1453 Ottoman Mediterranean Cuisine

店名：1453 奧圖曼地中海美食(清真) 1453 OttomanMediterranean Cuisine地點：旺角通菜街19號地下G/F.,19 Tung ChoiStreet., Mong Kok(港鐵旺角站 E2 出口, 步行約4分鐘)，電話: 2772 1555(1)     轉轉雜錦燒肉配飯兩個 Mix Doner Kebab $89；(2) 土耳其特色米布丁 TurkishRice Pudding $48，(3) 石榴汁，$25。共二人享用本餐，合共二百五十一元。食物的色香味如何：轉轉雜錦燒肉配飯：份量十足，足以飽飫。燒雞較粗糙，但由於切得細小，所以口感算是可以接受，只是可能因為沒有醃製，故味道淡；牛肉和羊肉同樣以旋轉燒烤方式烹調，燒的熱度平均，若再加以醬汁去進食，更香口和美味；再配以蔬菜沙律，營養和口味都甚為豐富。土耳其特色米布丁：稠乎乎的、甜蜜的，有可口的奶味。石榴汁：甜而清淡，適合糖尿病。賣相得體。環境：裝修有情調，尤其燈飾圓形加上聖堂式的彩色玻璃，十分獨特；也擺放了土耳其色彩的佈置品，最惹人注視的是書櫃裡有著1453年，君士坦丁堡淪陷，鄂圖曼帝國取代東羅馬，回教徒以勝利姿態者入主小亞細亞的書籍。地方整潔舒適。服 務：良好。衛生：良好。抵食：絕對是中上級的檔次，不是家常便飯的選擇，只宜聚舊、會客及品嚐與體驗異國風味。…Read More

疫情期間去唔到旅行，一心諗住去食正宗土耳其菜去找會去年去土耳其嘅感覺。 。。係外面睇，喂正喎，好有特色下喎。。。入去坐低埋，睇埋 menu， 好似好得喎，諗住今次冇揀錯啦。。。我叫個 雞 kebab doner， 老婆叫個 牛 kebab doner，加個 中東包 食下回味下感覺。 食完仲諗住叫個土耳其雪糕，老婆仲問啲人會唔會又用雪糕桶玩下佢呢。。。 開心到佢呢。。。好開心咁等嘢食到啦。。。好啦， 食物到。 doner 嚟先。。。 一放低老婆問。。。 塊番茄呢？ 冇咗嘅。。。 （佢最中意食 doner 塊番茄） 問個 waiter， 佢話今期冇番茄。。。 我心諗咁都得。。。 唯有叫老婆唔好唔開心。。。之後大家開始食，老婆又發現奇點。。。點解啲飯唔係中東米呢嘅， 我睇睇，話，好嘢， 點解會係用日本米？？？？？？？？？ 我哋係未去咗食 fusion 菜。。。都算， 食啲肉試下 ~ 濕淋淋， kebab 唔係烤到有啲脆嘅咩。。。 老婆已經開始 H 面。。。之後仲搞笑， waiter 放低個中東包， 我同老婆呆 L 咗， 點解係方包？ 你冇睇錯， 真係生命麵包果啲方包。。。唉。。。 失望，早啲走算。。。 賣單仲要加一。。。 好嘢。。。 相都唔影了。 火都嚟。。要睇相自己去食下感受下。。。…Read More

如果試下真正土耳其菜，呢間位於女人街隔離既土耳其餐廳🍴，推薦想試下新嘢既朋友仔嘗試！首先，餐廳既燈光係好暗，店鋪裝飾都幾有土耳其餐廳的氣息，不會太吵鬧，整體上幾有氣氛。嗌左Ottoman Style Salad 鄂圖曼沙律🥙🥙🥗🥗🥗🥗沙律入面既配菜都幾豐富，有生菜、蕃茄、青瓜、紅蘿白、生洋蔥、橄欖、菲達芝士。值得一提既係菲達芝士，佢味道偏酸，有點像黑醋味道！另外仲嗌左轉轉燒雞肉配飯整體黎講呢間餐廳既食物比較重口味，價錢中上合宜，推薦想試下新嘢既朋友仔嘗試！值得一試。另外餐廳有提供四種配醬：薄荷味 番茄醬 辣醬 大蒜醬…Read More

🕯1453 奧圖曼地中海美食(清真)1453 Ottoman Mediterranean Cuisine-🌿其實差不多每次行旺角都一定行一行通菜街/ 女人街😋都想食尼間地中海美食好耐 但次次經過令我卻步既原因係驚太貴🤑今次終於入左去一次啦! 性價比高 但餐廳燈光好暗🤣-• 青瓜粒乳酪🥒($45)乳酪係我最愛 見到餐牌有梗係試下土耳其式🇹🇷既乳酪同我地平時食既有咩唔同啦😛真係酸得黎好開胃(記住記住問佢拎honey🍯) 因為唔加少少糖會酸到牙晈軟 但尼隻乳酪真心推薦👍🏻-• 比亞沙沙律🥗($58)對於喜歡吃菜既人 入到尼會有好多選擇 因為有好多款沙律揀🥢本身諗住食Ottoman沙律 但店主話冇Feta cheese了 不過冇左芝士分別都唔差 可以講係普普通通一碟但係！！！加左一樣野令佢變到好好食🤪就係加左店主放左4支醬係你枱面既其中一支🍾Garlic sauce😻 同個沙律完全冇違和感 超好食！唔中意食大蒜既人唔落就咁食都可以 或者試少少個醬睇下接唔接受到🤩-• 素菜芝士卷😆🌿🥒🥦☘️🍀🍃🌱好多菜菜 🍴熱辣辣咬一啖係有邪惡芝士拉絲架你地一定會中意😻-• 轉轉牛肉卷🐮🐮其實我唔太吃牛牛的 但我個朋友話超好吃 佢仲食埋我個份咩玩法👀 好吃到佢咁 大家知有幾好吃啦😋-…Read More

咁啱識左個土耳其新朋友仔，於是就叫佢帶我去食下真正既土耳其菜，黎到呢間係女人街隔離既土耳其餐廳，成個格局同啲菜式都好正宗，連枝水都係made from turkey. 我地叫左Beef sach kebab with rice，開心果味土耳其雪糕，baklaka and pumpkin dessert. 個飯微辣得黎好野味，醬汁撈飯好足料既牛肉，menu上面得雞但要求都可以轉牛肉，兩個甜品都係幾甜，朋友同我講就係要配埋原味Turkish coffee一齊食因為咖啡太苦，一啖甜品一啖咖啡就perfect, 佢啲甜品全部都係用土耳其運黎，真材實料！baklaka特別好食有walnut同pistachio 兩種味，大力推薦想試新菜式既朋友仔！kebab is very good! …Read More

My friend took me to a real Turkish Halal food restaurant which is located in lady market. They se traditional Turkish food and most of the ingredients are come from turkey, even the water is made in Turkey. I tried the Adana kebab roll with beef and lamb inside. It tastes so juicy and rich in ingredients such as lettuce and red onion and tomatoes. I also ordered the Turkish coffee which taste bitter without sugar but its still acceptable. People who drink coffee will definitely love it because it doesn't just taste bitter, it has a sweet aftertaste which is special. …Read More

旺角成條街好多嘢食大家都知同朋友冇咩idea就逐間行睇吓想食邊間見到呢間地中海清真菜好似幾特別就入咗去估唔到惡夢就開始首先係呢個 鷹咀豆蓉餅$68個外皮硬骨骨，切又切唔到。都算啦用手攞住食，點知第一啖已經咸到好似食咗一炸鹽咁🤦🏻‍♀️完全一啲鷹嘴豆味都冇。雞肉芝士烤薄餅 $53又係好似啲鹽唔駛錢咁，中間有餡嗰啲地方完全咸到食唔到⋯係真係食到想嘔嗰隻成碟野得啲菜係食到😭😭😭蝦肉卷 $80雖然呢個都係好難食，但比起其他已經叫做正常好多🤦🏻‍♀️至少個味係正正常常食得落口。好彩只係叫咗三個餸，叫得多都真係搞唔掂以後對清真菜都有陰影…Read More

同朋友喺女人街搵嘢食，見到一間土耳其嘅餐館，之後同朋友睇睇餐牌都算OK，但係入到睇完餐牌之後，準備叫侍應落單，淨係等侍應落單都等左10分鐘，我同我朋友望一望原來間餐廳得壹個師傅同一個侍應，好辛苦先至可以落到單，之後亦都等左30分鐘之後先可以有嘢食，叫咗個土耳其炒雞肉飯，廚房師傅居然連鹽都冇落嘅，要問佢攞鹽自己調教返個味道先可以食到，之後叫左個薄餅，又係冇味道嘅！又再嗌多個手卷食，居然手卷裏面啲肉同啲菜係一啲醬汁都冇嘅，我從未試過土耳其菜係五落鹽去煮囉，唔會再去嘅一間餐廳👎…Read More

話說我成日都係周圍走食晚餐繼上一次話土耳其菜好好食之後今晚都想食土耳其菜 所以就去咗女人街入面零一間土耳其餐廳點知惡夢就開始啦其實點解過嚟呢一間係因為我朋友話呢間野好好食 佢之前食過 點知去到之後成間舖滿左四成 但係廚師同侍應係同一個人 埋單又係佢 等落單都等左成15分鐘 但係我哋見到另外兩個土耳其人仲係出面吹水喎 見到有客入嚟唔執嘢唔落單 真係完全唔優做咁嘅樣 我兩個已經燥晒底之後唯一嗰個侍應 好唔情願咁樣過咗嚟落單以後又入咗廚房 咁當然我哋都等左好耐先有我哋嗌嘅嘢食呢個辣雞肉飯 就係我朋友話好食嗰個 點知佢一食就話 頂點解冇味道嘅 然後不停落鹽 呢個飯價值90大元呢個牛肉kebab. 一樣都係乾爭爭冇味嘅 又價值78大元然後最期待嘅薄餅 唔香 冇牛肉味 太硬 通常一次食嗰間完全係兩樣野 我哋兩個好失望咁食晒啲嘢打算埋單走 然後先至發覺有個貌似廚師嘅人返咗嚟 原來頭先食嗰三樣嘢 都係一個侍應O靚仔自己整出嚟 唔怪得咁好味啦我會覺得廚師都唔喺鋪頭咁不如暫時關咗個鋪頭 好過叫晒啲客人去食你一啲唔正宗又唔好味嘅菜式總括來講 唔會有下一次！最恐怖嘅事係見到佢將人哋食完嗰張枱面紙 上面嘅垃圾執走之後 繼續再用返果張紙檯面都唔使抺 你…Read More

今日聖誕佳節，我地黎食久違嘅土耳其菜。我地其實對土耳菜並唔係特別鍾情，純粹係食厭左西餐同日本菜，所以先轉移陣地黎試下土耳其菜。食完呢間餐廳之後，我地從此愛上士耳菜😻成餐飯非常滿意，價錢亦都親民，仲好食過琴日食左$8xx既日本野！雞肉串燒雞件大大份，啖啖肉，調味得宜，就算唔蘸醬汁都好香濃。而且雞肉口感唔鞋口，好食！轉轉雞肉配白飯雞肉較為乾身，但燒得香口惹味，而且份量十足，足夠配曬成個飯加烤餅。當中我最愛炒蛋，整個菜式充滿土耳其風味，同外面食開嘅炒蛋截然不同。而個烤餅絕對係一流，一啲唔油膩之餘，口感煙un，配上雞肉同蛋真係好夾！最後黎返個土耳其雪糕🍦十分滿足😋…Read More

6點半去到，我地又係第一枱食客。環境闊落簡潔，餐廳播住非中非英既音樂，頗有異國風情。只有2位外籍侍應(廚師?)(既然尼間係土耳其餐廳，相信佢地都係土耳其人?)土耳其式烤羊肉卷($79)薄餅入面包住羊肉、生菜、洋蔥條同蕃茄。羊肉本身有經過醃製，但羊肉味實在太過濃烈，幾乎連調味料既香味都掩蓋埋，只係食到微辣既味道。有半卷既羊肉肉質唔錯，但另外半卷既羊肉就有好多根，食唔到。薄餅係暖暖地，如果係熱辣辣會更好食。(個人口味:3/5)轉轉燒雜錦肉配飯($98)雜錦肉即係牛肉同雞肉。牛肉有好多塊，好腍好大片，似係牛肉加工食品，味道唔錯。雞肉好碎，硬硬地，充滿烤雞味。”友人”覺得雞比牛好味。配菜有生菜、洋蔥、蕃茄同蘿蔔絲。飯既份量適中，夠飽。醬汁有辣醬、薄荷醬同蒜蓉醬。辣醬好辣，但味道麻麻。”友人” 覺得薄荷醬最好食。另外單叫左一罐可樂($18，好貴)。(個人口味:3.3/5)可能係即叫即煮既關係，落單後等左15-20分鐘先上菜。埋單後，侍應會放低一張人手寫住總收費既紙仔。整體而言，菜式係幾特別，有別於平時食既西餐，別有一番風味，但真係唔扺食。單叫可樂要$18真係好貴。至於環境就真係好靜，到我地走既時候，餐廳只係得2枱客。…Read More

一直好鍾意食hummus, search 旺角得呢間有。帶埋老媽子，見佢從未試過吃土耳其菜就試下。hummus 以chickpeas製，配以傳統餅, 不油膩。lentil soup以lentil製, 另一種風味, 濃郁和有層次但不滯，不似平時餐廳的餐湯只用margarine 同忌廉煮的湯平板又飽滯。高蛋白質卻不油膩，係健康好味之選。點了fish roll，因媽要吃肉。她最喜歡，讚魚好吃。叫了杯lemonade, 好飲。餐廳環境是傳統的土耳其裝飾，挺有格調。老闆幫媽媽拉開椅子讓她坐，雖然我媽不會英語，但也感受到他的和善。這是第一次寫食評，因為希望呢間餐廳長做長有。食物是否有心做定heh做係食得出來的。我也希望能長食長有。…Read More

同朋友去食呢間野其實食物無問題，係幾好食但係等勁耐，諗住等太耐就唔想等又要唔知佢幾耐會到，想同佢cancel點知佢都未聽我講完就截住我食完之後佢專登過唻訓示我做咩要吹佢大佬我都唔知你煮幾耐服務勁差…Read More

個人好喜歡食卡巴、轉轉燒之類嘅食品，所以時不時都會去土耳其餐廳度享受吓。旺角有兩間歷史比較耐嘅我都去過，一間我嫌略貴、一間我嫌油煙大；而今次呢間我覺得各方面都好合情合理，環境唔錯、食物質素同價錢亦合乎情理，相信一定會再嚟過!我嘅轉轉燒雞份量十足，雞肉比例有成一半，不過我發現咗一樣嘢，就係一般嘅餐廳通常會落埋醬汁响入面，但今次係無嘅，佢哋會提供俾我自己加，咁我又覺得幾好喎，唔會漏到一手都係之外，亦可按自己喜好落多少，呢點係好重要嘅!老公叫咗燒牛肉配薯條，薯條粗身又夠脆，唔會太油膩，份量亦好多吖，夠晒飽!仲可以加自己鍾意嘅醬汁添!呢度仲有wifi提供，今時今日好應該吖。四款任揀…Read More

今日同事帶去試新野，果然特別地中海美食，有其獨特鄉土風味，雪糕是其賣點留待下次我選擇了燒雞卷，燒雞肉比較小油但乾身，勝在有汁口感清新健康，薄餅熱辣辣我鐘意同事點了羊扒，本人不食羊故沒有試，同事話帶點香羶味，咬落有口感，都算入味這個是燒雞牛飯，都係個句燒烤比較乾身，不過勝在健康，精粹是旁邊沙律菜，酸酸開胃可口！這個甜品，我個人覺得甜了一點，口感似小米！大盤串燒配啤酒或其他飲料都是食得暢快之選。風土設計令食客有點置身地中海之感。午餐都算多元化。個人喜愛薄餅多好有該國本土特色！…Read More