齒留香美食 (Closed)

間中都幫襯下齒留香，小本經營老闆好好人。啲野食好乾淨同埋食完唔覺得口渴，應該無咩落味精餐廳細細但食物好多選擇，我鐘意食咖哩豬扒同肉燥炸雞翼，點知男朋友點錯了紅腸，我本身唔太鐘意食紅腸但試咗一塊，出奇地好味喎，可能薄切加泡咗油炸雞翼同豬扒不嬲都好味，豬扒又香又夠淋！雞翼炸多好香又唔厚粉，佢另外仲有醉雞翼揀咖哩唔辣岩我，而且份量多到食唔晒，我已經叫咗少飯！呢到啲野味道無咁重，所以好岩我口味，仲見到新出生炸雞脾飯、下次試下先！

小弟一向係盈豐食開,唯獨呢間冇幫親過入到去...望住老闆好熟面口....原來係置樂賣粉仔好難食果間既老闆黎望望餐牌 午餐就得幾款 叫左個粟米肉粒飯 加杯 凍奶茶碟飯未黎既途中見到有D巴士司機 有凍飲又有湯 我問過女人...佢話佢地係熟客先有....仲話一係要野飲 一係要湯......我立即無言.....開餐廳都要咁樣對D客.....好失望我仲問老闆點解冇粉仔賣....佢話 都冇人叫...以後唔整了其實我覺得...好食既粉仔....點會冇人要....?碟飯黎到....大約5分鐘左右.....食到果陣味應該係金寶牌開出黎....肉就好少....全程食粟米多.....食到一半就放棄了~ 凍奶茶冇茶味....剩係得奶味.....算...鬼叫我特登想入黎試咩呢間野唔值得我去用手機影相.... 唔想浪費我手機既儲存空間

上月廿七號無意中經過發現試業中 (前身係泰國菜) , 就走入去試試 , 黎左個下午茶餐 - 湯麵 , 味道唔錯 , 份量對我黎講就 OK , 不過男士可能會唔夠喉 , 個湯底味道唔錯 , 老闆娘話係豬骨湯底 , 雖然淡左D , 不過食左唔口渴 , 可能係新開吧 , 款式唔算多 , 不過有D特色食物 , 如五花腩/牛睷和雞翼尖 , 老闆娘和老闆女好誠懇地問食客意見 , 家庭式經營好有親切感囉 .六月二號正式開業 , 暫時時間係早上十點至晚上八點 , 同老闆娘傾計 , 她話遲D可能會開早D同收夜D , 我必定會再去食 , 如果他們既時間有變就再通知大家 .