目主菜2 All day 黑糖麻糬窩夫窩夫係十分脆口個種 夾了黑糖麻糬在中間可能放涼咗少許 麻糬未很煙靭 帶少許黑糖甜 其他也是一般組合 炸薯粒 腸仔 茄汁豆 蘑菇片 半片香蕉 炒滑蛋 沙律菜 全都味道正常環境很好 人唔多 靠牆的座位如果可以深啲同厚啲坐墊應該可以再加分

3:00pm入座，煙霧離漫，以為係搞氣氛，點知未坐低，已經feel 到一陣油煙味，唔係好掂囉。通風咁差已經影響食慾，真的辛苦晒廚房入面嘅人。我係黎食野唔係幫你吸油煙，冇下次。

唔推薦依間餐廳同男朋友去食，之後上菜速度超慢叫嘢飲講完佢有寫低，但又過嚟問多兩次前菜湯同沙律還好，但份量超少食主食唔記得上咗菜未要反覆吹佢先上菜叫嘅嘢食同送上嚟嘅根本對唔上

友人推介裝潢特別。。試晚上 7 時前到人唔太多店內多 4 人枱唔多人時段2 人亦安排 4 人枱感覺舒服食物選擇種類唔多對於選擇困難嘅友人係適合不過否則要花上更多時間用於點餐上黑松露醬配炸薯條 $58醬料黑松露味比較淡 ~ 味道普通明太子雞翼全日早餐 $148明太子雞翼 ~ 雞翼皮脆味美黑糖麻薯窩夫 ~ 未有即時享用質感已變硬(食完雞翼黑毛豬架已到，因坐嘅位置冷氣比較凍，怕豬架快凍，所以決定先食黑毛豬 ，回頭食黑糖麻薯窩夫)茄汁焗豆 ~ 碎煙肉放面，比較偏鹹焦糖香蕉 ~ 滿滿焦糖西班牙伊比利亞法式黑毛豬架配焦糖蘋果 $178口感軟腍恰當 ~ 好味食第二件時已少少凍咗 ~ 可惜 越式咖啡椰奶沙冰 $55椰汁味較淡咖啡味道返而突出 ~ 喜歡 蕉糖脆脆奶蓋咖啡 $55友人覺得雖然係甜但整體係好飲飲咗少少已將焦糖取出 (不太好甜嘅我 ~ 真心覺得太甜)發現一個共通點全店食客都係女性整體環境和食物尚算好可能近風口位食物凍得比較快

當天與友人選擇來到這所餐廳一聚。這所餐廳店內環境都貼滿了些韓星poster,、木系枱、有些植物裝飾，氛圍予人舒適的感覺。當天一共3人共點了：❣️菠菜湯 (跟餐便可選擇湯或沙律）菠菜湯真的很鮮，有濃濃的菠菜香、味道上亦很清新❣️俄羅斯烤牛柳闊條麵這個意粉有驚喜！牛柳烤至軟嫩、不會韌闊條麵很掛汁，醬汁是creamy 的，帶少酸，不會膩口 ，亦有些香料味道。❣️明太子雞翼全日早餐這份全日早餐配搭亦挺豐富的👍🏻黑糖麻糬窩夫，有微微蛋香，窩夫內夾附黑糖麻糬，有甜甜味道，更添口感。明太子雞翼是雞翼內釀了些明太子和肉，再煎，口感飽滿實在。全日早餐內有小小薯餅粒,每粒炸至外脆, 一口一個 😋❣️威靈頓三文魚以往都是聽到有威靈頓牛扒，這次是威靈頓三文魚。外皮酥脆，三文魚不會烤得太乾身，再沾一沾伴碟上的芥末醬，美味度再🆙總括來說，這間餐廳坐得舒適，食物質素也是不錯，是適合與朋友聚餐的地方。雖說餐廳沒有說用餐限時，但如餐廳外有人等候，亦會提提客人需離座的。