Achacha Food & Beverage Boutique (Closed)

打風無咩地方去，唯有行下商場，行到攰就去試左間新野環境寧靜舒適，而且亦有幾張大枱，多人聚會都得以上係部分的餐牌，價錢合理最推介呢款三文魚，菠菜及車打芝士法式薄煎餅，味道配搭很好，平時薄煎餅多數以忌廉和生果做配料，第一次試咸的涵料，相當有驚喜👍👍太極扁意粉亦係回味無窮，雖然係素食，但一啲都無被比下去，汁都好好食😋😋法式油封鴨腿配紫薯蓉，鴨腿肉質嫩滑，而且配紫薯蓉都係第一次，幾好幾好😊

今日去九龍灣行街，行完就去左呢間餐廳到食野，呢間餐廳我去過不下數次，每次去開九龍灣都會幫襯呢間餐廳，因為實在太好食。今次點了煙肉焗薯皮、黑松露芝士薯條、三文魚菠菜車打芝士薄煎餅、煙鴨胸蜜桃薄煎餅、太極扁意粉 (黑白松露)、美國穀飼牛膈肌扒、蘋果烤餅、法式焦糖燉蛋。三文魚菠菜車打芝士薄煎餅同太極扁意粉 (黑白松露) 係每一次黎必定會點既，意粉味道好濃郁超正正正正正，而薄煎餅既配搭特別，味道又出奇地配合。煙肉焗薯皮開頭以為餐廳會整得好普通，喺薯仔上面加啲煙肉同沙律醬，但上枱嗰陣時發現原來餐廳都幾有心機。美國穀飼牛膈肌扒，肉質幼嫩而味道都唔錯，可惜份量較少。今日就試了蘋果烤餅，上枱陣時個賣相就真係麻麻，但食落先發現原來唔可以單單靠外表判斷。呢間餐廳每樣食物都做得十分出色，會 Keep 住繼續幫襯。

Achacha喺Megabox 5樓嘅中庭附近，係開放式嘅餐廳，一眼就望到星期六晚8點左右入座，已經坐滿哂人，食到9點幾10點先散，人氣高企下面係散嗌嘅餐牌意粉或者牛排跟餐嘅話，會配餐湯、餐包或沙律。今次就揀左西蘭花忌廉湯 入面有切成細細粒嘅西蘭花，好有咬口！仲配埋熱辣辣，外脆內軟嘅餐包，值得跟餐！太極扁意粉就好有驚喜！白汁好濃、好creamy，但又唔會食到好膩，正！ 加埋兩、三款唔同嘅菇類，配撘一流！然後係三文魚、菠菜及車打芝士薄煎餅，同樣好味！crepe本身煎得好脆，三文魚同菠菜又意外地夾，可以一試！甜品方面就叫左個甜嘅crepe, 香蕉朱古力薄煎餅！ 朱古力醬好濃，煎餅入面舖滿哂粒粒香蕉蓉，點埋少少甜忌廉食，非常唔錯！45蚊嚟講，仲好抵食添！成餐飯整體感覺非常好，坐得舒服又唔貴！推薦大家食下呀！

今次係第二次幫襯了味道依然沒差 所以相信會繼續幫襯 哈哈哈上一次食咗個煙三文魚薄餅覺得得非常之好食所以今次再叫埋令一款鴨胸薄餅。。。先附上一張煙三文魚薄餅相片味道依然保持水準。。。GoodGood而煙鴨胸配水蜜桃我覺得好特別 而且味道都好夾大家鍾意食甜薄餅嘅話。。。真係要試試呢度啲薄餅 外貌同味道都不錯焗薯方面 佢個外型我覺得好可愛成粒蛋黃凸岀尼 影得好好睇 hahaha而且雞蛋芝士煙肉當然係一個絕配嘅配搭～而且甜品我就叫咗個燉蛋一拎上嚟熱辣辣 個面都好脆身 即食好好味今次我都係閑日去嘅 人真係唔係好多坐得好舒服 同朋友三五知己係呢度食嘢真係唔錯而且呢度啲侍應真係好好禮貌 滿意

今天同朋友去左九龍灣Mega Box 決定試下這間餐廳，佢地餐廳在外面望唔係好突出，但佢地的食物好有驚喜。其中叫左煙鴨胸蜜桃法式薄煎餅，佢的煎餅做得好薄好趣，中間放左啲蜜桃同鴨胸加上調味醬，裏面餡料好豐富加上外面嘅煎餅又可以中和返；簡直係絕配😋😋。好味指數爆燈👍👍。另一個必定要試嘅食品係「太極扁意粉（黑、白松露）」。食松露意粉我都食得多啦，但從未食過咁好味嘅。佢嘅扁意粉煮得好creamy但又唔會覺得膩，軟硬度啱啱好而且松露味道好濃郁，真係好味。搞到我想再食多碟😂。我叫左其他嘅食物都好出色，價錢非常合理，下次一定會再去😃

在 MegaBox 逛完多間家品店後，要找個地方休息及吃晚餐。突然好想食扒，看看商場內的飲食招牌，見到這間主打新式西菜，於是便到這間店吃晚餐。一入座，見到桌子上有支樽裝的飲料，看清楚原來是水！用這些樽裝水，既特別，又環保。侍應拿來的餐牌，驟眼看以為是筆記本 ^_<餐牌內大部分的食物分別寫著是 "Small Plates"、 "Medium Plates" 或 "Large Plates"，這可讓食客因應自己的需求，挑選適合自己食物的份量 見到牛扒有兩款，「美國 Prime 365日穀飼牛腹則扒」及「美國 Prime 365日穀飼牛膈肌扒」餐牌內更有圖展示牛的各部位，讓我清楚選擇想要的部位。我揀選了「美國 Prime 365日穀飼牛腹則扒」，正當考慮應否叫多一碟飯或粉麵之際，在後一頁有套餐，非常好！套餐可配紫薯蓉或洋蔥飯。由於我又想食「煙肉焗薯皮」，所以叫洋蔥飯，再配沙律。沙律，酸酸地，可令胃口大增。美國 Prime 365日穀飼牛腹則扒，牛扒點了五成熟，沒有血淋淋，肉質嫩滑多汁，非常美味，略嫌份量小，應該單點！煙肉焗薯皮，有煙肉、芝士、番茄 和忌廉，材料豐富。可是，不是我想像中

今日同中學同學聚舊，去完megabox 買bb衫，直接在一間西餐廳ACHCHA食晚餐 餐廳的情調很不錯，而且很寧靜，侍應亦很細心！光顧的客人大多係情侶和一家大小！我地order 左煙三文魚醬配麵包條，三文魚醬味道很香濃，有一粒粒三文魚肉很有口感，伴著暖笠笠ge麵包條食好好味！我地仲叫左兩個set，第一個是煎法國油封鴨腿配香橙醬。香橙醬酸酸甜甜，好fresh，油封鴨腿的皮很脆，肉很嫩，味道鹹香，這個可以配以紫薯蓉或洋蔥飯，我這個紫薯控當然選擇配以紫薯啦，吃下去有點像沖繩的紫薯，甜甜的很美味。接着是太極扁意粉，為什麼叫太極呢？因為它有黑松露和白松露，黑松露比較見得多，白松露卻比較稀有，貨真價實。以上set配有忌廉西蘭花芝士湯和餐包，很邪惡但很滋味！而甜品方面，我們則選擇了蜜桃蜜糖法式煎薄餅，有些人叫可麗餅。煎薄餅上有蜜糖醬，配以蜜桃和忌廉，為這個晚餐畫上完美的句號。

今天3個朋友一起吃晚餐，見這間餐廳裝修不錯，於是就決定在這間餐廳吃晚餐。首先，我們點了煙三文魚醬配麵包條煙三文魚醬非常香濃，而且是用一個大杯裝着的，毫不吝嗇，而麵包是採用了法國香軟麵包，外脆內軟的，很好!然後是煎法國油封鴨腿配香橙醬油封鴨腿採用了慢煮方式，把它的肉汁鎖住，很香。而香橙醬非常特別，10分清新，另外配上紫薯蓉，吃下去真的有一粒粒紫薯，很有紫薯味，旁邊還有些香橙和沙律作為配菜，不錯！接着是太極扁意粉，有黑松露和白松露作為調味，淡淡香濃，忌廉味很重，而且黑松露份量也很多，建議兩個人share。以上兩款主菜我們都叫了套餐，跟餐有忌廉西蘭花芝士湯和餐包，把餐包點落餐湯裏， 10分滋味。最後是甜品了，有蜜桃蜜糖法式薄煎餅，即是crepes，愛甜的女生最愛這個。男侍應的服務很好，很細心，值得一讚。

今日放假屋企人話要去megabox行傢俬店， 行咗好耐肚餓於是搵嘢食 ，之前聽過友人話呢個大型商場既品牌傢俬店也自設有餐廳， 不過出品就一般般而己， 所以決定揾其他嘢食，行行吓就見到呢間餐廳， 望入去都見到唔少人食喎， 應該唔會太差嘅於是就決定入去試下睇餐牌見到呢個煎法國油封鴨腿配香橙醬好似幾好味，於是就落單要一份先， 落單之後大約十分鐘左右 就送到 效率都唔錯， 賣相同餐牌差唔多分量都ok，好急不及待試吓件鴨腿先， 先試原味~肉質好鬆軟 但唔太淋煮嘅時間啱啱好, 好濃嘅鴨腿味道似中亦西式既感覺， 醃製味道處理得唔錯味道幾特別幾好味, 再試一下 配合埋香橙醬一齊食效果， 味道果然有另一番感覺， 正如中式燒鵝配上酸梅醬嘅感覺， 唔同嘅喺呢個香橙醬 甜甜地橙味非常之香， 鴨腿同香橙醬好夾所以口感非常唔錯！飲品方面我選擇了意大利汽水（血橙）汽水飲得多意大利汽水就第一次，個名叫血橙相信都會知道飲落橙味會比較濃，濃得黎又有氣，感覺都幾得意幾好飲，可惜比較細瓶！食飽之後見到隔離枱食緊甜品 好似幾好味， 於是我又叫咗一份香蕉朱古力法式薄煎餅 冇幾耐就送到， 賣相幾好 當然要試下先啦， 薄餅既質感 有

話說，因為我朋友的緣故，今晚晚餐主題係黑松露。Achacha 係megabox 5/F，環境唔錯，可以靜靜同朋友吹吹水，多寫意，特設有高枱，有埋吊燈，成件事幾咁浪漫。八掛周圍望下，一家人洋溢著溫馨，情侶浪漫甜蜜又有，一大班朋友圍威喂都有，成個氣氛都好和諧。不得不讚服務員細心，而且手腳都好快，好勤力！黎到戲肉，主題黑松露！！第一樣係黑白松露意粉，遠遠傳來松露芬香撲鼻的氣味，我朋友見到雙眼發光，話想叫多碟⋯⋯咁因為份量好大，怕浪費食物。一食落口，松露嘅味道圍繞著全條舔全個口，少少苦味令您想一食再食，證明佢真材實料，係獨特嘅松露味道。第二樣係黑松露薯條，黑松露與薯條係近幾年新興嘅配塔，而且出奇地夾，價錢又唔太貴，配埋芝士⋯⋯今次同我想叫多碟，因為我係超級薯條迷，最喜歡吃呢種粗大嘅薯條，外脆內軟。Achacha 除左松露，crepe 都係其中一個主打，今次叫個三文魚中和下先，refresh下我嘅味蕾，都無令我地失望，又有菜又有紫薯，好健康。最後雖然冇食到，因為真係好飽，但下次我再黎一定要食鴨脾set dinner，因為見到好多人order，我口水都流哂出黎⋯⋯

名不虛傳的松露意粉loop左openrice，見到黑白松露意粉大獲好評，身為松露意粉迷既我，梗係要朝一朝聖！有小食、主食、甜品任君選擇，價錢都相當合理，仲有我其中一個摯愛crepe，甜同咸都有，滿足哂女孩子既慾望。登！登！登！登！今次呢個松露意粉係有黑同白松露，超大碟，有排食，味道香濃，仲有dinner set 送包同湯或沙律。麵條好彈牙，材料足，醬汁多，所以每一口麵食到麵、汁同菇，好juicy。特別要讚賞磨菇湯，絕對唔係罐頭湯，飲到粒粒蘑菇，麵包又鬆軟，超好食呀喂岩岩介紹左crepe，咸點係三文魚波菜芝士crepe，最重要係送埋紫薯波波！整個配塔健康又fresh，岩哂愛靚又健康既女士梗係要食埋黑松露薯條，薯條脆卜卜，黑松露香噴噴，無敵呀！最後，食埋個藍梅芝士撻，畫上完美既句號

一連工作幾天，到了Friday, 我們幾個人來到Mega Box 5樓這餐廳聚聚，朋友說這裡比較少人，可以坐久一點。🎉🎉🎉我來到時，他們剛吃了點小食，就叫了個芝士煙肉焗薯，麵包多士配煙三文魚醬，及磨菇湯。這幾個我忘記拍照了，我吃了焗薯及也嚐過磨菇湯。對於不能接受羶味的我，以為也吃不了這個滿滿芝士的焗薯。吃了後發覺，還可以的✌，可能是因為沒有羶味。（朋友他們說剛來的時候，熱的更好吃，我只好說是我沒口褔了）多士配三文魚醬，我沒試，所以要略過了。另外一個磨菇湯也很值得嚐試，濃婆的磨菇味道，旁邊配上一塊暖暖的，很軟的麵包，真的不錯。👍👍👍朋友們都點了啤酒，小朋友口味的我不能接受苦味，只好點其他了。這是我點的鮮果梳打(fruit Soda)，很健康，是完全沒有糖水加進去，只有紅莓子。我個人嘛，健康歸健康，如果味道不好，那就會興致缺缺了。所以，加一點點糖水/用甜的生果放進去，會更好喔~這蜜桃沙律不是我的菜，如果改成煙三文魚，帶點酸的沙律醬就好了~朋友們叫的牛扒，我卻只愛它旁邊的菠蘿，甜甜酸酸的，很好吃~釀大啡菇，對於菇類，我大部分都愛吃，看到這個時，我是這樣。但吃過後，我不太推介，因為這菇有點苦

星期六放假，約左朋友係megabox行街，行完街就搵餐廳食晚飯，咁岩行經商場的五樓見到有間西餐廳，門面不錯又唔洗等位，就決定食呢間啦！餐廳係商場入面屬開放式，裝修有格調，座位亦坐得寬敞。黑白松露扁意粉-好香好creamy! 黑白松露醬一啲都唔姑寒，成個意粉都好香松露味，正法式油封鴨腿配香橙醬-鴨腿煎得好香口，配上香燈醬食落唔會油膩，比較少見的紫薯蓉亦好香甜釀大啡菇-肉碎及冬菇碎釀入大啡菇中，十分惹味松露芝士薯條-我同朋友都好鍾意食松露，所以今晚點的菜都鍾意點有松露的薯條炸得好新鮮，加上松露芝士食一流

MegaBox有勁多餐廳選擇今次同母親大人去試新野！門口好有格調又chill，見佢嘅set好似幾抵食就入去試下唔好以為係蒸肉餅，咁大個～係釀大菇！一上檯就聞到好香，大菇好多汁，釀左洋蔥，煙肉，小菇等等，口感豐富又juicy! 只要比塔塔子喺menu見到就必需要定會嗌嘅薯條仲有超足料嘅黑松露同芝士，熱辣辣！細心嘅侍應哥哥仲叫我地唔好掂到個鑊仔好creamy，仲有啖啖西蘭花茸，所以唔會太漏，讚～好好食呀！我見好多食客都會叫，應該係佢地嘅signature! 黑松露好多～超慷慨是也！加埋白松露，什菌，好creamy香濃，篇意粉都好有口感，非常match!外皮脆卜卜，鴨腿肉入口即溶，加上脆皮下嘅油香，令塔塔子一試難忘加上香橙汁多一陣fresh嘅感覺仲有紫薯蓉都好特別！甜甜地，平衡返鴨腿嘅咸香塔塔子雖然係個淑女，但都鐘意飲下手工啤啤酒唔係麻甩佬嘅專利酒味偏濃但好甘香，夏日熱辣辣飲啤酒實在一樂也

第一次嚟到呢間餐廳見人少少，入到去坐低，侍應生面部表情冷淡，也不是重點，，當想點菜的時候，竟然看見三個侍應新執一張枱所以冇人理你，果一刻真係滴晒汗。點了意粉和牛扒，先上的是忌廉湯和餐包，本人第一次飲到凍冰冰的忌廉湯，和沒有牛油供應的餐包，侍應生表示餐廳不會供應牛油，我也表示了餐湯是凍的，他只表示可能焗爐壞了，沒有和我更換的意思，輪到主菜意粉，份量是十足的，係感覺係食緊金寶湯嘅蘑菇汁意粉，牛扒沒有味道，自己煎都好食過佢，友人牛扒想要飯但是竟然沒有飯，餐牌明明寫明有，味道沒有選擇只有紫薯供應，一句講到尾真係唔好來，這餐廳係我人生以來最大嘅一個伏。