齊記美食

最近試呢間齊記美食雙餸飯，之前都2-3點先買，今日早左12點半就到，我就叫左三餸飯，有咕嚕肉，咖喱雞，萵筍肉片，HK$44個問題係，呢間野唔同人裝，唔同時間買係完全唔同份量，好似今次早左去買，換左個姐姐裝餸，就明顯係平時少，比一般其他店既雙餸飯都少。少既程度係，人地叫飯餸飯，一個餸裝滿左邊餸格，我呢盒係兩個餸裝滿餸格；人地另一個餸放滿右邊飯格上面，而我只係兩三件咕嚕肉放滿半邊飯格。我見隔離個姐姐雙餸飯都裝到成個盒都滿晒，我叫三餸飯份量仲少過隔離，心諗我仲比多幾蚊。但老實講，味道方面係唔錯，係有時會太咸，例如今次既咖喱雞。可能大家覺得食個頹飯咁認真做咩，但當你食個頹飯都要感覺比人呃錢咁，就唔係咁好受，日常已經有好多唔愉快要面對，唔應該買個飯都要受不公平對待。…Read More

我住元朗市，方圓一公里已經有10間8間兩餸飯，唔係講笑😅 不過有陣時會專登行去最遠嘅齊記買，今次因為唔太餓，就叫咗個三餸飯同屋企人share～⭐️土魷蓮藕蒸肉餅，柚子豬扒，鑊氣炒雙花肉餅結實，好大舊兼厚身，唔會太油亦唔會太燶食落鹹香味幾重，甚至乎係偏鹹，可能因為太結實所以口感爭啲唔夠鬆軟柚子豬扒係第一次試，柚子味超勁，甚至乎Over咗，陣柚子味仲要有啲假🙈之前試過黑醋豬扒好食好多😅炒雙花即係西蘭花同椰菜花，熟既程度岩岩好唔會太淋，亦唔油或者太多芡汁，唔錯👍佢嘅飯壓得好實，餸嘅份量都超級多，佢價錢唔算特別平但係份量成正比，個人認為都可以試吓…Read More

this this rice 兩餸飯（$38）土魷蓮藕煎肉餅，好有厚度，肉餅好有咬口兼彈性，而且唔多肥肉，入面蓮藕粒幾大粒（亦多），魷魚粒亦不少，調味味道唔錯，個人喜歡。生炸大雞髀，咖哩粉醃味足，雞脾亦大隻，即場食應該更好。飯底多，而且軟熟乾身。…Read More

我第一次寫食評，估唔到係寫差評嘅食評，但今日要爆喇。今日係齊記買外賣。收銀個女人態度十分惡劣。你地都係做街坊生意。我只係想支持齊記，但齊記收銀態度真係太差。我諗有呢個收銀女人係度我都唔會再幫襯了。我哋客人只係想買盒飯，唔會知道佢哋嘅流程。一錯左就呼喝客人。雖然係幾十蚊生意，客人亦唔係大曬，我當時只係叫飯但個收銀一出聲就大鬧呢度俾錢先呀，我心諗洗唔洗咁惡呀。我上黎睇齊記個食評估唔到有幾個人都話呢個收銀有問題。唉。有被虐傾向可以去呢度買飯。…Read More

兩餸三餸飯一直係大件夾抵食之選，今次就試下齊記嘅出品如何先！❥ 三餸飯 ($42) 🦑土魷蓮藕肉餅肉餅超大一塊，夾起都幾重手🤣口感紮實彈牙，有微微鹹香，而且每啖都食到脆脆嘅蓮藕，果然係招牌菜式😳十分推薦🥔薯仔炒豆角綠油油嘅豆角食落好爽脆，薯粒走過油有保留到一定嘅口感，加上小小辣嘅調味都幾惹味🤭🐣三杯雞雞肉呈現住誘人嘅醬油色，內內外外都好入味，雖然外層較為乾身，但未算得上乾柴，而且醬汁送飯都係幾好味嘅…Read More

佢有三個職員工作，第一個收錢+"不"飯，第二個夾餸，第三個將飯盒入膠袋+放餐具。其實客人真係唔會一黎就知你地的分工😑亦唔會知道你咩流程，因為無指引。。。。。職員互相又無溝通，流程一出錯就向客人發脾氣/鬧客人，客人難受，職員又勞氣。以前收銀果個好醒目，識控制人流，又會同其他職員溝通，依加三個職員都無溝通，拎的客人黎出氣。浪廢廚師心機，煮左的餸出黎無人買，之前6點幾會排長龍，依加已經唔洗點排，終於知點解其實依加都好少舖頭唔收電子貨幣，俾錢唔方便，買飯流程複雜，仲要態度差，食物又唔係特別好味，其實附近都好幾間差唔多價錢同份量既舖頭，為何齊記愈做愈退步？…Read More

晚上六點幾，諗住試下齊記兩餸飯，第一次買。見到分兩條隊，排咗其中一條。到我嗰陣個阿姐整緊啲空嘅飯盒，我同佢講要咩，佢叫我等等俾啲時間。我喺度等咗一陣，我排前面，啊姐竟然問我後面個男人叫咩，我同佢講我要咕嚕肉。個阿姐又問邊個先，我話我先我要咕嚕肉。佢又問我要唔要飯，要一個飯定兩個飯要幾多個餸。我話我要兩個餸一個飯，我要咕嚕肉，佢竟然同我講而家同佢講都冇用，陣間要再夾餸阿姐再講。我心諗咁你又問我要咩？我啤咗佢一眼，無買到就走咗。佢講咗句咁算啦。如果同個職員講係冇用，咁佢就唔好問我要咩啦，如果只係其中一邊可以買，咁就寫清楚啦。…Read More

不是第一次幫襯佢唔係特別好味只係就腳但夾餸的阿姐態度真係好惡死我知我明好多人排隊買但都唔應該發客人脾氣唔好忘記，客人有份出糧比你老細再出糧比你！就是你這個態度，我不會再貼錢買難受！No next time Bye …Read More

齊記係齊柏林熱狗分支，佢啱啱開舖我就有去幫襯！當時嘅份量再多啲，直頭係個盒差啲冚唔埋繁忙時間去都要排5-10分鐘隊架當中最推介就係煎肉餅，肉餅係偏瘦嘅，入面仲加左蓮藕粒，增加口感，近期有啲偏鹹，希望會改善啦。其他餸都同普通雙餸飯冇大分別，菜同肉都唔會過少，例如四季豆炒雞柳，唔會大部分都係畀四季豆你四十幾蚊仲有飲品，有菜有肉，都算係咁啦…Read More

齊記開左係元朗啦，梗係要黎潮聖一下，地點近朗屏西鐵站，天橋一落就到好方便。下午三點幾黎到，唔多餸揀，都正常嘅，啱啱過完lunch time，晚餐又未到無理由咁快出定下一輪嘅餸㗎嘛。兩餸飯$36送飲品，真係好平。本身想叫好出名嘅水蛋，但無晒，菜又賣晒，最後揀左咖哩雞配煎肉餅，飲品就揀左OOHA。賣相都唔錯吖，仲超多飯，哈哈。咖哩雞好入味，咖哩香口，撈飯一流。肉餅厚身，加左馬碲好爽口，肉味鮮，唔怪得咁多人叫淨餸都揀呢樣啦。兩樣餸都好好食，下次試下其他先餸，聽講咕嚕肉同黑醋骨都好正？但下午茶鐘數唔知有冇呢。…Read More